Пос: различия между версиями

Материал из Wiki FU-Lab
Перейти к навигации Перейти к поиску
Нет описания правки
Нет описания правки
 
(не показаны 373 промежуточные версии 4 участников)
Строка 1: Строка 1:
 
Быль ли, небыль... Важын ни эта вӧлӧм. Сэк и тӧв пӧ абу вӧлӧм таланьын. Ыджыт Шонді абу и вешшывлӧм эна местаэзісь. Пыр вӧлӧма мича да гажа. Быдмӧма сэк татӧн басӧк лапья вӧр - Парма. Олӧмась вӧрас зверь-пӧткапӧлӧс. Отир эшӧ абу на вӧлӧм. Уна ли, етша ли чулалас кад - Пармаыс чужтас зонӧс. Шуасӧ сійӧ Пераӧн. Бытшӧм да кодя быдмас хозяин - и вӧрыслӧ, и муыслӧ. Керас сія аслыс ньӧв, лӧсьӧтас ёссез. Ветлӧтӧ пӧ аслас му кузя, видзӧтлӧ, медбы и пуэс быдмисӧ бура, медбы и зверь-пӧткапӧлӧс оліс бытшӧмика, медбы и чериыс уяліс сӧдз ваэзын. Ӧтпыр Пераыс лэдзчас Кӧсва дорӧ, аддзӧ: мышкыртчӧма кымӧрсянь сизим рӧма Енӧшка да юӧ васӧ. - Тэ мыля юан менам юись васӧ? - юалӧ Енӧшкаыслісь Пера. - Мун татісь. - Ме эг тӧд, что ваыс тэнат, - шуӧ Енӧшка, - а ютӧг ме ог вермы овны. Сет юны пӧттӧдз. - Сета, ежели тэ менӧ кайӧтан кымӧрас. Ме бы видзӧта, мый сэтчин керсьӧ. - Пуксьы, - шуӧ Енӧшка, - сюррезӧ вылӧ. Пера пуксяс сы сюррез вылӧ, мӧтыд и лэбтас сійӧ кымӧрас. Сувтас кымӧрас Пера, и оссяс сы одзын Енма. Кытчӧ оз видзӧт, быдлаын городдэз да городдэз - дӧс алмазісь да чар изісь керӧмась. Быдлаын биэз сотчӧны: ыджытӧсь и учӧтӧсь, гӧрдӧсь, лӧзӧсь и вежӧсь. А шӧрас сотчӧ медыджыт би, Шонді-Би. Охота лоас Пераыслӧ босьтны кӧть неыджыт би тор да лэдзчӧтны сійӧ му вылас. Локтас сія Шонді-Биыс дынӧ да кватитас бы... Сэтчӧ кыдз гымыштас, кыдз вирдыштас - и чапкач Перасӧ ылӧ-ылӧ Би дынсяняс. Пондас усьны Пераыс тартарарыӧ. Но вот кутас кинкӧ сійӧ, лэбтас и пуксьӧтас мыйӧкӧ небытӧ. Видзӧтӧ Пераыс - аддзӧ: пукалӧ сія кымӧровӧй подушкаэз вылын, золотӧй додьын, а кыскӧ сійӧ серебрянӧй вӧв. Бокас сыкӧт пукалӧ басӧкся-басӧк нывка. Синнэс сылӧн лӧз кымӧрись, рожабаннэс - асывся зарниись, юрсиыс - чистӧй золотоись, а паськӧмыс свиттялӧ, нельки синнэз янӧтӧ. - Тэ кин сэтшӧмыс? - юалӧ нывкаыслісь Пера. - Ме Зарань, Шонділӧн ныв. Быд асылӧ ме сайма одзджык Шондіысся и быд рытӧ вода сысся сёрӧнжык. Ме дозирайта, медбы Шондіыс некинӧс эз сот. А тэ мыля павкин Шонді-Биас? - юалӧ сія Пераыслісь. - Ме мӧді лэдзчӧтны сійӧ му вылас, - шуӧ Пера. - А мыйлӧ сія тэныт му вылас? - Медбы городдэз сэтшӧмӧсь жӧ гырисьӧсь да басӧкӧсь быдмисӧ, кыдз Енмаас. - А кин пондас нія городдэзын овны? - юалӧ Зарань. - Миян тэкӧт челядьным. Эд ме тэныт, тыдалӧ, гленитчи, раз тэ менӧ дорйин, - шуӧ Пераыс. - О-о, смев тэ, зонка. Смев да удав, - шуӧ Зарань, - эшӧ некин эз на лысьт кайны татчӧ, а тэ вот кайин. Эшӧ некин эз на лысьт павкӧтны Шонді-Бисӧ, а тэ павкӧтін. Дорйи бы ме кӧть кинӧс, но тэнӧ эшӧ и радейта. - Сэк лэдзчам мекӧт му вылас, - шуӧ Пера. - Ме мыччала тэныт ассим богатствоэз: керӧссэз да вӧррез, юэз да тыэз, видззез да ыббез. И иньдӧтас Зарань ассис серебрянӧй вӧвсӧ увлань, муыслань. Лэдзчасӧ нія му вылӧ, и Пера пондас мыччавны Зараньыслӧ ассис богатствоэз: вылын мыссэз-керӧссэз да гажа вӧррез, сӧстӧм юэз да басӧк тыэз, цветитан видззез да веж ыббез. Гленитчӧмась нія Зараньыслӧ, и согласитчас сія кольччыны Пераыскӧт му вылас. Сэк окалас Парма-Вӧрлӧн зоныс Шонділісь нывсӧ. Казялас этӧ кымӧрсянь Шондіыс, лӧгасяс Зараньыс вылӧ и пышшас эна местаэзісь: ась пӧ кынмӧны кӧдзытсяняс. Му вылас сэк жӧ лоӧма кӧдзыт да пемыт, пондӧмась пӧльтны ойся тӧввез, кынмӧмась юэз да тыэз, лым столаэз тыртӧмась быд пельӧсок. Лёк тӧвчик пондӧма гӧрдззыны ассис кузь бӧж, каляннэз пондӧмась уннявны-повзьӧтчыны. Сэк Пера лэбтас Зараньсӧ киэз вылас да пыртас вӧрӧ. И Парма-мамыс примитас нійӧ ласкова и дзебас аслас лапъя да небыт уввез увтӧ. Сизим год сьӧрна абу вовлӧма талань Шондіыс, сизим год сьӧрна олӧмась Пера да Зарань вӧр пытшкын. Сы коста Зарань быдтас ни Пераыслӧ сизим зонӧс - вынася-вынаэзӧ да сизим нылӧс - басӧкся-басӧккезӧ. Зоннэс пондасӧ вӧравны ни, и ныввес - гортовисявны. Ветлӧтас-ветлӧтас кытӧнкӧ Шонді и охота лоас сылӧ видзӧтны, мый ни лоис нылыскӧт. Локтас сія талань бӧр. Сэк жӧ лоас бӧра шоныт да югыт. Пышшасӧ тӧввез и каляннэз, дзебсисяс тӧвчик. Сыласӧ юэз да тыэз, пондасӧ цветитны быдмассэз. Енӧшка мышкыртчас Кӧсва весьтӧ юны. Пондас корны Шондіыс Зараньсӧ, медбы кайис сія бӧр кымӧрас, кытӧн пыр шоныт да гажа, кытӧн быдӧс тырмӧ, мый бы эз ков. Зарань оз бы кай. - Меным, - шуӧ, - татӧн бур. Сэк Шонді пондас грӧзитчыны: - Ме бӧра пышша татісь, ась ті кынматӧ. Зарань и баитӧ: - Сизим год олім - эг кынмӧ. Вӧр шонтіс. - Сэк сота быдӧннытӧ ӧтлаын вӧрыскӧт, - повзьӧтлӧ Шонді. Повзяс Зарань и шуӧ Пераыслӧ: - Только кымӧрас ме верма видзны сійӧ, медбы эз сот. Колас кайны. Каям быдӧнным. Пера и шуӧ: - Ме татӧн чужи, быдми, татчӧ и кольчча. Торйӧтасӧ сэк нія челядьнысӧ кык торйӧн - мукӧдсӧ кольны му вылӧ, мукӧдсӧ кайӧтны кымӧрӧ. Но лӧгасяс сэк Парма-вӧр: - Ме нійӧ шонті, верді, а нія пышшӧны бы. Ась мунӧ Зараньыс ӧтнас, кысянь локтіс, а челядьыс ась кольччӧны му вылӧ! И лӧсьӧтас сія говк: ӧтӧрын ыкӧстан - мӧдӧрын кылӧ. Пондас Зарань кытсавны челядьсӧ, медбы кайӧтны Енмаас: ыкӧстас ӧтӧрӧ - мӧдӧр кылӧ. Сідз нія и янсӧтчасӧ: Зарань мунас лунлань, челядьыс - ойлань. Дыр горзас, корас челядьсӧ Зарань, но нія озӧ кылӧ. Эта коста Шондіыс сыбурна пондас сотны ни, нельки ваэз косьмасӧ, муыс потласяс, быдмассэз кельдӧтасӧ. Нем керны - Зарань каяс кымӧрас ӧтнас, медбы не сетны Шондіыслӧ сотны челядьсӧ. Лишь коляс му вылас ассис серебрянӧй вӧв да золотӧй додь, медбы кӧр-нибудь кайисӧ челядьыс сы дынӧ Енмаас. Эта кадӧ Пераыс ӧктас ассис зоннэсӧ, сетас нылӧ ньӧввез да кайӧтас медвылын керӧс вылӧ мыччавны Шондісӧ. - Видзӧтӧ, - шуӧ сія нылӧ, - вон ыджытся-ыджыт би, Шонді-Би; сысянь быдӧс бурыс: шоныт и югыт, сыснь городдэз быдмӧны. Но сысянь жӧ и быдӧс умӧльыс: сія сотӧ и сія кынтӧ, сія янсӧтіс быдӧннытӧ тіянӧс и менӧ мамныткӧт. Ме пондылі сыкӧт вермасьны, но ӧтнам эг вермы. А ӧні мийӧ унаӧсь. Лэбтасӧ сэк сизимнан зоныс ньӧв и лыясӧ веськыт Шонді-Биас. Ӧтдруг ныкӧт лыяс Пера аслас медыджыт ньӧлісь. Зэгалас быдӧс Шонді-Би, чеччӧвтас сы бердісь ыджыт би тор да киссяс бичиррезӧн омӧн му кузяс. Ӧзъясӧ Пармаын сэк биэз, ыджытӧсь и учӧтӧсь, лӧзӧсь и вежӧсь. И пондасӧ быдмыны городдэз, сэтшӧмӧсь жӧ гырисьӧсь да басӧкӧсь, кыдз Енмаас. Нія городдэзын важся каддэзсянь олӧ отир - Пералӧн да Зараньлӧн челядь. Шуӧны нійӧ пермяккезӧн да зырянаӧн. Кодя отир. И шоныт, и гажа эта странаын. Вылын мыссэз-керӧссэз да гажа вӧррез, сӧстӧм юэз да басӧк тыэз, цветитан видззез да веж ыббез, а сідзжӧ городдэз да посаддэз - ыджыт богатствоэзӧн тырӧма край. Шонді бы и ӧні пышшӧ татісь (быд годӧ сы коста тӧввез овлӧны), но оз вермы, раз ыджыт тор сылӧн мусӧ шонтӧ. Сія бы и сотӧ гожумнас, но Зарань оз сет. Сія сё медодз чеччӧ асывнас и медбӧръя водӧ рытнас - дозирайтӧ, медбы некинӧс эз сот Шондіыс. Только быд гожумся асылӧ мусӧ да вӧрсӧ вевттьӧ кыз сӧстӧм лысва. Этӧ Зарань одз асывнас, кӧр эшӧ быдӧнныс узьӧны, горзӧ - гажтӧм сылӧ челядьыстӧг. Да и челядьыс сылӧн частожык баитлӧны, кыдз бы адззыны серебрянӧй вӧвсӧ золотӧй додьнас да кайны Енмаас. Одзжык эз веритлӧ, а ӧні веритӧны ни тай, что кымӧрас туйӧ кайнытӧ. Ме бы кайла жӧ сэтчин.
Победалӧн вунлытӧм тулыс: Коми да роч сьыланкывъяс / Лӧсьӧдысьяс: А.Г.Елфимова, Г.В.Холопова, А.В.Ульянов. - Сыктывкар: «Коми му» газет редакция» КР АУ, 2010. - 80 лб.
Сьыланкывъяса небӧгсӧ дасьтіс да йӧзӧдіс «Коми му» газет редакция»
Коми Республикаса автономнӧй учреждение
 
