Пос

Мув выв кӧԋӧрјас, ӧтувтчӧј! Ӧ. Неверов. НЫВБАБАЈАС.

Ԋоԉ торја ԁрама. Комі кыв вылӧ пуктісны: Ԋобԁінса Віттор А. Ԋ. Чеусова ԁа А. Ӧ. Суканова 1923 во. Комі ԋіга леԇан ін Сыктывԁін кар. 2 Ворсыԍјас. Куԅма Ԏікӧн — креԍԏаԋін, 48 арӧса. Матрен — сылӧн гӧтыр, ар 48, віԍӧ. Ԁарја — налӧн ныв, 28 арӧса, салԁатка. Піԉа — налӧн пі, 26 арӧса, салԁат. Каԏа — Піԉалӧн гӧтыр, 23 арӧса. Пеԁӧԍ — Каԏалӧн мам, 64 арӧса ԁӧва. Куԅма — Ԏікӧнлӧн баԏ, 80 арӧса. Габӧ Пеԁӧр — пӧрыԍ мужік, пеԉтӧм, 60 арӧса. Страԋԋік — пӧрыԍ морт, ар 55. Јарӧ — ԍӧԁ-тоша мужік, 35 арӧса. Генрік — 30 арӧса / Артур — 32 арӧса / пԉеннӧј ԋемечјас Ԁомна — збој баба, 25 арӧса / Палаԃ — 28 арӧса / Анна — 27 арӧса / Параԍ — 34 арӧса / Натаԉ — 24 арӧса / салԁаткајас Марја — 32 арӧса, ԍорԋітӧ нырпырыс (ԉоквіԍӧмӧн віԍӧ). Гріша — ар 10-а ԃеԏіна, пӧԉӧншуыԍ Габӧ Пеԁӧрлӧн. Ԍемӧ — старшіна, ар 48 — 50, јон морт. Іван Мікулајевіч — пісар, ар 33. Ураԃԋік — ар 32, зев щап. Кԉім Іванӧвіч — старӧста, прӧстӧј мужік, јоԍ-коԃ, 42 арӧса. Ԃеԍатскеј, поԋатејјас. Јӧз: мужікјас, бабајас, зонјас, нывјас, чеԉаԃ, ԍінтӧм корыԍ, сіјӧс новлӧԁлыԍ.

(Тајӧ вӧлӧма 1916-ӧԁ воын, арлаԋыс, јермаԋечкӧԁ војујтігӧн). Меԁ воԇԇа вӧчӧм

Шоныԁ праԅԋік луԋ Вӧчԍо ывлаын, Габӧ Пеԁӧр ӧшіԋулын. Скамја вылын пукалӧны кык салԁатка: Натаԉ — каганас, ԁа Палаԃ — чувкі кыанӧн. Сені-жӧ, ежа вылын, Анна Параԍлыԍ јур вуштӧ. Ортча керкаын кага бӧрԁӧ, нывбаба сіјос бурӧԁӧ: „Ӧ-ӧ-ӧ-ӧ!.. Ӧ-ӧ-ӧ-ӧ!.. Ен бӧрԁ, ԍо шајт, ен бӧрԁ!.. Ӧ-ӧ-ӧ-ӧ!..“ Мӧԁлаыԍ кылӧ черӧн кераԍӧм шы. Кӧнкӧ мужіклӧн гӧлӧс: „Марпа, летчыв вала!..“ Занавес воԍтӧм бӧрын петӧны бокыԍаԋ, котӧрӧн локтӧны туј куԅа кујім зонпосԋі, бракоԉчіаӧԍ, вӧлӧн ворсӧны: ӧԏі ԍыліӧԁыс ԁомаԍӧма кӧвјӧн, мӧԁ сіјӧс пԉеԏӧн вӧтлӧ, којмӧԁ веԍкӧԁлӧ, горзӧ: „Но-ӧ-ӧ!.. Тпруԃіԍ!.. Тпру!..“ Сувтӧны Пеԁӧр ӧшіԋулӧ, јӧктӧны ӧԏілаын, вӧвјас-моз гӧрԁлӧны: „Іј-о-о-о!!!“

Палаԃ. (Чеԉаԃ-вылӧ) Кԍ-ԍ татыԍ!.. Мунӧј! Чеԉаԃ. (Гӧрԁлӧны) Іј-о-о-о!. (Чужјаԍӧны). Палаԃ. Мунӧ татыԍ!.. Енлӧ, ме тіјанӧс!.. (кӧсјӧ четчыны. Чеԉаԃ котӧрӧн пышјӧны). Анна. О госпоԃӧ, нылӧј, тенаԁ тој!.. (Віалӧ тојјассӧ.) Ԇік јур тырыԁ!.. Сіԇ-іј ԉуԅјалӧны... Параԍ. Ԋеважӧн-на еԍкӧ тојӧԍԍі-ԁа. Ваԍкаӧс војна вылӧ мӧԁӧԁӧм бӧрын кутіс ԍоԁны ԁа соԁны... Војԁӧр ԋекущӧма ез вӧвлы. Палаԃ. Тојыԁ сіјо шогла чужӧ Параԍ. Ԃерт-жӧ-ԋін шогла . Еща-ӧмӧј міјан шогыс? Палаԃ. Енӧ-ԋін ԍорԋітӧј!.. Те шогԍыс пышјан, сіјӧ те бӧрԍа. Те сыыԍ, сіјӧ те бӧрыԍ... Ок, ок, ок!.. Војԁӧрлун коԉтала муні Маті тыла ԁорӧ. Ԏеԉега чӧрсӧј омӧԉік вӧлӧма, — чегі. Лунтыр ме пукалі туј шӧрын... Пукала ԁа бӧрԁа... Еща і бӧрԁі... Сеԍԍа јенлы кевмыны куті: „Госпоԃӧј, міԍа, кущӧм грек-куԅа-нӧ тащӧм олӧмсӧ ыстан?..“ Сы бӧрын сеԍԍа ԍывны понԁі... Пукала, јӧј моз, тујшӧрын, малаԍа ԏеԉега ԁорын, ԁа зев гораа ԍыла. Аслам ԍінваӧј сіԇі і кіԍԍӧ... Ԋінӧм ег вермы керны. Туј вылас коԉі ԏеԉегаӧс... Гортӧ локті, — Грішаԍаԋ гіжӧԁ воӧма... Зев јона шуаԍӧ: „Став овмӧстӧ-пӧ, кӧнкӧ, разӧԁін...