Пос

ЧЕЛЯДЬ ДОРӦ ГАЖӦН КЫВБУРЪЯС

1990 Сыктывкар
Коми книжнӧй издательство

© Составление, перевод. С. Л. Куликов. Оформление. В. Б. Осипов, 1990. А. Барто ВӦВ Радейта ме ассьым вӧлӧс, Сійӧ тӧдӧ менсьым гӧлӧс. Сыналышта вӧлӧс ачым, Сійӧ нуас менӧ скачӧн. СТАВӦН УЗЬӦНЫ Узьӧ ошпи, узьӧ слӧн. Локтӧ унмыс курӧглӧн. Узьӧ-вӧтасьӧ, зэв шань, Ӧшинь вылын миян кань. Ӧтнас пармаын оз узь Сувтса синма пӧрысь сюзь. ОШПИ Ошкӧс джоджӧ уськӧдісны, Сылысь коксӧ нетшыштісны. Ог сет шыбитны ме сійӧс: Кута бурдӧдны ошпиӧс. САМОЛЕТ Ӧшинь улын, миян йӧрын, Ачым вӧча самолёт. Вӧръяс весьтті лэбӧм бӧрын Мамӧ дорӧ пукся. Вот!.. ОШ Туй шӧрӧд мунӧ-буалӧ Кыз сюра ыджыд ӧш, А паныд сюран — люкалас. Тэ водзвыв бокӧ кеж. ГРУЗӦВИК МАЗ-лысь кузовсӧ ог восьтӧй, Каньӧс гуляйтны ог босьтӧй: Каньным кузолас оз тӧр. Медым гортӧ мунас бӧр. КӦЗА Ичӧт кӧза рам да мича, Лудын йирсьӧ лунысь-лун. Сійӧс ёна сюся видза, Медым зэв ылӧ эз мун. Сӧмын кадыс ньӧжйӧ мунӧ, И мед ёна ун эз лок, Чойлы дзоридз ӧкта уна, Кыа юр вылас венок. КОРАБЛЬ Юрын бескозырка, Пасьталі бушлат. Кӧв йылын ме кыска Паруса корабль. Кӧчиль меным шуӧ Кевмысьӧмӧн тан: «Менӧ ылыс туяд Босьт тшӧтш, капитан». кӧчиль Бӧрдӧ кӧчиль лабич вылын, Сылӧн бӧрдӧм ылӧдз кылӧ.

Талун сійӧ вывті нэр —

Дзикӧдз кӧтӧдӧма зэр. ТАНЯЛӦН МАЧ Миян Таня бӧрдӧ гора: Мачсӧ уськӧдӧма шорӧ. Ӧвсьы, Таня, тэ эн бӧрд, Оз вӧй мачыд — кутам бӧр. ПЫШКАЙ Пуксис пышкай ӧшинь вылӧ. Ок и мичаа жӧ сьылӧ! Эн на лэбзьы, ичӧт чой. Лэбзис кайпи — ой! ШОНДІ ЮГОР