 
 
Ыджыд Вермӧмсянь 65 во тырӧмлы сиӧм «Победалӧн вунлытӧм тулыс» небӧгӧ чукӧртӧма сьӧкыд война кадӧ чужлӧм сьыланкывъяс
.
ДОНА ЁРТ!
 
 
«Коми му» газет-журнал котырын уджалысьяс дасьтісны Ыджыд Вермӧмсянь 65 во тырӧмлы сиӧм «Победалӧн вунлытӧм тулыс» сьыланкыв чукӧр. Сійӧ зэв аслыспӧлӧс, роч и коми кывъяс вылын. Позьӧ кӧ сідз шуны, тайӧ сьыланкывъясыслӧн мамыс —Великӧй Оте-чественнӧй война. Буретш сійӧ сьӧкыд кадӧ чужисны да ӧні на юргӧны миян пӧвстын налӧн мыла шыясыс. Ыджыд война кыссис быдса нёль во да босьтіс олӧмсӧ лыдтӧм-тшӧттӧм том и пӧрысь мортлысь. Пузувтіс сиктъяс да каръяс, пеж война колис ассьыс сьӧд пассӧ и Коми мулӧн быд ичӧтик грездӧ, быд керкаӧ... Но медся тӧдчанаыс, тыдалӧ, сійӧ, мый вир кисьтана да курыд кадыс эз чорзьӧд миян йӧзлысь сьӧлӧмъяссӧ. И налысь, кодъяслы шуд уси воӧдчыны Берлинӧдз, и налысь, кодъяс гӧрисны-кӧдзисны, дорисны май тӧлысся Вермӧмсӧ тылын. Кутшӧм мичаӧсь, югыдӧсь, аскиа лунас эскӧданаӧсь война кадся сьыланкывъясыс! «Катюша», «Эх, дороги», «В землянке», «Смуглянка», «Огонёк», «Синий платочек»... Найӧ кӧть и чужисны сьӧкыд кадӧ, но нэмныс лои кузь. Кузь сы вӧсна, мый вӧрзьӧдӧны мортлысь ловсӧ, сылысь сьӧлӧмсӧ, шуда и шог лунӧ быдӧнлы коланаӧсь да радейтанаӧсь.
Пӧся да сьӧлӧмсянь аттьӧалам ставнысӧ, кодъяс комиӧдісны роч сьыланкывъяслысь кывбуръяссӧ да пуктісны ассьыныс пай тайӧ небӧгсӧ лӧсьӧдӧм-лэдзӧмӧ, миян Победасянь 65 во пасйӧмӧ.
Сьыланкыв чукӧрсӧ лӧсьӧдысьяс.
 
 
БЕРН ШИНЕЛЬ, ПОШЛИ ДӦМӦЙ...
 