“ Натаԉ. Кӧн-нӧ ӧні сіјӧ? Палаԃ. Тӧԁан-ӧԁ кӧн, — лазаретын. Коксӧ-пӧ вунԁыны кӧсјӧны, ԁа оз ԍет, полӧ. Ԁокторјасыс шуӧмаӧԍ. „Он-кӧ-пӧ ԍет, кулан... “ Натаԉ. Сіԇкӧ коктӧм лоӧ?.. Палаԃ. (Ышловԅӧ) Ԃерт коктӧм. Натаԉ. Аттӧ, кущӧм прічча!.. Со-ӧԁ олӧмыԁ. Анна. (Параԍлы) Тојјасыԁ ставыс поԉскун-коԃӧԍ!.. Параԍ. Те, нылӧ, етатыԍ віԁлы, баԉабӧж гуранԍыс (інԁӧ чуԋнас) Зев јона луԁӧ-ӧ!.. (Локтӧ Марја). Марја. (ныр пырыс ԍорԋітӧ, назгӧ) Олаԁ-вылаԁ! Анна. Пукԍы, шојтчы, Марја! Марја. Ԋекор... Менам кукаԋ тат ез ветлӧԁлы? Палаԃ. Егӧ аԁԇылӧ. Мыј-нӧ, бара-ԋін пышјіс?“ Марја. Пышјӧма. Чеԉаԃ, тыԁалӧ, гіԁ ӧԇӧсӧс воԍтӧмаӧԍ. Параԍ. Ветлін, Марја, пеԉшӧр орԁаԁ? Марја. Ветлі. Параԍ. Мыј-нӧ шуіс? Марја. Мыј-нӧ шуас... Он-пӧ бурԁ... Палаԃ. Ԋекор? Сіԇі лоӧ нем-чӧжыԁ овны? Марја. (шог-пыр) Ԃерԏ-ԋін, тыԁалӧ, лоӧ... Палаԃ. Пеж лов! Нем-кежлаԁ, зонмӧ, кӧвјаліс-жӧ теныԁ. Марја. Ачым еԍкӧ меԁ-ԋін, ԁа-ӧԁ, шуӧны, кагаӧј-пӧ сещӧм-жӧ лоӧ: ме-моз ныр пырыс понԁас назгыны... Параԍ. Назгӧмыԁ мыј-на, нырыс уԍӧ... Палаԃ. Пӧтлытӧм горш!.. Вежыс петӧма кущӧмкӧ сіԍ курва вылӧ... Іԁол! Анна. Со-ӧԁ міјан мужікјасыԁ кущӧмӧԍ!.. Пеж ловјас! Марја. Воԇӧ лоӧ ветлыны. (Мунӧ, чуксаԍӧ:) „Тпруԏӧ, тпруԏӧ!.. Лок гортӧ... лок, лок!.. Тпруԏӧ, тпруԏӧ!..“ Анна. Щыкӧԁіс гӧтырсӧ... Палаԃ. Таыԍ омӧԉыԁ сеԍԍа оз-ԋінтӧр&. Нем-кежлас щыкӧԁіс. Ӧні гӧтырыс сіԍмӧ. Ловја вылыԍ сіԍмӧ... Параԍ. Ме, веԍкыԁа-кӧ шуны, Марјаԍыԁ ӧні пола: меԁ еԍкӧ, міԍа, ԉоквіԍӧмыс меным оз-жӧ вуҗ... Гырԋіч-ԉі мыј-ԉі-кӧ ԍетла, еща мыԍкала сы бӧрын, еща ԍӧлаԍа... Оз чӧсты кыԇкӧ сы бӧрын. Ԍо јеј бог!.. Анна, Ԃерт лоӧ повны, гашкӧ ачыԁ-на сывыјӧ воан-ԁа... Ԁырӧ ӧні... Мужікыԁ локтас гӧԍԏітны, вајас теныԁ пеж віԍӧмто, кӧвјалас гӧԍԋеч-пыԃԃі. Натаԉ. Абу-жӧ-ӧԁ ставныс ӧткоԃӧԍ? Анна. Но, ен-на зев сіԇі те гарав. Ставныс ӧткоԃӧԍ!.. Мужікјастӧ ставнысӧ ӧԏі бала вылын вӧчӧмаӧԍ. Віԍан кӧԏ он, веԍкоԃ налы, оз бӧрјыԍны. Натаԉ. Јен меԁ віԇас. Ештӧма-ԋін сек: ловја вылыԍ лоӧ гуӧ пырны. Палаԃ. Ԃерт тенӧ віԇас секі јенмыԁ!.. Віԁчыԍ! Кутан сек ԍінватӧ шушун бӧжԁораԁ чукӧртны. Параԍ. (Натаԉлы, ԍерам-пыр) Тв чајтан, Ӧԉӧксаныԁ тенаԁ мӧԁ ԍојыԍ? Кывзы, віԍталас... Анна. Мужікјасыԁ, міԍа, ставныс ӧткоԃӧԍ. Повоԁнӧј чӧрт чукӧр! Налы ӧԏі закон, міјанлы мӧԁ. Налы поԅӧ, міјанлы оз. Ме-ногӧн-кӧ: оз-кӧ поԅ, меԁ ԋекоԁлы оз поԅ: поԅӧ-кӧ, меԁ быԁӧнлы поԅӧ! Сек нораԍыԍ оз ло. Гіжӧмаӧԍ законјас!.. Ԏтпу! (Ԍӧлыштӧ). Палаԃ. Коԁі сіјӧс гіжіс? Јенмыс аԉі коԃі? Анна. Јен, јен!.. Ԍура тоша јӧз міјан коԃԃӧмыслы, јӧјјаслы. Мі сеԍԍа на-вӧсна векԋіԃік пӧв куԅа ветлам, законјасыԍ полам. Параԍ. Мыј еԍкӧ лоӧ тащӧм закон вомӧныс-кӧ четчыштамӧ? Віԁлыны еԍкӧ, збыԉ! (Ставныс ԍералӧны). Анна. Ԋінӧм оз ло. Ԋулыштасны ԉӧбнысӧ ԁај ставыс. Палаԃ. Кыԇ-ӧԁ оз! Крукаԍаԍны кокора-моз ԁа немыԁ он мын. (Ԋерӧ) „Гӧтырӧј-пӧ менам ԍамтӧм, јурӧс јанӧԁіс," нораԍны быԁӧнлы кутасны. Параԍ. Мӧвпыштан-ԁа — омӧԉ-жӧ міјан олӧм! Палаԃ. Таыԍ омӧԉыс оз тӧр!.. Кагатӧ вајан, чеԉаԃтӧ быԁтан, став ԍӧкыԁ уҗсӧ кыскан ас вылаԁ. Мужік воԇаԁ кыԇі он песлаԍ, меԁ еԍкӧ оз скӧрмы... Кӧсјыштан-кӧ олыштны ас колӧм-ԍерԏі, пырыԍ-пыр жбоԋітас. Параԍ. Менам верӧсӧј пӧрыԍ-ԋін, выжыв, віт чеԉаԃ быԁтам, ԁа сен-на шуаԍӧ... Војна вылас мунігӧн куԅ војбыԁ зыԋгіс: "Те-пӧ, Параԍ, віԇ аԍтӧ бура, ен ԉок-ногӧн ов... Ловтӧ пӧ і перја!..