Пос

Республикаса Правительство лыддьö, мый кöрт туйвывса уджалысьяс оз вермыны дзескöдны Удораса олысьяслысь инöдъяс. Та йылысь юöртiс Коми Республикаса Юралысьöс вежысь Александр Буров. Сылöн кывъяс серти, удораса войтырлöн шыöдчöмъяс подулын регионса Правительство примитiс мераяс, медым «Кослан-Сыктывкар» поезд ветлiс важногыс — быд лун. «Удора районын олысьяс вермасны кутны йитöдъяс республикаса мукöд кар-районъяскöд, кодъяс отсалöны овны сикт-посёлокъяслы, сöмын кöрт туй отсöгöн, - гöгöрвоöдiс Александр Буров. - Правительстволöн сетчытöм корöмъяс подулын республикаын артмис видзны «Кослан-Сыктывкар» поездлысь быд лунся ветлöм. И водзö ми кутам корны могмöдны кöрт туй вывтi пырся ветлöм социальнöй тöдчанлуна маршрутъястi».