ШЫНЕЛЬТӦ БОСЬТ ДА ГОРТАД МУН
 
А тэкӧд, вокӧй, ми пехота,
А кӧдзыд тӧлыд оз тай вун.
Войналысь кушӧдз лёксӧ сотім,
Войналысь кушӧдз лёксӧ сотім,
Войналысь кушӧдз лёксӧ сотім,
Шынельтӧ босьт да гортад мун.
Миянӧс война пӧттӧдз йирис,
Но кисьтны пиньсӧ воис лун.
Нёль во чӧж мамлӧн эз вӧв пиыс,
Нёль во чӧж мамлӧн эз вӧв пиыс,
Нёль во чӧж мамлӧн эз вӧв пиыс.
Шынельтӧ босьт да гортад мун.
А миян сотчӧм уличьясным
Надзӧник пальӧдӧны ун.
Тырӧны вошлӧм ябыръясӧн,
Тырӧны вошлӧм ябыръясӧн,
Тырӧны вошлӧм ябыръясӧн,
Шынельтӧ босьт да гортад мун.
Пу кодзув улын куйлан ӧтнад,
Оз пальӧд тэнӧ Ен ни тун,
Вай сувт да кольмӧдӧмтӧ вӧтлы,
Вай сувт да кольмӧдӧмтӧ вӧтлы,
Вай сувт да кольмӧдӧмтӧ вӧтлы.
Шынельтӧ босьт да гортад мун.
Тэ ачыд мыччысь гӧтыр водзад,
Мед дӧва шог пиас оз сун.
Мый сійӧ висьталас мем воча,
Мый сійӧ висьталас мем воча,
Мый сійӧ висьталас мем воча.
Шынельтӧ босьт да гортад мун.
Войналӧн быдтасъяс ми ставӧн,
И миян ставлӧн ӧти джум.
Бара на тулыс воӧ, слабог,
Бара на тулыс воӧ, слабог,
Бара на тулыс воӧ, слабог.
Шынельтӧ босьт да гортад мун.
Вуджӧдіс А. Елфимова
ЗА ТОГО ПАРИЯ
МӦД ЗОН ВӦСНА
Талун шондісьыс ме водз чечча,
Туйӧй видз вомӧныс зэв паськыд.
Важас тӧдлытӧг ме со, сетчи,
Мыйкӧ, буракӧ, эг сідз казьтыв.
Зэрыс мыськӧ омӧльтчӧм чужӧм,
Кызь арӧсыд - уна нӧ тайӧ.
Кысь нӧ зонсӧ аддзывны кужи,
Коді шуис: воа ме, мамӧ?
Припев:
Коскӧдз туруныс тан
Ӧвтӧ-шогалӧ,
Тӧвру вывті на том, и оз тӧд,
Войнас палялам кор,
Миян юр весьтын топавлӧ
Гымалан сер
Али войнаса йӧлалӧн слӧт.
Таво тулыс лоас кузь, мича,
Муыс виччысьӧ нин бур кӧйдыс.
И ме зонсӧ сьӧлӧмын видза,
Ола ме, мед олас тшӧтш мӧдыс.
Сӧмын ачымӧс ме ог ӧлӧд.
Некыдз мӧд нога оз позь сыла,
Мыйла корӧ сылӧн пыр гӧлӧс,
Мыйла сылысь шогсӧ пыр кыла.
Припев:
Коскӧдз туруныс тан
Ӧвтӧ-шогалӧ,
Тӧвру вывті на том, и оз тӧд,
Войнас палялам кор,
Миян юр весьтын топавлӧ
Гымалан сер
Али войнаса йӧлалӧн слӧт.
Вуджӧдіс А. Елфимова
ЕСЛИ Б НЕ ВЫЛӦ ВОЙНЫ
ЭСЬКӦ ВОЙНА КӦ ЭЗ вӧв
Ми тэкӧд торъялім нин паныдасьтӧдз,
Но век жӧ вӧтӧ уськӧдчылан чӧв.
Ӧд тэ эн вермы мӧдлы сетны асьтӧ,
Сё муса, эськӧ война кӧ эз вӧв,
Сё муса, эськӧ война кӧ эз вӧв.
Ме, кӧнкӧ, водзджык пӧрысьми дай ставыс.
Но таысь олӧм мыжас тэ эн вӧй.
А кутшӧм лӧсьыд гозъя миысь артмис,
Сё муса, эськӧ война кӧ эз вӧв,
Сё муса, эськӧ война кӧ эз вӧв.
И бара китӧ нюжӧдан тэ мелань
Да коран, кӧні шувгӧ мӧд дзик тӧв.
Ӧд быдмисны нин челядьнымлӧн челядь,
Сё муса, эськӧ война кӧ эз вӧв,
Сё муса, эськӧ война кӧ эз вӧв.
Но некод оз нин восьты менсьым кильчӧ,
И чунала ме, кӧть и шы ни тӧв.
Ме эськӧ тэысь муртса вӧлі ичӧт,
Сё муса, эськӧ война кӧ эз вӧв,
Сё муса, эськӧ война кӧ эз вӧв.
Вуджӧдіс А.Елфимова
ЖУРАВЛИ
ТУРИЯС
Салдатъяс, кодъяс гортас бӧр эз воны,
Салдатъяс, кодлӧн томлуныс эз быр.
Ме чайта, вира му вылас эз водны,
А туриясӧ пӧрисны дзик пыр.
И налӧн век на, кӧть и мыйта колис,
Юр весьтын ӧвтчӧ паськыд бордъя ки.
И чужӧм бокӧд синва тюрӧ сола,
Кор кылам налысь шогалӧмсӧ ми.
Лунвылӧ лэбӧ турияслӧн кокад,
Лун лэбӧ, лэбӧ рыт и лэбӧ вой.
И на бӧрся ме тшӧтш жӧ лэба коркӧ,
Кор дзикӧдз тырас менам сьӧлӧм дой.
Ме на моза жӧ лэбзя енэж пӧлӧн,
И на моз кута чуксавны, ог мудз
Став ёртӧс, коді менам коркӧ вӧлі,
Дзик ставсӧ, коді тулыс-ар оз узь.
Салдатъяс, кодъяс гортас бӧр эз воны,
Салдатъяс, кодлӧн томлуныс эз быр.
Ме чайта, вира му вылас эз водны,
А туриясӧ пӧрисны дзик пыр.
Вуджӧдіс А.Елфимова
НА СОЛНЕЧНӦЙ ПОЛЯНОЧКЕ
ЛУД ВЫЛЫН ШОНДІ ВАШЪЯЛӦ
Луд вылын шонді вашъялӧ,
Оз тыдав гожӧм пом.
Тальянка вылын няжъялӧ
Любов йылысь том зон.
Сы йылысь, кыдзи гозъяӧн
Коллявлісны быд вой,
Да кутшӧм чышъян-козинъяс
Вевттисны нывлысь сой.
Припев:
Вай ворс да висьтав ачыд тэ,
Тальяночка, эн пов,
Сы йылысь, кыдзи радейтӧ
Пӧсь сьӧлӧм-лов.
Кор чужан муыс кось вылӧ
Том зонмӧс горӧдіс,
Сьӧд войӧ сьӧлӧм косьтысьсӧ
Эз повзьы, кораліс.
Но нывка шуис збодера:
«Тэ эн на ышнясь тан,
Кор бӧрсӧ воан орденӧн
Сэк выльысь сёрнитам».
Припев.
Салдаткӧд дзик пыр орччӧныс
Тальянка - медбур ёрт.
И медаль босьтны отсаліс,
И гажлуныд эз ор.
А регыд письмӧ лэбыштіс,
Эз лымъя мусӧ таль,
Мый виччыся пӧ элясьтӧг,
И мед кӧ пӧ медаль.
Вуджӧдіс А.Елфимова
СЛУЧАЙНЫЙ ВАЛЬС
ТӦДТӦМ КАРЫН ВАЛЬС
Дженьыдик вой
Кодзув оз кой.
Менам ки пытшкын шоналіс тіян
Тӧдтӧм киныд да личӧдіс дой.
Майшасян лун
Козьналіс ун,
Мыла шыладлысь йӧлӧга кылі
Некыдз бокиті сыысь эг мун.
Припев:
Мед ме тіянӧс пӧшти ог тӧд,
Мед кӧ гортын и виччысьӧ мӧд.
Чужан му вылӧ лолӧн
Быттьӧ гусьӧник волі.
Некод абу. И тан
Сӧмын кыкӧн йӧктам.
Кӧть нин шуыштӧй кывтор,
Аслам абу ӧд сям.
Бергалам дыр,
Ёртасям пыр.
Кокъяс йӧктывтӧг легӧны ӧдва,
Эн жӧ лэптӧй ті дзик серамвыв.
Асылыс дась
Нуӧдны тась
Муса карныдкӧд колльӧдча шога,
Сійӧ лои нин меным дзик ас.
Припев.
Вуджӧдіс А.Елфимова
СМУГЛЯНКА
 
СМУГЛЯНКА
Коркӧ ӧтчыд асъядорыс
Орчча йӧрӧ видзӧдлі,
Сэн смуглянка-молдаванка
Виноград ӧктӧ вӧлі.
Пӧсьӧ койыштісны менӧ,
Кӧсъя вӧлі висьтавны:
«Мунам берег дорӧ,
Шонді кыптӧм видзӧдны!»
Припев:
Кудри юра, чикыль юра пашкыр клён,
Сьӧлӧм вӧрзис. Ог тӧд, эскан али он.
Кудри юра, да пашкыр юра,
Да мича юра веж клён!
А смуглянка-молдаванка
Вочавидзис пырысь-пыр:
«Партизанъяскӧд ме муна,
Некор сулавнысӧ дыр.
Ӧні водзджык партизанъяс
Ассьыс эновтісны горт,
Мӧдӧдчисны туйӧ,
Аддзысьлытӧдз, муса ёрт».
Припев:
Кудри юра, чикыль юра пашкыр клён,
Сьӧлӧм вӧрзис. Ог тӧд, эскан али он.
Кудри юра, да пашкыр юра,
Да мича юра веж клён!
И смуглянка-молдаванка
Дзик пыр вошис пуяс кост.
Менӧ аскӧдыс эз чукӧст,
Менӧ аскӧдыс эз босьт.
Нывка йылысь ме эг вунӧд,
Видзи аслам сьӧлӧмын.
Другысь кыдзкӧ сыкӧд
Вочаасим вӧр шӧрын.
Припев:
Кудри юра, чикыль юра пашкыр клён,
Аддзысим тай! Ог тӧд, эскан али он.
Кудри юра, да пашкыр юра,
Да мича юра веж клён!
Вуджӧдіс А.Елфимова
ВЕСНА СОРОК ПЯТОГО ЮДА
ПОБЕДАЛӦН ВУНЛЫТӦМ ТУЛЫС
Кор енэжсянь шондіыс дзирдаліс яр,
Кор ловзис и ваыс, и муыс,
Да доналӧм сынӧдас ыпъяліс жар,
Сэк воис Победалӧн тулыс.
Вот кольӧны вояс, но некор оз ло,
Мед паметьным та йылысь кусіс:
Ми вир сорӧн, тшын-би пыр кыссим нёль во,
Мед пуксис Победалӧн тулыс.
Кӧть сёрджык тэ чужлін, но статя да ён,
Сувт миянкӧд тшӧтш знамя улас,
Мед сьӧлӧмад йиджтысяс тэныд, том зон,
Победалӧн вунлытӧм тулыс.
А кодкӧ кӧ лӧсьӧдӧ бара выль дой,
Сё ранаӧн парсалӧм мулы,
Ми казьтылам налы, мый тӧдлім сьӧд вой,
Да вӧлі Победалӧн тулыс.
А сынӧдыс сӧстӧм да енэжыс лӧз,
И тӧвруыс бан боктӧ нюлӧ.
Мед дзирдалас шонді, мед пасъясны йӧз
Победалысь лунсӧ быд тулыс.
Вуджӧдіс С. Куликов
давйӧ мьі дома не были
 