“ Анна. Вежӧгтӧ-ӧмӧј-на? Параԍ. Зев. Ме чајта еща мелӧн-коԃ верӧсыԁ. Пукԍан-кӧ вӧлі пірујтігјасӧн кущӧмкӧ мужіккӧԁ ортчӧн, мӧԁар бокас пукԍас ԁа вірӧԇ чепԉалас. А ачыс? Ок, најан! Кымыныԍ ме &јсіӧс сулі Ӧгаш покоԋчакӧԁ. Шуаԍны вӧлі кута, - аслым-жо інмас. "Мі-пӧ мужікјас, міјанлы поԅӧ. Мі-пӧ огӧ піалӧ." Палаԃ. Коԁі лӧԍӧԁлӧма тащӧм олӧмсӧ нывбабајасыслы? Унаыԍ ме ас ԁумӧн шула, меԁ еԍкӧ, міԍа, му пыр мунас тащӧм олӧмыс. Ԋінӧм абу міјанлы!.. Ԁаскык во верӧскӧԁ олі, ԁа ег тӧԁлы ԁолыԁлун, ег слӧјмыв прамеја лолыштны. Воыԍ-воӧ сӧмын нӧбаԍлі. Параԍ. Кущӧм олӧм-нӧ теԁ колӧ? Палаԃ. Меԁ прӧпаԃітас тащӧм олӧмыԁ! Верӧсыԁ воԁас ԁа оз кутышт веԍіг... Шкоргӧ уԅӧ војбыԁ... Те сы ԁінӧ матыстчан, гаж петӧ бурӧн сыкӧԁ ԍорԋітыштны... "Ен мешајтчы!" шуас, бергӧԁчас мышкӧн. Ен лыԍт кыв шуны налы... Мужікјас-ӧмӧј міјан?!. Анна. Еновтны најӧс, выԉӧс лӧԍӧԁны! Натаԉ. (Ԍерам-пыр) Коԁі ԍурас? Мужік рӧԁ ез коԉ. Анна. Корԍан-кӧ ԍурас. Пԉеннӧјјасыс-на абу шыбытанаӧԍ: ԉубејӧс кӧԏ бӧԍт ԁа шымырт. Натаԉ. Ԋемечјасыԁ? Мыј наыԍ? Коміӧн кыв ԋі җын оз тӧԁны, ԋемејјас-моз лоӧ овны. Палаԃ. Мыј-кӧԏ, ӧткоԃ-ӧԁ... Ԁомна-тај олӧ. Зев јешщӧ ошкӧ: мелі-пӧ, шаԋ, бур. Велалыштӧма-ԋін коміӧн ԍорԋітны. Ԋімыс-пӧ кокԋі і — Генрік. Натаԉ. Јӧз мортыԁ пыр первојтӧ мусаҗык. Олыщтан регыԃік, тӧԁмаԍыштан, сіјӧ і мунас... Бара корԍ выԉӧс. Параԍ. (Натаԉлы) Ӧні, нылӧ, ԋемтор воԇӧ вылӧ артавны. Сещӧм олӧм воіс: мыј вомӧ, сіјӧ і піԋ улӧ. (Ԍералӧны. Керка сајԍаԋ петӧ страԋԋік, сувтӧ нывбабајас воԇӧ, шапкасӧ пӧртчӧмӧн копраԍӧ налы). Страԋԋік. (Ԋужјӧԁлӧмӧн) Милосердные рабы господни, батюшки, матушки! Подайте Христа-ради святую милостыньку прохожему, чем вас господь послал; поминаючи ваших родителей во царствии небесном. Не откажите от своих трудов праведных... О, господи, помилуй!.. Мир вам, сестрицы! Палаԃ. Кытыԍ те, ԃеԁӧ? Страԋԋік. Русской я, сестрица, русской. Не умею по вашему... О, господи, помилуй!.. Натаԉ. Роч-тај. (Страԋԋіклы) Ты-нӧ, ԃеԁушка, откуԁова? Страԋԋік. Дальний, матушка, далиний. Из-под святого града Киева. О, господи, господи, помилуй!.. Натаԉ. Кіјӧвыԍ-пӧ-тај. Ылыԍ... (Страԋԋіклы) Ты-нӧ, ԃеԁушка, манак? Страԋԋік. Нет, родимая, не сподобился. По обещанию хожу, Параԍ. (Натаԉлы) Мыјла-нӧ те тајӧс ԃеԁӧӧн шуан? (Віԇӧԁӧ страԋԋік выло) Гашкӧ абу і ԃеԁ. Страԋԋік. Дедушка, родимые, дедушка. Старик уже... О, господи, помилуй!.. (Віԇӧԁӧ ӧшіԋ вылӧ). Параԍ. Ԃерт-ԋін старік!.. Быԁԍама старікјасыԁ овлӧны. Мукӧԁыс, піԋыс-кӧ абу, орԁлынас јірӧ... (Ԍералӧны). Наталь. Лаԋтӧ, јӧјјас!.. Јен-ԁор олыԍӧс ԍералаԁ!.. Параԍ. Мыјӧн тӧԁан коԁ-ԁор тајӧ олӧ. (Ӧшіԋӧԁ ічӧԏік ныв јурсӧ мытчӧ, кінас ӧвтӧ страԋԋіклы, шуӧ: „Абу, абу!.. Бог ԁас!..