Тшӧтшӧдӧм

Тшӧтшӧдӧм - небӧг сканируйтӧм бӧрсянь сійӧс pdf файлӧдз лӧсьӧдӧм

Небӧгсӧ сканералӧм бӧрын сыысь колӧ вӧчны пелькиник pdf файл. Та могысь кутам уджавны FineReader программаын.

FineReader-лӧн интерфейс

Программаын миян водзын лоасны:

• шуйга лента, кӧні петкӧдлӧма инконкаясӧн небӧгысь став лист бок
• вылысса менюяс. Сэні эм мукӧд пӧвстын "Восьтыны / Открыть" кнопка, кытысь позьӧ лӧдны файлъяс программаӧ, да "Лӧсьӧдны / Редактировать" кнопка, коді восьтӧ "Лӧсьӧдан панель"
• куим ӧшинь: шуйгавылас - "Изображение", серпас сяма лист бок, уліас - "Гырысь план", сійӧ жӧ гырсьӧдӧмӧн, веськыдлаас - "Текст".

Тшӧтшӧдан удж

Алгоритм татшӧм:

1. Личкам вылысса менюысь "Восьтны/Открыть" да бӧрйям колана jpg, tiff да дмд. файлъяс.
2. Файлъясыс кӧ бок выв куйлӧны, найӧс позьӧ папкаын на бергӧдны кок йылӧ (тӧдчӧдны ставсӧ да веськыд кнопкаса менюысь бӧрйыны "бергӧдны часі мунӧмлы паныдӧн").
3. Сэсся чуткам быйкнитӧм менюса "Восьтыны / Открыть" кнопка, файлъястӧ лӧдӧма лоӧ FineReader программаӧ. Шуйга лентаын петкӧдчасны сьӧрсьӧн-бӧрсьӧн став файл, а "Изображение" ӧшиньын - медводдза файл.
4. Личкам менюысь "Лӧсьӧдны / Редактировать". Веськыдвылас петас лӧсьӧдан панель.
5. Бӧръям сэтысь "Тшӧтшӧдны / Обрезать" опция. 1ʼ №-а файлас ("Редактор изображений" ӧшиняс) лӧсьӧдам вундыштана юкӧнсӧ сідз, медым коляніныс вӧлі лист бок ыдждаысь неуна унджык выліас да уліас.
6. Бӧръям "Вӧчны тадзи лиш лист бокъясын / Применить к нечетным страницам" да точкам "Вундыштны / Обрезать". Процессыс босьтӧ минута мында кад.
7. Восьтам 2ʼ №-а лист бок да вӧчам татшӧм жӧ операцияяс, сӧмын бӧръям "Вӧчны тадзи тшӧт лист бокъясын / Применить к четным страницам".
8. Сэсся колӧ бырӧдны вежыньсӧ. Та могысь текста став лист бок тӧдчӧдам (позьӧ Shift отсӧгӧн) да личкам "Веськӧдны вежынь / Исправить перекос". Менюас петас юӧртӧм, косны пӧ он сэсся вермы. Личкам "веськодь" - OK.
   • !!! Кышӧд да титула листъясысь (журналын кӧ - лб. 1, 2, 3 ,4, пом), а сідзжӧ татшӧм лист бокысь, коді пӧшти ставнас вевттьӧма серпасӧн, бурджык лоӧ бырӧдны вежыньсӧ быдыслы торйӧн (оз кӧ лючки артмы, позьӧ косны)
9. Сэсся уджалам бара "Тшӧтшӧдны / Обрезать" опция пыр. Восьтам лист бок, кӧні текстыс ӧтторъя, да тшӧтшӧдам сійӧс - вундыштам текст доръясті, текстсянь неыджыд кост быд ладорӧ кольӧмӧн.
   • Лист боклӧн нумерыс мед быть коляс тшӧтш!
10. Тайӧ жӧ ыджданас сэсся тшӧтшӧдам быд лист бок, медводдзаысь да медбӧръяысь кындзи.
11. Кышӧд вывъястӧ сэсся тшӧтшӧдам лист бок доръясті.
12. Сэсся колӧ бара бырӧдны вежыньсӧ сэтшӧм жӧ схема серти, кыдзи гижӧма выліас (п. 8).
13. Тӧдчӧдам став лист бок шуйга лентаысь (Ctrl + A). Бӧръям лӧсьӧдан панельысь опция "Серпаслӧн стӧчлун / Разрешение изображений". Пасъям 300 dpi и личкам "Вӧчны / Применить".
14. Сэсся веськыд кнопкаӧн личкам шуйга лентаӧ. Менюысь бӧръям "Кольны бӧрйӧм листбокъяс серпас форматӧн / Сохранить выбранные страницы как изображения".
15. Сетам файлыслы ним ВК_2015_05 схема серти. Файл типӧн колӧ бӧрйыны pdf да видзӧдны, мед уліас быть вӧлі пасйӧма "Кольны уна лист бока файлӧ / Сохранить в многостраничный файл)".
16. Личкам "Кольны / Сохранить".
17. Восьтам pdf да видлалам, ставӧн-ӧ лист бокъясыс да став-ӧ лючки мукӧдласянь. Кутшӧмкӧ лист бокъяс кӧ абуӧсь, колӧ пасйыны та йылысь сайтӧ. Кутшӧмкӧ лист бок кӧ артмӧма лёка, лоӧ выльысь сійӧс пелькӧдны.

Уджалан ӧд

• Кызкодь небӧгысь ӧти часӧн позьӧ тшӧтшӧдны 200-300 лист бок.
• "Войвыв кодзув" журналсӧ тшӧтшӧдӧма лоӧ ӧти часӧ шӧркодя куим номер (максимум артмыліс 4 номер ӧти часӧ, минимум - 2 номер ӧти часӧ).