Пос

ИЗДАНИЕ УГРО-ФИНСКОГО ОТДЕЛА ЦЕНТРО-СОВНАЦМЕНА НАРКОМПРОСА Р.С.Ф.С.Р. ЖУГЫԈ "ЧУРКА"-ԊІНА Віт-торја ԁрама. Сыктывԁінкар — 1928 2000 Јӧз: 1. Ԍԏепан Мікајлӧвіч — купеч, 45 арӧса, кыз, јон морт. 2. Анпіса Ԍпіріԁоновна — сылӧн гӧтыр, ар 40, віԍлӧс, кыз ԉокјајысла-ԋін — кыԇ шуӧны. 3. Зоԍа — налӧн пі, велӧԁчылӧма гімнаԅіјаын, ар 18 4. Ԋіна — 20 арӧса, ԋебыԁ нор ԍӧлӧма. 5. Јерӧԏԋік Паԋԏіԉімон — ар 22 куԅ морт; ԍінјасыс, јурԍіјасыс сім ԍӧԁӧԍ. 6. Петр Іванӧвіч — мӧԁ-ԍіктса купеч; шӧрнема,& Ԍорԋітігас пыр „есіјӧ“ шуалӧ. 7. Віԏа — сылӧн пі, ар 10. Полыԍ гырыԍјас-ԁінын, посԋіјаскӧԁ, јурвунԁыԍ-коԃ. 8. Сысӧј Пеԁӧр — 30 арӧса, шуԏԉів морт. Ветлӧма тујын. Карса паԍкӧмјаса, гач-кокјассӧ леԇалӧма, сорочкіа. 9. Гріш — віԋов, віԉыш зон. 10. Ваԋ — кыз голоса, еща ԁа јоԍ ԍорԋіа; ԍорԋітӧ шоча, ԁурк зон. Зонјас. 11. Мікулај 12. Ваԍ Нывјас. 13. Машук 14. Зоја. 15. Оԉа. 16. Ԉена. 17 Парук — ныв. Ԋоԉӧԁ ворсӧмын мунӧма-ԋін верӧссајӧ. Меԁ-воԇԇа ворсӧм.

Гажа горԋіча Ԍԏепан Мікајлӧвічлӧн. Ошіԋјасын занавесјас. Ӧшіԋ-берԁын чветјас. Веԍкыԁвыпын ічӧԏік гӧгрӧс пызан. Сы-вылын быԁԍама торјас міч пыԃԃі: куԁјас, ԁукі-ԁозјас, папірос-куԁјас, карԁоныԍ мӧс-вӧв. Шујга вылын — ыҗыԁ пызан, мічапызан ԁӧраӧн вевԏԏӧма-&Ԋебыԁ ԃіван. Ԍԏенын ӧшалӧны карԏінајас. Веԍкыԁа ӧԇӧс кукԋаӧ. Занавес воԍԍӧм-мыԍԏі стсена-вылын ԋекоԁ абу. Сеԍԍа пырӧ Зоԍа гімнаԅіст паԍкӧма. Зоԍа (пырӧ, упкајтӧ щај јона јуӧма-ԁа, кынӧмсӧ зыралӧ. Чышкӧ чужӧмԍыс пӧԍсӧ). Ыстас оз бара менӧ талун лавкаӧ-а? Војԁӧр еԍкӧ ԋімлунас ԋекор-на абу вузаԍлӧма-ԁа... Енлы, коԁі меԁвоԇ мунас ӧшіԋувті... (Віԇӧԁӧ ӧшіԋӧԁ, шуԏлалӧ. Ԋімкоԃа). О, Віԍер-Пеԁӧр-Ӧԋӧ мунӧ. Віԍер ԁај Пеԁӧр ԁај Ӧԋӧ!.. Мужік морт. (Серӧктӧ, воԁӧ ԃіван-вылӧ). Факт, оз ысты... Ԍԏ. Мік. (сајԍаԋ). Зоԍа, мун воԍты сеԍԍа лавкатӧ, Каԁ-ԋін. Зоԍа (пуксӧ). Со теныԁ-і оз ысты. (Пырӧ Анпіса Ԍпіріԁоновна). Анпіса Ԍпіріԁоновна. Зоԍук, баԏыԁ лавкааԁ ыстӧ. Мун воԍтыштлы. Зоԍа. Талун?.. Баԏ ԋімлун-куԅа?.. Анп. Ԍпір. Тенаԁ-ӧԁ абу ԋімлун. Зоԍа. Ме ог мун. Менам онмӧј локтӧ. Анп. Ԍпір. Бӧрас уԅыштан. Он мун-ӧԁ ԁа бара кутас віԁчыны. Војнас-ӧмӧј ен вермы уԅныԁ? Зоԍа. Нывјас ез леԇны. Нуӧԁчӧны ԉокыԍ гуԉајтны. Анп. Ԍпіо. Мыјла мунан на-ԁінӧ. Зоԍа. Ԍӧлӧмӧј кыскӧ. Абу-ԋін-ӧԁ ме віт арӧса кага. Анп. Ԍпір. Аԁԇӧмаӧԍ озыр жӧԋікӧс ԁа кіԉмӧны сы-берԁӧ ставныс, ԍінмӧн аԁԇытӧмјас. Зоԍа (ԋімкоԃа). Факт. Анп. Ԍпір. Мун-но сеԍԍа воԍты лавкатӧ, Зоԍа. Зоԍа. Менам кынӧмӧј ԍумалӧ, вір петтӧԇ ԍумалӧ. Анп. Ԍпір. Ӧні-на щај јуін-ԁа. Ен-ӧмӧј пӧт. Мун-інӧ Ԋінӧлыԍ кор, шаԋгасӧ меԁ пуктыштас. Муніг-мозыԁ ԁа, сені-ԁа ԍојан. Зоԍа. Менам булкі-вылӧ кынӧмӧј ԍумалӧ. Анп. Ԍпір. Булкі-вылӧ?.. Но... Боԍт Ԋінӧ-орԁыԍ кыкӧс-кымын. Сӧмын віԇӧԁ меԁ сіјӧ аслыс те-пыԃԃі щӧщ оз боԍт. Булкі-вылаԁ сіјӧ јона горш. Зоԍа (ԁӧзмӧ). Фактјас ті ставныԁ. Праԅԋікӧ вузаԍны ыстӧны. Горшныԁ оз тыр. Сеԍԍа ті менӧ уԇӧԁанныԁ став чӧскыԁ ԍојанԍыс. Анп. Ԍпір. Ен лӧгаԍ ме-вылӧ, Зоԍук. Ме ог ысты, баԏыԁ-тај. Зоԍа. Кыкнаныԁ-ԋін ӧткоԃӧԍ... Вај унҗык булкісӧ (петӧ). (Пырӧны Ԍԏепан Мікајлӧвіч, Петр Іванӧвіч ԁа Віԏа. Сԏепан Мікајлӧвіч гӧрԁ ԁӧрӧма, жіԉеткаа, ԍертука. Морӧс вомӧныс кыз езыԍ часі чеп. Јурԍісӧ выјӧн мавтӧма ԁа лӧсталӧ. Петр Іванӧвіч Віԏаӧс кіӧԁыс нуӧԁӧ). Петр Іванӧвіч. Паԍібӧ, Анпіса Ԍпіріԁоновна, щајыԁ-вылӧ... Паԍібӧ, есіјӧ, ставныԁлы. Віԏа, ԍет, есіјӧ... веԍкыԁ кітӧ ԏоԏеԋкаыԁлы ԁа шу паԍібӧ. (Віԏа чегјаԍіг-тыԍјі ԍетӧ кі). Анп. Ԍпір. Тіјан-нӧ јуԍіс-ӧмӧј-ԋін... Ме сӧмын-на кӧсја-а. Меԁ пӧттӧԇыԁ јуінныԁ! Петр Іван. Пӧттӧԇ, пӧттӧԇ. Паԍібӧ! Ԍԏ. Мік. Ӧні сеԍԍа колӧкӧ ԍӧлӧм бурмытӧԇныԁ ԍорԋітӧј, ԋекоԁ оз кут, а ті пызан-сајын віԇӧԁчанныԁ ԍорԋітны. (Анпіса Ԍпіріԁоновна петалӧ ԁа пыр бӧр пырӧ щај чашкаӧн). Петр Іван Сіјӧ те, Ԍԏепан Мікајлӧвіч, есіјӧ... збыԉ віԍталан, ԇік, есіјӧ... збыԉ. Пызан-сајын оз поԅ, есіјӧ... сорԋітнытӧ, есіјӧ... грек. Менам Іріна Јогоровнаӧј пыр-жӧ, есіјӧ... віԁчӧ сыыԍ. Ԍԏ. Мік. Пукԍы, мыј сулалан. Петр. Іван. (терыба) Пукԍа, пукԍа... Пукԍа, ԃерт. Лок, Віԏа, пукԍам. Анп. Ԍпір. (јуӧ щај). Мыј-нӧ те, Петыр Іванӧвіч, Іріна Јогоровнатӧ щӧщ ен нуӧԁ аскӧԁыԁ. Сылы-ӧԁ колі-жӧ волыны. Петр Іван. (ԍерӧктыштӧ). Тырмас, есіјӧ... кыкӧнӧԍ-ԋін, есіјӧ... шаԋ. Ставным-ӧԁ огӧ, есіјӧ... кыԍԍӧј. Анп. Ԍпір. Лаԋтан он ԍорԋінаԁ. Ставныԁлы-і колі локныԁ. Ԍԏ. Мік. Менам ԋімлун-куԅа ез лок. Ыжԁалӧ. Омӧԉтӧ міјанӧс. Верма ме таԇі-тӧ, Петр Іванӧвіч лӧгаԍны сы-вылӧ ԁај те-вылӧ щӧщ. Петр Іван. Аттӧ... Сіјӧ, есіјӧ... оз вермы локныс... есіјӧ... оз поԅ. Віԏа. Міјан мамалӧн кага ем. Анп. Ԍпір. Чеԉаԃаԍіс?.. Петр Іван. (јанԇім-пырыԍ). Чеԉаԃаԍіс, есіјӧ... чеԉаԃаԍіс Ԍԏ. Мік. Важӧн сіԇ колі віԍтавны. Ме ԋеуна ег лӧгаԍ. Анп. Ԍпір. Мыј-нӧ ԋімыс?.. Ныв аԉі пі?.. Петр Іван. (ԋужа). Ны-ыв, есіјӧ. Пі-кӧ-ӧԁ мыј. Міјан ортча керкасалӧн, есіјӧ... Пеԁӧр-Ваԍлӧн пі чужӧма ԁа кущӧм ԁолыԁа, есіјӧ... шуыштас: Быԁсӧн завіԃ лолӧ. Анп. Ԍпір. Гӧԉ јӧзыԁлы-ӧԁ, Петыр Іванӧвіч, піыԁ коланторҗык ԃерт. Міјанлы ӧткоԃ, быԁтыны вермам, мајбыр. Менам-тај со ез і лолы нылӧј, кущӧма колӧ вӧлі-ԁа. Ӧԏітӧ еԍкӧ быԁті-на-жӧ-кӧԏ-ԁа. Ԍԏ. Мік. Јен мынтӧма наыԍ, слабог. Ещаҗык коԅін верӧс-сајӧ ԍетігӧн. Петр Іван. Мыјла-кӧ-тај піјаныԁ ԁонаҗыкӧԍ, есіјӧ... нывјас-ԁорԍыԁ. Со, есіјӧ... ме асԍым Віԏаӧс кущӧма раԃејта. (Јурӧԁыс малалӧ Віԏаӧс. Віԏалы ԋімкоԃ, ԍерӧктӧ). Анпіса. Ԋінӧ, лок боԍт чашкасӧ (Ԋіна пырӧ, боԍтӧ чашка). Сеԍԍа іԁрав пызантӧ. Булкі ен лыԍт боԍтны, менам-ӧԁ лыԃԃӧма. Ԋіна. Кор-нӧ, Анпіса-ԏоԏа, аԁԇылін менԍым јуаԍтӧг боԍтӧмсӧ (петӧ). Ԍԏ. Мік. Анпіса, баԏушкотӧ-нӧ корны ыстылін ен?.. Анпіса Ԍпір. Кыԇі-нӧ-на... Госпоԃӧ... ыстылі ԃерт! Ӧбӧԃԋа-вылӧ мунӧма. Ԍԏ. Мік. Ӧбӧԃԋа-вылаԁ мӧԁ лунӧ-на поԅіс ветлыны. Менам ԋімлун-куԅа мунӧма. Сіԇітӧ ме верма лӧгаԍны. Петр Іван. Ӧбӧԃԋа-вылӧ?.. Коԁкӧ-нӧ, есіјӧ, кувԍылӧма?.. Анпіса Ԍпір. Кувԍӧма-тај. Петр Іван. Коԁі-нӧ?.. Анпіса Ԍпір. Ме бара ог тӧԁ. Ԍԏ. Мік. Міјанлы ічӧт мог кулӧм јӧзӧԇыԁ. Петр Іван. Ԁа-а, кулалӧны јӧз, віԍӧны, есіјӧ... пӧрӧсӧн-ԁа. Кыԇі-ԋін, есіјӧ... кущӧм пӧрӧсӧн, есіјӧ... Ԍԏ. Мік. Піԍԏіӧн. Петр Іван. Ԁа-ԁа-ԁа-ԁа... Піԍԏіӧн, есіјӧ... піԍԏіӧн. Анпіса Ԍпір. Веԉ уна-ԋін таво кулі. Ме ог тӧԁ кущӧм тані јӧз! Пеԉшар-ԁінӧ Мікулај Іванӧвіч-ԁінӧ віԍыԍӧс колӧ нуны, а најӧ боԍтасны ԁа пывԍанӧ. Ԃерт сеԍԍа кулаласны. Јешщӧ-ӧԁ бур-пыԃԃі кутан велӧԁны ԁа теныԁ-жӧ наја-на кыв віԇасны: „пӧԍ пывԍан-кӧ-пӧ оз бурԁӧԁ, пеԉшарыԁ еща-ԋін!..“ Ԍԏ. Мік. Те пеԉшӧр-ԁінаԁ ветлан ԁа уна-ӧ бурсӧ боԍтан. Кулан віԍӧмыԁ-кӧ боԍтас — рос-пеԉшӧр-ԁінӧ мун, рос-пывԍанӧ пыр, еща-ԋін бурԁан. Петр Іван. (ԍерӧктӧ). Сіјӧтӧ, есіјӧ... ԇік сіԇ... Анпіса (нора). Мыј?.. Те јӧз-моз щӧщ шуан, Петыр Іванӧвіч. Петр Іван. (јанԁыԍіг-моз). Ме ог, ачым ме, есіјӧ... ог шу... Ԍԏепан Мікајлӧвіч-вылӧ, есіјӧ... віԇӧԁӧмӧн, есіјӧ... артміс. Анп. Ԍпір. Оз ков ԋекор сіԇ шуны. Петр Іван. Ог шу, ог... Менам Віԏаӧј сӧмын меԁ оз віԍмы. Ԍінмӧс-моз-ӧԁ ме віԇа тајӧс. Анпіса. Оз, ен пов. Куж сӧмын віԇнытӧ... Ԋімыс-нӧ Віԏа. Аттӧ кущӧм міча... (Ышловԅӧ). Менам та-ыжԁајасыԁ абуӧԍ-ԋін ԁај оз-ԋін і лолыны... Ԍԏ. Мік. Мыј-нӧ наыԍ бурыс... Чеԉаԃԍаԋыԁ буртӧ еща-ԋін віԁчыԍан. Со-тај Зоԍӧӧс велӧԁі-ԋін. Чајті, міԍа, отсӧг лоӧ. Лавкаын прамеја вузаԍны оз куж. Петр Іван. Ме бара Віԏаӧс асԍым велӧԁа. Таво, есіјӧ... меԁ-бӧрја во тані велӧԁчӧ, сеԍԍа есіјӧ... карӧ ԍета. Меԁ велӧԁчас. Јенсыкӧԁ — меԁ оз ло, есіјӧ... воміԇ-вылӧ шуӧма — ԍетчӧ талы велӧԁчӧмыс. (Віԏаӧс јурӧԁыс малалӧ) Кор те, Віԏа, есіјӧ.. уԋертјасас кутан велӧԁчыны... Анп. Ԍпір. Каԁыс воас ԁа велӧԁчас. (Ԋара) Міјан-ӧԁ Зоԍаным татчӧс школаын-жӧ велӧԁчіс. (Ышловԅӧ. Ԋужјӧԁлӧмӧн). Ӧԁјӧ-ӧ-тај каԁыԁ коԉӧ. Ԋеважӧн-на быԏԏӧ міјан Зоԍаным тащӧм чеԉаԃ вӧлі. Ӧні мунтӧ кущӧм. Мыјсӧ оз тӧԁ. Петр Іван. Менам Віԏаӧј... (терыба) Нолтӧ, Віԏа, петкӧԁлы асԍыԁ, есіјӧ... мывкыԁтӧ. (Нуӧ җоҗшӧрас, сувтӧԁӧ) Но! Віԏа (ԋаргӧ). Ме ог. Петр Іван. Ен пов. Ме щӧщ те-берԁын сулала. Но, есіјӧ... кывзӧј. Віԏа. „Вечер был"-тӧ?.. Петр Іван. Мун сетыԍ, есіјӧ... былнаԁ і ставнаԁ. „По ԋебу“-тӧ. Коԁӧс ме велӧԁлі. Но, есіјӧ. (Шоча) „По ԋебу-тӧ... полуночі... есіјӧ, анԃел ԉеԏел“ Віԏа (пыԁыԍаԋ лолыштӧ). Ог лыԍт. Петр Іван. (ԁӧзмыштӧ). Он лыԍт, мыјкӧ. Абу-ӧԁ ошјас, оз ԍојны! Віԏа (зев вӧсԋі гӧлӧсӧн). По ԋебу-тӧ полуночі анԃел ԉеԏел I тікују пеԍԋу он пјел... Анп. Ԍпір. (вугыртӧ. Торкӧ Віԏаӧс). Лоӧ петны кукԋаӧ ԁа воԁыштлыны. Ӧнзіԉ боԍтіс. Ԍӧлӧм-вылын ез ло лӧԍыԁ-ԁај. (четчӧ). Ԍԏ. Мік. Віԍлӧс!.. Ӧԏі зԁуктӧ он вермы пукыштны. Ыстыв Ԋінаӧс лавкаӧ, меԁ Зоԍаыԁ оз-на ігнаԍ. Ԇікӧԇ-кӧ-ԋін оз кутны боԍтаԍны-вӧԉіԍԏі. Ԁа меԁ бура ігналас. (Анпіса петӧ). Петр Іван. Но, Віԏа, есіјӧ, ӧԁјӧ. Ԃаԃеԋкаыԁ кывзыштас. Віԏа (ԋаргіг-моз). По ԋебу-тӧ полуночі ангел ԉеԏел... Ԍԏ. Мік. Кущӧма бара Зоԍа вузаԍӧ-а. Талун еԍкӧ ачым ԋімлун ԁа сіјӧс щӧкті лавкаӧс воԍтыштлыны. Талун уналӧн ԋімлунныс, щајнысӧ јуны сакартор боԍтыштасны меԁ. Налы бур вӧча ԁај аслым лӧԍыԁ. Петр Іван. (јурсӧ гыжјыштӧ. Локтӧ Сԏ. Мік.-ԁінӧ. Віԏа бӧрԍаԋыс локтӧ). Мыј-нӧ Анпіса Ԍпіріԁоновнаыԁкӧԁ лоі?.. Ԍԏ. Мік. Сіјӧ во ԋоԉ-кымын-ԋін тащӧм. Пукыштас ԋеԁыр, сеԍԍа ԍӧлӧм-вылас лӧԍыԁтӧм лоӧ ԁа пыр і воԁас. Пӧԁтӧ-пӧ. Пеԉшар шуӧ — ԍӧлӧмнас-пӧ тенаԁ гӧтырыԁ віԍӧ. Кущӧм војԁӧр бур гӧтыр вӧлі, ӧні ԇікӧԇ щыкԍіс. Ԋекущӧм уҗ оз вермы вӧчны. Слуга лоі боԍтны. Петр Іван. Коԁі-нӧ тајӧ нылыс тіјан?.. Ԍԏ. Мік. Ԋіна. Чурка. Мамыс во кык-сајын кувлі ԁа жаԉаԁԇа лоі сеԍԍа боԍтны меным верԁӧм-вылӧ. Петр Іван. Кущӧм, есіјӧ, міча ныв ԁа, есіјӧ, чурка. Ԁај ԋімыс, есіјӧ, лӧԍыԁ. Чуркајасыԁлы-ӧԁ, есіјӧ, міԍтӧм ԋім пуктылӧны. Лӧԍыԁ ԋім, есіјӧ, лӧԍыԁ. Віԏа. Ԏаԏа, онмӧј локтӧ Мунам гортӧ. Петр Іван. Ӧні-на локтім-ԁа. Чӧв, Віԏа. Мун петав ывла-вылӧ, есіјӧ, ворсышт. Ԍԏепан Мікајлӧвіч, меԁ Ԋінаыԁ петкӧԁлас. Ӧтнассӧ леԇны он лыԍт, чеԉаԃјас јешщӧ нӧјтасны. Ԍԏ. Мік. Ԋіна, лок петкӧԁлы Петр Іванӧвічлыԍ Віԏасӧ ывла-вылӧ, ворсӧԁышт. Ԋіна (сајԍаԋ). Ог ешты. Чашкајас мыԍкала. Петр Іван. Бӧрвылас мыԍкалан, лок петкӧԁлы. Ԍԏепан Мікајлӧвічыԁ есіјӧ щӧктӧ, кывзыны колӧ. (Ԋіна пырӧ). Мун, Віԏа, такӧԁ, нылкаыскӧԁ петав, паԉӧԁчышт. Ԋіна, віԇӧԁ, меԁ чеԉаԃыс оз вӧрԅӧԁны. (Ԋіна ԁа Віԏа петӧны). Петр Іванӧвіч (очсалӧ. Кыскӧ папірос ԁоз). Курітчы, Ԍԏепан Мікајлӧвіч. Зев чӧскыԁ. Карыԍ, есіјӧ, вајісны. Ԁватсаԏ штук, есіјӧ, пјаԏ копејек. Ԍԏ. Мік. Ме ог курітчыв. Веԍшӧрӧ ԃеԋга ог віԇ... Талун-інӧ ԋімлун-куԅа тенԍыԁ ӧԏі-мӧԁтӧ поԅӧ. (Курітчӧны). Петр Іван. (бара очсалӧ). Те, Ԍԏепан Мікаілӧвіч, есіјӧ, уԅлывлытӧг коркӧ овлін ен?.. Ԍԏ. Мік. (ԍерӧктӧ). Ме ег. Те-нӧ овлін?.. Петр Іван. Ме коркӧ, есіјӧ, гожӧмын завоԃітлі ԁа, есіјӧ, ег вермы. Тӧԁан-кӧ, сіԇі-і, есіјӧ, ԉічкӧ онмыԁ, сіԇі-і ԉічкӧ. Мыјкӧ вӧлі менӧ сыыԍ бӧрвылас сеԍԍа, есіјӧ, ԍеравлас Іріна Јогоров-