МИ ГОРТӦС ылӧ колимӧ
Важ бипур муртса чусалӧ,
А матын грымгӧ кось,
Вай, другӧ, орччӧн пуксьылам,
Да курыд дозтӧ восьт.
И сёрнитігмоз лӧсьыда
Тэ сьыланкывтӧ босьт.
И сёрнитігмоз лӧсьыда,
Мед сьӧлӧмнымӧс пӧсьӧдас,
Тэ сьыланкывтӧ босьт.
Мед сьӧлӧмнымӧс пӧсьӧдас,
Тэ сьыланкывтӧ босьт.
Ми гортӧс ылӧ колимӧ,
А позйыд оз тай вун,
Кӧть мыйта кад нин кольӧма,
Ок, кымын вой да лун!
Сэн пӧрысь коз пу сулалӧ,
Дзор козлӧн воши ун.
Сэн пӧрысь коз пу сулалӧ,
Да сьӧкыд думӧн вуглалӧ,
Дзор козлӧн воши ун.
Да сьӧкыд думӧн вугралӧ,
Дзор козлӧн воши ун.
Тан коз пу улас рытйысьліс
Тшӧтш мекӧд муса ныв,
А ӧні, тувсов рытъяснас,
Сэн некод нин оз сьыв.
Оз волы некод пукавны,
Оз юргы сьыланкыв.
Оз волы некод пукавны,
И кодзувъяс оз дзирдавны,
Оз юргы сьыланкыв.
И кодзувъяс оз дзирдавны,
Оз юргы сьыланкыв.
Том нывлы кыа мыччысьӧ,
А менам сьӧлӧмшӧр
Германияысь виччысьӧ,
Кор гортӧ локта бӧр.
Лэб гортӧдз, думӧй-кӧсйӧмӧй,
Кӧн шувгӧ парма вӧр.
Лэб гортӧдз, думӧй-кӧсйӧмӧй.
Ну нывлы сьӧлӧм вӧзйӧмӧс,
Кӧн шувгӧ парма вӧр.
Ну нывлы сьӧлӧм вӧзйӧмӧс,
Кӧн шувгӧ парма вӧр.
Вуджӧдіс С. Куликов
ДЕНЬ ПОБЕДЫ
~ ^ 7НКІВ01^ЗшаЛГ.
. ■ ▼ і-ат і і ^ ш
ВЕРМӦМ ЛУН
Вермӧм лунӧдз, сэк, кор пуксис война пом,
Кадыс дыр на кыссис, кыдзи кусысь шом.
Уна верст ми би пыр мунім, кисьтім вир, -
Тайӧ лунсӧ ставӧн матыстім ми дыр.
Припев:
Тайӧ Вермӧм лунсьыс
Порок дук оз быр.
Тайӧ праздник -
Дзормӧм юрси юрын тыр.
Тайӧ радлун -
Сійӧс пычкам бӧрдӧм пыр.
Вермӧм лунӧн!
Вермӧм лунӧн!
Вермӧм лунӧн!
Тайӧ шуштӧм кадыс некор мед оз вун:
Миян Рӧдина эз ланьтлы вой ни лун,
Тшыг ни пӧтӧсь, сьӧкыд уджӧн вӧлім тыр, -
Тайӧ лунсӧ ставӧн матыстім ми дыр.
Припев:
Тайӧ Вермӧм лунсьыс
Порок дук оз быр.
Тайӧ праздник -
Дзормӧм юрси юрын тыр.
Тайӧ радлун -
Сійӧс пычкам бӧрдӧм пыр.
Вермӧм лунӧн!
Вермӧм лунӧн!
Вермӧм лунӧн!
Видза олад, эгӧ ставӧн воӧй бӧр...
Гажӧй бырис тіысь, парма-вӧр.
Джын Европасӧ ми вуджим, перйим мир, -
Тайӧ лунсӧ ставӧн матыстім ми дыр.
Припев:
Тайӧ Вермӧм лунсьыс
Порок дук оз быр.
Тайӧ праздник -
Дзормӧм юрси юрын тыр.
Тайӧ радлун -
Сійӧс пычкам бӧрдӧм пыр.
Вермӧм лунӧн!
Вермӧм лунӧн!
Вермӧм лунӧн!
Вуджӧдіс С. Куликов
МОЯ ЛЮБИМАЯ
МЕНАМ МУСА НЫВ
Кор ылӧ туйӧ мӧдӧдчи,
Мен сэки сетін кыв,
Мый помӧдз кутан виччысьны
Тэ менӧ, муса ныв.
Со ӧні миян оланін -
Окоп да эрдъяс выв.
Став взводсянь - медпӧсь чолӧмӧн
Тэ дорӧ, муса ныв.
Ме думӧн тэнсьыд кыла тан,
Кыдз сьылан сьыланкыв, -
Вай нюмъёвт меным ылісянь,
Тэ менам муса ныв.
А карточкаыд зептын век,
Пӧсь муслуныд оз сыв,
Тадз донсӧ сылысь лэптамӧ
Ми тэкӧд, муса ныв.
Вуджӧдіс С. Куликов
НА ПОЛЕ ТАНКИ ГРОХОТАЛИ
ТАНК ПОМСЯНЬ МУЫС СЫРКАКЫЛІС
Танк помсянь муыс сыркакыліс,
Полк нуис вир кисьтана бой.
Том командирлысь, пельпом вылын,
Юр лысӧ писькӧдӧма дой.
Бӧлванка дзенӧбтіс танк шӧрӧ,
Эз некод удит шуны «ой»!
А асъя сынӧд, муртса вӧрӧ,
сэсь мыччас нёль танкистлысь шой.
Машина кытшалӧма биӧн -
Взрывитчас став боекомплект.
Вын абу люксӧ восьтны киӧн,
Да ловйӧн татысь он нин нет.
Танк улысь перъяласны шойяс,
Пельпомъяс вылын нёль каркас.
Тадз колльӧдіг медбӧръя туйӧ
Нёль пушка залпыс пуктас пас.
Нёль похоронка гортас воас,
Нёль семья-рӧдвуж суас шог,
Мый татшӧм неминуча лоис,
Мый пиныс гортас оз нин лок.
Пач водзын бӧрддзас пӧрысь мамыс,
Бать чышкас синва - дойыс ён.
Невеста сідзи оз и тӧдмав,
кыдз кӧнкӧ кувсис коми зон.
А стенын, буссьӧм стеклӧ сайын,
Важ карточка - выль быттьӧ дзик:
Салдат погона. Зонмыс тайӧ
Том нывлы абу нин жӧник.
Вуджӧдіс С.Куликов
 