“ Ныв бӧр сајалӧ). Страԋԋік. (Шапкааԍӧ; ропкіг-тырјі мунӧ воԇӧ). Скупые!.. Во имя Христа жалко... (Сајалӧ). Анна. Тащӧм манакӧс еԍкӧ шыркԋітны!.. Лунын манакалас, војын бурлакалас. (Ԍералӧны). Натаԉ. Мыј-нӧ ті талун, јӧјміԁ аԉі мыј? Параԍ. Зев поԅӧ тащӧмтӧ... Ԋаԋа, сӧстӧм... Коԁкӧ лунӧ Ӧкуԉ сваԏԏа орԁӧ тащӧм јен-ԁор олыԍыԁ уԅны вӧзјыԍӧма. Рытԍаԋыс-пӧ зев лӧԍыԁа оліс, быԁтор-јылыԍ віԍтавліс — Апон гӧрајас-јылыԍ. Војнаԁ малаԍны понԁӧма... Ӧԁва мынӧма Ӧкуԉыԁ. Матыԍтчіс-пӧ ме ԁінӧ, јуаԍӧ кущӧма ола, гажтӧмтча ог верӧсыԍ. Кос пӧгібӧ волӧма, ԍојејбог... Ачыс-пӧ ԇор старік!.. Натаԉ. (Бурӧԁӧ кагасӧ) Кԍ-кԍ, кԍ-кԍ!.. Палаԃ. Мыјкӧ тај-нӧ тенаԁ кагаыԁ зев-жӧ омӧԉік, Натаԉ? Пыр зыԋгӧ. Натаԉ. (Гӧлӧссӧ вежӧ, кывнас пыскыԉтӧ) Віԍам мі пыј, ԏӧтка... Лолыстны ԋекоԉ... Кыԋӧмным віԍӧ... ԁоԋа піӧј!.. (Окалӧ кагасӧ). Параԍ. Менам Ԍергејӧј таԇі-жӧ віԍӧ: быԁ вој горзӧ... Ог тӧԁ кущӧм пӧрӧс ветлӧ... Кынӧмсӧ топӧԁас ԁа војбыԁ, коԋӧр, ојзас. Натаԉ. Мыԏітӧ-жӧ? Параԍ. Оз. Ԋекущӧм мыт абу. Сіԇ мыјко... Вомԇаԍӧма, буракӧ... Гашкӧ јӧлӧј оз лӧԍав-ԁа?.. Щыкӧма, буракӧ, менам јӧлӧј... Палаԃ. Мыјла он нулы Ԍпіра Параԍ ԁінӧ?.. Меԁ ԋім віԇас. Параԍ. Быԁлаӧ-ԋін нулі... Сопрон Пеԃӧ орԁӧ волі-ԋін-і... Асја лысва вылӧ воԁтӧԁлі-і... Ԋемтор оз лӧԍав, ԋекущӧма оз ԉічӧԁ віԍӧмыс. Анна. Пеԉшӧр орԁас ветлін ен? Натаԉ. Ен-ԋін гарав сы-јылыԍ. Ԋім віԇыԍјас-кӧ ез вермыны бурԁӧԁны, пеԉшӧр помԍыԁ еща-ԋін буртӧ боԍтан. Параԍ. Ветлі-жӧ пеԉшӧр ԁінас... Гӧгсӧ віԁліс, ԍетіс кущӧм-кӧ ва... Ԋінӧм отсӧгыс ез ло. Палаԃ. Кытыԍ тајӧ војнаыс кыптіс? Јорӧм ԋемечјас-понԁа став ԁокторјассӧ нуісны. Натаԉ. Ԃаԃӧ меԉԋічаыԍ ізӧԁчан іныԍ локтіс, ԁа сен-пӧ ԍорԋітӧны: „Тајӧ војнаыԁ-пӧ јона-на ԋужалас: во ԋоԉ кысԍас-на." Параԍ. Оз-тај ӧкајаннӧјасыԁ му пыр мунны!.. Мыј ј јукӧны? (Туј вомӧн кутчіԍӧмӧн вуҗӧны вӧчԍӧм ічмоԋ пԉеннӧјкӧԁ. Пԉеннӧј ӧтпӧлӧса, саԏін ԁӧрӧма, ԉапкыԁ ԋебыԁ картуза — кепкаа. Кыкнаныс ӧрӧшкі ԍојӧны). Палаԃ. Кущӧм баруԋӧ-нӧ тајӧ? Анна. Ен-ӧмӧј тӧԁ?.. Карӧ Ԍемӧ Машӧ. Палаԃ. Но-о, Машӧ. Зонмыс коԁі? Натаԉ. Артур-тај... Ԍуԅ Јогор Мішӧлӧн казакыс. Анна. (Горзӧ ічмоԋлы) Машӧ, мыј верӧсыԁ гіжо? Ічмоԋ. (Бергӧԁчылӧ бабајаслаԋ) Зев чорыԁ кабыр мӧԁӧԁӧма. (Петкӧԁлӧ кулаксӧ) Со кущӧмӧс!.. Палаԃ. Тајӧ-нӧ Артурыскӧԁ олӧ аԉі мыј? Анна. Ме ог тӧԁ... Јӧзыс-тај боԉгӧны: олӧ-пӧ-а.: Палаԃ. Аԁ горшлы-тај ԍурас ԋебоԍ!.. Зонмыс, тыԁалӧ, шаԋ!.. (Четчӧ). Лоӧ чеԉаԃӧс віԁлыны ветлыны. (Мунӧ. Стсена вылӧ локтӧны ԍінтӧм корыԍ ԃеԏінакӧԁ), Корыԍ. (Локтіг-моз ԍылӧ кыз гӧлӧсӧн) За-ступ-ԋітсај уԍерԁ-на-јај... Ԃеԏіна. (щӧщ вӧсԋі гӧлӧсӧн боԍтӧ) Ма-ԏі гос-по-ԁа выш-ԋа-го... Анна. Коԍавны-жӧ кутісны! Быԏԏӧкӧнӧԍ мыј-жӧ!.. (Кінас ӧвтӧ) Мунӧ, мунӧ, ԋекоԁ керкаас абу! Корыԍ. (ԁугԁӧны ԍылӧмыԍ, мунӧны воԇӧ, сувтӧны мӧԁ керка ӧшіԋулӧ. Бара ԍылӧны) „За-ступ-ԋітса у-ԍерԁ-на-ја... (Керкаԍаԋ гӧлӧс ічӧԏік нывлӧн: „Мамӧ уԅӧ, Бог ԁас!“ Корыԍјас мунӧны). Параԍ. Уна і корыԍјас лоіны тајӧ војнаӧн... Анна. Стра-аԍт! Он вевјав ԋаԋтӧ шӧравны... Коԁкӧ лунӧ најӧ менԍым посвоԇыԍ ԍіԃелка кӧв гуԍалісны.. Натаԉ. Тӧрыт, ԉуба, коԁӧскӧ ԏеԉегаӧн новлӧԁлісны, салԁат-пӧ, шуӧны. Војбыԁ сеԍԍа ег вермы ԍін куԋлыны... Зев-на том ԁа міча ачыс, коԋӧр... Кык чеԉаԃ-пӧ коԉӧма... Кыкнан коксӧ вунԁӧмаӧԍ... Пукалӧ, коԋӧр, җек-моз, сувтны-ԋі четчыны оз вермы... Анна. Со, ԁум вылӧ уԍі: кущӧм вӧт ме коԉан вој вӧталі. Натаԉ. / Параԍ / (Щӧщ, ӧтпыріӧ). Мыј-нӧ, кущӧм? Анна. Чуԃеса ԃівӧ! Сулала быԏԏӧ завор ԁорын... Сеԍԍа, ог повԋіт кыԇ, шушун воротӧј реԅԁіс, шушунӧј