наӧј. Ԁа-ӧԁ, есіјӧ кочкавтӧԇыс ԍеравлас. Віԏаӧј-ӧԁ щӧщ ԍералӧ. Кутас менӧ, есіјӧ, етаԇі ԁај ԍералӧ: кіԍтӧ аслас міча, есіјӧ, гылыԁ ԍерамнас (кітԍӧ-ԍералӧ). Ԍԏ. Мік. Кущӧма сеԍԍа те вузаԍлан? Петр Іван. Ен-ԋін ԍорԋіт, Ԍԏепан Мікајлӧвіч. Вӧлі кујјм &прікаԁщік, лавка җаҗјас, есіјӧ, чегӧны, сымԁа вӧлі, есіјӧ, тӧвар. Ԁа, есіјӧ, сіԍміс унҗыкыс, есіјӧ, ԍӧкӧча мачыԁ. Ԁонтӧм-ԁонӧн лоі ԍетавны сеԍԍа... Оз ԋӧбавны тані јӧзыԁ. Ӧні ӧԏі прікаԁщік-ԋін коԉі ԁај сіјӧ, есіјӧ, Іріна Јогоровна, есіјӧ, ӧԏісӧ щӧктӧ ыстыны. Лоӧ ԃерт сылыԍ кывзыны, есіјӧ, ыстыны. Ԍԏ. Мік. Лӧԍыԁҗык еԍкӧ лоі ставсӧ-кӧ ыстін ԁа ачыԁ боԍтԍін лавка берԁаԁ. Петр Іван. Ме?.. Мыј-нӧ те, есіјӧ, Ԍԏепан Мікајлӧвіч. Ачым-ӧԁ-ог-жӧ лавкаын кут, есіјӧ, вузаԍны. Јӧзыс, есіјӧ, ԍераласны. Менам баԏ карын, есіјӧ, вузаԍлӧма ԁа ԁас, есіјӧ, прікаԁщік віԇлӧма. Кымын уна, есіјӧ, прікаԁщік, сымын-ӧԁ озыр, есіјӧ, вузаԍыԍыԁ. Ԍымын-ӧԁ, міԍа, озыр, есіјӧ... Ме ачым зев ԋебыԁ, есіјӧ, ԍӧлӧма. Локтасны лавкааԁ ԁа уҗӧн-кӧ кутасны корны, менам пыр-і ԍетԍас. Прікаԁщікыԁ оз, есіјӧ, оз ԍет, оз лыԍт. Ԍԏ. Мік. Сіјӧ, тыԁалӧ, тенаԁ ԍуԍ мортыс. Со, кујім віԇ-ԋін боԍтіс јӧзлыԍ. Карта-вылас мӧскыс кутіс соԁны-і. Оз-ӧ тенаԁ ԍӧм-вылӧ боԍтав ставсӧ? Петр Іван. Оз, мыј-нӧ те, оз, есіјӧ, оз. Сіјӧ, есіјӧ, ас нажетка-вылас боԍтӧ. Ме-ӧԁ ог ԇік еща налы, есіјӧ, мынты. Оз, зонмӧ, есіјӧ, оз... Те-нӧ ачыԁ, есіјӧ, кыԇі олан, Ԍԏепан Мікајлӧвіч?.. Ԍԏ. Мік. Ме јӧз-ԍерԏі олаҗык, ԋінӧм шуны. Јен отсалӧ. Петр Іван. Ме, есіјӧ... Менам прікаԁщікјас, есіјӧ, шуӧны-жӧ ԋінӧм-пӧ торја, есіјӧ, јӧз-ԍерԏі-пӧ, есіјӧ, вузаԍӧм-пӧ мунӧ воԇӧ, ԃеԋгатор шеԁыштӧ, јен-пӧ отсалӧ. Ԍԏ. Мік. Ӧні воӧма татчӧ, міјан ԍіктӧ Ԍысӧј-Пеԁӧр, салԁат. Ԉокыԍ віԁӧ менӧ — ылӧԁлан-пӧ јӧзӧс. Щӧктӧ ԁугԁыны ме-орԁыԍ ԋӧбаԍӧмыԍ... Кыԇі-нӧ ме ылӧԁла?.. Уҗӧн тӧвар ԍетала, ԉібӧ уҗавны щӧкта: мыј-нӧ сіјӧ — ылӧг, омӧԉтор, Петр Іванӧвіч?.. Петр Іван. Кущӧм-нӧ омӧԉ, есіјӧ, сіјӧ. Ԍыыԍ, есіјӧ, бурыс оз-ԋін тӧр. Ме со уҗӧннаԁ, есіјӧ, ог-кӧ лыԍт ԍетны, ог-ԋін ԋінӧм-вылӧ, есіјӧ, ԍет. Пола, міԍа јешщӧ оз мынтыны-ԁај. Ԍԏ. Мік. Кужны-ӧԁ, кужны колӧ вузаԍныԁ. Колӧ тӧԁны, кӧні кущӧм-ногӧн вузаԍны. Петр Іван. Те, есіјӧ, Ԍԏепан Мікајлӧвіч, ԍуԍ, есіјӧ, пуԏман быԁтор. (Терыба). Менам-ӧԁ еԍкӧ, есіјӧ, ԍуԍлуныԁ ічӧԏікатӧ ем- жӧ-ԁа. Тӧԁан, Ԍԏепан Мікајлӧвіч, есіјӧ, ме ӧԏітор-јылыԍ, есіјӧ, унаыԍ ԁумајтлывла. Іріна Јогоровналы, есіјӧ, віԍтавлі сы-јылыԍ ԁа мыјкӧ есіјӧ, ошкіс менӧ: кыԇі-пӧ те пуԏмін, шуӧ. Вежӧра морт-пӧ, те, Петр Іванӧвіч... Ԍԏ. Мік. Мыј-нӧ сещӧмыс?.. Петр Іван Міԍа, еԍкӧ, міјанлы, есіјӧ, ставнымлы: теныԁ-і, есіјӧ, ураԃԋікјаслы тіјан ԍіктыԍ ԁај міјан ԍіктыԍ, кыкнан баԏушколы-і, есіјӧ, ӧтувтчыны, но... есіјӧ, сојуз воԍтыны. Ок, еԍкӧ, лӧԍыԁ лоі міјанлы ставнымлы. Секі еԍкӧ кутам тӧԁны кущӧм, есіјӧ, выԉ закон петӧ, коԁі чужӧ, коԁі, есіјӧ, веԋчајтчӧ, есіјӧ... быԁтор. (Четчӧ) Коԁі кутас, еԍіјӧ, веԉмыны, міјанӧс, есіјӧ, омӧԉтны, мі, есіјӧ, етаԇі ԉамӧԁам сіјӧс, кок-улӧ, есіјӧ, ԉамӧԁам: те, міԍа, міјаныԍ, міԍа, есіјӧ, нащаԉствоыԍ, міԍа, вылӧҗык кӧсјан, есіјӧ, пукԍыны. Ок, міԍа, те сещӧм-тащӧм, есіјӧ, міԍа. Сеԍԍа, есіјӧ тӧԁанкӧ, коԁі мыјԁа кутас, есіјӧ, барыш боԍтны, јукны ставнымлы ӧтмынԁаӧн. Сӧмын ураԃԋікјасӧс огӧ боԍтӧј барыш јукӧмас... Лӧԍыԁ-ӧԁ?.. (ԍералӧ вӧсԋі гӧлӧсӧн, ԋімкоԃа) Ԍԏ. Мік. (ԋуммунӧ). Мі сіԇі-ԋін ӧтув олам-ԁа! Огӧ піԋаԍӧј, огӧ коԍаԍӧј. Петр Іванӧвіч. Ӧтувсӧ еԍкӧ ӧтув ԁа абу-на ме-ногӧн. Мі егӧ-на, есіјӧ, ԋекор јуклӧј ас-костса барыш. Сіјӧ-ӧԁ меԁ лӧԍыԁыс. Ԍԏ. Мік. (најана). Сіјӧ?.. (Ԍералӧ). Лӧԍыԁторі віԍталін!.. Петр Іванӧвіч (лӧгаԍӧ). Мыј-нӧ ԍералан, ме-тај-нӧ тенӧ ог ԍеравлы, пыр ошка. Те ԍерамвыв лептін, есіјӧ. Та-јылыԍ ме баԏушкојаскӧԁ ԁа ураԃԋікјаскӧԁ ԍорԋіта-на. Најӧ, ме чајта, ме-ногӧн щӧщ, есіјӧ, шуасны. Ԍԏ. Мік. Аттӧ те, Петр Іванӧвіч. Лӧԍыԁтор-пӧ-ӧԁ!.. (Сералӧ). (Пырӧ Зоԍа). Зоԍа. Со фактыԁ. Мыј-нӧ сещӧм гажа, баԏ?.. Ԍԏ. Мік. (скӧрыԍ). Те-нӧ ігналін-ԋін лавкасӧ?.. Зоԍа. Факт, ігналі. Нем-ӧԁ ог пукав сені. Петр Іванӧвіч. Кыԇі, есіјӧ, кыԇі?.. Со кущӧм лӧԍыԁ, есіјӧ, кывјас те шуалан. Котӧртла Віԏала. (Петр Іванӧвіч ӧԁјӧ петӧ). Ԍԏ. Мік Тащӧм воԇ ігналін?.. Зоԍа Факт, кущӧмкӧ воԇ. Ԍԏ. Мік. Морт-ногӧн, колокӧ, ԍорԋіт. Ен зев ышмы. (Зоԍа шуԏлалӧ). Ен зев ԁур сені, ԋімлун-куԅа ен ԁӧзмӧԁ. Ԁугԁан он шуԏлалӧмԍыԁ! Омӧԉјассӧ чуксалан?!. Зоԍа. Ме ог тӧԁ кущӧм те, баԏӧ. Ԇік факт-коԃ. Пыр сӧмын віԁан менӧ. Ԍԏ. Мік. Еща віԁан ті воксӧ. Баԏлӧн ԁа кыв оз тӧр. (Пырӧ Петр Іванӧвіч, Віԏаӧс кыскӧ кіӧԁыс). Віԏа (Пыріг-моз. Ԋімкоԃа). Ӧԏі ԃеԏіналы јона і пеԉԁінас ԍеті. Петр Іванӧвіч. Лаԋт, лаԋт... Со томҗык ԃаԃаыԁ локтіс. (Віԏа поліг-тырјі кі ԍетӧ). Зев полыԍ, ԋекытчӧ огӧ нулывлӧј-ԁа. Гортын, еԍкӧ, зев, збој, есіјӧ, Іріна Јогоровнаӧј шуӧ — збој-пӧ. Зоԍа. Факт, ічӧт ԁырјыԁ быԁӧн полыԍӧԍ. Петр Іванӧвіч. Кыԇі, кыԇі?.. Віԏа, кылан кущӧм, есіјӧ, міча кывјас томҗык ԃаԃеԋкаыԁ шуалӧ. Велӧԁчы. Ԍԏ. Мік. (лӧԍӧԁалӧ пызан-вылыԍ міча-торјас). Тајӧ те, Зоԍа, тащӧм лӧԍыԁтӧмасӧ пукталін? Ԋекор ен вӧрԅӧԁ. Абу теныԁ пукталӧма. Зоԍа. Кӧні, Віԏа, велӧԁчан? (Віта& ԋінӧм оз шу). Петр Іванӧвіч. Ԍорԋіт, Віԏа. (Зоԍалы). Арнас кӧсја карӧ ԍетны. Вежӧра, јенсыкӧԁ ԃеԏінаыс (терыба). Но-кӧ, Віԏа, есіјӧ, томҗык ԃаԃаыԁлы віԍтав. Віԏа. „Вечер был“-тӧ?.. Петр Іванӧвіч. Есіјӧ, „по ԋебу". Зоԍа. Кывзыштам. Петр Іванӧвіч. Но, есіјӧ, ен пов, есіјӧ збојҗыка. Зоԍа. Факт, повны оз ков. Віԏа (ԍінјас вывлаԋ лептӧ, вӧсԋіԃік гӧлӧсӧн) По ԋебу-тӧ полуночі анԃел ԉеԏел I ԏікују пеԍԋу он пјел. І меԍас, і ԅвезԁа, і туча толпа Вԋімаԉі... ԅвезԃе... тој.. (Лаԋтӧ. Баԏыс-вылӧ нора віԇӧԁлӧ). Петр Іванӧвіч. Ајԁа те. Но воԇӧ, есіјӧ. Зоԍа (ԍерӧктӧ). Факт, ајԁа! Петр Іванӧвіч. По ԋебу-тӧ полуночі, есіјӧ, анԃел ԉеԏел. Віԏа (збојмыштӧ). По ԋебу-тӧ полуночі анԃел ԉеԏел I ԏікују пеԍԋу он пјел... Ԍԏ. Мік. (перјӧ ԅепԍыс часі: носӧвеј чышјан-піјӧ гартыштӧма. Віԇӧԁлӧ. Торкӧ Віԏаӧс). Мун ветлы, Зоԍа, ураԃԋік гозјаӧс кор ӧбӧԁајтны. Локтігаԁ саломщік-орԁӧ пырав ԁа щӧщ кор. Ԋіна меԁ ветлас баԏушко-орԁӧ. Воӧма-кӧ ӧбӧԃԋа-вывԍыс, меԁ пырыԍ-пыр локтас. Шу, пызанјас корԍӧма-ԋін. Зоԍа. Ме ӧнтај, асывнас ветлі-ԋін ураԃԋік-орԁаԁ ԁај баԏушко-орԁаԁ. Ураԃԋікыԁ вӧлі бабасӧ нӧјтӧ-пожналӧ ԁа ме ег і лыԍтлы пыравны. Баԏушкоыԁ ӧнӧԇ важӧн ԉоԉӧбобӧ-коԃ ԁа жоҗӧԁыс факт-моз кыскаԍӧ сӧткіг-тырјі. Ԍт. Мік (ԁӧзмӧмӧн). Теныԁ сетчӧԇ ічӧт мог. &Ветлыты-кӧ кор, локтасны аԉі оз, аԍныс тӧԁӧны. (Ԉока). Ӧԁјӧнҗык! Ен ԁӧзмӧԁ менӧ ԋімлун-куԅа!.. (Зоԍа петӧ. Віԏа віԁлалӧ пызан-вылыԍ "чачӧјас"). Пегр Іванӧвіч. Віԁлав, віԁлав, Віԏа. Есіјӧ ворсышт. Ԍԏ. Мік. (гора). Ен вӧрӧԁ, жугӧԁан. (Віԏа чур-чер мунӧ). Петр Іванӧвіч (уԍкӧԁчӧ Віԏа-ԁінӧ). Ен пов, Віԏа, ен пов. Ԃаԃаыԁ ӧԁ бур. Час ме, есіјӧ, аслыԁ ԋӧбала ԁа секі јона ворсан есіјӧ, пӧттӧԇыԁ. Ԍт. Мік. (пукԍӧ). Ен лепты, колӧкӧ, Петыр Іванӧвіч. Мӧԁыԍ матӧ воан. Віԏа (ԋаргӧ). Ԏаԏа, мунам гортӧ. Ԍԏ. Мік. Ме со ӧтчыԁ чеԉаԃлы мелі кыв ег шулы ԁа сіјӧ ԋінӧм оз кывзыны. Тенаԁ ог тӧԁ-ԋін мыј лоӧ!.. Петр Іванӧвіч (ԋебыԁа). Ԋеунатӧ, есіјӧ лептыштныԁ лоӧ. Тајӧ-ӧԁ-і міјанӧс, Іріна Јогорјовнакӧԁ гажӧԁӧ. Віԏа. Мунам гортӧ. Тані ԋінӧм керныс. Ԍԏ. Мік. Тојінпом ԍумӧԁав, ԋінӧм-кӧ. Віԏа (ԋаргӧ). Он-на-кӧ мун, ме ывлаӧ петала. Петр Іванӧвіч. Олас. Зев, есіјӧ, пустӧјӧԍ чеԉаԃыс тані ԁа ԁојԁасны. Віԏа. Петала. Петр Іванӧвіч. Лок інӧ, есіјӧ, петыштлам. Віԏа. Ме ӧтнам. (Віԏа котӧрӧн петӧ). Ԍԏ. Мік. Лепты, лепты. Сӧмын мӧԁыԍ ен нораԍ — со-пӧ менам ԋекытчӧ тујтӧм чеԉаԃ. Баԏлыԍ-пӧ оз кывзыны. Петр Іванӧвіч. Гӧгӧрвоны кутас ԁа кывзас. Ԍԏ. Мік. Ічӧтыԍаԋ-кӧ кывзӧмыԁ абу, быԁмӧм-бӧраԁ еща-ԋін. Ічӧтыԍаԋ-жӧ бур вылаԁ чеԉаԃтӧ велӧԁныԁ-а. Шулӧмаӧԍ важ јӧз: лабіч вомлӧс-кӧ-пӧ он велӧԁ, куԅмӧссӧ еща-ԋін велӧԁан. Петр Іванӧвіч. Мыј те, Сԏепан Мікајлӧвіч, менам Віԏа-вылас, есіјӧ воан?.. Менам сіјӧ оз ло, есіјӧ, кущӧмкӧ... Ӧні со міјанӧс Іріна Јогорјовнакӧԁ кущӧма раԃејтӧ, быԁмӧм-бӧрас, есіјӧ, јенҗаҗјӧ-ԋін лептас. Ме тенаԁ, есіјӧ, велӧԁтӧг ԁа віԍтавтӧг сы-јылыԍ јона-ԋін ԁумајтлывлі. Ԍԏ. Мік. Ме веԍкыԁа шуа, те-моз ог ԁумајтӧмӧн: піԍыԁ ԋекущӧм морт оз ло. Ме-кӧ еԍкӧ те местаын, боԍта ԁа сещӧма ԋӧрјӧн куԉа, меԁ мӧԁыԍ оз венԅы. Петр Іванӧвіч (бураԍӧм шыӧн). Тајӧ-ӧԁ оз венԅы, Ԍԏепан Мікајлӧвіч, сӧмын, есіјӧ, ԋеуна кратајтчыштӧ, ічӧт-на-ԁа. Ԍԏ. Мік. Ԃерт-ԋін ічӧт, ԁас арӧса јаран. Јӧзлӧн-кӧ ԁас арӧса чеԉаԃыԁ — гырыԍтујӧ-ԋін уҗалӧны. Петр Іванӧвіч (лӧгаԍыштӧмӧн). Сіјӧ, есіјӧ, јӧзлӧн, абу менам. Јӧзыԁ оз кужны быԁтыԍныс, есіјӧ, ԋајт-піын быԁтӧны-ԁај есіјӧ, ічӧтыԍаԋыс, есіјӧ, жугӧԁӧны ԍӧкыԁ уҗ-вылын. Мі Іріна Јогоровнакӧԁ Віԏаӧс, есіјӧ, квајт арӧсӧԇ, есіјӧ, җоҗӧ егӧ леԇлӧј, ԁај ӧні-на со, есіјӧ, віԇам пыр ԍіннымӧс-моз, — кор ачым, кор Іріна Јогоровна. Меԁ прамеј морт Віԏаным лоас, пӧрыԍӧ-немӧ, есіјӧ, міјанӧс верԁны кутас. Ԍԏ. Мік. Мыԍԍан чуманыԍ меԁ оз кут паԋӧԁны. Петр Іванӧвіч (ышловԅӧ). Асԍыԁ чеԉаԃтӧ он зев раԃејт, есіјӧ кыԍ-ԋін, есіјӧ, јӧзлыԍ. (Пырӧ Паԋԏіԉімон, поліг-тырјі ӧԇӧс-ԁорӧ сувтӧ). Паԋԏіԉімон (поліг-тырјі; рама). Оланныԁ-выланныԁ! Ԍԏ. Мік. Мыј татчӧԇ веԍкыԁа зурԅӧԁін?.. Он тӧԁ, тіјан-коԃыслы татчӧ оз поԅ пырны. Кокыԁ кущӧм ԋајт. Петр Іванӧвіч (кітԍӧ-ԍералӧ). Ԃерт сіԇ. Паԋԏіԉімон (кіас шапка нокӧ, кок-вылас вежлаԍӧ). Мӧԁар керкааԁ ԋекоԁ абу-ԁа ме-тај јӧјыԁ татчӧ пырі-а. Ԍԏ. Мјк. „Мӧԁар-керка“!.. Кукԋа — шу. Паԋԏіԉімон. Мыј сещӧма пуԅін, Ԍԏепан-ԃаԃ... Ԍԏепан Мікајлӧвіч. Ԍԏ. Мік. Кущӧм ме теныԁ ԃаԃ?.. Ԃаԃӧн шуыԍ петӧма. Тӧԁан коԁкӧԁ ԍорԋітан!.. Паԋԏіԉімон. Ме торја ԋінӧм. Ег тӧԁ — татчӧ оз поԅ пырны. Бӧр-інӧ, пета. Ԋінӧмыԍ лӧгаԍін. Петр Іванӧвіч (ԍералӧ). Ԇікӧԇ, есіјӧ, ез ков пыравны. Ԍԏ. Мік. (аслыс). Ок, менам вуні-ԋін, талун-ӧԁ ԋімлун менам. Ԉокавны оз поԅ. (Паԋԏіԉімонлы бура). Ме ег лӧгаԍ. Аԍтӧ-тај велӧԁа бур-јӧз-ԁінас кутны. (Најана). Тіјанӧс-кӧ, ӧтчыԁ ԁа мӧԁыԍ он віԁышт, ԇікӧԇ веԉманныԁ, онӧ кутӧ тӧԁны, веԍіг паныԁ веԍкаланныԁ-ԁа. Лок пукԍы ԁа віԍтав кущӧм могӧн локтін. Паԋԏіԉімон. Сулышта-ԋін. Ԍԏ. Мік. Менам ԋімлунӧ коԁі локтас, сіјӧ і гӧԍт. Гӧԍтӧс, ме ог сулӧԁлы, пыр пукӧԁа. Лок татчӧ ԋебыԁ ԃіван вылас пукԍы, Паԋԏіԉімон (поліг-тырјі мунӧ пызанлаԋ). Ԍԏ. Мік. Ԁа наԇӧнҗык пукԍы, ен жугӧԁ. Менам ԃіван тіјан-моз абу кер-кыза суставјаса. (Пановтӧ. Терыба). Ен, ен пукԍы. Те-ӧԁ јерӧԏԋік. Шеватӧ јешщӧ леԇан баркат-вылас. Віԍтав ӧԁјӧнҗык кущӧм-могӧн локтін ԁај мун. Петр Іванӧвіч (шај-пај мунӧ). Јереԏԋік!.. (Пернапас чӧвтӧ). Госпоԃӧ віԇ шеваыԍ, віԇ шеваыԍ. (Гуԍӧн Ԍԏепан Мік.). Ԍԏепан Мікајловіч, мыјла-нӧ, есіјӧ, леԇін, щыкӧԁас?.. Он-таі-нӧ те пов. Ԍԏ. Мік. (гуԍӧн Петр Іванӧвічлы). Оз лыԍт. Сӧмын-ӧԁ тащӧмјасыԁкӧԁ колӧ ԉокыԍ ԍорԋітны. Петр Іванӧвіч. Ԉокыԍ-кӧ, есіјӧ, шыаԍан? (Ԉокыԍ Паԋԏіԉімонлы. Гора). Мыј теныԁ татыԍ колӧ?.. Он-ӧ менӧ корԍ, есіјӧ, щыкӧԁны?.. Ок те!.. (Збоја матыԍмӧ Паԋԏіԉімон-ԁінӧ). Паԋԏіԉімон (ԁӧзмӧ). Мыј те ме-вылӧ воан?... Петр Іванӧвіч (повԅӧ). Ме, есіјӧ, ԋінӧм торја... Ме... есіјӧ, Ԍԏепан Мікајлӧвіч велӧԁӧм-ԍерԏі, есіјӧ... Ԍԏ. Мік. (Паԋԏіԉімонлы). Тенӧ оз јуавны міјанӧԇ. Мыј менам керкаын вӧчԍӧ, ме ачым тӧԁа, теныԁ ічӧт мог. Верман мунны. Паԋԏіԉімон. Ме еԍкӧ ԃеԋгаыԁла локті-ԁа! Ԍԏ. Мік. Ԃеԋгала?.. Кущӧм ԃеԋгала? Ас-вывԍыԁ-на піјукӧј, воӧ-ԁа. Ме ԍета? Паԋԏіԉімон. Ме-вылыԍ?.. Кыԇі-нӧ сіԇсӧ?.. Таво мыјԁа кујас-і, ԍӧла-і вајлі-ԁа, ез-ӧмӧј-на вешјы уҗјӧзӧј. Ԍԏ. Мік. Регыԁ-тај кӧсјан!.. Баԏыԁлӧн-на ез мынлы уҗјӧзыс. Паԋԏіԉімон. Аттӧ, ме-тај-нӧ ӧні кӧсја вӧлі пыԅтор боԍтыштны тенԍыԁ, вӧлӧмкӧ важ уҗјӧзӧј мынтытӧм. Ԍԏ. Мік. Уҗӧн бара ԍетам. Сӧмын кујастӧ воԇӧ-кежлӧ меным вајав. Паԋԏіԉімон. Таԇтӧ менам уҗјӧзӧј оз-і мынлы. Чінӧм-пыԃԃі пыр соԁӧ. Ԍԏ. Мік. Вочасӧн мынӧ. Ачыԁ-кӧ он вермы мынтыны... Со-тај-нӧ те баԏыԁлыԍ мынтан. Ԉібӧ віԇтор ԍетыштан. Меным ӧткоԃ. Паԋԏіԉімон. Ԃеԋгаыс меным ӧні колӧ вӧлі-а, вотыԍ ԋеԁоімка колӧ мынтыны. Ԍԏ. Мік. Ыщкыны-кӧ гожӧмнас волан, поԅӧ ԍетны. Паԋԏіԉімон. Вај уҗԁыв, ог-кӧ ӧні мынты ԋеԁоімкасӧ, гашкӧ воронӧс нуасны. Ԍԏ. Мік. Віԁчіԍлы-інӧ, петала.

