Тшӧтшӧдӧм

Тшӧтшӧдӧм - небӧг сканируйтӧм бӧрсянь сійӧс pdf файлӧдз лӧсьӧдӧм

Небӧгсӧ сканералӧм бӧрын сыысь колӧ вӧчны пелькиник pdf файл. Та могысь кутам уджавны FineReader программаын. Алгоритм татшӧм:

1. Личкам вылысса менюысь "Восьтны/Открыть" да бӧрйям колана jpg, tiff да дмд. файлъяс.
2. Файлъясыс кӧ бок выв куйлӧны, найӧс позьӧ папкаын на бергӧдны кок йылӧ (тӧдчӧдны ставсӧ да веськыд кнопкаса менюысь бӧрйыны "бергӧдны часі мунӧмлы паныдӧн").
3. Сэсся чуткыны "Восьтыны / Открыть" кнопка, файлъястӧ лӧдӧма лоӧ FineReader программаӧ. Шуйга лентаын петкӧдчасны сьӧрсьӧн-бӧрсьӧн став файл, а "Изображение" ӧшиньын - медводдза файл.
4. Личкыны менюысь "Лӧсьӧдны/Редактировать". Веськыдвылас петас редактируйтан панель.
5. Бӧрйыны сэтысь "Вундыштны/Обрезать" опция. 1ʼ №-а файлас ("Изображение" ӧшиняс) лӧсьӧдны вундыштана юкӧнсӧ сідз, медым сійӧ вӧлі колянторйысь неуна унджык выліас да уліас.
6. Бӧрйыны "Вӧчны тадзи лиш лист бокъясын / Применить к нечетным страницам" да личкыны "Вундыштны / Обрезать". Процессыс босьтӧ минута мында кад.
7. Восьтыны 2ʼ №-а лист бок да вӧчны сійӧ жӧ операцияяс, сӧмын бӧрйыны "Вӧчны тадзи тшӧт лист бокъясын / Применить к четным страницам".
8. Сэсся колӧ бырӧдны вежыньсӧ. Та могысь текста став лист бок колӧ тӧдчӧдны (позьӧ Shift отсӧгӧн) да личкыны "Веськӧдны вежинь / Исправить перекос". Менюас петас юӧртӧм, косны пӧ он сэсся вермы. Личкыны "веськодь" - OK.
   • !!! Кышӧд да титула листъясысь, а сідзжӧ татшӧм лист бокысь, коді ставнас вевттьӧма серпасӧн, бурджык лоӧ бырӧдны вежиньсӧ торйӧн тайӧ лист бокыслы (оз кӧ лючки артмы, позьӧ косны)
9. Восьтыны лист бок, кӧні текст мунӧ ӧтвыв да тшӧтшӧдны сійӧс - вундыштны текст доръясті, текстсянь неыджыд кост быд ладорӧ кольӧмӧн
   • Лист бок № быть мед коляс тшӧтш!
10. Тайӧ жӧ ыджданас сэсся тшӧтшӧдны быд лист бок, медводдзаысь да медбӧръяысь кындзи.
11. Кышӧд вывъястӧ сэсся тшӧтшӧдны лист бок доръясті.
12. Сэсся колӧ бара бырӧдны вежиньсӧ сійӧ жӧ схема серти, кыдзи гижӧма выліас (п. 8).
13. Тӧдчӧдны став лист бок шуйга лентаысь (Ctrl + A). Бӧрйыны редактируйтан панельысь опция "Серпаслӧн стӧчлун / Разрешение изображений". Пасйыны 300 dpi и личкыны "Вӧчны / Применить".
14. Сэсся веськыд кнопкаӧн личкыны шуйга лентаӧ. Менюысь бӧрйыны "Кольны бӧрйӧм листбокъяс серпас форматӧн / Сохранить выбранные страницы как изображения".
15. Сетны файлыслы ним ВК_2015_05 схема серти. Файл типӧн бӧрйыны pdf да видзӧдны мед уліас быть вӧлі пасйӧма "Кольны уна лист бока файлӧ / Сохранить в многостраничный файл)".
16. Личкыны "Кольны / Сохранить".
17. Восьтыны pdf да видлавны ставӧн-ӧ лист бокъясыс да став-ӧ лючки мукӧдласянь. Кутшӧмкӧ лист бокъяс кӧ абуӧсь, колӧ пасйыны та йылысь сайтӧ. Кутшӧмкӧ лист бок кӧ артмӧма лёка, лоӧ выльысь сійӧс пелькӧдны.