шԉівквіԇӧ летчіс кокулӧ. Ԍо крістос! Уԍі быԏԏӧ таԇі... (Петкӧԁлӧ.) Ачым ԁӧрӧм мыг кежыԍ коԉі... Гӧгӧр мужікјас сулалӧны, зев уна јӧз. Ԍералӧны, гӧрԁлӧны ме вылӧ. (Локтӧ Ԁомна, кіас віла). Натаԉ. Тајӧ абу бур воԇын. Ԁомна. Мыј-ԋін бара абу бур воԇын? Натаԉ. Анна зев омӧԉа вӧтаԍӧма... Анна. Тӧнԇі сіԇ-жӧ: гуӧ быԏԏӧ веԍкалі. Пукала гуын, петны ԋекущӧм ногӧн ог вермы... Параԍ. Ӧніја каԁӧ быԁлаӧ мівок-коԃԃӧмтӧ вермасны ԍујны: гуӧ кӧԏ ваӧ... Натаԉ. Менам мамӧ кулӧм воԇын вӧтӧн піԋӧј уԍі... Јур піԋӧј. Ԍӧлышті быԏԏӧкӧ таԇі (ԍӧлыштӧ), піԋӧј швач уԍі воԇӧ... Со-ӧԁ! Ԁомна. Ме ԋӧԏі вӧтыԁлы ог ескы. Натаԉ. Лаԋт ԍорԋінаԁ. Быԁ вӧт інӧ. Параԍ (Четчӧ). Мукӧԁ вотыԁ ԇік ԉучкі інас. (Пыркӧԁчо, кык кӧса кыӧ). Аԏԏӧ-паԍібӧ, кума!.. Еща гашкӧ сеԍԍа лаԋтыштлас јур луԁӧмӧј... (Пукԍӧ лабічӧ). Быԁ вот, ԉуба, інӧ, ԋінӧм і шуны... (Габӧ Пеԁӧр ӧшіԋӧԁыс јурсӧ мытчӧ). Песіӧр. Но-о, тані-тај зев гажа! (Нывбабајас сы-вылӧ оз віԇӧԁны. Пеԁӧр гырԁԇа вылас летчыԍӧмӧн віԇӧԁӧ на вылӧ). Натаԉ. Каԏаыԁ-тај віԍтавліс-жӧ. Ԁомна. Мыј віԍтавліс? Натаԉ. Ԍӧԁ мӧс-пӧ ԉукаліс вӧтӧн. Вемӧснас сеԍԍа збыԉыԍ ԉукалісны-ԁај. Піԉаыс воіс ԁа кущӧма нӧјтіс... Ог ескы!.. Быԁ-ԍама вӧтыԁ овлӧ... (Кагасӧ бурӧԁӧ) Ӧ-ӧ, ӧ-ӧ!.. Пеԁӧр. Мыј ті сен артаԍанныԁ? (Оз веԍіг віԇӧԁлыны сы вылӧ). Параԍ. Аттӧ, јона-жӧ нӧјтіс коԋӧрӧс!.. Кі гӧгӧрыс гарт- ыштіс кӧсасӧ ԁа војԁӧр тасма пражанас шковгіс ԁа шковгіс... Сеԍԍа чабырнас... Ныр-ԋі вом оз тӧԁчы вӧлі... Пеԁӧр. Пыр бабајас чукӧрӧн пукалӧны... Ӧбыча, ԏтпу! (Ԍӧлыштӧ, веԍкалӧ Натаԉлы). Натаԉ. (Терыба бергӧԁӧ јурсӧ) Пеԁӧр ԃаԃ, јӧјмін аԉі мыј-нӧ те?! (Чышкыԍӧ). Анна. (Пеԁӧрлы) Мыј сен ԍӧлаԍан? Пеԁӧр. Мы-ыј? Натаԉ. Выј! Пеԉтӧм! Параԍ. (Віԍталӧ воԇӧ) Уԍкӧԁчіс Каԏӧыԁ піԇос выліс ԁа шуӧ верӧсыслы: „Абу-пӧ ме мыжа те воԇын ԋінӧмыԍ..." Піԉаыс горзӧ, оз кывзы сылыԍ. „Ен-пӧ ылӧԁлы менӧ, ԍԏерво!.. Ставсӧ тӧԁа!..“ Ԁомна. Ме еԍкӧ сылы петкӧԁлі!.. Анна. Мыј еԍкӧ петкӧԁлін? Лаԋт-ԋін... Ԁомна. Ме-е?.. Ме еԍкӧ траԍічалы ԍеталі!.. Ӧні абу важ пӧраыԁ! Менам сіԇ-жӧ завоԃітлас вӧлі шуаԍны: „Мыјкӧ-кӧ-пӧ кывла, јуртӧ орӧԁа“... Анна. Те-нӧ мыј сетчӧ шуан? Ԁомна. Віԁлы, міԍа, коԁным јуртӧг сек коԉам... Параԍ. Нывбаба олӧмыԍ ԍӧкыԁ олӧмыԁ абу-жӧ-ԋін ԋекӧн! Быԁ мужік те вылӧ карзӧ... (Ԋерӧ). „Најӧ-пӧ со кущӧмӧԍ. Налы-пӧ ескыны оз поԅ, ылӧԁасны“... Аԍныс оз-жӧ вермыны міјантӧг овны. Лунын меԁ вӧлі баба, ԁај — војын баба... Ԍӧвԅы еԍкӧ чужӧманыс!.. Мыј-нӧ сеԍԍа? Вӧвјас-моз кыскам мі ставсӧ ас выланым, а најӧ, ошкыштӧм-пыԃԃі ԁа жаԉітӧм-пыԃԃі, пыр ӧтарӧ пурԍӧны міјанкӧԁ, нӧјтӧны... Сы вылӧ сӧмын чужԍылӧма міјан мувылас!.. Ԁомна. (Ԋерӧ) Најӧ-ӧԁ мужікјас! Быԁтор налы поԅӧ!.. Ԏпу! (ԍӧлыштӧ.) Быԁ шушун бӧжԁорӧ кутчіԍӧны! Гортӧ локтігӧн карјасын руԋјалӧны... Гортыԍ мунігӧн сіԇі-жӧ... Міјанӧс сеԍԍа щыкӧԁалӧны. Быԁԍама урӧссӧ, віԍӧмсӧ кӧвјалӧны... Міјанлы шаԋ!.. Мыј-нӧ јӧј бабајаслы сесԍа?!. Олас!.. Мужікыԁ сіԍмӧ, бабаыԁ сы-помыԍ сіԍмӧ... чеԉаԃыԁ щыкӧны... Аԁԇыліԁ Марјаӧс? Анна. Ӧні татчӧ воліс. Ԁомна. Со мыјӧԇ сіјӧ воіс... Коԁ-вӧсна?.. Параԍ. Јӧјӧԍ-жӧ і емӧԍ мі! Ԍо Крістос јӧјӧԍ!.. Ԁомна. Кущӧм јешщӧ јӧјӧԍ! Натаԉ. Кытчӧ воштыԍан? Сіԇ-ԋін јен шуӧма. Ԁомна. Аԍным сещӧмӧԍ... рамӧԍ. Колӧ збојҗыка овны, выԉ туј налы петкӧԁлыны. "Со, шуны, тенаԁ тујыԁ, етіјӧ — менам. Воԍлав ԋӧҗјӧԋік, ме текӧԁ ог ов!