Пос: различия между версиями

Материал из Wiki FU-Lab
Перейти к навигации Перейти к поиску
Нет описания правки
(Полностью удалено содержимое страницы)
Строка 1: Строка 1:
Алимент-частушкаяс.
(Нывъяслӧн сьыланторъяс).


I
Быдӧн ӧні тӧдӧ, мый лоӧ „алимент'. Тайӧ алиментыс зэв эськӧ буртор да,
сӧмын зонъяслы алиментыс озджык сьӧлӧм вылӧ во. Сы вӧсна нывъяс мукӧд дырйи
серавлӧны зонъяс вылас дай частушкаяс алимент йывсьыс сьылӧны.
Ӧтчыд окалі ме зонмӧс.
Садьтӧг повзис коньӧр-зон:
Тайӧ окалӧмсьыд, шуӧ,
Кага кӧрым перъян-он?
Муса-Васюк, мыйла пышъян?
Мыйла аскодьтӧ он чайт?
Васюк шуӧ: ог кӧ пышйы,
Лоас сетны уна шайт!
Войдӧр нывъяс дінӧ мунны
Зонлӧн тэрыб вӧлі кок.
Ӧні мырдӧн сійӧс коран,
Судысь полӧ да оз лок!
Важӧн зонлы лӧсьыд вӧлі,
Ӧні нывлы воис кад.
Мукӧд дырйи мукӧд зонмыс
Ваӧ пырны весиг рад!
Шонді-банӧй Петрованӧй,
Дона-Петюк, муса-зон,
Регыд кага тэныд вая:
Ассыд питӧ вердан-он?
II.
Унджык-нылыслы абу эськӧ зэв долыд, кор найӧ сьӧктасны. Норасьӧны найӧ
зонъяс вылад.
Ванюк окасигас кайтліс:
Тэтӧг ӧти-лун ог ов!
Нӧксӧ курыштіс да шуис:
Мем пӧ татшӧмыд оз ков!
Ӧкмыс тӧлысь бӧрын мусук
Менам вежсис, лои мӧд.
Кага кӧрым куті корны, —
Ме пӧ тэнӧ ог и тӧд!
III.
дерт, татшӧм мусукъясыдлысь бурӧн нинӧм он босьт, кӧть сэсся каганад тшыглы кув. Лоӧ судӧ пырны кага кӧрым (алимент) перйыны.
Эн на, зонмӧ, ёна серав,
Сӧвет-власьтлӧн эм на суд!
Мый ме кора, регыд сетан:
Татшӧм ӧні тэнад шуд!
Зонкӧд суд водзӧ ми пуксим,
Зонлӧн чужӧмъясыс гӧрд;
Судлӧн шуӧм сэтшӧм лои:
Ассьыд кагатӧ пӧ верд!
Мыйла соссян, муса Пашук?
Судыс аддзас, коді бать.
Коркӧ иславлін тэ бура,
Ӧні кыскав сэсся дадь!
IV.
Алимент-судитӧм бӧрас долыдджык нин лоӧ нывъясыдлы. Сэки найӧ ещӧ на
ёна шмонитлӧны да эльтлӧны зонъяссӧ.
Уна мусук Колюк видзс.
Быд-во кага, сӧмын верд.
Кага кӧрым вылас, Колюк,
Зіля уджав да эн бӧрд!
Быдлун няньсӧ изӧ, изо
Миян Ӧльӧ, мельник-пи.
Мельник-Ӧльӧ ордӧ мунам
Алиментла ставным ми!
Пинжак вурӧм вылӧ Якӧ
Деньга чӧжис куим-во.
Кага кӧрым сэсся мынтіс,
Пинжак вурӧмъяс эз ло!
Лыдтӧг мусукъяссӧ видзліс
Ягдор-сикса Алтомон.
Ӧні лыдӧн сэсся сетӧ
Налы мусукасян дон!
Ассьыс овсӧ Ёгор вежис:
Ме пӧ абу ӧні ме!
Маръя горзӧ: кага кӧрым
Зэв на бура мынтан тэ!
Пемыд инӧ Гриша пуксис,
Кага вердны эз кӧ куж.
Коді судлысь кыв оз кывзы,
Сылы петкӧдласны пуж!
Тэкӧд, муса-алиментӧй,
Нывлы воис оландыр.