НЕ СТАРЕЮТ ДУШОЙ ВЕТЕРАН!)!
ВЕТЕРАН НИМЫД НЕКОР ОЗ ВУН
Кывлім войналысь гым, волім гортсянь зэв ылӧдз:
Гӧгӧр чишкасьӧм - сьӧд. Кымын вой, кымын лун!
Ог на пӧрысьӧн ми,
Ог на ловнымӧс пӧрысьӧн кылӧй.
Ветеран нимыд некор оз вун.
Овлӧ топӧдлас дзик - воддза дойыс на кывлӧ,
Ыджыд вермӧмсӧ ми, другъяс, дорим быд лун.
Ог на пӧрысьӧн ми,
Ог на ловнымӧс пӧрысьӧн кылӧй.
Ветеран нимыд некор оз вун.
Водз на ланьтавны чӧв, пырны жуйвидзӧм вылӧ,
Сьӧлӧм ланьтӧм оз тӧд, тіпкӧ пыр, вой и лун.
Ог на пӧрысьӧн ми,
Ог на ловнымӧс пӧрысьӧн кылӧй.
Ветеран нимыд некор оз вун.
Другъяс, топӧдчам ми, ӧтлан збойджыка сьылам,
Медым дорйыны мир лун и вой, вой и лун.
Ог на пӧрысьӧн ми,
Ог на ловнымӧс пӧрысьӧн кылӧй.
Ветеран нимыд некор оз вун.
Вуджӧдіс С. Куликов
ОГОНЕК
ӦЗЪЯЛЫСЬ БИ
Чорыд тыш вылӧ вӧрӧгкӧд
Зонмӧс колляліс ныв,
Кильчӧ пос вылын шуаліс
Уна радейтчан кыв.
Зонмыс туйӧ кор мӧдӧдчис,
Нывлысь кутыштліс ки,
Ӧшинь вывсяньыс колльӧдіс
Шога ӧзъялысь би.
Зэв бур ёртъяскӧд аддзысис
Война вылын том зон,
А салдатъяслӧн ёртасьӧм
Медся сӧстӧм да ён.
Сӧмын горт йывсьыс думъяссӧ
Весиг война эз ви,
Кӧні тэ, менам донаӧй -
Менам муслунлӧн би?
Нылыс фронт вылӧ ылысянь
Ыстӧ пӧсь гижӧдтор:
Сылӧн том зонмӧс радейтӧм
Эз пӧ личав, эз ор.
Ставсӧ, мый вӧлі кӧсйӧма,
Асьным збыльмӧдам ми.
Кадысь водз нывлӧн сьӧлӧмын
Оз на кус зарни би.
Зонлӧн личаліс морӧсыс,
Шудӧн лолыс дзик тыр,
Татшӧм мелі, бур кывъясысь
Сылӧн шоналіс вир,
Помӧдз пасьвартны вӧрӧгӧс
Мед оз дрӧгнитлы ки,
Сылы отсалас Рӧдина -
Некор куслытӧм би.
Вуджӧдіс С. Куликов
ПОСЛЕДНИЙ БОЙ
МЕДБӦРЪЯ КОСЬ
Ми бура шойччӧм эг нин тӧдлӧй косьяс бӧрын,
Пыр вӧлі некор - тыштӧ личӧдны оз позь.
Европа джынсӧ кыссим, кынӧм вылын гӧрим,
А аски, гашкӧ, лоас медбӧръяысь кось.
Припев:
Ещӧ неуна вай зэвтлам вын,
Медбӧръя кось пӧ медся сьӧкыд.
Гаж бырис гортысь, кӧн чужанін,
Но он тӧд, кӧні суас рӧкыд.
Ме нёльӧд во нин песся мустӧм война вылын.
Бать-мамлӧн нёльӧд, медбӧръяӧн чужтӧм пи.
Мен эськӧ гортын пӧся радейтны том нылӧс,
Да Рӧдиналы воча инмӧдлыны ки.
Припев.
Ми аски петам чорыд рукопашнӧй бойӧ,
Россия-мамлы сетам медбӧръяысь долг.
Некутшӧм полӧм абу татчӧ усьны шойӧн,
Да ловйӧн кольны век жӧ асьным пуктам мог.
Припев:
Ещӧ неуна вай зэвтлам вын,
Медбӧръя кось пӧ медся сьӧкыд.
Гаж бырис гортысь, кӧн чужанін,
Но он тӧд, кӧні суас рӧкыд.
Вуджӧдіс С. Куликов
СИНИЙ ПЛАТОЧЕК
лӧз чышъян
Помнита, колльӧдчан рытнас,
Чышъян тэд козьналі кор,
Чужӧмыд ӧзйис. Видзны тэ кӧсйин
Сійӧс, кыдз меддонатор.
Тэ, дерт, он кыв,
Кыдзи сьӧлӧмӧй тіпкӧ, бур ныв.
Он кут, ме тӧда, радейтны мӧдӧс,
Чорыда кутан тэ кыв.
Письмӧтӧ тэнсьыд кор лыддя,
Быттьӧкӧ аддзысьлам сэк:
Югыдлӧз синмыд сьӧлӧмӧ инмӧ,
Чышъяныд син водзын век.
И бара бой,
Бӧрын ещӧ на ӧти сьӧд вой.
Бур кывйыд тэнад салдатлысь венӧ
Морӧсын куслытӧм дой.
Водзӧссӧ козьналӧм чышъян
Шынельын новлӧдла тан:
Доналӧн вӧзйӧм лӧз рӧмӧн ӧзйӧ,
Быттьӧкӧ том чужӧмбан.
И кыптӧ лов, -
Косьын усьӧмысь ньӧти ог пов.
Бойӧ кор пета, эбӧс мен сетас
Мусалӧн сӧстӧм любов.
Вуджӧдіс С. Куликов
ТАМ ВДАЛИ, ЗА РЕКОЙ
ТОМ РАЗВЕДЧИК
Ю сай сиктсалӧн ӧшиньӧд мыччысис би,
Рытъя кыасӧ вӧртасыс юис.
Гӧгӧр ланьтӧма чӧв,
Уна верзьӧма вӧв
Сё боецӧс разведкаӧ нуис.
Паськыд эрд вывті, шы ни тӧв, мунісны дыр,
Войся сынӧдыс вӧзйис став бурсӧ.
Юсянь неылын дзик
Уна дзирдыштіс штык -
Тадзи белӧйяс лэптісны юрсӧ.
Враглы паныдӧн уськӧдчис миян отряд,
Пансис вир кисьтан кось: коді вермас...
Том морт лётмуніс друг:
Самӧй сьӧлӧмас тшук
Враглӧн пуляыс морӧсас йӧрмис.
Вӧвлӧн кок бокӧ, му вылӧ, усис салдат,
Югыд синъяссӧ ньӧжйӧник кунис:
Дона вӧв - вернӧй друг,
Шогсӧ гортсакӧд юк,
Кыдзи шуд вӧсна олӧмӧй кусіс.
Ю сай сиктсалӧн вочасӧн кусласис би,
Рытъя кыаыс дзикӧдз нин сыліс.
Чӧла пуксис сьӧд вой.
Вирлӧн медбӧръя войт
Зонсянь гӧгыльтчис веж турун вылӧ.
Вуджӧдіс С. Куликов
ФРОНТОВИКИ, НАДЕНЬТЕ ОРДЕНА!
МЕДАЛЬ И ОРДЕН - ДЗИРДАЛАСНЫ МЕД
Тэ колин ловйӧн - воин война вылысь:
Выль олӧм вылӧ лача йӧзлы сет,
Да талун ӧшлы пинжак морӧс вылад
Медаль и орден - дзирдаласны мед.
Зэв уна тӧдса братскӧй гуын узьӧ,
Да мамъяс водзас быттьӧ яндзим тэд.
И другъяс весьтӧ, югыд паметь кузя
Медаль и орден - дзирдаласны мед.
Награда ради бойӧ ми эг петлӧ,
Но сійӧ ньӧти кокни эз жӧ шед.
Ас мулысь бур ним видзны кыв ми сетлім:
Медаль и орден - дзирдаласны мед.
Му шарным мед эз выльысь сотчы биын,
Салдатлӧн вирысь муыс мед эз пӧд,
Мир вӧсна тышын знамя кутам киын,
Медаль и орден - дзирдаласны мед.
Вуджӧдіс С. Куликов
ЧЁРНЫЙ ВОРОН
 
СЬӦД КЫРНЫШ
Мый, сьӧд кырныш, курксан гора?
Мый ме весьтын гӧгралан?
Гашкӧ, татысь прӧмыс корсян:
Водз на менӧ гуалан.
Мый ме весьтын гыжтӧ лэчтан?
Прӧста, кырныш, тэ эн дур!
Чайтан, тэныд мыйкӧ вичмас:
Тась тэд прӧмыс оз на сюр.
Кӧрталыштны вирӧсь рана
Козин чышъян шогмас мен.
Сэсся, кырныш, тэкӧд тані
Кута нуны сёрни-вен.
Лэб тэ, кырныш, менам гортӧ,
Мамлы месянь юӧр сет.
Висьтав менам муса аньлы:
Тась ме ловйӧн ог нин пет.
Вирӧсь чышъян дона аньлы
Тубрас пиын гортӧ ну.
Медым петас верӧс сайӧ:
Мӧд мен сюрис гӧтырпу.
Сылӧн мышкас чукля коса,
Сувтса синмас - пемыд гу.
Венечаліс лэчыд сабля:
Вольпась пыдди - кӧдзыд му.
Венечаліс свинеч-пуля,
Ог нин кыв ме ассьым дой.
Ӧні, кырныш, тэнад вӧля:
Босьт да кокав менсьым шой.
Вуджӧдіс С. Куликов
ПЕСНЯ О ЮНОМ БАРАБАНЩИКЕ
ТОМ БАРАБАНЩИК
Ми мунім пушка лыйсьӧм улӧ -
Боецъяслӧн рад бӧрся рад.
Оз дрӧгнит ранаысь ни смертьысь
«Спартак» нима повтӧм отряд.
Отрядын вӧлі барабанщик -
Лӧз синъяса мича том зон.
Атакаын вӧлі медводдзаын:
Пӧсь сьӧлӧма, чужӧмыс дон.
Вот ӧтчыд, войся бипур дорын,
Зэв кыпыда сьыліс герой,
Но дзенгис пуля - сьылӧм орис.
И му вылӧ тупыльтчис шой.
Том зонлӧн кельдіс чужӧмбаныс.
А синъяснас нинӧм оз кор,
А сыкӧд орчча барабаныс
Тшӧтш орӧдіс кыпӧдысь гор.
Со колисны ылӧ война вояс,
Но кадыс кӧть мыйта эз мун,
Оз лӧньны ӧнӧдз война дойяс,
Да ёрт йылысь сьылан оз вун.
Вуджӧдіс С. Куликов
АЛЁША
 