“ Анна. Торјӧԁчыны? Ԁомна. Кӧԏ сеԍԍа кыԇі. Шуа, міԍа, текӧԁ ог ов, сіԍ морткӧԁ! Боԍт сеԍԍа менӧ... Натаԉ. Кокԋіа-тај кӧсјан торјӧԁчыныс! Ԋужалас-на нырыԁ... Ӧԋіԍԍа со којмӧԁ во-ԋін торјӧԁчӧ ԁа оз вермы. Кымынкӧ прошеԋԋӧ гіжӧԁліс-ԋін... Став мыжсӧ ас вылас боԍтліс... Ԁомна. Ме ог Ӧԋіԍԍа-моз торјӧԁчы. Оз-кӧ торјӧԁны, ачым торјӧԁча. Став кӧлујӧс асԍым ӧтчукӧрӧ кӧртала, ԍӧлышта зев паԍкыԁа сы воԇын. „Ԏтпу ( ԍолыштӧ), шуа, на теныԁ! Коԉтчы!" Натаԉ. Кывнаԁ ԃерт вӧчан. Ԁомна. Ме бара ог кут зев ԁыр віԇӧԁны!.. (Пеԁӧрлы:) Пеԁӧр ԃаԃ, лок щај јуны ветлам! Пеԁӧр. Щај јуны?.. Віна-кӧ ескӧ вӧлі-і... Ԁомна. Быԁтор лоӧ, сур-і, віна-і... Лок, колӧ-кӧ, мунам! Пеԁӧр. (Јурсӧ гыжјалӧ) Лоӧ-кӧ еԍкӧ-і... (Локтӧ кутчіԍӧмӧн том бабакӧԁ Јарӧ. Шапкатӧм, кӧмтӧм, ӧтпӧлӧса. Шујга пеԉпом вылас кујім вожа віла). Анна. Со еԍкӧ, талы колӧ војна вылас мунны, Кыз пԉеша іԁол! , Јарӧ. (Ԍералӧ) Меным оз поԅ. Акна. Мыј-понԁа? Јарӧ. Менам „кіла“. Параԍ. Пеж лов!.. Бабајас бӧрԍа сӧмын вӧтлыԍӧ!.. Натаԉ. Мужікјастӧ нуісны ԁа ӧні талы маԅ!.. Јарӧ. Завіԃ-ӧмӧј?.. Рытлаԋыс, колӧ-ко, вола. (Ԍінмаԍӧ). *). Натаԉ. Ме теныԁ „вола" петкӧԁла кокоԉукаӧн!.. Быгјӧԍ вом!.. Јарӧ. (Вежԋаԍӧ) Аттӧ, мыј-нӧ сіԇ?.. Зев-тај те щап, ԍо мокоԍтӧ!.. (Кӧсјӧ пукԍыны Натаԉкӧԁ ортчӧн ԁа кутны сіјӧс кіԋаулӧԁыс). Натаԉ. Мун бара, вешјы сеԍ! . Варуктӧ кутлы!.. Јарӧ. Но-о... Аттӧ, зонмӧ, кущӧм те!.. (Пеԁӧрлы) Пеԁӧр ԃаԃ, кущӧма щапмӧмаӧԍ бабајасыԁ, ворсны веԍіг оз ԍібӧԁны. Пеԁӧр. Мы-ыј? Јарӧ. (Гораа) Натаԉлӧн гажыс петӧ текӧԁ ворсыштны! (Ԍералӧны). Пеԁӧр. (Шеныштӧ кінас) Ворсԍӧма-ԋін менам!

• ) Мігајтчӧ.

Ԁомна. (Јарӧлы ԁа бабалы) Но, мунамӧ! Важӧн кӧнкӧ віԁчыԍӧны. Анна. Кытчӧ-нӧ ті? Ԁомна. Куԅма Параԍлы чӧвтны, помӧчӧн. (Туј вомӧн вуҗо пԉеннӧј ԋемеч Артур). Јарӧ. (Кінас ӧвтӧ ). Волы татчӧ, пан! Артур. (Сувто). Че-го коԉӧ? Јарӧ. Ԋекыті оз чег. Лок матӧҗык! Артур. (Јурсӧ бергӧԁлӧ). Абу... Јарӧ. Он-на косјы, пан, гӧтраԍны? Бабааԍны? Артур. Абу... Анна. Гӧԏыра-ԋін-ԁа. Ԁомна. (Јарӧлы) Мунамӧ, мунамӧ!.. (Мунӧны. Шӧра костас Јарӧ, Ԁомна том бабакӧԁ ӧтар мӧԁар бокԍаԋыс. Воԇынҗык мунӧ Артур. Ԍералӧны. Јарӧ шуԏлалӧ). Параԍ (Пеԁӧрлы) Ветлы, ветлы!.. Мыј сені җыҗвіԇан. (Пеԁӧр мунӧ ӧшіԋ ԁорыԍ). Натаԉ. Оланԁыр-жӧ Ԁомналы воӧма!.. Анна. Мыј-нӧ сеԍԍа, кӧԏ пыр бӧрԁ. Еща-ԋін бӧрԁӧмнаԁ кокԋӧԁан ԉок олӧмтӧ... Вермӧ-кӧ мыј ԋе гажӧԁчыны. Натаԉ. Аԁԇылінныԁ сылыԍ ԁругсӧ? Параԍ. Артурсӧ?.. Аԁԇылім. Зев шаԋ!.. Ԍурӧма-тај... Натаԉ. Ԍурӧма-тај еԍкӧ-ԁа... Артурыслы, тыԁалӧ, абу-жӧ ԍӧлӧмԍыс Ԁомнаыԁ... Ӧгрӧ ԁінӧ ветлӧԁлӧ... Параԍ. Ԉева Ӧгрӧ ԁінӧ? Сіјӧ-нӧ щӧщ-жӧ? Натаԉ. Кущӧма јешщӧ гуԉајтӧ-а!.. Параԍ. Но-но. Сіԇкӧ ылӧԁлӧ верӧссӧ? Натаԉ. Јуӧртісны-ԋін верӧссӧ гіжӧԁӧн... Параԍ. Мыј-нӧ сеԍԍа? Натаԉ. Тӧԁан-ӧԁ мыј? Шогԍӧ-пӧ... Анна. (Најана) Ԃерт-ԋін шогԍӧ. Шогԍыԍ-ԁа. (Ӧԁјӧ локтӧ Палаԃ). Палаԃ (Локтіг-мозыс) Пукаланныԁ сені, ԋінӧм ӧнӧ тӧԁӧ! Ставныс. Мыј-нӧ? Палаԃ. Куԅма Ԏікӧн орԁын мыј керԍӧ!.. (Кінас