(Ԍԏепан Мікајлӧвіч петӧ). Петр Іванӧвіч (аслыс). Јенмӧ, віԇ, есіјӧ, шеваԍыс... Бласлӧ Крістос, мыј лоан — лоӧ. Колӧ тӧԁны. (Паԋԏіԉімонлы поліг-тырјі) Те ме-вылӧ, есіјӧ, міча зонмӧј, есіјӧ, ен лӧгаԍ, горӧԁі-ԁа. Ме ӧԁ сӧмын, есіјӧ, повԅӧԁны кӧсјі... Те-нӧ, есіјӧ, јерӧԏԋік — енлы, енлы, абу есіјӧ јерӧԏԋік... есіјӧ... тӧԁыԍ, тӧԁыԍ. Вај гаԁајтышт меным, озырма ог коркӧ ме. Танӧ карті ем-і быԁтор, пыр ԍӧрын вӧԃіта. Гаԁајт вај, ме, есіјӧ, ег-на ԍојлы-ԋі, јулы-ԋі талун, — ԇік, есіјӧ, щыг. Паԋԏіԉімон (ԋум мунӧ). Поԅӧ гаԁајтны. (Мунӧны пызан-ԁорӧ. Паԋԏіԉімон разӧԁалӧ пызан вылӧ карті). Озыр те лоан. Кујім лавка воԍтан. Кущӧмкӧ јон, озыр мортӧс піщӧгаԁ ԍујан. Став јӧзыс кутасны теныԁ кок-улӧԇыԁ копраԍны. Піыԁ кык лоӧ. Кујім ныв. Меԁ ыҗыԁ піыԁ тенаԁ теыԍ-ԋін озыр лоӧ, јона велӧԁчӧм. Тенӧ пӧрыԍла-ԁорыԁ кіпыԁӧсас-моз кутас новлӧԁлыны. Петр Іванӧвіч (ԋімкоԃысла кывјассӧ оз вермы шуавны). О-о!.. Есіјӧ!.. Быԁӧн копраԍны муӧԅ есіјӧ, муӧԇ кутасны!.. Ԁырӧ-нӧ оз ло сещӧм, есіјӧ, сещӧмыс?.. (Чукӧртӧ карті). Вај, вај ӧԁјӧ картіјассӧ!.. (Ԍујӧ ԅептӧ карті). Меԁ озыр мортсӧ, есіјӧ, піщӧгӧ ԍуја!.. (Пырӧ Ԍԏепан Мікајлӧвіч). Петр Іванӧвіч (оз аԁԇы Ԍԏепан Мікајлӧвічӧс). Тајӧ картіыԁ Ԍԏепан Мікајлӧвіч-јылыԍ віԍталӧ, сіјӧс, есіјӧ, ме вена!. Міча зон кујастӧ, ставсӧ меным вај те. Ме ԁонӧнҗык ԍета. Ԍԏепан Мікајлӧвічыԁ-ӧԁ, есіјӧ, муԃер, јона муԃер, ылӧԁлӧ јона јӧзсӧ, быԁ ԋӧбӧм торлыԍ ԁонсӧ җын-выјӧныс чіркӧ. Збыԉыԍ, есіјӧ, вајав воԇӧ меным кујастӧ. (Сԏеп. Мік. зев ԉокыԍ віԇӧԁӧ Петр Іванӧвіч-вылӧ), Петр Іванӧвіч (аԁԇӧ Сԏепан Мікајлӧвічӧс, повԅӧ). Ме... Ме... есіјӧ.. Со-ӧԁ јереԏԋікыԁ мыј шуас, есіјӧ. Ԍԏ. Мік. На боԍт, Паԋԏіԉімон, ӧԏі чӧлкӧвӧј. Та-вылӧ ӧԏі віԇ пуктыштан-ԁај. Паԋԏіԉімон. Ԇоԋ віԇ?.. Ԍԏ. Мік. Мунны каԁ теныԁ ме-орԁыԍ. Паԋԏіԉімон. Ԇоԋ віԇ-ӧԁ оз-жӧ?.. Ԍԏ. Мік. Вај ԉібӧ бӧр ԃеԋгасӧ!.. Паԋԏіԉімон. Паԍібӧ-інӧ ӧні-кежлӧ. (Паԋԏіԉімон петӧ). Петр Іванӧвіч. Ме, есіјӧ, Ԍԏепан Мікајлӧвіч, есіјӧ, ылӧԁлі, тајӧ јереԏԋіксӧ. Міԍа, віԇӧԁла, кущӧма, есіјӧ, раԃејтӧ тенӧ. Ԍԏ. Мік. (најана). Сіԇ, сіԇ!... Петр Іванӧвіч. Збыԉыԍ-ӧԁ, есіјӧ, ме ылӧԁлі, Ԍԏепан Мікајлӧвіч. (Повԅӧмӧн ). Ој, есіјӧ, ој, есіјӧ!.. Гашкӧ менӧ јерӧԏԋікыԁ, есіјӧ, щыкӧԁіс-ԁа. Сіјӧн менам тащӧм, есіјӧ, кывјассӧ шуавԍіс?.. Ԍԏепан Мікајлӧвіч?.. Ԍԏ. Мік. Сіԇ-тај, міԍа, сіԇ!.. (Кылӧ. — Пырӧ Анпіса). Анпіса (сајԍаԋ-на горӧԁӧ). Ԍԏепан!.. (Пырӧ). Мыј-нӧ тајӧ?... Міјан керкаын јереԏԋік!.. (Гора) Ԋімлун-куԅаыԁ локтӧма щыкӧԁны тенӧ. (Шыбытчӧ ԃіван-вылӧ) Шевасӧ ԍетіс!.. Ԍԏепан!.. Петр Іванӧвіч. Ој, кӧні менам Віԏаӧј?.. Щыкӧԁас јешщӧ јереԏԋікыԁ, есіјӧ, мічлунсӧ сылыԍ аԁԇас-ԁа... (Котӧрӧн петӧ). Ԍԏ. Мік. (Анпіслы). Бара саԃыԁ бырі... (Гора) Ԋіна, корԍ, вај пызантӧ, каԁ ԍојны.. Анпіса-ԏӧткатӧ бара лыјісны.

ЗАНАВЕС.

Мӧԁ ворсӧм?&

Гажа луԁвыв. Гӧгӧрыс пујас. Җекпомјас лабічјас-пыԃԃі. Том јӧзлӧн гажӧԁчан-ін... Шоныԁ гожԍа лун.