АЛЁША
Мед лым пиас ыбъясыс вошӧм,
Мед лым пиас вошӧм,
Мед лым пиас ыбъясыс вошӧм,
Мед зэръясӧн кисьталӧ тат,
Век сулалӧ тані Алёша,
Алёша, Алёша,
Век сулалӧ тані Алёша -
Болгар муын русскӧй салдат.
И сьӧлӧмлысь тіпкӧмсӧ торкӧ,
Век тіпкӧмсӧ торкӧ,
И сьӧлӧмлысь тіпкӧмсӧ торкӧ,
Кор пуляыс швачӧдіс дыр,
Мый сы вылын из гимнастёрка,
Пыр из гимнастёрка,
Мый сы вылын из гимнастёрка,
Дай сапӧгыс изйысь жӧ пыр.
Зэв унаӧс сэки ми воштім,
Зэв унаӧс воштім,
Зэв унаӧс сэки ми воштім,
И кымынӧн юрсӧ эз вай,
Но мый буретш тайӧ Алёша,
Алёша, Алёша,
Но мый буретш тайӧ Алёша,
Болгар муын тӧдӧны став.
Лӧнь му вывсьыс вывланьӧ кайӧм,
Лӧнь му вывсьыс кайӧм,
Лӧнь му вывсьыс вывланьӧ кайӧм,
И эновтны оз вермы кыр.
И нывъяслы дзоридз оз ваяв,
Оз ваяв, оз ваяв,
И нывъяслы дзоридз оз ваяв,
Сы кок улын дзоридзыс тыр.
И тӧдса, кыдз шонді да тӧлыс,
Кыдз шонді да тӧлыс,
И тӧдса, кыдз шонді да тӧлыс,
Кыдз енэжыс кодзулӧн тыр,
Век сулалӧ кар вылас чӧла,
Век сулалӧ чӧла,
Век сулалӧ кар вылас чӧла
И кутас тадз сулавны пыр.
Мед лым пиас ыбъясыс вошӧм,
Мед ыбъясыс вошӧм,
Мед лым пиас ыбъясыс вошӧм,
Мед зэръясӧн кисьталӧ тат,
Век сулалӧ тані Алёша,
Алёша, Алёша
Век сулалӧ тані Алёша -
Болгар муын русскӧй салдат.
Вуджӧдіс Н. Обрезкова
ЕХАЛ Я ИЗ БЕРЛИНА
ЛОКТІ ГОРТӦ БЕРЛИНЫСЬ
Локті гортӧ Берлинысь,
Туйыс веськыд да бур,
Вежлі уна машина,
Вайи ловъяӧн юр.
Бӧрӧ коли Варшава,
Бӧрӧ коли Орёл,
Тані миянлысь слава
Тӧдліс видз, тӧдліс ёль.
Припев:
Эй, встречайт
Да сывъяв менӧ вай,
Да курыдторсӧ тырджыка
Кисьты меным вай.
Уна муяс ми мунім,
Уна вуджим ми видз,
Сӧмын некысь эг аддзӧй
Миян му кодь жӧ мич.
Миян шондіным ярджык,
Да и шуа ме тадз:
Миян нывъясысь бурджык
Абу свет вылас тан.
Припев.
Тувсов войыс мед олас,
Олас чужанін мед,
Мед эн тӧдлы тэ полӧм,
Ветлі фронт вылӧ ме.
Ов тэ нӧшта на бура,
Югыд зарниа му!
Окышт пӧсьджыка менӧ,
Дона муса шӧвктуг!
Припев.
Вуджӧдіс Н. Обрезкова
ВАСЯ-ВАСИЛЁК
Припев.
ВАСЬӦ-ВАСИЛЁК
Мый нӧ, Васюк, зумыштчин,
Юртӧ ӧшӧдӧмыд,
Ныртӧ увлань нюжӧдін,
Весьнад нюкыртчӧмыд?
Шмоньӧн-гажӧн тышӧ век
Чепӧсйывлін водзын.
Мый нӧ лои тэкӧд, эк,
Васьӧ-Василёчек?
Муса вок,
Ок, Васьӧ-Василёк!
Припев:
Абу мича коньӧравны,
Шогнад морӧс мед эз тыр,
Весиг эм кӧ мый кодравны,
Гажтӧм думъяс бокӧ зыр!
Весиг эм кӧ мый кодравны,
Гажтӧм думъяс бокӧ зыр!
Вӧрӧгъясӧс нӧйтнытӧ
Кивыв серамсорнад.
Нывсянь письмӧ абу кӧ,
Гажыд тай сэк орлӧ.
Гижӧд нывсянь вежон вит
Пошта эз нин вайлы,
Сьӧлӧм тай оз нӧрӧвит,
Мелі кывъяс дзайгӧ.
Муса вок,
Ок, Васьӧ-Василёк!
Припев.
Мый нӧ, Васьӧ, дона ёрт,
Помвыв асьтӧ йиран?
Радейтӧ кӧ, гижӧдтор
Воас. Эн пыр йирӧ.
Эз кӧ перӧ-ручка сюр,
Сідзкӧ, вунӧдӧма.
Асладорсянь тожӧ бур -
Абу-й радейтлӧма.
Муса вок,
Ок, Васьӧ-Василёк!
Припев.
Зумыдджыка орччӧн сувт,
Ёртасьӧм на ловъя.
Ыпъялӧ кӧ морӧс куд,
Нылыд коркӧ лолас.
Талун ёнтӧ сьӧлӧм дой,
Аскиыс на водзын.
Юртӧ кыпӧд, зэвтлы сой,
Васьӧ-Василёчек!
Муса вок,
Ок, Васьӧ-Василёк!
Припев:
Абу мича коньӧравны,
Шогнад морӧс мед эз тыр,
Весиг эм кӧ мый кодравны,
Гажтӧм думъяс бокӧ зыр!
Весиг эм кӧ мый кодравны,
Гажтӧм думъяс бокӧ зыр!
Вуджӧдіс О. Уляшев
В ЗЕМЛЯНКЕ
ЗЕМЛЯНКАЫН
Нӧйтчӧ кӧрт пачын дзескӧдӧм би,
Сирыс пес вылас синва кодь сӧдз.
Гудӧк шы улӧ казьтывлам ми
Чӧдлач синъяс да нюмъя вом рӧч.
Шӧпкис тэ йылысь рассялӧм эрд,
Москва гӧгӧрса вольсасьӧм чӧв,
Кӧсъя, мед эськӧ кылін и тэ
Нормӧм гӧлӧсӧс, кӧн кӧть эн вӧв.
Ӧні ме дорысь ылын тэ зэв,
Лымъя саваныс лача оз коль.
Тэӧдз ӧні он лэб ни он кев,
Смертьӧдз воськолыс куим-ӧ-нёль.
Сьыв жӧ, гудӧкӧй, бушковсӧ вен,
Чуксав ылалӧм шудсӧ, эн пов!
Кын землянкаын онялӧ мен
Тэнад муслунӧн ымралысь лов.
Вуджӧдіс О. Уляшев
ДАВАЙ ЗАКУРИМ!
ВАЙ ШПУТКАМ!
Шоныд пӧльтӧ тӧвру. Рабзьӧмаӧсь туйяс.
Лунвыв фронтын бара - шляка сора зэр.
Сылӧ лым Ростовын, Таганрогын улис.
Коркӧ тайӧ лунъяссӧ ми казьтыштлам на, дерт.
Припев:
Биӧн сотӧм гортъясӧс,
Вӧвлӧм вокъяс-ёртъясӧс
Кӧнкӧ шойччиг казьтыштлам коркӧ вояс мысьт.
Казьтышта пехота,
Ассьым муса рота,
Да и тэнӧ, бур мортӧс, куритӧдӧмысь.
Вай шпуткам, ёртӧй, чигаркаӧн пай,
Чигарка шпуткам, бур ёртӧй, вай.
Гурйыв восьтас ӧдзӧс Одессаным бара.
Чёрнӧй море весьтын воссяс кодзув вевт.
Нималысь Каховка Николаев каркӧд -
Коркӧ тайӧ лунъяссӧ ми казьтывлам на, дерт.
Припев.
Кор нин вояс мысти вунлас вӧвлӧм шогыс,
Мусаясным дорӧ волам коркӧ бӧр.
Украина кузя рытыввыв кыдз собим,
Коркӧ тайӧ лун йылысь восьтлам паметь йӧр.
Припев.
Вуджӧдіс О. Уляшев
КАТЮША
КАТЮША
Дзордзалӧны яблоня и груша,
Юяс весьтын шлывгӧ-кывтӧ ру,
Кыркӧтш дорӧ волывлӧ Катюша,
Крут кыр вывсянь видзӧдлыны ю.
Петавлывлӧ, гажа сьылан сьывлӧ,
Кутш кодь повтӧм зонсӧ сьылӧдӧ,
Кодсянь уна мелі кывсӧ кывліс,
Кодсянь гижӧд дзебасын видзӧ.
Ой тэ, сьылан, нывлӧн гора сьылан,
Юсьӧн зарни шонді бӧрся кывт,
Зонлы ылысса граница вылын
Муса нывсянь козьнав шоныд кыв.
Мед оз вунӧд, коді сылы муса,
Медым нывлысь кывлас сьылан гор.
Медым видзас ассьыс чужан мусӧ,
А Катюша видзас донатор.
Дзоридзалӧ яблоня и груша,
Юяс весьтын шлывгӧ-кывтӧ ру,
Кыркӧтш дорӧ волывліс Катюша,
Крут кыр вывсянь видзӧдлыны ю.
Вуджӧдіс О. Уляшев
ЭХ, ДОРОШ
 