Мед жӧ тайӧ алиментыс
Некор му вылысь оз быр!
-
V.
Казьтывлӧны мукӧд дырйи судсӧ и, прокурорсӧ и, милициясӧ и, некодӧс оз вунӧдны. Алимент йывсьыс судитчӧмыс пыр на налы кыдзкӧ тешӧн кажитчӧ
Суддя бӧрдӧ. Мый нӧ лоин?
Воши, шуӧ, менам юр.
Быдлун кагаясӧн мырся,
Некыдз батьясыс оз сюр!
Ыджыд дивӧ судын лои:
Ӧти кага — куим бать.
Куим пытшкас кыдзкӧ сюри
Еджыд-тоша Спира-дядь!
Кодьсянь лои менам кага
Ачым корсьысьны ог кут.
Батьсӧ корсьны судлы тшӧкта,
Миян сы вылӧ и суд!
Прокурор дінӧ ме муна:
Отсав меным, прокурор!
Прокурор мем лючки шуис:
Став законыс нывъяс-дор!
Тэ, милиция, мый узян,
Ассьыд службатӧ он тӧд?
Алименттӧ ӧдйӧ перйы,
Меньым киӧ деньга сет!
Закон-чукӧрысь мем лыддис
Делегатка сэтшӧм кыв:
Коді кага вайны кужӧ,
Абу омӧль сійӧ ныв!
VI.
Веськыда кӧ шуны, мукӧд нылыс (шочиник жӧ эськӧ да) ачыс корсьӧ алиментсӧ, ачыс вӧтлысьӧ зонъяс-бӧрся. Оз позь став нывсӧ ошкыны. Эмӧсь и на пытшкын
шогмытӧм, яндысьтӧм аньяс. Татшӧм алимент-корсьысь-нылыс зэв удал.
Быд-вой ветла, мусук корся.
Сизим мусук менам эм.
Нинӧм повны, позьӧ овны:
Ставныс мынтысясны мем!
Мам оз тшӧкты зонкӧд узьны.
Нинӧм, мамук, тэ он тӧд!
Зонкӧд узя, кага лоас,
Сӧмын деньга зептад лӧд!
Гӧлькӧд кутчысьлі ме ёна,
Кага сы вылӧ эг гиж.
Гижи батьӧн озыр-мортӧс,
Гӧлькӧд судитчыны дыш!
Ӧтчыд служащӧйӧс кутлі.
Ставыс лои сэсся шань.
Ӧні мича-платтьӧ новла,
Быдлун сёя еджыд-нянь!
Оз кӧ радейт менӧ зонмыс,
Пуа сылы самӧкур.
Самӧкуртӧг, кода-суртӧг
Алиментъясыс оз сюр!
Ӧгрӧ кага кӧрым перйӧ,
Кага кӧрым перъя ме.
Тэ-дор висьтала ме, Ӧгрӧ,
Ме-дор, Ӧгрӧ, висьтав тэ!
Юсь.
„Регыд нырвомад рабышта“
Талун празьник. Вичко-жыннян асыбыд на юргӧ. То ӧткӧн
зьвӧнитӧны, то друг ставнас ватагаавны мӧдасны. Васька-стӧрӧж
звӧнитны сяммӧ. Уна-мортӧс звӧн-шыас йӧктӧдас, дзик быдьтӧ& гудӧкасьӧ.
Кырув-сиктын празьник кежлӧ уна вина вӧчӧны, уна гӧсьтъясӧс
видчисьӧны. Мужикъяс-мужикӧс, бабаяс-бабаӧс. Вичко бӧрын быдӧн
,,ӧбӧдайтны“ корӧны, ставыс ас-гортаныс тшӧктӧны пырны.
Празьник кежлӧ Ивӧ-Сьтэпан тшӧтш веськалі. Вит-во нин карын оліс
да гӧститны локтіс. Важ-чужан интӧ век гажыд петӧ видлыны. Сиктын быдсӧн тӧдсаӧсь. Ставыс сёрнитӧны, быдтор юасьӧны.
— А-а, Сьтэпан Иванӧвич локтӧма... Олан-вылан! Горттӧ видлыны бара на локтӧмыд... Мыйыжда быдмӧмыд!.. Мунігад ӧд дзик на
челядькодь и вӧлін... Том-йӧзыд со ӧдйӧ быдмӧны!..

Версия от 19:50, 5 марта 2017