Шонді дзоргӧ ӧшинь пыр,

Зарни югӧр синмӧ койӧ. Шонді кӧчьяс керка тыр. Найӧс куталам ми збоя. ФЛАГ Гӧрд флагным ӧзйӧ Кыдзи би, А бисӧ быттьӧ Ӧзтім ми. СЮРУК Веж луд вылӧ йирсьыны Сюрук миян петіс. Рытнас сійӧ челядьлы Чӧскыд йӧвсӧ сетас. Саша и Танюшка Юасны дзонь кружка. Ставӧн бура пӧтасны, Кысӧлы тшӧтш сетасны. М. Клокова ДАДЬ Пӧльтӧ лэчыд кӧдзыд тӧв, Шарик гора увтӧ. Чой горулӧ кыдзи ньӧв Дадь со мунӧ-тюрӧ. Даддьыс бӧрся быттьӧ бус Лымйыс тшын моз кайӧ. Рая Ванякӧд — эн усь — Исковтӧны тайӧ. Тэрыб дадьсӧ Ванюклы Вӧчис пӧрысь дедыс. Сӧмын шемӧс Шариклы, Кыдзи даддьыс лэбӧ. МЕНАМ ВОВ Гоп, гоп! Ассьым вӧв Гидняын ме видза. Сылӧн бӧжыс — тугъя шӧвк, Бурысьыс зэв мича. Вӧв вылӧ пукся ме, «Но!» — ме шуа гора. Видзӧдӧй, кыдзи ме Муна мамӧ дорӧ. В. Хорол КӦЧИЛЬ Кузь пеля кӧчиль Лым вылын сырмӧ. Бӧрдӧ коньӧр кӧчиль — Нырыс ёна кынмӧ. Кынмӧ кӧчлӧн бӧжыс, Дзикӧдз кынмис нырыс. Сэсся коньӧр кӧчиль Челядь дінӧ пырис. Регыд кынмӧм вуніс, Челядькӧд сэн дурис. Сэсся-й чомъяс муніс, Весиг пажын сюрис. КӦЗАПИ Тупи-топи кӧзапи шор дорӧ Тэрмасьӧмӧн гӧнитіс котӧрӧн, Чӧскыд турун йирсигмоз дукаліс, Ичӧт сюрнас чойяссӧ люкаліс. Шонді лэччис — кад воис шойччыны, Оз позь татчӧ вой улӧ кольччыны. А. Бродский ШОНДІ КӦЧ Шонді кӧчьяс йӧктӧны — Оз ков майбыр тшӧктыны. Быд пельӧсӧ волісны, Ӧти здук и олісны. Коді босьтчас нуӧдны Шонді кӧчӧс суӧдны? В. Жуковский КАНЬПИ ДА КОЗА Каньпи, кузь усъяса, Ветлӧдлӧ гусьӧн, Кӧза, кузь сюръяса, Видзӧдӧ сюся. Каньпиным водіс да лапасӧ нюлӧ, Кӧзаным дзор тошсӧ Лэдзӧма улӧ. ПОТЕШКИ КАНЬЛӦН ЧОМ Тили-бом, тили-бом! Миян каньлӧн сотчӧ чом. Каньыс чомйысь чепӧсйис, Повзьӧм синма, чеччыштіс. Чипан эз жӧ виччысь дыр: Васӧ вайис ведра тыр. Гортсьыс пӧнар аддзис вӧв, Кӧчпи кыскис паськыд пӧв. Гӧлик тюрӧдіс зіль пон... Кусӧдісны сотчысь чом. Швуч-швач — ай да ми! — Регыд кусіс би. ДЗОДЗӦГЪЯС, КЫЛАД? Дзодзӧгъяс, кылад? Шога тай сьылад? Га-га-га, га-га-га. Кодӧс да кӧні Аддзылід ӧні? Га-га-га, га-га-га. Кӧин сэн шӧйтӧ, Быдӧнӧс нӧйтӧ. Га-га-га, га-га-га. Вокнымӧс гуис, Сьӧд вӧрӧ нуис. Га-га-га, га-га-га. Дзодзӧгъяс, эн повзьӧй, Горш кӧинӧс корсьӧй! Га-га-га, га-га-га. Збойлунтӧ пестӧй, Дзодзӧгӧс мездӧй! Га-га-га, га-га-га. П. Воронько ВЫЛЬ ПАСЬКӦМ Каньлы праздник водзын Лӧсьӧді бур козин: Мича кӧмкот сюри, Гачсӧ ачым вури. Куті пасьтӧдны — кӧть бӧрд! — Бӧжыс гач пиас оз тӧр. ОШПИ Ӧшпи муртса сулыштіс, Сэсся ёжӧс нюлыштіс. Ёжлӧн емыс вывті ёсь: Ӧшлы кывъяс вӧчис розь. Ӧшпи, коньӧр, скӧралӧ, Ёж сы вылын сералӧ. ЁЛКА, ЁЛКА, МИЧА КОЗ Ёлка, ёлка, мича коз, Лыскыд тэнад ем кодь ёсь. Лапъяс вылад гӧн кодь лым, Мичаа зэв вӧччӧмыд. КӦНІ ЧУНЬӦЙ? Маша кепысясигкості Ассьыс чуньсӧ бара воштіс: Певйыс ас инас эз пыр — Эз и аддзы ассьыс жыр. Маша та вӧсна эз бӧрддзы, Ӧдйӧ кепысьсӧ бӧр пӧрччис. «Со тай чуньӧй!» — горзӧ ныв. Муртса радысла оз сьыв. Б. Серова. ЙӦЛА ТУРУН Мыйла, йӧла турун, Уна платтьӧ вуран: Первой вижӧс новлан, Сэсся еджыд овлан? Гӧн кодь кокни, небыд, Пӧльышта кӧ — лэбан. ПОНТІЛЬГУН Кӧлӧкӧльчик — понтільгун Тільгӧ-ворсӧ лунысь-лун, Копрасьӧ да нюмъялӧ, Мелі кывъяс шуалӧ. Б. Благинина МАМӦЛӦН ПРАЗДНИК Аски мамӧяслӧн праздник, Аски налӧн ыджыд лун. Ӧні лӧсьӧда пӧдарки, Аски сетны мед эз вун. ФЛАГ Шонді шонтӧ чужӧм бок - Май праздник нин воис! Менам киын гӧрд флажок, Ыджыд нин ме лои. Менам флагӧй быттьӧ би Шонді водзын ворсӧ. Майлысь чолӧмалам ми Гажа сьылан горсӧ. ВӦКӦС КӦМАСЬНЫ ВЕЛӦДА Тупли пиӧ сюя кокӧс, Бура кӧвсӧ зэлӧда. Сэсся ассьым ичӧт вокӧс Кӧмасьны тшӧтш велӧда. Некор, шуа, кӧм эн сорлав: Тайӧ — шуйга кокысь, Тайӧ — веськыд кокысь. Друг кӧ зэрмас, лоӧ кӧдзыд — Кӧмалам сэк боті: Тайӧ — шуйга кокысь, Тайӧ — веськыд кокысь... Со ӧд кутшӧм лӧсьыд!