ПОМТӦМ ТУЙЯС
Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Он тӧд водзвыв
Ассьыд туйпом,
Гашкӧ, бордтӧ чеган
Степъяс шӧрын, тон.
Путшкӧ буссӧ сапӧг гӧлень -
Степ пӧлӧн,
Му пӧлӧн,
Ставыс ыргӧ биӧн-тӧлӧн,
Да пуля дзижгӧ.
Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Лыйӧм шпатькас,
Кырныш лэбзяс...
Орчча ёртыд гатшӧн
Кулӧм жуйгӧдчас.
Помтӧм туйыс водзӧ разьсьӧ,
Быглясьӧ,
Веглясьӧ,
Муыс гӧгӧрбок тшынасьӧ -
Дзик тӧдтӧм, йӧз му.
Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Пожӧм ягын
Шонді чеччӧ,
Мамыс кильчӧ вылын
Писӧ виччысьӧ.
Помтӧм-дортӧм туйяс пӧлӧн,
Степ пӧлӧн,
Эрд пӧлӧн,
Миян бӧрсянь видзӧдӧны
Мусаник синъяс.
Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Лым кӧть бушков
Казьтыштлам ми...
Тайӧ туйяс некор
Оз позь вунӧдны.
Вуджӧдіс О. Уляшев
ШЛИ ТРИ КАЗАКА
 
КЫК ГЕРОЙ
(«Шли три казака» серти йӧзкост сьыланкыв)
Локтӧны кык герой пинскӧй пронт вывсянь,
Пинскӧй пронт вывсянь гортаныс.
А пинъяскӧд тышын морӧсӧй ранитчис,
Морӧсӧй ранитчис куимысь.
Тӧварыш, тӧварыш, висьӧ менам рана,
Висьӧ менам рана чорыда.
Ӧти рана бурдӧ, а мӧд рана воссьӧ,
А коймӧднас кувны лоас мен.
Тӧварыш, тӧварыш, вайлы мен гумага,
Ме гортам гижышта письмӧтор.
Гортын менам челядь, том гӧтырӧй менам,
Найӧ виччысьӧны менӧ.
Но мед виччысьӧны, абу важнӧй делӧ,
Сёровно ме гортӧдз ог нин во.
Кор быдмасны челядь, юаласны мамлысь:
«Кӧні миян рӧдимӧй батьным?»
Сэк мамыс жугыльтчас дай синванас бӧрддзас,
Дай челядьлы ӧтвет видзас:
«Тіян рӧднӧй батьныд и пиннъяскӧд тышын,
И пиннъяскӧд тышын усис.»
Менам гӧтыр том на, аддзас аслыс мужик,
А челядьлы бать некор оз ло.
Тӧварыш, тӧварыш, гуав менсьым лыяс,
Гуав менсьым лыяс пыдӧджык.
Прӧшшай, менам другӧй, прӧшшай, менам челядь,
Прӧшшай, том гӧтырӧй менам!
Корсис О. Уляшев
КАТЮША
(«Катюша» серти йӧзкост сьыланкыв)
Зӧридз лудъяс, мича бадьяс пӧлӧн
Шоныд тӧлӧн гыалӧ нырвыв.
Гожся рытӧ джуджыд берег вылӧ
Петавлывлӧ мичаник том ныв.
Петавлывлӧ рытын-сёрын сійӧ,
Мича горӧн сьылӧ сьыланкыв.
Сьылан шыын милӧйлӧн ним юргӧ,
Коді видзӧ краснӧй рубежвыв.
Сьыланкывйӧй, мича нывлӧн горӧн
Лэбзьы ылӧдз, степті-вӧрті мун.
Муса тӧлӧй, крепыд бордъя тӧлӧй,
Менам нимсянь зонлы привет ну.
Мед оз вунӧд сійӧ ассьыс нывсӧ,
Мед жӧ кывлас нывлысь сьылан шы,
Мед жӧ видзас рӧднӧй Сӧвет мусӧ,
Топыда мед киас кутас штык.
Корсис О. Уляшев