Паԋԏіԉімон (ӧтнас. Уԅӧ луԁ-вылын гож-сајын. Стсена пыԁӧсын веԍкыԁ-вывԍаԋ мунӧ ԃаԃӧ, аԁԇӧ Паԋԏіԉімонӧс, поліг-тырјі віԇӧԁӧмӧн мунӧ, шуалӧ, «Јенмӧ, шеваыԍ, віԇ!» Сајалӧ шујга-вылӧ. Паԋԏіԉімон саԃмӧ. Ԋужмаԍӧ, ԍінсӧ тіԉӧ). Јона і уԅышті... Шонԁіыс-тај рытја вылын-ԋін ԁыр уԅԍӧма... Кущӧм жар талун. Турун пуктан лунјас, выј војталан лунјас воісны. (Очсӧԁӧ). Јешщӧ-на онмӧј абу веԍкалӧма... Мыјкӧ-тај нӧ вӧтаԍі ԁа вуні-ԋін... Мыј-нӧ-ԋін?.. Пӧԉінӧ, Ԋінаӧс аԁԇылі... Мыјла бара меыԍ сещӧма полӧ? Быԁсӧн шај-пај мунӧ, паныԁаԍас-ԁа. Ԍорԋітны кутан — кыв веԍіг оз шу, котӧрӧн-сорӧн пышјас... Ок, еԍкӧ, оз-кӧ кут повны меыԍ, кущӧм ԁолыԁ лоӧ!.. (Кост). Ԇік ӧтнамӧн ола, ԋекоԁкӧԁ ԍӧлӧмԍаԋ ԍорԋітны. Гажтӧм, шуштӧм ԍӧлӧм-вылын... Ԁыр-ӧ-ԋін арыс оз во, вӧравны мунан ԁа, &гажажык-інӧ лоӧ. (Пырӧ Ԋіна шујгавывԍаԋ, аԁԇӧ Паԋԏіԉімонӧс, повԅӧ. Паԋԏіԉімон аԁԇӧ Ԋінаӧс, ӧԁјс сувтӧ, мунӧ Ԋіналаԋ, Ԋіна бергӧԁчӧ, кӧсјӧ бӧр мунны). Паԋԏіԉімон. Мунан-ԋін, Ԋіна?.. Мыјла-нӧ пыр меыԍ пышјалан?.. Мыјыԍ полан?.. Он-ӧмӧј-нӧ аԁԇы, ме тенӧ пыр корԍа. (Ԋіна повԅӧмӧн віԇӧԁӧ, сеԍԍа мунӧ). Паԋԏіԉімон (ӧтнас). Бара пышјіс... Мыј-вӧсна оз сорԋіт мекӧԁ. (Черӧбтӧ). Јереԏԋікӧн шуӧны-ԁа?.. (Ышловԅӧ). Ачым мыжа. Мыјла ег зіԉлы јереԏԋік-ԋімсӧ вештыны ас-вылыԍ. Меным ԋімкоԃ, сіԇ шуӧны-ԁа, полӧны-ԁа... Баԏ-мам јереԏԋікјас вӧлӧмаӧԍ ԁа ԃерт ме јереԏԋік. Најӧ менӧ велӧԁісны щыкӧԁчыны. Баԏӧ-пӧ вӧлі бӧра-воԇа ветлас вӧрӧ ԁа ԇоԋ нӧбовтас вајас пӧткајастӧ. Мамӧј-пӧ кагајас вомԇавлӧма, нывбабајаслы шева ԍетавлӧма. Ез-кӧ-пӧ вӧвны щыкӧԁчыԍјас, мыјла сіԇі уҗавлісны?.. (Кіӧн шеныштӧ). Ок-ма!.. (Мунӧ веԍкыԁвылӧ). (Пырӧны Гріш Ваԋкӧԁ). Гріш. Талун, кык-пӧлӧс праԅԋік-куԅа, јона-і ԁурыштам. Важӧн-ԋін егӧ ԁурлӧј. Ԁурыштам-ӧԁ?.. Ваԋ (кыз гӧлӧса, ԍорԋітӧ шоча, ԁыша-моз. Ԁурк). Ԁурыштам. Кущӧм кык-пӧлӧс праԅԋік?.. Гріш. Он і тӧԁ!.. Вежалун ԁа Петыр-Павел. Ваԋ. Кы!.. Кык-вевԍа-тај і ем. Гріш. Нывјастӧ поԅӧ ԁӧзмӧԁыштны. Ваԋ (шпыԋмунӧ). Поԅӧ бара... (Кылӧ нывјаслӧн ԍылӧм ԁа ворсӧм) Гріш. Кылан?.. Ԍерамныс шонԁібан, гылыԁа петӧ. Вај, Ваԋ, повԅӧԁам. Најӧ татчӧ локтӧны. Ваԋ. Кыԇі?.. Вај. Гріш. Мунам таті кыщовтам, сеԍԍа ԍујас-пӧвсті кымыԋӧн кысԍам ԁа бурещ на-вылӧ. Сеԍԍа кыԇі ме ԉок горшӧн горӧԁа!.. Те кыз гӧлӧснаԁ лӧԁсалан сетчӧ. Лок! (Котӧрӧн-сорӧн мӧԁӧԁчӧ). Ваԋ (сулалӧ). Мунам, колӧкӧ. Гріш. Терыбҗыка. Ваԋ (мӧԁӧԁчӧ). Локта-тај. Гріш. Но лок-ԋін ӧԁјӧнҗык. Кущӧм те ԋӧжмыԁ!.. Ааԋ. Колӧкӧ ӧԁјӧҗык, поԅас. (Ԁурка котӧртӧ. Сајалӧны шујга-вылӧ). (Ԋеԁыр-мыԍԏі сајын кылӧ Грішлӧн ԁа Ваԋлӧн повԅӧԁӧм шы. Горӧԁӧны ԁа котӧрӧн петӧны шујгавывԍаԋ Ԉена, Зоја, Парук, Оԉа, Марја. Бӧрԍаԋыԍ Гріш ԁа Ваԋ ԍераліг-тырјі). Ԉена. Кущӧма повԅі! Ме чајті јереԏԋікыԁ-ԋін повԅӧԁчӧ. Марја. Јона-жӧ коԁкӧ сојӧс чепӧԉтіс... Парук. Кывлінныԁ, нывјас, мыј шуіс чурка-Ԋінаыԁ?.. Боԍтӧј-пӧ, нывјас, менӧ щощ гажӧԁчыныԁ. Марја. Меԁ ас-коԃ чуркајассӧ корԍас ԁа гажӧԁчас. Міјан-костын пӧлыс сылы абу. Ԍԏепан Мікајлӧвіч орԁын олӧ ԁај јаралӧ. Со-пӧ ме коԁ-орԁын ола, ті-пӧ мыј! Јӧз ембурнаԁ ԋінӧм лептыԍны. Ԉена. Коркӧ мыјкӧ шуліс?.. Марја. Шуӧм-ӧмӧј колӧ, аԁԇан сіԇ. Ме-пӧ і ем! Ваԋ (пукԍӧма-ԋін). Те, Парук, меԁ шуін: "чурка-пӧ абу морт а пес — чурка. Пес чуркакӧԁ-кӧ-пӧ кутан ворсны — ԁојман. Ԁојман ԁа бӧрԁԇан. Бурӧԁныс сеԍԍа ԋекоԁлы. (Ԍерам. Ставныс пукԍалӧны). (Шујга-вывԍаԋ локтӧны Мікулај, Зоԍа, Ваԍӧ. Мікулај гуԁӧкаԍӧ). Ваԍӧ. Гріш пыр нывјасӧс віԇӧ. Зоԍа. Факт. Гріш. Нывјас-ԁінын гажаҗык. Мікулај. Ваԋыс-ӧԁ щӧщ на-берԁын бергалӧ. Ваԋ. Ме Грішлӧн бӧж!.. (Ԍерам пукалӧны ставныс параӧн-параӧн: Мікулај Зојакӧԁ, Ваԋ Паруккӧԁ, Зоԍа Ӧԃакӧԁ, Ваԍ Ԉенакӧԁ, Марја Грішаӧс сыркіалӧ). Марја Сыркі!.. Гріш. Јешщӧ і сыркіаԍны лыԍтан! (Вӧтӧԁӧ Марјаӧс. Сајавлӧны сеԍԍа пыр бӧр локтӧны. Гріш Марјаӧс кутӧма). Машук (пукԍӧ мукӧԁыԍ торјӧн). Пукԍам татчӧ. Гріш. Мунам чукӧрас. Машук. Огӧј. Пукԍыштлы татчӧ. Мыјкӧ віԍтала. Грішук (пукԍӧ). Мыј?.. Машук. Ԋінӧм Гріш. Ԁыш меным пукавныс. Машук. Збыԉ?.. Гріш. Збыԉ, ԃерт. Мыр-моз пукав те-берԁын. Ваԍ (гора ԍерӧктӧ). Ԉена. Наԇӧнҗык, паԍкыԁ вом! Мішук. &Јнаԁ он ӧшјыв, пыр жӧԇан. Вај ԍорԋітыштам. Аскі ме мӧԁа Ԍԏепан Мікајлӧвічлы ыщкыны. Гріш. Ме мӧԁа-жӧ. Машук. Сіԇтӧ-тај зев гажа лоӧ сені. Унаӧн мунӧны. Парук (Ваԋлы). Сіԇ-кӧ мун аслаԁ Агԋі-ԁінаԁ. Ваԋ. Сіјӧ віԍӧ-ԁа. Парук. Тӧԁан мыјла сіјӧ віԍмӧма. Јереԏԋік Паԋԏіԉімонкӧԁ паныԁаԍлӧма ԁа сіјӧ шевасӧ ԍетӧма. Сеԍԍа со і віԍміс. Јона-пӧ шеваыс топӧԁӧма. Агԋілӧн мамыс ӧні мунӧма верст комын-сајӧ-кымын щыкӧԁӧмыԍ бурԁӧԁыԍӧс корԍны. Ваԋ. Меԁ паныԁ оз лӧԍӧԁчы. Коԁі щӧктӧ сіјӧс. Јереԏԋікыԁ-ӧԁ ԃерт щыкӧԁтӧг оз ов. Парук. Ме бара паныԁтӧ јерӧԏԋікыԁлы ег-на лӧԍӧԁчыв. Аԁԇа-ԁа ылыті зев кыщовта моԉітваӧн ԁа пернапасаԍіг-тырјі. Гріша (ԁурԉ. Кӧсјӧ окавны Машукӧс. Машук бурыԍ кучкӧ). Зоја (тојыштӧ Мікулајӧс). Ен ԁур!.. Мікулај. Ԋӧжјӧ, гуԁӧксӧ жугӧԁан. Парук. Јона-жӧ талун жар. Ваԋ. Ԇк тенаԁ ԍӧлӧм-коԃ. Парук. Горшӧј коԍмыны кутіс. Ваԋ. Теԍкаԍін. (Тајӧ ԍорԋіјас-костын Гріш Машуклыԍ пӧртчӧ чышјансӧ ԁа ачыс чышјанаԍӧ, Машукӧс картузӧԁӧ. Ԍералӧны ԁурӧны: Гріш Машукӧс кутыштлас, Машук кучкаліг-тыріі мынтӧԁчӧ). Ӧԃа (Зоԍалы). Мун, мӧмӧт!.. Зоԍа (лӧгаԍӧмӧн). Факт!.. Ӧԃа. Чушӧ. Зоԍа. Раԃејта ме тенӧ, Ӧԃа. Сещӧм јона, веԍкыԁ факт. Ен пов, овмӧсыԁ менам бур.. Ӧні-ӧԁ абу-ԋін мӧмӧт?.. Ӧԃа. Таԇітӧ абу ԃерт. Машук. Кущӧм те віԉыш, Гріша. Гріш. Том-ԁырјі ԁурӧм гажыс-і ем (бара кутыштлӧ). Машук (кучкӧ Грішалы). Со теныԁ, паназырлы. Гріш. Паназырлы... Машук. Мыј нӧ ԋерԍан?.. Гріш. Мыј шуан. Машук. Јӧјтӧ-тај абу ковлӧма гӧрны-кӧԇны. Сіԇ петалӧма. Гріш. Мыј шуан?.. Машук. Ала-ла. Гріш. Малала... (Пырӧ Сысӧј-Пеԁӧр; сорочкіа, гач кок леԇалӧма, беԃԃа, пінжакыс ԁа картузыс сој-вылас, тувтчалӧ щапа). Ваԍӧ. Пеԁӧр-ԃаԃ щӧщ локтӧ міјан-ԁінӧ. Сыс. Пеԁ. Кок веԍкӧԁліг-моз петі гортыԍ. Јона-і жар талун. Ԋіԉԅыны ԇікӧԇ куті. Оланныԁ-выланныԁ! Мікулај. Јешщӧ-кӧ-ӧԁ ԁас вевԍӧн паԍтаԍан. Сыс. Пеԁ. Пінҗакӧс еԍкӧ пӧртчі-ԋін. Ваԋ. Ставсӧ вывԍыԁ пӧртчы ԁај оз ло пӧԍ... (Ԍералӧны. Сыс. Пеԁ. букышӧн віԇӧԁӧ Ваԋ-вылӧ). Гріш (мунӧ Сысеј&-Пеԁӧр-ԁінӧ). Олан-вылан, Сысӧј-Пеԁӧр, важӧн-ԋін егӧ аԁԇыԍлӧј. Сыс. Пеԁ. (оз кіаԍ). Коԁлы Сысӧј-Пеԁӧр, а ті-воклы Пеԁӧр Сысојевіч-на!.. Мыј-нӧ чышјанаԍӧмыԁ?.. Гріша (јурсӧ віԁлӧ). Ок!.. (Пӧртчӧ чышјан, ԍетӧ Машуклы, картузалӧ Сысӧј Пеԁӧрлыԍ картузсӧ. Ставныс ԍералӧны). Зонјас, ме тӧнԇі кӧсјыԍлі Сысӧј Пеԁӧрлы каԁреԉ јӧктыны. Сувт, Сысӧј Пеԁӧр! Сыс. Пеԁ. Вешјы сетыԍ, ме ог. Гріш. Он. Сыс Пеԁ. Ог. Гріш. Он?.. Сыс. Пеԁ. Ог, міԍа, мун јӧкты колӧкӧ. Ме пӧрыԍ-ԋін. Зоԍа. Кущӧм пӧрыԍ. Гӧтырыԁ абу-на-ԁа. Гріш. Сувт зіԉҗыка Сысӧј... Пеԁӧр Сысӧјевіч. Сыс. Пеԁ. Ме сулала-ԋін. (Ԍерам). Гріш. Јӧктыныс, міԍа, сувт. Сыс. Пеԁ. Ог ме јӧкты. Гріш. Он-кӧ-і олас! Мун міјан-ԁіныԍ. (Боԍтӧ Парукӧс). Ваԋ, боԍт Машукӧс ԁа сувт. (Пеԁӧр вешјӧ бокӧ). Ваԋ. Мун вешјы!.. Сіԇ-ԋін пӧԍ, јӧктан-кӧ ԇік пӧԁан. Гріш. Ԋекоԁ оз јӧкты?.. Зоԍа. Факт, оз, Оԉа, огӧ-ӧԁ?.. Бӧрсі рытнас, Гріша, жар сајкыштӧм-бӧрас. Ӧні вывті-ԋін жар. Гріша. Колӧкӧ бӧрсі. Сыс. Пеԁ. Ен вермы јӧктыштныԁ?.. Гріш. Бӧрсі, ӧні жар. Машук. Вај віԍтав, Сысӧј Пеԁӧр, кыԇі тујаԁ ветлін-мунін, јӧзӧс аԁԇылін, аԍтӧ петкӧԁлін?.. Гріш. Меным віԍтавліс-ԋін. Сыс. Пеԁ Кывзыԍ-кӧ лоӧ, мыј ог віԍтав. Ваԋ. Кывзыԍ-сајӧ оз сувт. Гріш (пукԍӧ). Лок татчӧ пукԍы ԁа віԍтав. Сыс. Пеԁ. (матыштчӧ чукӧрлаԋ). Пукԍыныԁ еԍкӧ ог пукԍы, — паԍкӧмӧј ԋајтӧԍԍас. Ваԋ. Абу ԋајт таті. Сыс. Пеԁ. Ме ег ачым мун, менӧ нуісны. Сӧкја щакыԁ, жеребеј кыскі ԁа салԁатӧ мунны веԍкалі. Мунны зев шог, пола: „кыԇі, міԍа, јӧз муын кутан овны?" Велалі ԁа ԋінӧм. Мунӧмԍаԋ ԁасӧԁ во регыԁ тырӧ. Секі ті ставныԁ-на мам воԇаныԁ пукаланныԁ вӧлі. Гріш. Ен віԍтав. Тенаԁ мунігӧн ме ыщка-ԋін вӧлі, баԏ-бӧрԍа вӧтлыԍа. Ваԍӧ. Ме јур кыскала. Ваԋ. Ставным-ԋін секітӧ мыјкӧ ԁа мыјкӧ вӧлі вӧчам. Гашкӧ ӧтнас Зоԍа мам-воԇас вӧлі пукалӧ. (Ԍерам). Зоԍа (лӧгаԍӧ). Факт!.. Сыс. Пеԁ. Салԁатыԍ петі. Гортӧ локтӧм-пыԃԃі пырі кӧрт-туј стантсіјаӧ пісаравны. Віт во пісаралі, сеԍԍа ԁӧзмі ԁа татчӧ, гортӧ локті. Тані ԁӧзма овны, бара муна тујӧ. Бӧжӧј-ӧԁ менам җеԋыԁ, бӧрԁыԍ абу, — муна кытчӧ колӧ. Ваԋ. Те-нӧ јешщӧ пісар чіна?.. Сыс. Пеԁ. (ԍераліг-моз). Ті-ӧԁ менӧ ԋінӧмӧ пуктанныԁ-а. Сені ме вӧлі Пеԁӧр Сысӧјевіч-на. (Ԍералӧ. Ставныс ԍерӧктӧны. Сысӧј-Пеԁӧр кыскӧ портԍігар, боԍтӧ папірос). Курітчӧј!.. (Зонјас боԍталӧны) Нывјас боԍтӧ щӧщ. (Ԍерам). Гріш. Міјан нывјасыԁ оз курітчыны. Ваԍӧ. Кущӧм бур те, Сысӧј-Пеԁӧр. Зік Ԍԏепан Мікајлӧвіч коԃ. Мыјԁа папірос, міјанлы вічмӧԁін. Сыс. Пеԁ. Ме?.. Кыті?.. Ԍԏепан Мікајлӧвічԍыныԁ омӧԉ мортыс мӧԁ абу. Аԁԇӧма тіјанӧс ԁа ылӧԁлӧ. Бур морт ԍурӧма, ԋінӧм шуны. Чужӧмјасыс щӧгысла потӧны. Оԉа. Те зев бур! Зоԍа, кывзы мыј шуӧ. Ваԋ. Ез-кӧ вӧв Ԍԏепан Мікајлӧвічыԁ, мі важӧн щыглы