• * *

Уна вӧчим гӧрд флажок, Быдӧнлы дзик сетім. Миянкӧд тшӧтш ичӧт вок Праздник вылӧ петіс. Улич кузя мунам ми, Синъяс шонді ёрӧ.

Флажокъясӧн ворсыштны
Вильыш тӧвру корӧ.

М. Познанская ЛЫМ УСЬӦ Гӧн кодь лымйыс ньӧжйӧник Полігтырйи усьӧ. Зырйӧн весаламӧ ми Керка дорӧдз туйсӧ. Кӧть и мудзыштам, но мед, Туйыд пӧсявтӧг оз шед. Кильчӧ вылӧ петас мам, Шуас: «Кодлӧн тырмис сям Татчӧдз туйсӧ вӧчны, Бокӧ лымсӧ тэчны?» А. Плещеев СИКТСА СЬЫЛАНКЫВ Ловзьӧ ывла вылыс, Гажа жургӧ шор. Гӧгӧр юргӧ-кылӧ Мича тувсов гор. Нимкодясьӧ шонді, Дзоридзалӧ оз. Воысь чикыш пондіс Вӧчны аслыс поз. Чикышлы ме шуа: «Гажаджыка сьыв Ылі муысь вайӧм Ассьыд сьыланкыв».

ЗЭРА АР Шонді кымӧр сайын, Букыд ывла выв, Уль ру вывлань кайӧ, Сырчик оз нин сьыв. Пӧрччысисны пуяс, Кӧкӧй оз нин кӧк, Сӧмын ӧзим муыс Вежӧдӧ на век. Шливгӧ зэр, оз оръяв, Ньӧжйӧ, абу яр. Гылалӧны коръяс — Воис шуштӧм ар. Зэрсьыс муыс небзьӧ, Ланьтӧдчӧ и вӧр. Дзодзӧг чукӧр лэбзьӧ Шоныдінӧ бӧр.

ЛУНЪЯС СОДӦНЫ Ичӧт ӧдӧн, Минут-мӧдӧн, Выль во бӧрын Содӧ лун. Кӧдзыд тӧвлы Шуам: «Чӧвлы, Эн нин скӧрав, Вешйы мун!» МАВТЧЫСЬЯС Куим мавтчысь, мастер збыль — Керка лоис быттьӧ выль. Пемыд, мустӧм вӧлі важыс, Лои сӧстӧм, югыд, гажа. Челядь тані ворсӧны. "Аттьӧ!" налы горзӧны. К. Чуковский КУРӦГ Курӧг оліс-выліс, Сэтшӧм сійӧ бур: Ыджыд вежӧр сылӧн, Тӧлка сылӧн юр. Пилы дӧрӧм вурис,

Гындіс вурун кӧм.

Шапка йыис юрӧ, Дозйӧ вотіс льӧм. Кодыр уджыс эштас, Оз тай виччысь дыр: Кильчӧ вылӧ петас, Сьывны босьтас пыр. И. Суриков ТОВ Гӧн кодь небыд лымйыс Лӧня, быттьӧ гусьӧн, Куш му вылӧ чӧла Ньӧжйӧникӧн усьӧ. Асывнас, кор чеччи, Гӧгӧр еджыд куйлӧ. Муыс ставнас дзебсис Небыд шебрас улӧ. Ӧшинювса йӧрным Лымйӧн тупкысьӧма, Весиг муса вӧрным Дзикӧдз унмовсьӧма. Шонді оз нин шонты, Нюжалісны войяс. Кӧдзыд пӧльыс вӧрті Восьлалӧ зэв збоя. С. Маршак ЁЛКА ЙЫЛЫСЬ СЬЫЛАНКЫВ Уна мича коль да лыс Коз пу вылын быдмӧ, Сӧмын чача-шаръясыс Сы вылын оз быдмы. Ёлка вылӧ асьным ми Чача ӧшлам уна, Ӧзтам мича рӧма би Выль во праздник лунӧ. Каръясӧ и сиктъясӧ Регыд сійӧ воас. Ёлка дорын челядьлы Ёна гажа лоас.

Юриндалысь 3.Вӧв 3.Ставӧн узьӧны 3.Ошпи 4.Самолёт 4.Ош 4.Грузӧвик 4.Кӧза 5.Корабль 6.Кӧчиль б.Танялӧн мач б.Пышкай 6.Шонді югӧр 7.Флаг 8.Сюрук 8.Дадь 8.Менам вӧв 10.Кӧчиль 11.Кӧзапи 11.Шонді КӦЧ 12.Каньпи да кӧза 12.Каньлӧн чом 13.Дзодзӧгъяс, кылад? 14.Выль паськӧм 14.Ошпи 15.Елка, ёлка, мича коз 15.Кӧні чуньӧй? 16.Йӧла турун 16.Понтільгун 16.Мамӧлӧн праздник 16.Флаг 17.Вокӧс кӧмасьны велӧда 17.«Уна вӧчим гӧрд флажок...» 18.Лым усьӧ 18.Сиктса сьыланкыв 19.Зэра ар 20.Лунь ЯС содӧны 20.Мавтчысьяс 21.Курӧг 23.Тӧв 23.Ёлка йылысь сьыланкыв