Коми лун нимъяс

Коми локализация дырйи колӧ пасйыны лун нимъяс. Вӧзъям ӧнія кадӧ параллельнӧя вӧдитчыны коми да рочӧвӧй лун нимъясӧн. Приоритет дерт сетны коми вужъя кывъяслы.

Ӧнія вариант

Ӧні коми кывйын вӧдитчӧны сораса системаӧн. Кык лун нимыс чиг коми, мукӧдсӧ роч кывйысь босьтӧма.

1. выльлун. Роч вар.: понедельник
2. воторник. Орф. вар. вовторник, торник, вторник
3. серӧда. Орф. вар. : середа, среда
4. четверг. Орф. вар.: четверк, четьверк, чекверк, тшекверк
5. пекнича. Орф. вар: петнича
6. субӧта. Офр. вар.: суббота
7. вежалун. Роч вар.: вӧскресенньӧ

Вежонлысь воддза да бӧръя лун нимсӧ рочмӧдан кадӧ гижлісны ӧтарӧ роч терминъясӧн дай ӧні йӧз пӧвстын найӧс тӧдӧныджык.

Альтернативнӧй системаяс

Унаысь видлывлісны комиӧдны лун нимъястӧ. Кыкыс кӧ нин эм, мыйла нӧ пӧ мукӧдсӧ рочӧн кольны. Эм некымын вариант да уна торъя вӧзйӧмыс.

Елфимов Сергейлӧн вариант (1994)

Вариант вӧлі вынсьӧдӧма термина-орфография комиссияӧн, да лэдзӧма Миннац бюллетеньын.

1. выльлун
2. мӧдлун > мӧдӧдлун
3. шӧрлун
4. нёльӧдлун
5. витӧдлун
6. помлун
7. вежалун

Медыджыд майшӧгыс тані - мӧдлун. Диалектъясын лоӧ аскомысь вежӧртаса. Сійӧн вӧзйӧма мӧдӧдлун форма. Кык кыв: нёльӧдлун да витӧдлун - кылӧны веськыда кыдз нёльӧд лун да витӧд лун, конкрет вежӧртасаӧсь да озджык лӧсявны.

"Фольклорнӧй" вариант

Вариантсӧ вӧзйыліс перымса коми морт 1990ʼ восяӧ.

1. выльлун
2. мӧділун
3. шӧрлун
4. чудьлун
5. перналун
6. пывсянлун
7. вежалун

Тані 3ʼ, 4ʼ да 5ʼ-ын воддза шыпасъяс тӧд вылӧ уськӧдӧны велассьӧм нин роч эквивалентъяс.

Лун нимъяс дженьдӧдӧм

Дженьдӧдӧмыс ӧнія ногӧн кӧ лӧсьӧдны:

1. вл - выльлун
2. вт - воторник
3. ср - серӧда
4. чт - четверг
5. пк - пекнича
6. сб - субӧта
7. вж - вежалун

Ва коми лун нимъясысь дженьдӧдӧмъяс

1. вл - выльлун
2. мд - мӧділун
3. шр - шӧрлун
4. чд - чудьлун
5. пр - перналун
6. пв - пывсянлун
7. вж - вежалун

Вӧзъяна

• Серӧда пыдди гижны шӧрлун.
• Четверг пыдди гижны чекверк.