кулім. Ог тӧԁ, те-орԁӧ-кӧ локтім, уна-ӧ ԋаԋтӧ оетін, ԉібӧ ԍіԏечтӧ ԁӧрӧм-вылӧ. Ԍԏепан Мікајлӧвічыԁ міјанлы мыј корам, сіјӧ і ԍетӧ — оз јӧрт. Сыс Пеԁ. Ԁугԁӧј ті сіјӧс бурӧн шуны. (Ставныс ошкӧны Ԍԏепан Мікајлӧвічӧс). Сыс. Пеԁ. Мун ԁај тіјанкӧԁ ԍорԋіт. Зоԍа (ԍерам-пыр). Міјанлыԍ јӧзтӧ венныԁ кіыԁ мајтӧгтӧм. Сыс. Пеԁ. Ме ог і венлаԍ, сіԇі. Збыԉсӧ-тај віԍтала. Мікулај. Зонјас, огӧ-на мунӧј гортаным?.. Баԏӧ талун віна вајӧма ԁа оз-ӧ ісӧԁышт. Ваԋ. Ускыԁ-на абу вінатӧ јуны. (Ԍерам. Пеԁӧр меԁ јона ԍерӧктӧ). Зоја (четчӧ). Мунамӧј-і ем. Мамӧј піԍԏіӧн віԍӧ ԁа ԁырсӧ ез щӧкты ветлыны. Сыс. Пеԁ. Піԍԏіӧн?.. Сіјӧ-ӧԁ вуҗан віԍӧм. Гріш (інмӧԁчӧ Пеԁӧрлы). Ој, вуҗіс! (Ԍерам). Сыс. Пеԁ. (зев збыԉыԍ). Ен зев ԍералӧј сещӧм віԍӧмјаснаԁ. Он і тӧԁлы — аԍтӧ топӧԁас. Зоја. Міјанԍаԋ оз вуҗ, ен пов. Јереԏԋік Паԋԏіԉімон-кӧ аԁԇас, ԁа он-кӧ во ԍӧлӧм вылас, віԍман, шевасӧ ԍетас-ԁа. Сыс. Пеԁ. Шева?.. Кущӧм шева?.. Зоја. Шева-коԃ шева. Сыс. Пеԁ. Кушӧм-нӧ овлӧ сіјӧ?.. Морт-коԃ? Зоја. Шевасӧ он тӧԁ?.. Шомгаг-коԃ. Сӧмын сыыԍ ԋеуна ічӧтҗык, кокјасыс зев уна!.. Лыԁтӧм-щӧттӧм!.. Мікулај. Абу-на. Менам мамӧ аԁԇывлӧма ԁа јурԍі гуыԍ гаг-коԃ-пӧ. Парук. Мунӧ лаԋтӧ... Шеваыԁ — ічӧԏік ԋіԇув. Ԍојанын овлывлӧ. Паԋыштан ԍојантӧ ԁа сіјӧ щӧш вомаԁ пырӧ. Унҗыкԍыс веԍкавлӧ јурбіттӧг ԍојны пукԍыԍлы. Менам пӧчӧ аԁԇылӧма ӧтчыԁ паԋԍыс-ԋін шевасӧ ԁа уԃітӧма вомсӧ пернапасавны, сеԍԍа абу пырӧма. Ԉена. Менам баԏӧлы јереԏԋік Паԋԏіԉімонлӧн баԏыс коԁ-јурӧн віԍтавлӧма: шеваыс-пӧ вежаловԍаԋ ԍетԍӧ. Сы-вӧсна-пӧ мі тӧԁам воԇӧ олӧм, вермам-пӧ јӧзӧс бурԁӧԁны. Коԁі-пӧ мортыԁ грека, сы-піјӧ-пӧ вежа лолыԁ пырас ԁај віԍмӧԁӧ морттӧ. Ԃерт јерӧԏԋік Паԋԏіԉімоныԁлӧн баԏыс ылӧԁліс, ачыс щыкӧԁчыԍ вӧлі-ԁа. Сыс. Пеԁ. Оз-ӧ јешщӧ коԁкӧ шу — шеваыԁ-пӧ ош?.. Ок ті, јӧј јӧз. Кущӧм-нӧ шева ем, кӧні? Ставыс сіјӧ ылӧԁчӧм. Зоја. Те-тај со вывті прӧсуж ветлан. Гріш. Мыј-нӧ шева-јылыԍ кутінныԁ ԍорԋітны. Еновтӧј... Вајӧ ԍылыштамӧ. Талун-ӧԁ егӧ-на ԍывлӧј. (Гӧлӧсјас: .Вајӧ і ем"... "Ԍыламӧ”). Те, Пеԁӧр Сысӧјевіч, ԍывлывлан?.. Сыс. Пеԁ. Ԍывлывла!.. Раԃејта ме ԍывны. Быԁсӧн ԍін куԋӧмӧн ԍыла. Гріш. Сіԇ-кӧ ставным ԍыламӧ. Коԁі боԍтас. Сыс. Пеԁ. Те он куж-ԁа. Часлы ме регентала. (Петӧ шӧрӧ). Гріш. Мыј керан?.. Сыс. Пеԁ. Регентала, міԍа. Гріш (кінас вештӧ Сысӧј Пеԁӧрӧс). Пеԁӧр Сысӧјевіч!.. Вешјы, ен ԁур. (Шпыԋмунӧны ставныс). Нывјас, енӧ торкӧј, нораҗыка ԍылӧј, меԁ ԍӧлӧмјасным мајыш-мунӧ. Горӧԁӧј!.. Сыс Пеԁ. (бара торкӧ). Тонсӧ ен ԍет-ԁа. Гріш. Пеԁӧр Сысӧјевіч!.. Јешщӧ-кӧ торкан, віԁчіԍ. Гӧлӧсјас: Ен ышмы, Сысӧј Пеԁӧр... Ԁугԁы. Сыс. Пеԁ. Сеԍԍа ог. Сӧмын тіјан ԋінӧм оз артмы. (Сылӧны шог ԍыланкыв). Гріш. Ез артмы, Пеԁӧр Сысӧјевіч?.. (Ставныс віԇӧԁӧны Сысӧј Пеԁӧр-вылӧ). Сыс. Пеԁ. (јурӧн пыркԋітӧ). Лӧԍыԁ!.. Сӧмын те ен куж... Енлӧ, том-јӧз, ме регентавны кута ԁа ԍыламӧ. (Шыјас: „Вајӧ"... "ԍыламӧ") Ме војԁӧр салԁатӧ мунтӧԇ ԋінӧм вӧлі ог гӧгӧрво ԍылӧмоыԁ, ԇік-жӧ тіјан-коԃ вӧлі... Ԁругјас вісталісны, ԏеатрјасын-пӧ зев лӧԍыԁа ԍылӧны. Меным зев окота лоі ветлыны сетчӧ. Муні беԉетла лунԍаԋыс. Кора. Вузалыԍыс зев букышӧн віԇӧԁліс менам руԁ кышӧԁ-вылӧ, јуалӧ: „Коԁі-пӧ те“? Ме ԍінјас сувтӧԁі, шенԅа, міԍа, мыјла-нӧ јуалӧ!.. — „Морт, міԍа!“!.. (Ԍерам). Скӧрміс ме вылӧ мортыԁ: „Аԁԇа-пӧ морт, ԁа кущӧм-пӧ морт?“ — Салԁат, міԍа, — „Салԁатјаслы оз поԅ пырны“... Кыԇ оз поԅ?.. Мыјла оз поԅ? — пуԅі ме.“ Оз-пӧ поԅ ԁај ставыс"... Мыј сеԍԍа најӧкӧԁ вӧчан, он-ӧԁ-тон коԍаԍ! Гріш (ԁеԉӧԁӧ). Ме-кӧ бара пеԉԁінас вурышті! Сыс. Пеԁ. (збыԉыԍ). Оз поԅ сені коԍаԍны. Зоԍа. Ен-і вермыв ԏеатраԁ пыравны?.. Факт!.. Сыс. Пеԁ. Пыравтӧм. Часлы-жӧ, міԍа, сӧкја щак! Суԇӧԁі ԍӧԁ паԉто ԁа бара муні беԉетла. Секі кыв-ԋі-җын ез шуны, пырыԍтӧм пыр беԉет ԍетісны. Веԍіг ез јуавны, коԁі ме?.. Рытын локті ԏеатрӧ. Зев југыԁ — ԍінтӧ јорӧ!.. Ԏеатр-тыр јӧз. Ставныс міча паԍкӧмаӧԍ. Пукԍі стул-вылӧ барін-моз, шенԅа, віԁчыԍа мыј воԇӧ лоӧ. Воԍтісны занавес. Ԍы-сајын вӧлӧм-кӧ јӧз сулалӧны ԋоԉ чукӧрын. Быԁ чукӧр аслас ԋігаыԍ віԇӧԁӧ. Ӧԏі морт міјанлы мышкӧн сулалӧ. Веԍкыԁ кінас кучкіс шујгаас, сеԍԍа нуіс пеԉԁінас ԁај наԇӧԋікӧн мургыштіс (ԍетӧ тон). таԇі... (Ԍерам). Сеԍԍа етаԇі кыкнан кінас шеныштіс!.. Кыԇі-тај ставныс ӧтпырјӧ горӧԁісны!.. Ме чурчер муні!.. Сещӧм лӧԍыԁа ԁа нора ԍылӧны, — ԍӧлӧм-вылаԁ шуштӧм лоӧ... Занавес тупкыԍіс. Віԇӧԁыԍ јӧзыԁ кутісны ԉокыԍ кекӧначавны ԁа горзыны. „Ез-ӧмӧј теныԁ кажітчы?“ — јуалӧ ме бокса кыз ԃаԃӧ. Ок, міԍа, лӧԍыԁ!.. „Мыј-нӧ-пӧ он кекӧначав"?.. Ме тајӧ ӧԁԇі ԁа меԁ бӧрӧԇ швачкі Оԉа. Быԁтор те аԁԇылӧмыԁ, Сысӧј-Пеԁӧр, быԁтор тӧԁан. Зоԍа (завіԃ лоі). Ме кӧнкӧ ег аԁԇыв. Ачым-на ме ворслывлі ԏеатрјасын. Ваԋ. Повоԁнеј ва-пыр лолыштыԍ. Зоԍа (гора ԍерӧктӧ). Факт!.. Сыс. Пеԁ. Ва-пыр лолыштыԍ?.. Јона-жӧ јон кывјыԁ тенаԁ. (Ԍераліг-тырјі). Боԍтны еԍкӧ тенԍыԁ кывтӧ ԁа Гріша вомӧ, секі еԍкӧ тыр морт лоі. Гріш. Ӧні-нӧ ме җынја?.. (Ставныс ԍералӧны). Сыс. Пеԁ. Мун сетыԍ, кокԋі шом... Регыԁ-тај, том јӧз, ылалінныԁ. Ԍывнытӧ вунӧԁінныԁ-ԋін ("Егӧ-на“ гӧлӧсјас). Енӧ-кӧ-і лӧԍыԁ. Ме тіјанӧс ставнытӧ ԋоԉ пеԉӧ јука ԁај ԍыламӧ. Нывјас, коԁі вермӧ вӧсԋі гӧлӧсӧн ԍывны, петӧј татчӧ (Кык-кымын ныв петӧны) кызҗык гӧлӧсајас — татчӧ. (Зонјаслы). Коԁі тіјан-піыԍ буксыны вермӧ (петкӧԁлӧ кыԇі), таԇ, сувтӧ етатчӧ, коԁі міјан саломщік-моз ԍылӧ — татчӧ. (Ԋоԉ пеԉӧ лоі сувтӧԁлӧма Гріша мунӧ бокӧ). Те, Гріша, ен ԁур. Сулав мічаӧ. Гріш. Ме тані сулала. Кывзыны кута. Сыс. Пеԁ. Кывзы-інӧ. Бӧрвылас сеԍԍа віԍталан, лӧԍыԁа-ӧ ԍылім. Ылыԍаԋыԁ јонҗыка тӧԁан. (Ставныслы) лаԋтӧј!.. Гріш. Мыј-нӧ ԍыланныԁ?.. Сыс. Пеԁ. Ок, менам і вуні віԍтавныԁ. Мыј-нӧ ԍылам?.. Вајӧ „Саԁјӧрын-пӧ ныв гуԉајтӧ"... Лаԋтӧј!.. (Шыԋітӧв. Сысеј&-Пеԁӧр кыскӧ ԅепԍыс камертон, кучкӧ сојас, пеԉ-ԁінас нуӧ. Ставныс гора ԍерӧктӧны). Гріш. (локтӧ Сысеј-Пеԁӧр-ԁінӧ). Тајӧ-нӧ мыј, Пеԁӧр Сысӧјевіч? (Віԁлалӧ). Сыс. Пеԁ. Тајӧ тон ԍетан... Камертон. Гріш. „Камертон!" Ваԋ. Міјан ем-жӧ Капітан Петыр. Еԉтлывлам: „Капітон Петыр — пыж ныр!“ (Серам). Сыс Пеԁ. Ка-мер-тон!.. (Ставныс ԁоԉӧны, коԁлӧн артмӧ, коԁлӧн оз. Віԁлалсны камертонсӧ Гріша кіыԍ). Оԉа. Кыԇі, Зоԍа?.. Те-ӧԁ тӧԁан. Зоԍа. Тӧԁтӧг ог ов! Кајӧрпон... Сыс. Пеԁ. (боԍтӧ Гріша кіыԍ камертон). Те, Гріша, тенӧ-кӧ торкалӧны, ԁӧзман, ачыԁ ԁуран-жӧ. Гріш. Ме ог ԁур. Сӧмын-тај јуалі, мыј тајӧ. Сыс. Пеԁ. Камертон, міԍа. Ваԋ. Ԃівӧ-коԃ, зонјас, міјан ԍіктаԁ кутіс лоны. Зоԍа пыр шуӧ кущӧмкӧ „пак“, — мӧс-ӧ, ыж пак-ӧ — ог тӧԁ. Сысӧј Пеԁӧр — кајӧрпон. (Ԍерам). Сыс. Пеԁ. Сыланныԁ онӧ-нӧ?.. (Ԁугԁӧны ԁоԉӧмыԍ). Кеж сетыԍ, Гріша (Гріша мунӧ бокӧ) Лаԋтӧј... Ме кіӧн шенышта-ԁа ставныԁ ӧтпырјӧ боԍтӧј. (Ԍетӧ гора тон. Ставныс ԍерӧктӧны. Сысӧј Пеԁӧр ԋінӧм оз шу ԁа бара ԍетӧ тон. Ԍылӧны. Гріша кіӧн ставнысӧ корӧ, шуалӧ ԋӧжјӧ: „Мунамӧј! Мунамӧј!" Ныв-зон оз гӧгӧрвоны, сеԍԍа ԁугԁӧны ԍылӧмыԍ, гуԍӧԋікӧн мӧԁа-мӧԁсӧ тојлаліг-тырјі, ԍарамыԍ муртса кутчіԍӧны, сајалӧны шујгавылӧ, Гріш меԁ-бӧрын сущ-кежлӧ вошавлӧ, сеԍԍа бӧр локтӧ, віԇӧԁӧ Сысӧј Пеԁӧр-вылӧ. Сысӧј Пеԁӧр ӧтнасӧн шенаԍӧ ԁа ԍылӧ). Гріш (гуԍӧԋікӧн локтӧ ԇік пеԉпом-ԁінас Сысӧј Пеԁӧрлы). Мыј шенаԍан, Пеԁӧр Сысӧјевіч? Сыс. Пеԁ. (ԍін воԍтӧ, гогӧр віԇӧԁӧ). Кӧнӧԍ-нӧ?.. Гріш. Јаналін-тај, Пеԁӧр Сысӧјевіч, јаналін! Сыс. Пеԁ. (лӧгаԍӧ). Те-жӧ-ӧԁ кӧнкӧ!.. (Ныв-зон бӧр локтӧны. Ԍералӧны). Аттӧ том-јӧз!.. Вермінныԁ ылӧԁны. Гріш. Менӧ шуан он-пӧ куж. Ачыԁ-тај он ԍаммы. Ԁӧзмісны ԁа пышјісны, ка-ка-ка!.. Сыс. Пеԁ. Те еԉтан-ԋін сеԍԍа. Вај пінҗаксӧ ԁа картузсӧ (пінҗакаԍӧ, картузаԍӧ, боԍтӧ беԃ). (Локтӧ Ԋіна). Ԋіна (ԁолыԁ чужӧма). Гажӧԁчанныԁ?.. Сыԍ. Пеԁ. Коԉі-ԋін гажыс. Торкісны-тај. Мыј воԇҗык ен лок? Ԋіна. Меным тырмас-на гажыԁ. Мікулај (боԍтӧ гуԁӧк) Мунамӧј!.. Сыс. Пеԁ. Мунамӧ-інӧ. (Ԋіналы). Лок щӧщ мунам. Меным пӧлыс абу-жӧ. Зоја (најана). Міјанлы бара оз ков. Татӧг гажа. Машук. Меԁ ас-коԃ чуркајассӧ корԍас ԁа гажӧԁчас накӧԁ. Сыс. Пеԁ. Тајӧ-нӧ чурка?.. (Ԍерам). Меԁ чурка-кӧ, мунам щӧщ, чукӧрас гажаҗык. Ԉена. Меԁ, нывјас, шӧщ-кӧ локтас. Міјанӧс-ӧԁ оз ԇескӧԁ. Гріш. Енӧ колӧкӧ зев кеԇовтӧј Ԋінатӧ. Ԍԏепан Мікајлӧвічыԁ-кӧ тӧԁлас, лӧгаԍас. Зоԍа. Быԁ чурка-понԁа кутас лӧгавны. Зев-тај! (Мікулај гуԁӧкалӧ. Гажатор ԍыліг-тырјі мунӧны). Сыс. Пеԁ. Лок-нӧ мунам, Ԋіна. (Ныв-зон ылыԍмӧны) Коԉасны јешщӧ. (Сысӧј Пеԁӧр ӧԁјӧ мунӧ. Ԋіна ӧтнас коԉӧ, жугыԉа віԇӧԁӧ гажаа ныв-зон мунӧм-вылӧ, сеԍԍа сыркјалӧмӧн бӧрԁԇӧ. Веԍкыԁвывԍаԋ тыԁовтчӧ Паԋԏіԉімон: віԇӧԁӧ Ԋіна-вылӧ, сеԍԍа терыба локтӧ сы-ԁінӧ, ԋебыԁа јуалӧ). Паԋԏіԉімон. Ԋіна, мыј-нӧ бӧрԁан?.. Ԋіна (бӧрԁӧ). Помала ԋімтӧны, ԍералӧны... Ме-ӧмӧј-нӧ мыжа?.. Абу-ӧмӧј менам морӧсын морт ԍӧлӧм!.. (Сајын нора гуԁӧкаԍӧны). Паԋԏ. Јӧзыԁ пыр коԁ-вылӧ-кӧ воӧны... (Јанԇіма) Менӧ-тај-нӧ со ԋімтӧны-жӧ. Меԁ. Ԋіна (бӧрԁӧ). Ӧԏі бурҗык морт абу... Ԍӧлӧмтӧ јітны ԋекоԁ-ԁінӧ. (Сајын нора гуԁӧкаԍӧны). ЗАНАВЕС.