Текущая версия от 20:08, 20 апреля 2019

Быль ли, небыль... Важын ни эта вӧлӧм. Сэк и тӧв пӧ абу вӧлӧм таланьын. Ыджыт Шонді абу и вешшывлӧм эна местаэзісь. Пыр вӧлӧма мича да гажа. Быдмӧма сэк татӧн басӧк лапья вӧр - Парма. Олӧмась вӧрас зверь-пӧткапӧлӧс. Отир эшӧ абу на вӧлӧм. Уна ли, етша ли чулалас кад - Пармаыс чужтас зонӧс. Шуасӧ сійӧ Пераӧн. Бытшӧм да кодя быдмас хозяин - и вӧрыслӧ, и муыслӧ. Керас сія аслыс ньӧв, лӧсьӧтас ёссез. Ветлӧтӧ пӧ аслас му кузя, видзӧтлӧ, медбы и пуэс быдмисӧ бура, медбы и зверь-пӧткапӧлӧс оліс бытшӧмика, медбы и чериыс уяліс сӧдз ваэзын. Ӧтпыр Пераыс лэдзчас Кӧсва дорӧ, аддзӧ: мышкыртчӧма кымӧрсянь сизим рӧма Енӧшка да юӧ васӧ. - Тэ мыля юан менам юись васӧ? - юалӧ Енӧшкаыслісь Пера. - Мун татісь. - Ме эг тӧд, что ваыс тэнат, - шуӧ Енӧшка, - а ютӧг ме ог вермы овны. Сет юны пӧттӧдз. - Сета, ежели тэ менӧ кайӧтан кымӧрас. Ме бы видзӧта, мый сэтчин керсьӧ. - Пуксьы, - шуӧ Енӧшка, - сюррезӧ вылӧ. Пера пуксяс сы сюррез вылӧ, мӧтыд и лэбтас сійӧ кымӧрас. Сувтас кымӧрас Пера, и оссяс сы одзын Енма. Кытчӧ оз видзӧт, быдлаын городдэз да городдэз - дӧс алмазісь да чар изісь керӧмась. Быдлаын биэз сотчӧны: ыджытӧсь и учӧтӧсь, гӧрдӧсь, лӧзӧсь и вежӧсь. А шӧрас сотчӧ медыджыт би, Шонді-Би. Охота лоас Пераыслӧ босьтны кӧть неыджыт би тор да лэдзчӧтны сійӧ му вылас. Локтас сія Шонді-Биыс дынӧ да кватитас бы... Сэтчӧ кыдз гымыштас, кыдз вирдыштас - и чапкач Перасӧ ылӧ-ылӧ Би дынсяняс. Пондас усьны Пераыс тартарарыӧ. Но вот кутас кинкӧ сійӧ, лэбтас и пуксьӧтас мыйӧкӧ небытӧ. Видзӧтӧ Пераыс - аддзӧ: пукалӧ сія кымӧровӧй подушкаэз вылын, золотӧй додьын, а кыскӧ сійӧ серебрянӧй вӧв. Бокас сыкӧт пукалӧ басӧкся-басӧк нывка. Синнэс сылӧн лӧз кымӧрись, рожабаннэс - асывся зарниись, юрсиыс - чистӧй золотоись, а паськӧмыс свиттялӧ, нельки синнэз янӧтӧ. - Тэ кин сэтшӧмыс? - юалӧ нывкаыслісь Пера. - Ме Зарань, Шонділӧн ныв. Быд асылӧ ме сайма одзджык Шондіысся и быд рытӧ вода сысся сёрӧнжык. Ме дозирайта, медбы Шондіыс некинӧс эз сот. А тэ мыля павкин Шонді-Биас? - юалӧ сія Пераыслісь. - Ме мӧді лэдзчӧтны сійӧ му вылас, - шуӧ Пера. - А мыйлӧ сія тэныт му вылас? - Медбы городдэз сэтшӧмӧсь жӧ гырисьӧсь да басӧкӧсь быдмисӧ, кыдз Енмаас. - А кин пондас нія городдэзын овны? - юалӧ Зарань. - Миян тэкӧт челядьным. Эд ме тэныт, тыдалӧ, гленитчи, раз тэ менӧ дорйин, - шуӧ Пераыс. - О-о, смев тэ, зонка. Смев да удав, - шуӧ Зарань, - эшӧ некин эз на лысьт кайны татчӧ, а тэ вот кайин. Эшӧ некин эз на лысьт павкӧтны Шонді-Бисӧ, а тэ павкӧтін. Дорйи бы ме кӧть кинӧс, но тэнӧ эшӧ и радейта. - Сэк лэдзчам мекӧт му вылас, - шуӧ Пера. - Ме мыччала тэныт ассим богатствоэз: керӧссэз да вӧррез, юэз да тыэз, видззез да ыббез. И иньдӧтас Зарань ассис серебрянӧй вӧвсӧ увлань, муыслань. Лэдзчасӧ нія му вылӧ, и Пера пондас мыччавны Зараньыслӧ ассис богатствоэз: вылын мыссэз-керӧссэз да гажа вӧррез, сӧстӧм юэз да басӧк тыэз, цветитан видззез да веж ыббез. Гленитчӧмась нія Зараньыслӧ, и согласитчас сія кольччыны Пераыскӧт му вылас. Сэк окалас Парма-Вӧрлӧн зоныс Шонділісь нывсӧ. Казялас этӧ кымӧрсянь Шондіыс, лӧгасяс Зараньыс вылӧ и пышшас эна местаэзісь: ась пӧ кынмӧны кӧдзытсяняс. Му вылас сэк жӧ лоӧма кӧдзыт да пемыт, пондӧмась пӧльтны ойся тӧввез, кынмӧмась юэз да тыэз, лым столаэз тыртӧмась быд пельӧсок. Лёк тӧвчик пондӧма гӧрдззыны ассис кузь бӧж, каляннэз пондӧмась уннявны-повзьӧтчыны. Сэк Пера лэбтас Зараньсӧ киэз вылас да пыртас вӧрӧ. И Парма-мамыс примитас нійӧ ласкова и дзебас аслас лапъя да небыт уввез увтӧ. Сизим год сьӧрна абу вовлӧма талань Шондіыс, сизим год сьӧрна олӧмась Пера да Зарань вӧр пытшкын. Сы коста Зарань быдтас ни Пераыслӧ сизим зонӧс - вынася-вынаэзӧ да сизим нылӧс - басӧкся-басӧккезӧ. Зоннэс пондасӧ вӧравны ни, и ныввес - гортовисявны. Ветлӧтас-ветлӧтас кытӧнкӧ Шонді и охота лоас сылӧ видзӧтны, мый ни лоис нылыскӧт. Локтас сія талань бӧр. Сэк жӧ лоас бӧра шоныт да югыт. Пышшасӧ тӧввез и каляннэз, дзебсисяс тӧвчик. Сыласӧ юэз да тыэз, пондасӧ цветитны быдмассэз. Енӧшка мышкыртчас Кӧсва весьтӧ юны. Пондас корны Шондіыс Зараньсӧ, медбы кайис сія бӧр кымӧрас, кытӧн пыр шоныт да гажа, кытӧн быдӧс тырмӧ, мый бы эз ков. Зарань оз бы кай. - Меным, - шуӧ, - татӧн бур. Сэк Шонді пондас грӧзитчыны: - Ме бӧра пышша татісь, ась ті кынматӧ. Зарань и баитӧ: - Сизим год олім - эг кынмӧ. Вӧр шонтіс. - Сэк сота быдӧннытӧ ӧтлаын вӧрыскӧт, - повзьӧтлӧ Шонді. Повзяс Зарань и шуӧ Пераыслӧ: - Только кымӧрас ме верма видзны сійӧ, медбы эз сот. Колас кайны. Каям быдӧнным. Пера и шуӧ: - Ме татӧн чужи, быдми, татчӧ и кольчча. Торйӧтасӧ сэк нія челядьнысӧ кык торйӧн - мукӧдсӧ кольны му вылӧ, мукӧдсӧ кайӧтны кымӧрӧ. Но лӧгасяс сэк Парма-вӧр: - Ме нійӧ шонті, верді, а нія пышшӧны бы. Ась мунӧ Зараньыс ӧтнас, кысянь локтіс, а челядьыс ась кольччӧны му вылӧ! И лӧсьӧтас сія говк: ӧтӧрын ыкӧстан - мӧдӧрын кылӧ. Пондас Зарань кытсавны челядьсӧ, медбы кайӧтны Енмаас: ыкӧстас ӧтӧрӧ - мӧдӧр кылӧ. Сідз нія и янсӧтчасӧ: Зарань мунас лунлань, челядьыс - ойлань. Дыр горзас, корас челядьсӧ Зарань, но нія озӧ кылӧ. Эта коста Шондіыс сыбурна пондас сотны ни, нельки ваэз косьмасӧ, муыс потласяс, быдмассэз кельдӧтасӧ. Нем керны - Зарань каяс кымӧрас ӧтнас, медбы не сетны Шондіыслӧ сотны челядьсӧ. Лишь коляс му вылас ассис серебрянӧй вӧв да золотӧй додь, медбы кӧр-нибудь кайисӧ челядьыс сы дынӧ Енмаас. Эта кадӧ Пераыс ӧктас ассис зоннэсӧ, сетас нылӧ ньӧввез да кайӧтас медвылын керӧс вылӧ мыччавны Шондісӧ. - Видзӧтӧ, - шуӧ сія нылӧ, - вон ыджытся-ыджыт би, Шонді-Би; сысянь быдӧс бурыс: шоныт и югыт, сыснь городдэз быдмӧны. Но сысянь жӧ и быдӧс умӧльыс: сія сотӧ и сія кынтӧ, сія янсӧтіс быдӧннытӧ тіянӧс и менӧ мамныткӧт. Ме пондылі сыкӧт вермасьны, но ӧтнам эг вермы. А ӧні мийӧ унаӧсь. Лэбтасӧ сэк сизимнан зоныс ньӧв и лыясӧ веськыт Шонді-Биас. Ӧтдруг ныкӧт лыяс Пера аслас медыджыт ньӧлісь. Зэгалас быдӧс Шонді-Би, чеччӧвтас сы бердісь ыджыт би тор да киссяс бичиррезӧн омӧн му кузяс. Ӧзъясӧ Пармаын сэк биэз, ыджытӧсь и учӧтӧсь, лӧзӧсь и вежӧсь. И пондасӧ быдмыны городдэз, сэтшӧмӧсь жӧ гырисьӧсь да басӧкӧсь, кыдз Енмаас. Нія городдэзын важся каддэзсянь олӧ отир - Пералӧн да Зараньлӧн челядь. Шуӧны нійӧ пермяккезӧн да зырянаӧн. Кодя отир. И шоныт, и гажа эта странаын. Вылын мыссэз-керӧссэз да гажа вӧррез, сӧстӧм юэз да басӧк тыэз, цветитан видззез да веж ыббез, а сідзжӧ городдэз да посаддэз - ыджыт богатствоэзӧн тырӧма край. Шонді бы и ӧні пышшӧ татісь (быд годӧ сы коста тӧввез овлӧны), но оз вермы, раз ыджыт тор сылӧн мусӧ шонтӧ. Сія бы и сотӧ гожумнас, но Зарань оз сет. Сія сё медодз чеччӧ асывнас и медбӧръя водӧ рытнас - дозирайтӧ, медбы некинӧс эз сот Шондіыс. Только быд гожумся асылӧ мусӧ да вӧрсӧ вевттьӧ кыз сӧстӧм лысва. Этӧ Зарань одз асывнас, кӧр эшӧ быдӧнныс узьӧны, горзӧ - гажтӧм сылӧ челядьыстӧг. Да и челядьыс сылӧн частожык баитлӧны, кыдз бы адззыны серебрянӧй вӧвсӧ золотӧй додьнас да кайны Енмаас. Одзжык эз веритлӧ, а ӧні веритӧны ни тай, что кымӧрас туйӧ кайнытӧ. Ме бы кайла жӧ сэтчин.

Источник — http://wiki.fu-lab.ru/index.php?title=Пос&oldid=52660