Којмӧԁ ворсӧм.

Важ ворсан-іныс-жӧ. Ар. Занавес воԍԍігӧн петӧны шујгавывԍаԋ Паԋԏіԉімон ԁа Ԋіна. Паԋԏіԉімон тујӧ мӧԁӧԁчӧм паԍкӧма. Мышкас ічӧԏік ноп. ПаԋԏІԉімон. Тані лоӧ віԁчіԍыштны мукӧԁсӧ (пӧртчӧ нопсӧ ԁа пуктӧ) те сеԍԍа бергӧԁчан?... Ԋіна. Ог-на. Пукышта те-ԁорын. Оз, гашкӧ, јона Анпіса-ԏоԏа віԁ... Ԋаԋтӧ вывті еща боԍтін, Паԋԏіԉімон. Менԍым вајӧмсӧ колі щӧщ боԍтны. Паԋԏіԉімон. Ԋінӧм унаԍыс. Туј-вылаԁ ԍурӧ мајбыр, сіјӧ бурыԁ. Ԋіна. Ԃеԋга торјыԁ лоыштіс?.. Паԋԏіԉімон. Ем ічӧԏіка Пеԁӧр Сысӧјевіч пӧлԏіԋԋік ԍетіс, тенаԁ бурԍіӧмыԁ ԁасԍіԅімур, сеԍԍа аслам вӧлі чӧлкӧвеј. Ԋіна. Ен-жӧ-бара, Паԋԏіԉімон, бурԍіӧмтӧ віԇ, ԇік-кӧ-ԋін пікӧ он во. Сіјӧ-ӧԁ шуԁ ԍетӧ. Вежалунӧ јешщӧ лоӧ ԍылӧԁны моԉебен божја маԏер-воԇын: меԁ ԍетас бур-туј теныԁ ԁа бура уҗалӧм завоԁаԁ. Ме ог тӧԁ — мунан-тај-а... Зев-ӧԁ ԍӧкыԁ лоӧ овнытӧ јӧзаԁ. Паԋԏіԉімон. Пеԁӧр Сысӧјевіч јона ышӧԁіс. Сені-пӧ поԅӧ ԃеԋгатор боԍтыштны Вӧлӧм-кӧ-тај быԁ во став комі јӧз-пыщԍыс унаӧн завоԁӧ ветлӧны. Міјан ԍіктыԍ-пӧ сӧмын ԋекытчӧ оз петавны& шуӧ Пеԁӧр Сысӧјевіч ԍурӧмаӧԍ-пӧ Ԍԏепан Мікајлӧвіч кіпоԁ улӧ ԁа корыԍ-моз олӧны, ԋекытчӧ оз лыԍтны ас керка-берԁԍыс нырнысӧ мытчывны. Зев-еԍкӧ ԍӧкыԁ муннытӧ тӧԁтӧм-інаԁ-ԁа, мыј керан. Татӧні јешщӧ ԋін ԍӧкыԁ. Тӧвбыԁ вӧрын тојтан-тојтан — кыјԍан, вузалан тӧвбыԁја корԍӧм ку, а ԋінӧм оз шеԁ. Кымын во зіԉа керка тыр вылӧ кер лӧԍӧԁны ԁа сіјӧ ог вермы. Вӧр-пӧвсын олан-а, керка он вермыв лептывны. Таво Ԍԏепан Мікајлӧвічлы кӧсјі леԇчӧмӧн-ԋін уҗјӧзӧс мынтыны, а &волӧмкӧ, мынӧм-пыԃԃі пыр ӧтарӧ соԁӧ. Таво ԋаԋӧј бара ԋінӧм-мынԁа ез во — кынміс Коԉтчан-кӧ татчӧ, јурвывтыр уҗјӧзӧ пыран Ԍԏепан Мікалӧвічлы. Ԋіна. Војԁӧр таԇі-жӧ овлӧмаӧԍ ԁа кыԇі-кӧ немпомныс коԉлӧма. Окотатӧ ԏешітны мунан. Поԅіс-на гортаԁ овны, перјыны кынӧм-пӧттӧ. Паԋԏіԉімон. Чӧв, Ԋіна... (ԍӧлӧмԍаԋ) Оз-кӧ-нӧ менӧ ԋінӧм абулун, щыгԋіԍӧ-пӧт олӧм вӧтлы, муна-ӧмӧј-нӧ еԍкӧ ме татыԍ; гортыԍ, ас чужан муыԍ!.. Тані-ӧԁ меным быԁ пу-кост, став туј-вожыс тӧԁса. Оз-кӧ-нӧ гӧԉлун щӧкты, еновта-ӧмӧј ме вӧралӧмӧс асԍым. Те-ӧԁ, Ԋіна, он тӧԁ, кущӧм ԋімкоԃ мортлы вӧрын. Шԉівган те ԉампаӧн гӧн-коԃ ԋебыԁ лым-вывті. Немӧвӧјја козјас, ԋывпујас, пожӧмјас копраԍӧны теныԁ асланыс корјасӧн. Швачка-кылӧ кӧԇыԁ. Ԍінкымӧсјас гыӧртӧны. Шонԁі југӧр ворсӧԁчӧ быԁԍама-ԍікас езыԍ лымчірјасӧн. Ԇірԁалӧ гӧгӧр. Ԍінтӧ јорӧ... Пујас сулалӧны лӧԋа. Со кӧнкӧ ылын-ылын кылӧ понлӧн увтчӧм. Сувтан. Кывзыштан. Мӧԁӧԁчан терыба, гӧгӧр віԇӧԁан — быԏԏӧ гуԍаԍыԍ. Ԍӧлӧмыԁ јӧктӧ... Матыԍман. Понјыԁ ԉокыԍ увтӧ пу-јылыԍ урӧс. Урлы веԍкоԃ. Сӧмын віԇӧԁӧ пон-вылӧ ԁа коԉ кіԉԉӧ. Гуԍӧԋікӧн лептан пеԉпом-берԁӧ пішщаԉ. Вітан. Ставыс лаԋтӧ. Шыԋітӧв. Оз лолав. Ԋінӧм он аԁԇы лыслап-вывса ур-кынԇі. Сіјӧ ворсӧԁчӧ, еԉтӧ понјӧс. Коԋӧр, оз-тӧԁ — олӧмыслы воіс пом. Гымган-лыјан: ԍавкԋітлас бі, чепӧсјас щынтор вӧрыԁ ставнас шыԅас, ԉок горшӧн горӧԁас: ,,морт, ловја-лов віјалан!..“ Сӧмын ԋінӧм оз вермы вӧчны. Щӧк лаԋтас бӧр... Боԍтан шыԉыԁ бӧжа ур, лунтыр лыјԍан. Рӧмԁас ывла. Пыран колаӧ, біјаԍан, ԍојыштан; понјасӧс верԁан... Ԋужӧԁчан біберԁӧ. Суркмунан унмовԍан. Аскі-ӧԁ бара југԁан-ԁор колӧ корԍыԍны... Поԅӧ-кӧ-нӧ вӧлі, еновті-ӧ-мӧј ме тајӧ олан гажсӧ!.. Ԋемтор, Ԋіна. Ме бӧр регыԁ локта. (Шога) Зев-ԋін тајӧ тӧвсӧ ветла. Ԋіна. Кыԇі ме кута овны. Ԇік ԋінӧм абу. Веԍіг мувіԇ пајтӧ оз ԍетны. Чурка-ԁа... Меԁ-ԋін еԍкӧ ԋінӧм абуыԁ, кыԇі-кӧ-ӧԁ јӧзын ола-уҗала ԁа-ӧԁ најӧ менӧ кеԇовтӧны, ԍералӧны, ԍӧлалӧны. Паԋԏіԉімон. Ԍԏепан Мікајлӧвічыԁ ԁорјас. Пеԁӧр Сысӧјевіч бара зев бур морт. Сіјӧ бара оз пов меыԍ — јерӧԏԋікԍыԁ. Ӧтчыԁ веԍіг ԋінӧм сы-јылыԍ ез гарыштлы. Зев авја морт. Ԋіна (ышловԅӧ). Ԋекоԁ менӧ морт-пыԃԃі оз пукты; ԋекоԁ-ԁінӧ шыӧԁчыны, ԍӧлӧмӧс јітны... Те сӧмын вӧлін авјаҗык морт ԁај мунан кытчӧкӧ, коԉан менӧ. Паԋԏіԉімон, кыԇі-нӧ ме ӧтнамӧн, тетӧг кута овны?.. Текӧԁ тӧԁмаԍӧмԍаԋ сещӧм ԁолыԁ меным вӧлі. Јӧз ԍерам оз-ԋін вӧлі сещӧма ԍӧлӧмӧ парскы. Теыԍ полӧны, те-ԁырјі ԋекоԁ менӧ сін-воԇын ез ԍеравлы. Меыԍ мортлӧн полӧм абу. Кутасны быԁ-ногӧнсӧ ԍеравны, сакны, ԇікӧԇ віјасны (ԍінвасӧ чышкалӧ). Паԋԏіԉјмон (шога). Гашкӧ, кыԇкӧ олан... Ԋіна (нора бӧрԁԇӧ). Мыјла ме текӧԁ тӧԁмаԍі, мыјла?.. Јешӧ јона јӧзыс лӧгалӧны ме-вылын, јешщӧ јона топӧԁӧны. Те вунӧԁан менӧ. Ԇік ӧтнамӧн коԉа нем-кежлӧ јӧз ԍерам-вылӧ. Паԋԏіԉімон. Кыԇі-нӧ ме вунӧԁа тено, Ԋіна!.. Мыјла ташӧм кывјассӧ шуан!.. Мӧԁ во тулыс бӧр локта. (Кост) Ԋіна, ме Воронӧс коԉі Пеԁӧр Сысӧјевіч кіӧ. Меԁ ԁӧԅӧрітас јонҗыка. Туруныс сылы муртса тырмас. Сеԍԍа віԇӧԁлывлы керкаӧс. Сені Пеԁӧр Сысӧјевіч овны кутас. Пішщаԉӧс сы-орԁӧ коԉі ԁа меԁ еԍкӧ оз-жӧ вузав. Сешӧм бурыс мӧԁ оз ԍур. Ԋіна. Ен тӧжԁыԍ сы-понԁа. (Пырӧны шујгавывԍаԋ Гріш ԁа Машук. Гріш ыҗыԁ нопја, муртса кыскӧ). Гріш (Паԋԏіԉімонлы). Те-тај тані-ԋін вӧлӧмыԁ. Міԍа-ӧԁ, ез-на во ԁа ме торја ог-і термаԍ. Паԋԏіԉімон. Веԉ-ԁыр-ԋін віԁчіԍа. Гріш (пӧртчӧ нопсӧ, чышкӧ чужӧмыԍ пӧԍсӧ). У!.. Татчӧԇ вајӧмӧн жујалі. Кыԇі кутан воԇӧсӧ кыскыны. Машук. Мыјла те мунан завоԁас, Гріша?.. Коԁі ыстӧ?.. Гріш. Баԏӧ. Мырԁӧн ыстӧ, лолыштны ез кут леԇны. Сысӧј Пеԁӧр-жӧ-ӧԁ мыжа. Ышӧԁӧма баԏӧс, сені-пӧ поԅӧ бур нажетка боԍтны. Баԏ кутіс шуавны: ԁырӧ-пӧ-ԋін Ԍԏепан Мікајлӧвічсӧ кутам топӧԁны, ветлы-пӧ ԃеԋга торла... Ветлам. Ԁоԃԃӧн ԃеԋга вајам ԁај ԁоԃсӧ ԃеԋга-вылӧ боԍтам. (Ԍералӧны кыкнаныс). Машук. Шог абу гортԍыԁ мунны?.. Гріш. Мыј торја шогыс. Бӧрԁыԍ абу, мусук оз коԉ. Машук (гуԍӧн). Паԋԏіԉімоныԁкӧԁ ӧтлаын мӧԁан ԁа туј-вылаԁ-кӧ-нӧ щыкӧԁас. Гріш. Тунав те сені!.. Он-кԁ лӧгӧԁ, мыјла щыкӧԁас... Оз. Мі сыкӧԁ лӧԍалам. Најӧ-ӧԁ щыкӧԁӧны сӧмын коԁвылӧ лӧгныс ԉібӧ вежныс петӧ. Машук. Коԁі тӧԁас. Со-тај Чуркаӧс щыкӧԁӧма-а. Кущӧма ӧні шогԍӧ... Ті ԁыр-кежлӧ мунанныԁ?.. Кор бӧр локтаԁ?.. Гріш. Ԋекор. Мыј міјан татчӧ коԉі. Машук. Менӧ абу жаԉ коԉныԁ? Гріш. Мун сетыԍ. Мыј тенӧ жаԉітан!.. Машук. Меным-еԍкӧ те веԍкоԃ-жӧ-ԁа... Завоԁԍыԁ локтӧм-бӧрын щап лоан Гріш. Кыԇі-нӧ-на!.. Локтам леԇалӧм гач кокјасӧн, гоԉа-гӧгӧр кыз јеҗыԁ лӧсталан бумага гартлам, ԁука мајтӧгјасӧн кутам мыԍԍыны, папіросјас курітны, етаԇі, щапа тувтчавны... Кајӧрпон ԋӧбам ԁа Пеԁӧр Сысӧјевіч-моз ԍін куԋӧмӧн кутам ԍывны: ко-ԉа-па-рӧ!.. (Ԍералӧны). Секі Машукјас енӧ матыԍтчӧј міјан-ԁінӧ ԍӧԁ кіјаснаныԁ! (Ԍералӧ). Машук. Огӧј-на кутӧј копраԍны тіјанлы. Зев-тај!.. (Локтӧны Ваԋ ԁа Мікулај — нопјаӧԍ. Мікулај гуԁӧка). Мікулај. Ме ог тӧԁ, Ваԋ. Бӧр лоӧ бергӧԁчыны. Поп-кӧ тујӧ мӧԁӧԁчігӧн паныԁаԍас, вошан-ԋін. Мыјла-кӧ-тај лӧԍӧԁчыԍас сышӧрӧ-воԇӧ паныԁаԍны. Јешщӧ куԅ јурԍінас јуаԍӧ — кытчӧ-пӧ мӧԁінныԁ?.. Ваԋ. Бергӧԁчам, колӧкӧ. Гріш. Јӧјјас! Поплы паныԁ лӧԍӧԁчанныԁ. Меԁ-ӧԁ ті кыщовтіԁ ылытіҗык сыыԍ. Ԃерт шуԁыԁ оз ло сеԍԍа. Ԍӧлыштны пуԏмінныԁ енӧ мышкас воӧм — бӧрԏі? Мікулај. Ԍӧлалім еԍкӧ-пыр-ԁа Ме ог тӧԁ. Ваԋ. Менам вом-пыщкӧсӧј ставыс коԍміс, сещӧма ԍӧлаԍі. Гріш. Ԍӧвԅінныԁ-кӧ ԋінӧм. Ставным лоім?.. Мӧԁӧԁчамӧ сеԍԍа. (Пырӧ Ԍԏепан Мікајлӧвіч). Ԍԏ. Мік. Завоԁӧ мӧԁӧԁчінныԁ? Ваԋ. Завоԁӧ, завоԁӧ, Ԍԏепан Мікајлӧвіч. Віԁлыныс-ӧԁ колӧ-жӧ-і міјанлы. Ԍԏ. Мік. Сіԇ, сіԇ!.. Ԍӧкыԁ тіјанлы лоӧ сені. Јӧз-орԁаԁ-ӧԁ абу гортаԁ-коԃ... Те-нӧ, Паԋԏіԉімон, мыјла-ԋін мунан?.. Куш вӧралӧмнаԁ тенаԁ кынӧмыԁ пӧтас. Ԁӧзмін тані?.. Паԋԏіԉімон. Уна еԍкӧ кыјла тӧвбыԁнаԁ ԁа ԋінӧм оз шеԁлы сы-вылӧ. Со веԍіг теныԁ ог-на вермы уҗјӧзӧс мынтыны. Јанԇім-ӧԁ пыр ӧтарӧ уҗӧнтӧ боԍтаԍны. Ԍԏ. Мік. Кущӧм-кӧ јанԇім. Ӧтчыԁ-тај ег шулы, міԍа, ог ԍет. Гріш. Мӧԁӧԁчім мі ԁа ветлам-ԋін ас-пајыԍ. Ԍԏ. Мік. Ветлӧј, ветлӧј. Ме тіјанӧс мунӧмыԍ ог паԁмӧԁ, сӧмын віԍтала сетыԍ олӧмсӧ. Сысӧј Пеԁӧрыԁ-ӧԁ ылӧԁлӧ тіјанӧс. Гріш. Мунам ԁа аԁԇам сені, ылӧԁіс ез. Ваԋ. ԏешкоԃ-жӧ міјан олӧмыԁ, зонјас. Веԍіг баԏ-мамыԁ оз ештыны уҗысла ылӧҗык коԉԉӧԁны міјанӧс, кыԍ-ԋін еԍкӧ нывјасыԁ-ԁа. Ԍԏ. Мік. (аслыс). Гм... Ег вермы бергӧԁны. (Нопјаԍӧны. Мӧԁӧԁчӧны, Мікулај муніг-тырјіыс гуԁӧкаԍӧ). Гріш. Лок, Машук, коԉԉӧԁышт. Гашкӧ сеԍԍа огӧ-ԋін-і аԁԅыԍлӧј-ԁа. Он-ӧԁ тӧԁ. Машук. Мунам ... (Мікулај, Ваԋ, Гріш ԁа Машук берԁӧны веԍкыԁвылӧ). Паԋԏіԉімон (Ԋіналы). Јуӧртӧ Пеԁӧр Сысӧјевічлы щӧкты гіжны. Ԋіна. Ачыԁ щӧкыԁҗыка гіж. Зев-ӧԁ меным гажтӧм лоӧ. Паԋԏіԉімон. Гіжа... Прӧшщајтлы... Ен јона шогԍы. (Кыкнаныслы шог). Прӧшщајтлы, Ԍԏепан Мікајлӧвіч. Ԉокӧн ен каԅтыв... Ԋінатӧ ен-жӧ јона кеԇовт. Ԍԏеп. Мік. (најана). Бур туј, бур туј теныԁ. Паԋԏіԉімон. Прӧшщај, Ԋіна. Бура ов. Ԋіна (бӧрԁӧ). Ен вунӧԁ, Паԋԏіԉімон, асԍыԁ шуԁтӧм Ԋінатӧ. Паԋԏіԉімон. Ен бӧрԁ, Ԋіна. Он-на-ӧԁ кулӧмӧс коԉԉӧԁ. (Шапка пыԁӧҗык јурас ԍујӧ, мунӧ). Ԋіна (бӧрԍаԋыс віԇӧԁӧ, сеԍԍа вӧтчӧ Панԏіԉімон-бӧрԍа, јешщӧ на кӧсјӧ суӧԁлыны. Сајын: ( кылӧ нора гуԁӧкаԍӧм ԁа ԍылом Мікулајлӧн) Ветлам-пӧ, ветлам завоԁӧ, Ԃеԋга вајам сетыԍ. Ԋоԉ чӧлкӧвӧј баԏӧлы — Вітӧԁсӧ-пӧ аслым. (Ԍԏепан Мікајлӧвіч ӧтнасӧн коԉӧ). Ԍԏеп. Мік. (веԉԁыр мӧвпалӧ). Гм... Ег вермы бергӧԁны... Сеԍԍа быԁ во соԁны ԁа соԁны кутас муныԍыԁ. Кущӧм-нӧ ме морт та-бӧрын? Ԋінӧм-на-тај ме. Јешщӧ пыр-на ачымӧс ԍуԍ, вежӧра мортӧн лыԃԃылі... Јӧјјастӧ кӧԏ пыр велӧԁ, он вермы велӧԁны... Ԋінӧыс, Ԋінӧыс!.. Кущӧм шог-пырыԍ шуіс: „ен вунӧԁ асԍыԁ Ԋінатӧ“... Асԍыԁ Ԋінатӧ-пӧ-ӧԁ!.. Ԏпу, аԁԇӧма раԃејтан тор: позтӧм кӧкӧс. Менӧ-кӧ, ԉібӧ ме-коԃӧо — јешщӧ-на ез поԅ ԃІВІТНЫ сещӧма. (Шујгавывԍаԋ кылӧ кос корјас-вывті кок шы). Ӧ-ӧ, коԁӧс-кӧ вӧрсаыс вајӧ. (Букышӧн віԇӧԁӧ, віԁчыԍӧ). (Петӧ Зоԍа, вомгорулас ԍылӧ, мунӧ веԍкыԁвывлаԋ). Ԍԏеп. Мік. Со коԁі!. Оз-ӧ-ԋін тајӧ менӧ кыјӧԁ?.. (Гора, скӧрыԍ). Мыј теныԁ татыԍ колӧ?.. Зоԍа (повԅыштӧ). Ак, факт!.. Ме тенӧ ег і аԁԇыв. Ԍԏеп. Мік. Мыј, міԍа, тані шӧјтан?.. Лавкатӧ коԁлы коԉін?.. Зоԍа. Ме... сіԇ... гуԉајта... Зонјасӧс корԍа. Ен аԁԇыв?.. Ԍԏеп. Мік. Зонјасӧс!.. Ԋекоԁ тані абу, мун. (Зоԍа кӧсјӧ мунны веԍкыԁ вылӧ), Ԍԏ. Мік. (пановтӧ зев скӧрыԍ). Кытчӧ?.. Со коԁарын гортыԁ!.. (јӧткӧ шујгавылӧ). Зоԍа (ԁӧзмӧмӧн „Но-о“-моз). Фа-акт!.. (Сајалӧ шујгавылӧ). Ԍԏеп. Мік. (ӧтнас) Зонјаскӧԁ ветлыԍ!.. Мам јӧлыԁ пар-ԁораԁ абу-на коԍмӧма. Томыԍаԋ кутіс ветлыны: ме рӧԁӧ мунӧма. Гӧтраԍны-ӧԁ јешщӧ віԇӧԁчӧ. Ештас-на. Менам ԍӧлӧм-ԍерԏі ез-на ԍур ԋевестаыс-ԁа. (Ԋумјалӧ). Ветлыны лоӧ Ԋінаӧс бурӧԁны, меԁ јонасӧ оз шогԍы. Ылӧԁны том вежӧратӧ зев кокԋі, сӧмын кӧсјыԍ лӧԍӧԁны выԉ лӧз плаԏԏӧ ԁа југыԁҗык ԍі- кӧщјас петкӧԁлы. Важӧн-ԋін зіԉа ԁа ег вермыв. Пыр јерӧԏԋік-ԁінӧ мунӧ. Ӧні вермам... Мыј менам гӧтыр ем-ԁа, мыј сыыԍ... Талӧн вірыс сіԇі-і ворсӧ, сіԇі-і ворсӧ... (Кӧсјӧ мунны, віԇӧԁӧ) Со ачыс татчӧ локтӧ. Коԋӧрӧј, кущӧм жугыԉ. (Пырӧ Ԋіна). Ԍԏеп. Мік. (мунӧ Ԋіналаԋ). Паԋԏіԉімонӧс коԉԉӧԁін? Ԁырӧ-кежлӧ-нӧ муніс?.. Ԋіна. Тулыснас бӧр воас. Ԍԏеп. Мік. Но... Ӧԏі тӧв сӧмын! (Јур пыркӧԁӧ). Ог тӧԁ, ме чајта ылӧԁіс тенӧ. Сетыԍаԋ-тӧ сіјӧ оз-ԋін воыԍ ло. Ԋіна. Мыјла?.. Кӧсјыԍіс-ԁа. Ԍԏеп. Мік. Аԁԇывтӧм-помԍыԁ сені вывті гажмас. Ок, тані-ԍерԏі јона сені лӧԍыԁ том јӧзыԁлы быԁ-ногӧн. Ме, пӧрыԍ морт ԁај сіјӧ... Енлы, абу еԍкӧ пӧрыԍ-на ме-ԁа... Паԋԏіԉімоныԁ аԁԇас кущӧмкӧ нылӧс ԁај вунан те сылӧн... Сені-ӧԁ. Ԋіна, кужӧны мічмӧԁчыны нывјасыԁ. Ԋеԉамын арӧсајас сещӧма вӧччасны: җеԋыԁ плаԏԏӧаԍасны, чужӧмјассӧ мавтасны -- кыԅ арсса-коԃӧԍ лоӧны. Мӧԁ-кӧ јуԍас сені, чӧскыԁ вінајастӧ віԁлалас-ԁа. Жаԉ абу-нӧ еԍкӧ, муніс-ԁа?.. Ԃерт жаԉ... Сӧмын-тај меным уҗјӧзсӧ ез мынты, сіԇі вошӧ. Ԋіна. Ен пов, Паԋԏіԉімон-сајаԁ оз-на вош. Ԍԏеп. Мік. Тані-кӧ вӧлі, ԃерт, ез вош. Ӧні ылӧ муніс, кытыԍ суԇӧԁан сіјӧс. Меԁ-но. Коркӧ тон мынӧ... (Матыԍмӧ ԇік Ԋіна-берԁӧ. Бура). Те, Ԋіна, торја ен шогԍы. Муніс-кӧ, ветлас. Ԃерт, ӧні жаԉ-на, а лун-мӧԁ коԉӧ-ԁа, быԏԏӧ ез-і вӧвлы. Регыԁ вунӧ том мортыԁлӧн. Бӧрԁыштан, ԍӧлӧмыԁ ԉічалӧ, сеԍԍа і вунӧ. (Ԋіна сіјӧ кывјасӧ нормӧ ԁа бӧрԁԇӧ). Лок пукԍы, муԇан... (Пукԍӧԁӧ Ԋінаӧс, ачыс ортчӧн пукԍӧ. Ԋіна оз пыкԍы). Коԋӧрӧј!.. (вывті меліа). Рӧштво-кежлӧ теныԁ лӧԍӧԁа выԉ плаԏԏӧ... Ԋекоԁ омӧԉ кывјӧн оз лыԍт шуны ӧніја-моз. Ԋіна... (мыщаԍлӧ. Кӧсјіс еԍкӧ овнаавны ԁа оз тӧԁ кыԇі) Баԏысовнанаԁ кутасны ыҗԁӧԁлыны. Баруԋӧ-моз кутан овны. Со-ӧԁ бур нылӧј менам... (кӧсјӧ окавны). Ԋіна (черӧбтӧ, четчӧ). Мыј-нӧ лоін, Ԍԏепан Мікајлӧвіч! Јенԍыс пов. Ԍԏеп. Мік. (аслыс). Веԍӧпӧрі. (Ԋіналы). Мыј саԃыԁ бырі, пар-ԁорыԁ ез-на сыв. (Веԍкыԁвывԍаԋ петӧ Машук, мунӧ шујгалаԋ). Машук. Чуркалӧн јерӧԏԋікыс муніс, бара ӧтнасӧн коԉі. Ԋіна. Госпоԃӧј јенмӧј!.. Кытчӧ ӧні ме воштыԍны кута!.. (Сајалӧ шујгавылӧ). Ԍԏеп. Мік. (четчӧ). Он-кӧ-і олас!.. Менам Машук ем. Менам-ӧԁ, Машук?.. Машук. Кыԍкӧ јешщӧ теныԁ-ԁај!.. (Ԁолыԁа мунӧ шујга-вылӧ). Ԍԏеп. Мік. (ӧтнас). Аттӧ!. Скӧрмывны-еԍкӧ ԁа скӧрлуннаԁ ԋінӧм тајјаслыԍ он боԍт... Баԏыс-вылӧ лоӧ скӧрмывны. (Пырӧ шујгавывԍаԋ Пеԁӧр, чужӧмԍыс пӧԍсӧ ԉокыԍ чышкӧ) Сыс. Пеԁ. (лӧԋа). Олан-вылан, јӧзӧс ылӧԁлыԍ... Мыјла те лыԍтін Ԋінасӧ ԁӧзмӧԁны?.. Паныԁаԍіс-ԁа, те-вылӧ нораԍӧ... Віԁчіԍ... Регыԁ беԃԃӧс вылаԁ чегјала!.. Ԍԏеп. Мік. (ԉокысла оз тӧр ас-пыщкас, тіралӧ быԁсӧн). Уԍлан-на коркӧ те ме-вылӧ!.. Секі то (піга) петкӧԁла. (Јешщӧ-ԋін ԉока). Мыјла те лыԍтін менԍым Шарікӧс віны а?.. Вај віԍтав! Ме тенӧ сыыԍ суԁӧ ԍета!.. Аԁԇылам, кыԇі ԁорјыԍан секі. Сыс. Пеԁ. (лӧԋа). Быԁ морт-вылӧ меԁ оз уԍлаԍ. Кущӧм ачыԁ ԉок, сещӧм-жӧ-і понјыԁ. (Еԉтыштӧ). Віныԁ еԍкӧ віі-ԋін, ԁа-ӧԁ јешщӧ шојсӧ ваӧ шыбыті!.. (Ԍералӧ). Ԍԏеп. Мік. Чӧвлы, чӧвлы!.. (кінас песовтӧ). Со мыј вӧча!.. (Зев ԉок мунӧ). Сыс. Пеԁ. Ԉокыс!.. Ԍо воӧн асԍыс воԇҗык чужлӧма. Быԁ-ԍама јӧзыԁ ем... Паԋԏіԉімонӧс ег сулы ԁа абуҗык лӧԍыԁ. Паныԁаԍіс Ԁарја-Јогор-пі, ԍорԋі-выв воім ӧԏітор, мӧԁтор-јылыԍ ԁај ылалі... Кыԇі-кӧ ме ог гӧгӧрво татчӧс јӧзӧс. Вом коԍмытӧԇыԁ віԍтавлан, кӧсјан бур вӧчны, најӧ сӧмын шпыԋмунӧны. „Кыԍ-пӧ-ԋін мі воклы карӧ ветлыны. Сіԇ-пӧ-ԋін став уҗыс енԁӧма. Карјасаԁ-кӧ-пӧ јешщӧ кутан ветлыны; ԇікӧԇ-ԋін гортса овмӧсыԁ ісковтас"... Шпыԋјалӧмныс меным оз во ԍӧлӧм-вылӧ. Аԍныс кос ԋінӧм оз гӧгӧрвоны, кутан віԍтавны, најӧ тенӧ кывзӧны ԁа шпыԋјалӧны!.. Караԁ кујастӧ вузавны ме верма ветлыны сені пыр-ԋін унҗык ԍетасны. Меным ветлӧм ԁонсӧ-кӧ ԍетыштасны-і... Лоӧма Ԍԏепан Мікајлӧвіч, ԁа меԁ сы-вывті ԋінӧм-ԋін абу вӧчӧма, меԁ сіјӧ вомӧ-і пыр вӧлі віԇӧԁӧма. Менӧ-ӧԁ ас-кіпоԁулас щӧщ кӧсјӧ боԍтны... (ԍерӧктӧ) Менӧ?... Сіјӧ?.. Віԇӧԁлам!.. „Коԁ тӧԁас!" — Гріша-Мікул шуӧ. (Мунӧ).

ЗАНАВЕС. Ԋоԉӧԁ ворсӧм.

Ԍԏепан Мікајлӧвічлӧн горԋіча. Абу-ԋін праԅԋік-ногӧн пеԉкӧԁӧма. Ԍԏепан Мікајлӧвіч щӧтајтчӧ. Зоԍа шуԏлалӧ. Ԍԏепан Мікајлӧвіч. Анԁреј Грігорјевіч Шомӧсов четыре пуԁа мукі... шеԍ рубԉеј ԁолг. (Пуктӧ щӧткі-вылӧ) Мікаіл Мікаіловіч Куԅныров покупіл треԏԏе марта четыре аршіна ԍіԏеч, оԃін пунт сакар імеԋԋіку - оԃін чӧлкӧвеј ԁа шеԍгрівен. Куԅ Пашӧ Віктор... Ԁугԁан он, Зоԍа, омӧԉјассӧ чуксалӧмԍыс!... Вомаԁ кучка-ӧԁ... (Зоԍа ԁугԁӧ шуԏлалӧмыԍ) Куԅ-Пашӧ-Віктор трі аршін каԅіԋет гач, пунтҗын сакар — ԁва рубԉа. Зоԍа. Мыјла Куԅ-Пашӧ-Вікторсӧ таԇі гіжӧмыԁ, абу овнас? Ԍԏ. Мік. Ме мыјӧн тӧԁа налыԍ овсӧ. Аԍныс оз тӧԁны-а... Лыткін Ԍԏепан пуԁ рож мука — оԃін руб пеԏԃеԍат копејок. Оԏетс Зоԍіма воԍем пунтов кампет ԁа пјаԏ пунтов преԋік ԁа пуԁ крупчатка-мука .. тајӧ отԁал ԃеԋгі. Зоԍа. Тӧрыт-нӧ мыј, баԏӧ, Петыр Іванӧвічыԁкӧԁ сещӧм ԁырсӧ ԍорԋітінныԁ?.. Ԍԏ. Мік. Тенӧ оз јуавны сетчӧ. Зоԍа. Сіјӧс гӧтырыс гортԍыс вӧтлӧма-ԁа мортыԁ ԉучкі бӧрԁӧ, ԍӧԁ ԍінваӧн бӧрԁӧ (ԍералӧ). Ԍԏ. Мік. Јерӧԏԋік Паԋԏіԉімон... пуԁ рож мука... Јерӧԏԋікыс кор мунліс завоԁас?.. Воԇԇа во арнас, буракӧ?.. Оз-ԋін волы сіјӧ, ме чајта. Лоӧ керкасӧ боԍтны уҗјӧз-пыԃԃіыс. Зоԍа. Сені Сысӧј-Пеԁӧр ԁа чурка-Ԋіна олӧны. Ԍԏ. Мік. Меным кущӧм мог наӧԇ, пеж щыкӧԁчыԍјасӧԇ, (бара щӧтајтӧ. Зоԍа шуԏлалӧ). Анпіса (сајԍаԋ). Ԍԏепан... Ԍԏепан... Ԍԏ. Мік. Мун петав, Зоԍа, мыј-ԋін бара лоӧма. Кујлӧ сені, оз кув-а. Сӧмын ԁаԍ ԋаԋ ԍојӧ. Зоԍа. Сіјӧ пыр мыјкӧ лоӧма-ԁа. Јуны кӧнкӧ бара корӧ. (Зоԍа петӧ). Ԍԏ. Мік. (щӧтајтӧ, віԇӧԁӧ щӧткі-вылӧ) Еща!.. аттӧ!.. 30 чӧлкӧвеј сӧмын. Ԁа віԁчіԍӧмыԍ ԁасвіт-кымын... Гм... Еща (сорлалӧ щӧткіјас) Еща... Енлы, Сысӧј-Пеԁӧр, талун-бӧрын он кут четчавны... Аттӧ... Ԋінӧм-мынԁа-тај ез кут воны. Лоӧ петавны лавкаӧ, віԇӧԁлыны уна-ӧ-ԋін сені тӧварыс. (Лӧԍӧԁчӧ Петны). Анпіса. (сајԍаԋ) Ԍԏепан, волы ме ԁінӧԇ. Ԍԏ. Мік. Ме ог ешты!.. (Сԏ. Мік. петӧ. Пырӧ Зоԍа). Зоԍа (ӧтнас). Аттӧ, фактыԁ. Мыј-і сы-ԁыра оз кув. Ԇоԋ вӧ-җын-ԋін оз четчыв-а, оз кув. Сы-вӧсна менӧ баԏӧ оз гӧтрав. Шуліс меным ԋеважӧн-на: „лоӧ-пӧ, тыԁалӧ, сеԍԍа тенӧ гӧтравны, мамыԁ-пӧ, тыԁалӧ, регыԁ кулӧ...“ Сіјӧ бурыԁ-тај оз ло... (Шуԏлалӧ) Сеԍԍа, еԍкӧ, коркӧ баԏӧ кулӧ. Ставыс меным коԉӧ. Ачым лоа ыҗыԁ. Ыҗԁӧԁлыны кутасны: „Зоԍіма Ԍԏепановіч, кущӧма-ԋін овлан?“ — „Ԃерт, міԍа, тіјан-ԁорыԍ олаҗык“ — шуан... (шуԏлалӧ). (Пырӧ Парук) Парук. Зԁоровје. Анпіса Ԍпіріԁоновналы вајі ԁа уԅӧ. Кӧні-нӧ Ԍԏепан Мікајлӧвічыԁ?.. Зоԍа. Баԏӧ? Парук. Теныԁ, ԃерт, баԏ. Зоԍа. Факт, меным. Мыјла?.. Парук (чегјаԍӧ) Сіԇі јуалі... Оз ков ԋінӧмла. Абу-кӧ муна бӧр. Зоԍа (аслыс) Оз віԍтав меным. Факт тајӧ ԋевеста-пу меным інԁыны локтӧма. (Паруклы) Ме пырыԍтӧм-пыр кора. Віԁчыԍлы. (Мунӧ) Парук (ӧтнас. Перјӧ піщӧгԍыс бызым — рузумтор). Ԍурі еԍкӧ-ԁа, ог тӧԁ чурка-Ԋінӧлӧн абу. (віԁлалӧ) Ме чајта сылӧн. Анпіса Ԍпіріԁоновна тащӧм омӧԉік паԍкӧм ез новлыв. Ԉок чурка шој!.. Велӧԁчӧма щыкӧԁчыны јерӧԏԋік Паԋԏіԉімонлыԍ. Ез-кӧ-ӧԁ сіјӧ щыкӧԁ, помала сы-вӧсна оз бӧрԁ. Унаӧн-ԋін кывлӧмаӧԍ: піԇӧсас-пӧ кучкалӧмӧн бӧрԁлывлӧ ԁа јерӧԏԋік Паԋԏіԉімонӧс каԅтылӧ... Војԁӧрлун паныԁаԍіс ԁа кагаӧс вомԇаліс. Шуӧ: „тајӧ-пӧ тенаԁ кагаыс, Парук?.. Кущӧм-пӧ міча!“ Сеԍаԋ менам кагаӧј ԋоԉԅыны ԁа ԋоԉԅыны!.. Вој-вој, коԋӧр, горзӧ, ыҗыԁа оз і унмовԍлы. Паԍібӧ — чујԁіс Іван-пӧԉ гӧтыр — колӧ-пӧ чурка Ԋінӧыԁлыԍ гуԍавны бызымтор ԁај сіјӧн щынны кагатӧ. Менԍым-пӧ кык кага вомԇавлісны ԁа сіԇтӧ-пӧ щыні ԁа пыр кагајаслӧн ԋоԉԅӧм бырі, быԏԏӧ-пӧ јен-кіӧн боԍтіс. Мунны ԁа пыр і лоӧ щынны... Ок, уна ԉок-ԋін чурка Ԋінӧыԁ јӧзлы вӧчіс. Важӧн еԍкӧ віны колі ԁа оз лыԍтны, полӧны Ԍԏепан Мікајлӧвічыԍ. Мішӧ-Насталы шева ԍетӧма. Коԋӧрӧс-пӧ горшӧԁыс шеваыс топӧԁас ԁа матын мортыԁ пӧԁны: сещӧма віԍӧ. Віԍтавлім Сысӧј-Пеԁӧрлы ԁа оз веріт. Шуӧ, мужікыс-пӧ јона нӧјтӧ ԁа сіјӧ-пӧ віԍміс... Мыјла-нӧ еԍкӧ шеваыс горзӧ, сіԇ-кӧ?.. Ԍԏепан Мікајлӧвіч віԍталӧ: Сысӧј-Пеԁӧрыԁ-пӧ меԁ-ыҗыԁ щыкӧԁчыԍыс міјан сіктын. Ԃерт, сеԍԍа оз кут мыжавны сіјӧ чурка-Ԋінӧӧс... Мыјла-нӧ Анпіса Ԍпіріԁоновна, кущӧм јон морт вӧлі-ԁа, віԍміс?.. Чурка-Ԋінӧ щыкӧԁіс!.. Сеԍԍа кымынлыԍ-ԋін мӧс ԋоԋ керавлӧма. Іріна-ԏӧтка карта-вылас сулӧма... Тӧԁанныԁ јешщӧ мыј ԍорԋітӧны! Чурка-Ԋінӧыԁ-пӧ вӧрӧ кајас ԁа став ԅверыс-пӧ сы-гӧгӧр кӧлӧны ԁа ворсӧны сыкӧԁ. Ԅверјаслы веԍіг щыкӧԁӧмыс мӧртчӧма... Јона јӧз ԉокалӧны сы вылӧ. Кыјӧԁасны, кыјӧԁасны-ԁа-ӧԁ, віјасны-жӧ коркӧ. Енлӧј вот, оз-кӧ віны!.. Ԍԏепан Мікајлӧвіч вотӧԇ лоӧ ӧԁјӧҗык мунны. Суас-кӧ-ӧԁ віԁны кутас, мыј-пӧ корԍыԍан ме-орԁыԍ. (Петӧ. Пырӧ Ԍԏ. Мік.) Ԍԏ. Мік. Аттӧ зонмӧ... Еща... Ме чајтлі, таво унҗык воас... Еща... Коԉан во-серԏі җын-кынԇі кујас ез воны ме кіӧ. (Пукԍӧ. Боԍтӧ бара ԋіга, щӧтајтыштӧ). Талун муна уҗјӧз перјавны. Коԁі Ԍысӧј-Пеԁӧркӧԁ уҗалӧ, сылыԍ мырԁӧн перја. Оз-кӧ сетны, боԍта ураԃԋікӧс ԁа мӧссӧ нуа. (Ԍерӧктыштӧ) Мекӧԁ венлаԍны!.. Ԁаԍ ветлӧм-сајын лоӧ віԇӧԁлыны јерӧԏԋік Паԋԏіԉімонлыԍ керкасӧ, уна-ӧ сулалӧ, тӧԁмавны. Віԇӧԁлам, мыј Ԋіна Чуркаовна кутас віԍтавны. Сысӧј-Пеԁӧрнаԁ ӧні менӧ он повԅӧԁ. Меԁ сӧмын Петр Іванӧвіч кужас сіјӧс кевкԋітны... (Пырӧ Зоԍа). Зоԍа. Мыјла-нӧ, баԏ, Парукыс воліс?.. Ԍԏ. Мік. Кущӧм Парук?.. Ԋекоԁӧс ме ег аԁԇыв. Зоԍа (ԋімкоԃа). Ен ылӧԁлы. Кӧнкӧ воліс меным ԋевеста інԁыны. Ԁыр-на оз поԅ гӧтраԍныԁ?.. Ԍԏ. Мік. Пар-ԁораԁ мам јӧлыԁ-на абу коԍмӧма. Зоԍа (лӧгаԍӧмӧн). Факт! Тӧнԇі-тај-нӧ кӧсјан-ԋін вӧлі гӧтравны. Ԍԏ. Мік. Ԋевестаыс абу. Ме поплы щӧкті-ԋін јуаԍлыны мукӧԁ попјаслыԍ нывјаснысӧ ԁа пріԁанејнысӧ. Ԍурӧ ԁај гӧтрала. Анпіса (сајԍаԋ). Зоԍа, волы... Зоԍа. Те сералан ме-вылын сӧмын. Ԍԏ. Мік. Пет мун мамыԁ-ԁінӧ, сіјӧ тӧԁ. (Зоԍа петігас ӧԇӧсын зураԍӧ Петр Іванӧвічкӧԁ. Петр Іванӧвіч вӧлі пырӧ зев терыба, омӧԉік паԍкӧма) Зоԍа. Ԍінтӧм гут!.. Парјӧ кущӧма зургін!.. (Петӧ). Ԍԏ. Мік. (повԅыштӧ). Мыј-нӧ?.. воԇ-тај-нӧ?.. Енӧмӧј суӧј?.. (Петр Іван кітԍӧ-ԍералӧ, кіјассӧ воча ԋіртӧ. Ԍԏ. Мік. скӧрмӧ, ԉокыԍ): Мыј ԍералан сені?.. Віԍтав, мыј јуалӧны!.. Петр Іван. Сутӧм!.. Ештіс-ԋін міјан... Ӧԁјӧ-ӧԁ, есіјӧ, ветлім? Ԍԏ. Мік. Вермінныԁ мырԃԃыны?.. Петр Іванӧвіч. Ештіс, міԍа, есіјӧ, ештіс... Парма шор-ԁорын, есіјӧ, кыјім... Лӧԍыԁа-ӧԁ, есіјӧ вӧлі мунӧ Сысӧј Пеԁӧрыԁ... Есіјӧ, ԍыліг-тырјі. Мі-тај кыԇі уԍкӧԁчам. Опоԋ Маԏвеј горшӧԁыс, есіјӧ чабыртіс. Ме ԁа Ваԍӧ сек-кості кујассӧ сӧвтім ԁа вӧрӧ!.. (Кітԍӧ). Ԍԏеп. Мік. Коні ӧні кујасыс?.. Петр Іванӧвіч. Јерӧԏԋік колаӧ коԉім. Ваԍӧӧс віԇны коԉім. Бӧрсі војнас вајам... Ӧні ме, Сԏепан Мікајлӧвіч, озырма-ԋін. Ен пов, уна куыс. Ԍԏ. Мік. Те он ылӧԁлы?.. Петр Іванӧвіч. Ог-жӧ ылӧԁлы. Немӧн-на мортӧс ег ылӧԁлы. Ԍԏеп. Мік. Мыјӧн тӧԁан тіјанӧс. Міԍа, гашкӧ, гӧтырыԁ-моз ылӧԁлан. Петр Іванӧвіч. Ез-ӧԁ Іріна Јогорјовнаӧј ылӧԁлы менӧ. Аԍсӧ коԋӧрӧс прікаԁщік ылӧԁлӧма. (Ԍінвасӧ чышкалӧ). Боԍтісны ԁа вӧтлісны. Ԁа-ӧԁ Віԏаӧј, щӧщ најӧ-ԁор, есіјӧ, авја ԍӧлӧмнас. Немчӧж чукӧрті, чӧжі ԃеԋга, міԍа, есіјӧ, озырма. Боԍтіс ставсӧ ас-кіас прікаԁщік. Кушӧн менӧ вӧтліс. Ӧні-пӧ сеԍԍа мунны татыԍ ԇікӧԇ кӧсјс. Шуӧ-пӧ, есіјӧ, тані-пӧ оз во ԋінӧм. Іріна Јогорјовнаӧј, есіјӧ, щӧщ мунас. Ставныс мунасны. Ԇік ӧтнамӧн, есіјӧ, коԉа. Ԍԏеп. Мік. Ԁугԁы бӧрԁӧмыԁ. На ју вінасӧ. (Јуӧны). Петр Іванӧвіч. Кыԇі-нӧ он бӧрԁ, вӧтлісны-ԁа... (Бара јуӧ). Ӧніԍаԋ сеԍԍа, есіјӧ, бӧр озырма. Кујастӧ јукам-ԁа. Јерӧԏԋік Паԋԏіԉімон, есіјӧ, гаԁајтліс ԁа, есіјӧ, шуліс — ме-пӧ озырма... Озырма-ӧԁ Сԏепан Мікајлӧвіч?.. Ԍԏеп Мік. Озырман, ԃерт... (Јуӧны). Ветлам сеԍԍа Петр Іванӧвіч руга чукӧртны. Петр Іванӧвіч. Ветлам, ветлам, есіјӧ. Ме велӧԁча тенԍыԁ кыԇі колӧ чукӧртны, есіјӧ, ругасӧ. Ԍԏеп Мік. Зоԍа... Зоԍа!.. (Пырӧ Зоԍа). Те ԋекытчӧ ен мун, керкатӧ воԍсӧн ен коԉ. Талун лавкатӧ воԍтывтӧм-ԋін лоӧ. Бӧрсіҗык баԏушко-орԁаԁ ветлы ԋаԋыԁла ԁа ԁыр ен ветлы. Мунам, Петр Іванӧвіч. (Ԍԏеп. Мік. Петр Іванӧвічкӧԁ мунӧны). Зоԍа (ӧтнас). Кущӧм бур баԏӧӧј талун... (Шуԏԉалӧ). Лӧԍыԁ-ӧԁ лоӧ гӧтырнаԁ?.. Факт, лӧԍыԁ. Локтан кытыԍкӧ, горӧԁан: „гӧтыр, корԍ ԍојны"! Сіјӧ котравны кутас, ԍојан вајавны пызан-вылӧ. Пукԍам ԍојны. Јуалас: „муԇін, ԍошајт?“ — "Пызан-са- јӧ-кӧ пукԍӧмыԁ — ԍој, ен вомтӧ паԍкӧԁлы!“ Быԁ ԍојан пызан-сајын кута солавны ачым... (Шуԏԉалӧ). Коԁԇан-кӧ, локны кутан гортӧ, гӧтырыԁ паныԁ уԍкӧԁчас, пыртас сојборԁјӧԁыԁ, пукԍӧԁас лабічӧ. „Гӧтыр, пӧртчы кокӧс!" Сіјӧ кутас ԉіскаԍны те-берԁӧ, окавны тенӧ... „Зоԍук, мыјыԍ лӧгаԍін ме-вылӧ?..“ Веԍкыԁ-ӧԁ факт!.. (Ԋімкоԃа ԍералӧ). Ачыԁ секі лоан ыҗыԁ, кесјӧԁлыны кутан быԁлаӧ гӧтыртӧ... Секі ме ог кут јӧјтавны баԏӧ-моз ԍӧԁ ԋаԋ-вылын овны. Быԁлун лоӧ јеҗыԁ ԋаԋ ԁа кампет щај јуны. (Ԋімкоԃа шуԏԉалӧ). (Пырӧ Ԋіна). Ԋіна. Зоԍа, баԏыԁ-нӧ ылӧ-ӧ муніс?.. Ԁыр-ӧ оз во? Зоԍа (повԅыштӧ). Ԋіна... Зԁоровје. Важӧн-ԋін ен волы... Олан-вылан. Лок пукԍы. Ԋіна. Баԏӧыԁ гашкӧ регыԁ локтас-ԁа. Зоԍа. Ӧні-на муніс ԁа оз-на лок. Ен пов, ԋінӧм-ӧԁ оз вӧч. Талун зев бур сіјӧ. Кущӧма-ԋін овлывлан, коԁкӧԁ кутчіԍлан? Ԋіна. Ола-на, слабог. (Ышловԅӧ). Мыј ԋе овны, овԍӧ-кӧ. Зоԍа. Факт, сіԇ. Овԍӧ-кӧ, ԃерт олан. Ԋіна. Јуӧр лыԃԃышт Зоԍа. Паԋԏіԉімонԍаԋ, буракӧ, воӧма. Ачым еԍкӧ правԉеԋԋеӧ ог лыԍт пыравлывлыны ԁа Оԉа ԍетјс тајӧс. Зоԍа. Кӧні-нӧ!.. Ԋіна (перјӧ піщӧгыԍ). То... Војԁӧр-еԍкӧ Пеԁӧр Сысӧјевіч лыԃԃывліс-ԁа, ӧні абу гортын, карӧ муніс. Сіјӧ локтӧԇ ог вермы віԁчіԍны. Зоԍа (муԃера). Факт!.. (Коԍалӧ јуӧр ԁа лыԃԃӧ). „Здраствуй многоуважаемый, дорогой Нина!.. Во-первык строкак моего письма сообщаю, што я кланяюсь от неба ло сырой земли с любовью низкий поклон и желаю от господа бога всего благополучия в делак вашей жизни. Во вторых строках моего письма сообшаю, што и все-на жив и здоров, того и вам желаю." Ԋіна (ԍінвасӧ чышкалӧ). Коԋӧр!.. Зоԍа (лыԃԃӧ воԇӧ). „Вот ведь уже дорогой Нина, второй год работаю на завоое. Строк скоро кончится". Ԋіна. Мыј-нӧ тајӧ лоӧ?.. Зоԍа. Вот-пӧ уже второй... Мӧԁ во уҗала завоԁын.. Факт-пӧ строк регыԁ тырӧ. (Лыԃԃӧ воԇӧ). „Скоро приду домой потом, скоро увижу тебя, того и вам желаю. Остаюсь жив и здоров-на Паԋԏіԉімон Грігорјевіч Туісов". Ԋіна. Коԋӧр... Мыј-нӧ тајӧ лоӧ?.. Зоԍа. Скоро... регыԁ-пӧ гортӧ локта потом, регыԁ-пӧ... Ԋіна. Мыј?.. Ен ылӧԁчы, віԍтав веԍкыԁа. Зоԍа. Факт ог. Регыԁ-пӧ локта. Ԋіна. Збыԉ?.. Сіԇі і гіжӧма?.. Регыԁ-пӧ?.. Зоԍа он ылӧԁлы?.. Паԋԏіԉімон регыԁ локтас?.. Јенмӧј, меԁ еԍкӧ регыԁҗык. Моԉебен лоӧ ԍылӧԁны, вічкоас-кӧ леԇасны. Зоԍа. Сеԍԍа те мунан сы-сајӧ?.. Јона-жӧ, буракӧ, те раԃејтан сіјӧс. Ԋіна. Кущӧм-ӧԁ авја сіјӧ мекӧԁ. Сы-берԁӧ-і вӧлі јітла асԍым ԍӧлӧмӧс, шогӧс паԉӧԁла. Менӧ сы-кынԇі быԁӧн ԍералӧны. Ԃерт сеԍԍа сіјӧ воас ԍӧлӧм вылаԁ. Зоԍа. Менӧ баԏӧ регыԁ-жӧ гӧтравны кӧсјӧ... Те еԍкӧ, Ԋіна мунан он ме сајӧ?.. Факт еԍкӧ мунан-ԁа. Ԋіна. Зоԍа!.. Те велӧԁчӧм морт, віԍтав, ем абу щыкӧԁчыԍјасыс му-вылын? Зоԍа. Нӧ!.. Кыԇі-нӧ-на!.. Факт... Најӧ мукӧԁыслы шевасӧ ԍетасны ԁа сіјӧ шеваыс немыс морттӧ кусԋалас. Сеԍԍа горзӧ шеваыԁ. Щыкӧԁчыԍјас ԍура омӧԉјаскӧԁ тӧԁсаӧԍ. Страшнеј четверглаԋ паныԁ најӧ пӧртчӧны роскӧ, понјӧ, јӧзӧс сӧмуԍԏітӧны. Щыкӧԁчыԍјас вӧсна віԍӧмјас јӧзлы јен ԍетӧ, сото ԇоԋ ԍіктјас. Јевангеԉԉеын веԍіг јереԏԋікјасӧс каԅтылӧны, повны наыԍ щӧктӧны. Ԋіна (пернапасаԍӧ). Јенмӧј, віԇ менӧ сещӧм грекыԍ!.. Зоԍа, те, менӧ гашкӧ щыкӧԁыԍӧн-жӧ шуан-ԁа?.. Зоԍа (повԅӧ). Ме... ме ог... Фактла-ӧмӧј ме сіԇісӧ... Те-ӧԁ ԉокӧс меным он кер, шевасӧ он ԍет... (гуԍӧн вомсӧ кресталӧ) Јенмӧј, віԇ шеваыԍ.. (Ԋіналы). Те-ӧԁ менӧ раԃејтан. Ԋіна (ышловԅӧ). Регыԁҗык еԍкӧ меԁ локтас. Зоԍа (повԅӧмӧн). Коԁ?.. Ԋіна. Паԋԏіԉімонӧј... На мӧԁ піԍмӧ јешщӧ, Зоԍа, лыԃԃышт. Сеԍԍа мунны колӧ. Зоԍа. Мыј сіјӧ лыԃԃан. Кӧнкӧ пӧв ԁас кымын лыԃԃылісны-ԋін? Ԋіна. Лыԃԃыныԁ еԍкӧ Пеԁӧр-Сысӧјевіч унаыԍ-ԋін лыԃԃыліс-ԁа. Лыԃԃышт... Ԁыш-ӧмӧј? Зоԍа. Абу ԁыш. Вај лыԃԃа. (Вомсӧ кресталӧ). Јенмӧ шеваыԍ факт віԇ!.. (Ԋіналы). Кывзы... (лыԃԃӧ. Поліг-тырјі віԇӧԁлывлӧ Ԋіна-вылӧ). „Олан-вылан, дорогая Нина! Во первык строкак моего письма сообщаю, што я работаю все-на на стором месте — дрова пилим Богослов завод. Во вторых сообщаю, што и живу корошо, того и вам желаю. Только вот деньги мало дают, оз і...“ Мыј гіжӧма татчӧ... Ԋіна. Оз і чӧжԍыв. Зоԍа. Оз і чӧжԍыв. Но да бог поможет, чӧжԍас. Ешшо сообщаю што я тулыснас домой не приду, Пеԁӧр Сысӧјевічӧм кӧԇӧј мой землю, да ешшо пишщаԉ не продавайте. Дорогая Нина, не горуй, што я вина мало пью, а вот Іван-Гріш, кто месте со мной пошол на завод, оз паԉавлы. Дорогая Нина, сильно о мне не тоскуй, не плач, я приду когда-нибудь. Также сообщаю, што я не забуду тебя, дай ты меня не забудешь. Пиши, как живешь... Ԏешкоԃа-на ме гіжа рочнаԁ ԁа меԁ Пеԁӧр Сысӧјевічыԁ оз ԃівіт. Вонаԁ он-на велав... Дорогая Нина ешшо сообщаю, што приду домой да буду... да буду... Ԋіна (бӧрԁан шыӧн). Буду по рочу дергаԏ... Зоԍа. Тӧԁан мыј гіжӧма-ԁа, мыј лыԃԃӧмԍыс. Ԋіна. Шуа-тај, ез-ԋін ӧтчыԁ Пеԁӧр-Сысӧјевіч лыԃԃыв. Тӧԁтӧг ог ов. Зоԍа. Ставсӧ тӧԁан?.. Ԋіна. (ԋімкоԃа). Помыԍ-помӧ, кывјыԍ-кывјӧ!.. Зев раԃејта кывзыны. Бӧрвылас быԁсӧн ԍӧлӧм-вылын лӧԍыԁҗык лолӧ... Рочнаԁ еԍкӧ ог гӧгӧрво ԁа Пеԁӧр Сысӧјевіч лыԃԃӧм-бӧрас коміӧн віԍталӧ. Зоԍа. Тӧԁса-тортӧ ԋінӧм лыԃԃыны. (Ԍетӧ Ԋіналы јуӧр. Пырӧны Ԍԏепан Мікајлӧвіч ԁа Петр Іванӧвіч. Зоԍа кокԋіԁа лолыштӧ. "Факт, ез уԃіт щыкӧԁны“. Ԋіна повԅӧ, оз тӧԁ кытчӧ воштыԍны). Петр Іван. Ԍуԍа-ӧԁ мі талун, есіјӧ, Сысӧј-Пеԁӧртӧ, есіјӧ, четчӧԁлім. Кыԇі-тај Опоԋ-Маԏвеј, есіјӧ, горшас кутчыԍас сылы, сӧмын опӧстіс, есіјӧ, ош-моз. Озырмыштам, есіјӧ... Ԍԏ. Мік. (ԍінјас југԋітлӧ. Ԋебыԁа). Но... Ԋіна кытыԍкӧ міјанӧ уԍӧма. Мыј воԇын?.. Ԋіна (полӧ). Ме Зоԍа-ԁінӧ јуӧр Паԋԏіԉімонԍаԋ лыԃԃыны волі. Ԍԏ. Мік. Меԁ, меԁ... Мыјкӧ-тај ԋекор-ԋін он волывлы. Кіԁтыԍны кутін міјаныԍ. Петр Іван. Уна быԁԍама-пӧлӧс куыс ԍурі. Ме ӧні, есіјӧ, вӧвтӧ ԁоԃԃала ԁај, есіјӧ, муна сетчӧ. Ваԍӧыԁ јешшӧ,есіјӧ, ԇеблалас. Лӧԍыԁа-ӧԁ, міԍа, кыјім Сысӧј-Пеԁӧртӧ. Сіјӧс, есіјӧ, ӧні, есіјӧ, саа гезјӧн он кыскы татчӧ, есіјӧ, немыс. Јанԇім-ӧԁ, есіјӧ, куш кінаԁ локны. Јӧзыԁ кутасны віԁны, лотајтан-пӧ ставсӧ, есіјӧ. Ԍԏ. Мік. (ԉока). Лаԋт. Мун кытчӧ мӧԁӧԁчӧмыԁ. Петр Іван. Пыр, пыр, пыр... Есіјӧ, пырыԍтӧм-пыр. Есіјӧ, кык кокјыв. Меԁ рыт-кежлас воам сетчӧ. Војнас, есіјӧ, колӧ вајны ставсӧ. Ԍԏ. Мік. Мун, міԍа! Петр Іван. Пыр, пыр, пыр, есіјӧ... (Котӧрӧн-моз петӧ.) Ԍԏ. Мік. Зоԍа, мун пет мамыԁлыԍ воԉпаԍсӧ веж. Ԉок ԁук кукԋа-тырыс. Зоԍа. Ме ӧні-на лӧԍӧԁлі. Ԍԏ. Мік. Мун пет веж, шуӧны теныԁ. (Зоԍа петӧ. Ԋіна полігтырјі щӧщ кӧсјӧ петны. Сԏ. Мік. пановтӧ). Ԍԏ. Мік. (пановтӧ Ԋінаӧс). Ен-на мун, Ԋіна. Пукышт. Ме локті ԁај пыр і пышјыны кӧсјан, ԍорԋітыштам. Ԋіна. Гортӧ колӧ мунны. Ԍԏ. Мік. Воан-на. Мыј сещӧма термаԍан. (Пукԍӧԁӧ) Пукԍыштлы... (Ачыс ортчӧн пукԍӧ). Ԋіна (бӧрԁԇӧ). Мыј-нӧ ԍералан менӧ. Јенԍыс пов. Ԍԏ. Мік. Ог-жӧ ԍерав. Ме збыԉыԍ (кутлӧ) Ԋіна, ме теныԁ зев міча гӧрԁ сарапан вӧча. Ԋіна. (мынтӧԁчӧ кӧсјӧ пышјыны). Ԍԏ. Мік. (ӧԇӧс шӧрӧ сувтӧ. Кевмыԍӧмӧн). Ԋіна, мыјла-нӧ пышјалан меыԍ?.. Он-ӧмӧј тӧԁ, менам вірӧј зев лӧԍалӧ текӧԁ (уԍкӧԁчӧ ԁа кутлӧ Ԋінаӧс.) Ԋіна. Леԇ, јенмогыԍӧн леԇ. Ме тенӧ ог раԃејт. Пеԁӧр-Сысӧјевічлы віԍтала. Ԍԏ. Мік. Мыј-нӧ меным тенаԁ раԃејтӧмыԁ. Меным те ачыԁ колан, ачыԁ колан!.. (Зіԉӧ окавны). Раԃејтӧмыԁ веԍкоԃ. Ԋіна (ԉокыԍ ԋещыштчӧ). Леԇ, вір јуыԍ!.. Ԍԏ. Мік. Меԁ вір јуыԍ-кӧ, меԁ. Те меным ачыԁ колан. Ԋіна (мынтӧԁчӧ, уԍкӧԁчӧ ӧԇӧслаԋ, пышјӧ). Ԍԏ. Мік. (ӧтнас, ԍінјас гуԁыртчӧмаӧԍ). А-а!.. Те со кыԇі!.. Те лыԍтін мекӧԁ!.. Меыԍ став јӧзыс полӧны, бур јӧз ылыԍаԋ шапка пӧртчӧны!.. Те, ԉок чурка, паԍтӧм рака, мекӧԁ венлаԍны кутін!.. Сысӧј-Пеԁӧр-мозыԁ кӧсјан мекӧԁ коԍаоны?!. Петкӧԁла ме теныԁ гаж!.. Петкӧԁла ме теныԁ гаж!.. (Пырӧ Зоԍа). Зоԍа (јона повԅӧма). Баԏ, мамыԁ кулі!.. Ој-ој, кущӧма ме повԅі!.. Ԍінјасыс кылалісны!.. Кыԇі-тај менӧ кіӧԁ чабыртас!.. Ԍԏ. Мік. (јурӧн пыркԋітӧ, гора-коԃ). Чурка-Ԋінӧыԁ-тај збыԉыԍ щыкӧԁчыԍ вӧлӧма. Сіјӧ јӧзыԁлы шевасӧ ԍеталӧ!.. Сы-вӧсна јӧз віԍӧны!.. Сіјӧ мӧс ԋоԋјас кералӧ, мӧсјастӧ ошјаслы верԁӧ!.. Муна правԉеԋԋеӧ ԁа сені віԍтавла јӧзлы, меԁ віјасны. Ме-ӧԁ ԁорјылі сіјӧс. Пасібӧ-пыԃԃі со мыј вӧчӧ. Петкӧԁла ме сылы кыԇі мекӧԁ венлаԍны. Ме кӧсја раԃејтны сіјӧс, а сіјӧ матӧ оз ԍібӧԁ. Віԇӧԁлам — коԁным венам. (Мунӧ). Зоԍа (шемӧс: сеԍԍа уԍкӧԁчӧ ԃіван-вылӧ, бӧрԁӧ-горзӧ). Менӧ воліс щыкӧԁны!.. Ԍетіс шевасӧ, пеж фактыԁ!.. Со мыј выјӧԇ воштіс менам шутԉалӧмыԁ!..

ЗАНАВЕС.

Вітӧԁ ворсом.

Сук вӧр. Ічӧԏік тыла. Ԋоԉӧԁ ԁа вітӧԁ ворсӧмјас-костын коԉӧ вежон-кымын. Паԋԏіԉімон (петӧ ӧтнасӧн. Јона мыјкӧ мӧвпалӧ). Ԍӧкыԁ!.. Ԍӧлӧм-вылын шуштӧм... Мыјла-нӧ ме мунлі? Гашкӧ ме-ԁінын Ԋінаӧј ез вош, та-выјӧԇсӧ ез во!.. Мунан-тај со лӧԍыԁҗык уҗ корԍны, чајтан мукӧԁлаын кокԋыԁҗык кынӧм пӧт перјыны. Ӧткӧԃ-тај вӧлӧма мі-воклы быԁлаын! Лун-лун песԍан, жугӧԁчан, муртса кынӧмыԁ пӧтӧ!.. (Ышловԅӧ). Мыј Ԋінакӧԁ лоӧма? Војԁӧр-тај нӧ ез щыкӧԁчыв. Кытыԍ велалӧма ӧні?.. Кущӧм ԋімкоԃ вӧлі гортӧ локны. Тӧрыт војнас воі, кӧсјі пырны керкаӧ ԁа ег лыԍт. Пукалӧ сені пачвом-ԁорын Ԋіна, вомгорулас мыј-кӧ шуалӧ ԁа гырԋічыԍ зев ԉокыԍ гуԁралӧ. Јурԍіјасыс ԉоԅӧԍ ԍінјасыс гуԁырӧԍ. Веԉԁыр кыјӧԁчі. Ԋіна гырԋічыԍ гуԁраліс-гуԁраліс ԁа кыԇі-тај зев нора бӧрԁԇас!.. „Паԋԏіԉімон, ԁырӧ-пӧ-ԋін он лок ме-ԁінӧ?..“ Кырыштіс ԍӧлӧмӧј, кӧсјі уԍкӧԁчыны кутны чорыԁа-чорыԁа, міԍа, Ԋіна, ме воі!.. Каԅаліс, буракӧ, кыјӧԁчӧмтӧ менԍым. Ӧшіԋӧԁ віԇӧԁліс ԁа кыԇі-тај ԉок горшӧн ԍерӧктас!.. Ԍінјасыс сувтса!.. Пеԉӧсыԍ-пеԉӧсӧ кутіс ветлыны!.. Кынмылі места-вылӧ. Јурԍіјас сувтісны. Сеԍԍа котӧрӧн пышјі.. Віԍталӧны, Ԋіна-пӧ Ԍԏепан Мікајлӧвічлыԍ гӧтырсӧ керӧма кувтӧԇыс. Зоԍасӧ-пӧ кӧсјӧма щӧщ щыкӧԁны ԁа абу уԃітӧма, баԏыс суӧма. Ӧні-кӧ-пӧ каԅтыштан Зоԍалы Ԋінаӧс, кутас горзыны ԁа бӧрԁны: сещӧма коԋӧр повԅӧма. Коԉан во Віԍер-Зојалы шевасӧ ԍетӧма. Ӧні-на-пӧ Зоја јӧјталӧ. (Кост) Мыјла-бара ме локті гортӧ?.. (Кост) Аԁԇӧԁлыны еԍкӧ колӧ Ԋінаӧс, ԍорԋітыштны. Сајын шыјас: „Ӧԁјӧ!.. Ӧԁјӧ!.. Кутӧј, кутӧј!.. Лыј!..“ Паԋԏіԉімон (чујмӧмӧн віԇӧԁӧ, сеԍԍа повԅӧ). Ој, то локтӧ!.. Ԍінјасыс, ԍінјасыс кущӧмӧԍ!.. (Ӧԁјӧ пышјӧ. Локтӧ Ԋіна, щӧкыԁа лолалӧ, јурԍіыс чышјан-увԍыс петӧма, ԍінјас сувтса). Ԋіна (ӧтнас. Шыбытчӧ мыр-вылӧ, щӧкыԁа лолалӧ) Ԅвер-бӧрԍа-моз вӧтлыԍӧны... Корԍӧны віны... Гортӧ колӧ піԍкӧԁчыны. Сетыԍ оз кутны, полӧны локны... Быԁ пеԉӧсԍаԋ кыјӧԁчӧны... Сӧмын керкаӧ оз пырны, щыкӧԁчыԍ-улӧ сені ола-ԁа. Ԁӧзмытӧԇ-ԋін пач-ԁорын вој-вој ԁура, меԁ оз лыԍтны пырны. Гашкӧ Паԋԏіԉімон вотӧԇ верма ԋужӧԁны... (кост). Ԇоԋ ԍіԅім вој-ԋін ег унмовԍлы ыҗыԁа, пола віјӧмыԍ... (Сыркјалӧмӧн бӧрԁԇӧ). Бур јӧз, мыјыԍ-нӧ менӧ віны кӧсјанныԁ?.. Меным-ӧԁ овнысӧ колӧ-на, ме ог-на кӧсјы кувны... Коԁӧс кеԇовтны кутанныԁ, нем кеԇовтаԁ... Бур јӧз, прӧԍԏітӧ менӧ — чуркаӧс. Сыыԍ-ӧԁ абу ме мыжа. Леԇӧј менӧ овны морт-ногӧн. Ԉока-ӧԁ ԍӧкыԁ овны кеԇовтігаԁ... Јенмӧј, вешты менам јур-вылыԍ ԉок чурка ԋімсӧ, раммӧԁ јӧзлыԍ ԍӧлӧмнысӧ. Аԁԇан-ӧԁ те, менам мыжыс ԋекущӧм абу... Регыԁ Паԋԏіԉімон воас. Ме сыкӧԁ муна татыԍ, ԁугԁа јӧзлыԍ ԍіннысӧ солавны... Мыјла-кӧ-тај петԍас гортыԍ. Ӧні сеԍԍа гортӧ піскӧԁчыны он вермы тујсӧ пощісны-ԁа. Вывті гажтӧм лоі. Ег вермы пукавны гортын ԁај петԍіс. Паныԁаԍыс& баԏушко. Ԉоккывјасӧн віԁчӧ, омӧԉјаскӧԁ-пӧ тӧԁмаԍін. Вомсӧ пернапасаліг-тырјі пышјіс... Вірјуыԍ аԁԇіс менӧ, горзыны кутіс: „со-пӧ, јӧзӧс,& щыкӧԁчыԍыԁ, со! Кутӧј-пӧ!“ Пуԅіс ԍӧлӧм, уԍкӧԁчі лавкасӧ ӧзтыны... Јӧј, кыԇі-нӧ верман луншӧра-лунын ӧзтыны... (Онԅіԉ боԍтӧ, век-на сыркјалӧ). Таыԍ воԇӧ ог пышјы. Меԁ кутӧны ԁа віјӧны (нора) Паԋԏіԉімон, ԁырӧ-нӧ сеԍԍа те он лок? (Ԋоровтчӧ пу-берԁӧ, унмовԍӧ). Ваԍ (пішщаԉа поліг-тырјі локтӧ, аԁԇӧ Ԋінаӧс, јешщӧ јона повԅӧ ӧԁјӧ бӧр пышјӧ горзіг-тырјі). Тані, тані чурка Ԋінаыԁ! (Ԋіна-черӧбтӧ, ӧԁјӧ четчӧ ԁа пышјӧ. Стсена-куԅта котӧртӧны Ԋіна-бӧрԍа јӧз, вӧтӧԁӧны сіјӧс косајасӧн, вілајасӧн, пуртјасӧн, зорјасӧн. Меԁ-бӧрын петӧны Ԍԏ. Мік., Петр Іванӧвіч, Гріш ԁа Ваԍ. Гріш ԁа Ваԍ пішшаԉаӧԍ). Ԍԏ. Мік. Аттӧ, морыԁ, кущӧм пеԉка котралӧ... Жујалі быԁсӧн вӧтлӧԁлӧмлаыс... Лавкаӧс-ӧԁ ӧзтыны кӧсјӧма пеж щыкӧԁчыԍыԁ!.. Петр Іван. Колӧ еԍкӧ, есіјӧ, ловјӧн кутлыны. Ме щӧкта гаԁајтны ԁырӧ ог озырмы, сеԍԍа, есіјӧ, вӧԉіԍԏі віјам. Есіјӧ, гаԁајтнысӧ картіыс-орԁын. Лок вӧтӧԁлам, Ԍԏепан Мікајлӧвіч. Меԁ јӧзыс оз уԃітны коԍавны. Ԍԏ. Мік. Ԃерт лоӧ вӧтчывны. Талун колӧ-ԋін ештӧԁны. Ԁырӧ јӧзсӧ щыкӧԁлас!.. Ті Ваԍ, Грішкӧԁ татчӧ пујас-сајас ԇебԍӧј. Мі кыԇікӧ пановтам ԁај татчӧ јӧршітам. (Терыба Петр Іванӧвічкӧԁ мунӧны јӧз-бӧрԍа). Ваԍ (пу-сајӧ сајӧԁчіг-моз). Те, Гріш, он пов?.. Гріш. Ӧмӧԉіка... Віна стӧкан-кӧ еԍкӧ татчӧ вајан, ог кут повны. Ваԍ. Ме бара јона пола. Ԍӧлӧмӧј веԍкыԁа вомӧԁ четчӧ. Он-кӧ пов, абу-на інӧ чурка Ԋінӧыԁкӧԁ паныԁаԍлӧмыԁ. (Кост) Меԁ еԍкӧ оз татчӧ лок, мӧԁлаті пышјас... Пішщаԉыԁ-нӧ тенаԁ лыјас оз?.. Гріш. Лыјас бара. Ваԍ. Менам еокӧ лыјас-ԁа, оз-ӧԁ веԍкав. Повԅа ԁа кіјасӧј тіравны кутасны... Моԉітвасӧ пішщаԉ-вылаԁ ен-на лыԃԃы. Сытӧг щыкӧԁчыԍјасыԁлы оз мӧртчы. Гріш. Ег-на. Ваԍ. Лыԃԃы, зонмӧ. Ме еԍкӧ лыԃԃі-ԋін пӧв-мӧԁ ԁа јешщӧ-на лоӧ лыԃԃыны. (Вомгорулас лыԃԃӧ). Ӧні сеԍԍа мӧртчас менам моԉітваӧј... (Кывзыԍӧны). Оз-на ԋінӧм кыв... (Веԉ ыҗыԁ кост). Гріш. Јуыштны колӧ. Ваԍ. Ваыс матын тані абу, ставыс јаг-ԁа. Гріш. Ваыԁ мыј. Віна колӧ меным. Ваԍ. Віна!.. Ԃерт, еԍкӧ сіјӧ буртор-ԁа кыԍ јешщӧ ӧні вінасӧ боԍтан. Гріш (ԍылӧ). Завоԁ гора ԍвіԍԏітӧ: Корӧ менӧ уҗавны. Кабак җоҗыԍ ме четча — Кута зіԉа јуны!.. Ваԍ (повԅӧмӧн). Ԋӧжјӧнҗык. Чурка-Ԋінӧыԁ кылас ԁа керас міјанӧс татчӧ... (Вомсӧ кресталӧ). Јенмӧ, шеваыԍ віԇ!.. Коркӧ ме јерӧԏԋік колаын Сысӧј-Пеԁӧрлыԍ мырԃԃӧм кујас віԇлі ԁа лолыштны ег лыԍтлы. Пыр полі, міԍа шеваыс вомӧ пырас. Гріш. Сысӧј-Пеԁӧрлыԍ?.. Шуӧны-тај-нӧ вӧлі сіјӧ-пӧ карын ставсӧ јуӧма? Ваԍ. Јуіс ԃерт коԁі-кӧ. Оз-на кыв ԋінӧм?.. (Кывзыԍӧ). Гріш. Ваԍ?.. Ваԍ?.. Вај та-вој Ԍԏепан Мікајлӧвічлыԍ кабаксӧ петкӧԁам. Мыјԁыра еԍкӧ тырмас секі вінаыԁ. Ваԍ. Абу і јанԇім сіјӧ кывјассӧ шуны. Боԍтны ԁа мортлы ԉок вӧчны. Јен грек суас... Кыԇі-нӧ те велалін јунысӧ?.. Тані-тај-нӧ вӧлі он јулывлы?.. Гріш. Ӧԏі зԁук вінатӧг ог вермы овны. Ог-кӧ јуышт, быԏԏӧ коԁкӧ пукалӧ горш-вылын ԁа зев јона топӧԁӧ. Ваԍ. Пукалӧ, шуан?.. Шева сіԇкӧ. Щыкӧԁӧмаӧԍ тенӧ, щыкӧԁӧмаӧԍ. Віна-шева ԍетӧмаӧԍ. Сіјӧ і горштӧ топӧԁӧ. Ӧтлаын вӧлін јерӧԏԋік Паԋԏіԉімоныԁкӧԁ?.. Гріш. Пыр ӧԏілаын... Ваԍ. Сіјӧ і щыкӧԁіс. Чурка-Ԋінатӧ сіјӧ-і велӧԁлӧма щыкӧԁчыны. Тӧԁан-ӧԁ, војԁӧр кущӧма вӧлі лӧԍалӧны. Ԁај ӧні-пӧ Чурка-Ԋінӧ пыр каԅтылӧ јерӧԏԋіктӧ. (Кост). Гріш, оз-на кыв ԋінӧм?.. (Ылын кылӧ Ԋіналӧн повԅӧм шы! „О-о-о!.. Мезԁӧј, јенмогыԍ, мезԁӧј!.. Паԋԏіԉімон, кӧні-нӧ те? Мезԁы менӧ! “ Паԋԏіԉімон пујјас-костті тыԁовтчылӧ, поло, шуӧ:! Менӧ корԍӧ! “ котӧртӧ стсена-куԅта. Гріш ԁа Ваԍ (Ԋіна шы кылӧм-бӧрԏі пернапасаԍӧны, полӧны; Ваԍ пішщаԉсӧ пернапасалӧ, тіралӧ ставнас, віԇӧԁӧ јона Ԋіна горӧԁан боклаԋ). Ԋіна (ырзӧм бӧрԁӧмӧн пыр ӧтарӧ матыԍмӧ, ԇік-ԋін матын ԉок горшӧн горӧԁӧ). Бур јӧз, енӧ-на віјӧј!.. Паԋԏіԉімон мезԁы асԍыԁ Ԋінатӧ!.. (Тыԁовтчӧ стсена-вылын: чышјантӧм, јурԍі ԉоԅ, ԍӧкыԁа лолалӧ; повԅӧма, муԇӧма, сыркјалӧ). Ваԍ ԁа Гріш (Ԋінаӧс котӧртіг-коста лыјӧны. Ваԍ сеԍԍа зев ӧԁјӧ пышјӧ). Јенмӧј, віԇ пеж щыкӧԁчыԍ лолыԍ! Ԋіна (уԍӧ. Омӧԉік шыӧн). Бур јӧз... (Кулӧ). (Пырӧ Петр Іванӧвіч). Петр Іванӧвіч. Ештӧма-ԋін, есіјӧ?.. Кулӧма-ԋін есіјӧ?.. Аттӧ, ег і сулы!.. Озырмыла ог-нӧ, есіјӧ, коркӧ?.. (Ԋеуна оз бӧрԁ). (Пырӧ Сԏ. Мік). Гріш (інԁӧ Ԋіна шој-вылӧ). Ӧԏі віна бутулка ем Ԍԏепан Мікајлӧвіч!.. Ԍԏеп. Мік. (ԋімкоԃа). Јӧз! Локталӧј татчӧ!.. Гуалӧј пеж щыкӧԁчыԍтӧ!.. Гуалӧј пыԁӧҗык, меԁ щыкӧԁчӧмыс оз-ԋін мӧртчы міјанлы! Мунам, Петр Іванӧвіч!.. Ураԃԋіклы колӧ віԍтавны.

ЗАНАВЕС. КОМІ ԊІГА ЛЕԆАН-ІН СЫКТЫВԀІНКАР, ВАԀОРВЫВ у. 41. Комі кыв-вылын петісны выԉ ворсанторјас (пьески): Јурјін. Перевоԁ. Сӧветскеј чӧрт. 3 торја. 1927 во. 43 ԉістбок. Ԁоныс 30 ур. Ԋобԁінса-Віттор. Інаԍтӧм лов. 3-торја ԏеш. 1927 во. 50 ԉістбок. Ԁоныс 30 ур. Курік. Коміӧ пӧртӧма Ԍіԁорова. Коператсіја-понԁа. 5-торја ворсан-тор. 1928 во. 47 ԉіст-бок. Ԁоныс 40 ур. Ԋобԁінса-Віттор. Сырчік-бӧрԍа. Кык торја ԏеш. 1928 во. 32 ԉістбок. Ԁоныс 25 ур. Печаԏыԍ петіс Іԉԉа-Ӧԉӧксанлӧн 3-торја агітпјесса ВЫԈ-НОГӦН. 31 ԉістбок. Ԁоныс 25 ур. Ԋігајассӧ поԅӧ мӧԁӧԁны наложеннеј плаԏежӧн, заказ ыстӧм-мыԍԏіыс ԉібӧ ԃеԋгасӧ воԇвыв мӧԁӧԁӧм бӧрԏі. Комі ԋіга леԇан-інын емӧԍ уна ԋігајас: јӧз-кост-олӧм-ног тӧԁмалӧм јылыԍ, ԇоԋвіԇалун кутӧм јылыԍ, віԇму овмӧс бурмӧԁӧм-јылыԍ ԁа мукӧԁтор-јылыԍ.