шенаԍӧ) О, госпоԃӧ!.. Параԍ. (Торкӧ) Мыј-нӧ? Палаԃ. Сещӧм зык сені мунӧ, стра-аԍт! Ӧшіԋулас регыԃік сулалі, керкаас ег лыԍт пырныс. Матреныс бӧрԁӧ. Пӧрыԍ Куԅмаыс Ԏіконыскӧԁ, аја-піа коԍаԍӧны, Піԉаыс став ԁозмуксӧ жуԉԉӧма, кокулас таԉалӧма. Горзӧ... Анна. Каԏаыс-нӧ кӧні? Палаԃ. Пукалӧ ӧшіԋ ԁорас, лабічас... Ԉоԅ јура... Ковтаыс коԍаԍԍӧма, соскыс абу... Анна. Ԍојасны сіјӧс, коԋӧрӧс. (Кылӧ звӧн, коԁӧскӧ ԇебӧны). Палаԃ. Локтӧ ветламӧ сетчӧ. Параԍ. (Кывзӧ.) Лаԋтлӧ!.. Коԁӧскӧ ԇебӧны-кӧ-а? (Ставныс кывзӧны. Ылыԍ кылӧ нывбабалӧн лыԃԃӧԁлӧмӧн бӧрԁӧм). Палаԃ. Ԇебӧны-тај, тыԁалӧ, коԁӧскӧ... Бара коԁкӧ кувԍӧма, сарство ԋебеснӧј!.. Анна. Оз-ӧ Ваԍӧ Грішатӧ? Параԍ. Кулӧма-ӧмӧј? Анна. Зев омӧԉ вӧлі. Пеԁӧр. (Бара ӧшіԋӧԁ віԇӧԁӧ). Кущӧм шоныԁ лун јен ԍетӧма! Натаԉ. Еща шыріс-жӧ јӧзтӧ тајӧ војнаыԁ!.. Пеԁӧр. Ветла буракӧ... Гашкӧ ԍетасны румка вінатӧ... Ветла. (Пӧԁлалӧ ӧшіԋсӧ). Параԍ. (Віԇӧԁӧ ӧшіԋ вылӧ). Пыр-на сы-јылыԍ мӧвпалӧма... Коԁлы мыј колӧ. Анна. Ӧні тащӧмјасыԁлы лӧԍыԁҗык... пеԉтӧмјасыԁлы... Оз кӧԏ ставсӧ кывны. Натаԉ. (Ышловԅӧ). Олӧмыԁ міјан кущӧм! (Жугыԉа) Чужіԋ, быԁмін, олін, бырін... кулін... О, госпоԃӧ!.. (Кӧнкӧ кылӧ поп-ԃаклӧн ԍылӧм: „Со святыми упокой...“; нывбабалӧн лыԃԃӧԁлӧмӧн бӧрԁӧм, чеԉаԃ бӧрԁӧм шы; звӧн. Ԍылӧм вочасӧн пыр ылыштчӧ, сеԍԍа оа кут кывны). Палаԃ. Бӧрԁныԁ веԍіг оз ԍаммы! Натаԉ. Бӧрԁ кӧԏ ен. Оз-ԋін ӧні ловԅы. Параԍ. (Ышловԅӧ). Оз-ԋін, оз, ԉуба, ӧні четчы... Ештіс сылӧн талаԁорын олӧмыс. Сарство ԋебеснӧј!.. (Пернапасаԍӧны ставныс). Но, мунамӧ! (Мунӧны. Поспомас петӧ Пеԁӧр, шапкатӧм. Сувтӧ). Пеԁӧр. (ӧтнас). Ветла. Гашкӧ щајӧн јукталасны... (Мунӧ ԁа бӧр бергӧԁчӧ). Ок-ок-ок, ԁругӧ, уна јӧз ӧні кулӧ!.. (Пукԍӧ лабічӧ). Матӧ быԁ лун ԇебӧны-гуалӧны мужікӧс ԉібӧ бабаӧс. Сіԇі-ј шырӧ јӧзтӧ. Став мужік рӧԁыс бырӧ... Міјан вылын ылӧ он во: ӧтчыԁ воԍковтам, кыкыԍ чотаԍам... (Кост). Ок-ок-ок-ок!.. (Јурсӧ пыркԋітӧ). Ставыс пракӧн мунас! Сіԇі-ј кіԍԍас... (Кост). Кущӧм-ԋін-нӧ ме морт?.. Ԋекытчӧ шогмытӧм!.. (Кызӧԁӧ). Паччӧр серӧгын-ԋін сӧмын кујлыны... Ок-ок-ок-ок-ок!.. (Пукалӧ јурсӧ ӧшӧԁӧмӧн. Керкаыԍ ӧԁјӧ петӧ ічӧԏік ԃеԏіна, кіас ԋаԋ шӧрӧм). Пеԁӧр. (Јурсӧ лептӧ). Грішук, он тӧԁ коԁӧс ԇебӧны? Гріша. Мун се-еԍ!.. Пеԁӧр. Коԁӧс? Гріша. Пеԉтӧм попӧс! (Котӧрӧн мунӧ). Пеԁӧр. Кос пӧгіб пеԉӧн. Ԋінӧм ог кыв... (Гуԁјӧ чуԋнас веԍкыԁ пеԉсӧ). Ӧжынӧн-кӧ еԍкӧ роԅсӧ піԍкӧԁан гашкӧ-і воԍԍас-ԁа. (Локтӧ пӧрыԍ баба, беԃԃа). Пӧрыԍ баба. Уп-уп-уп!.. Пӧԁа... Ӧԁва муна... (Сувтӧ). Лолӧј тырӧ... (Пеԁӧрлы). Мыј-нӧ пукалан?.. Уп! Пеԁӧр. Коԁӧс-нӧ ԇебӧны? Пӧрыԍ баба. (Гораа) Јеԉӧԍ Јаковлӧн піыс кулӧма, Мікајлӧыс. Пеԁӧр. (Кісӧ бокас кучкӧ) Но-о, кулӧма? Пӧрыԍ баба. (Оз кывзы) Ԋоԉ чеԉаԃ коԉӧма... Етащӧмӧԍ... (петкӧԁлӧ кінас муԍаԋыс кык веԍт суԁта). Пеԁӧр. (Оз кывзы) Ме јешщӧ сыкӧԁ војԁӧрлун-на аԁԇыԍлі... Зев ԁыр ԍорԋітім... Но, зонмӧ... Пӧрыԍ баба. (Оз кывзы). Гӧтырыс, коԋӧр, зев шогԍӧ... зев јона бӧрԁӧ. Пӧгібӧ, коԋӧрӧј, воас... Пеԁӧр. (Оз кывзы). Ме јешщӧ јуала сылыԍ: „Те-нӧ, міԍа, Мішук, ԁырӧ-кежлӧ локтін? (Копыртчӧмӧн іԇас суԇӧԁӧ муԍыс). Пӧрыԍ баба. Ме сеԍԍа муна... Чеԉаԃ аскежас коԉіны ԁа меԁ еԍкӧ оз-жӧ ԁојмавны. (Мунӧ). Пеԁӧр. (Пыр-на копыртчӧма). Сіјӧ шуӧ меным: „Ԇікӧԇ-пӧ, Пеԁӧр ԃаԃ, леԇісны... Чістӧјӧн петі." (Лептӧ јурсӧ ) Но, мунӧма-ԋін... (Кост.) Со-тај ԍмертыԁ, чіԍԏітіс. Кујлы сеԍԍа ӧні, кытчӧԇ јенмыԁ оз чукӧст... Шојтчы... Олӧмыԁ кущӧм міјан!.. (Кост.) Керкаыԁ вевттӧм. Чеԉаԃыԁ посԋіԃікӧԍ. Бабаыԁ ӧтнас... Јӧзыԁ пон-коԃӧԍ: ԍојасны... Аттӧ, зонмӧ, Мішук!.. (Кост.) Ок, кущӧма коскӧј віԍӧ!.. (Четчӧ, ԋіртӧ коссӧ). Ԉок повоԃԃа воԇын, ме чајта... (віԇӧԁлӧ шонԁі вылӧ). Кущӧма пӧжӧ талун!.. (мунӧ кіԉчӧлаԋыс). Со колӧкӧ і чістӧјӧн... Гашкӧ менам чеԉаԃӧј таԇі-жӧ чістӧјӧн мунісны-ԁа?.. Ԋекущӧм јуӧр-тај со абу-а. (Сувтӧ, мӧвпалӧ мыјкӧ. Сеԍԍа аслыс шуӧ) Ԋо, мыј-нӧ ме? Ег тај-кӧ мун?.. Олас!.. Віна-кӧ еԍкӧ вӧлі... мыј-нӧ сіјӧ куш пӧԍ ваыԁ?.. Лущщӧ пыра ԁа паччӧр вылӧ воԁа. (Кӧсјӧ пырны. Кӧнкӧ кылӧ нывбаба гӧлӧс: „Караул!" Зев ӧԁјӧ пырӧ стсена вылӧ Каԏа: повԅӧма, ԉоԅ јура, ԍінкымыс лӧз. Віԇӧԁӧ гӧгӧр. Аԁԇӧ Пеԁӧрӧс, уԍкӧԁчӧ сы ԁінӧ). Каԏа. Пеԁӧр ԃаԃ, ԁорјы менӧ!.. Ԍо јен могыԍ!.. Мезԁы!.. Пеԁӧр. (Повԅӧмӧн) Мыј-нӧ? Мыј лоін? Каԏа. Ојја ԁа ојја!.. Ԁорјы менӧ!.. Ԇеб! (Котӧрӧн локтӧ Піԉа; шапкатӧм, ӧтпӧлӧса). Каԏа. (Полӧ) Пеԁӧр ԃаԃ!.. (Кутӧ кіӧԁыс Пеԁӧрӧс). Піԉа. (Ырыштчӧ Каԏа вылӧ). Те пышјавны?.. Ԍԏерво!.. Пеԁӧр. (Бергалӧ. Піԉалы) Сулав! сулав!.. Мыј те?.. Піԉа. (Кучкӧ Каԏаӧс). Курва! Со теныԁ!.. Каԏа. (Уԍӧ). Ма-а-мӧј!.. Пеԁӧр. (Піԉалы ). Мыј те керан, а?.. Мыј вӧчін? Піԉа. Ме теныԁ петкӧԁла, сволоч!.. (Чужјалӧ Каԏаӧс). Четчы! (Чукӧртчӧны јӧз: бабајас, нывјас, чеԉаԃ, мужікјас. Сувталӧны гӧгӧрыс. Ставныс аслыныс ызгӧны). Ӧԏі нывбаба. Вііс? Мӧԁ нывбаба. Коԁі? 3-ԁ нывбаба. Піԉа. Каԏасӧ. 4-ԁ нывбаба. Кыԇі? Мыј? 5-ԁ нывбаба. Ме віԇӧԁа ӧшіԋӧԁ, Каԏаыԁ котӧртӧ, горзӧ. Мужікыс бӧрԍаԋыс!.. 2-ԁ нывбаба. Со-ӧԁ ԅверыԁ!.. (Локтӧ Пеԁӧԍ). Пеԁӧԍ. (Бӧрԁӧ) Муса нылӧј менам!.. Ԍӧлӧм-шӧрӧј!.. (Јӧзыс вешјыштӧны. Піԉа сулалӧ, сојјассӧ пуҗӧма). Мужікјас. 1. Баба-вӧсна ԋінӧм оз ло! 2. Ачыс мыжа! Ен пышјав! 3. Вывті-ԋін веԉмӧмаӧԍ! Пеԁӧр. О, госпоԃӧ!.. Пӧгіб-жӧ-ԋін тајӧ олӧм!.. Сулала тані, віԇӧԁа шонԁі вылӧ: кущӧм, міԍа, талун міча луныс! Ԋінӧм ԁумајттӧг Каԏаыԁ ме ԁінӧ уԍкӧԁчіс, горзӧ: „Пеԁӧр ԃаԃӧ, ԁорјы менӧ!..“ Пеԁӧԍ. (Бӧрԁӧ) Ԍо шајтӧј менам, муса ны-ылӧј!.. Піԉа. Пӧваԃітӧма... Пӧрыԍ чӧрт!.. Пеԁӧԍ. Ок, те пон, пон!.. Вір јуыԍ!.. Піԉа. Ԁырҗык сені сакԍы!.. Ме абу пон, менам перна ем! (Корԍӧ ԁӧрӧм јурјув сајыԍ). Мун татыԍ!.. (Ԋещыштӧ Пеԁӧԍӧс кіӧԁыс). Ме кӧԅаіныс та вылын, абу те!.. Анна. Уна тіјан-коԃ кӧԅаінјасыԁ!.. Каԏа. (Пукԍӧ). Ој-ја, ој-ја!.. Пеԁӧԍ. Муса нылӧј!.. Піԉа. (Каԏалы). Мун, четчы сетыԍ!.. Мужікјас 1. Ловја-на! 2. Он-на ві тајӧс! 3. Нывбабаыԁ каԋ-коԃ віԋов! Пеԁӧԍ. (Јӧзыслы). Бур јӧз, віас... віас тајӧ менԍым нылӧс... (Ԋекоԁ ԋінӧм оз шу). Піԉа. Верма і віны, імејта право!.. (Ԋещыштӧ Каԅаӧс кіӧԁыс). Четчы сеԍ!.. Мун!.. Пеԁӧԍ. (Јӧзлы). Ԁорјӧ, бур јӧз, ԍо Кріста раԃі ԁорјӧ!.. Мужікјас: 1. Мыј-нӧ міјанлы! 2. Кык пон пурԍан інӧ којмӧԁ ен ԍујԍы. 3. Ԃерт жӧ... Јӧзӧԇ міјанлы кущӧм мог! 4. Сы вылӧ-ј мужік!.. Меԁ ічӧԏіка велӧԁас! Бабајас. 1. Міјан-нӧ мужікјас?.. (Мужікјас ԍералӧны). 1 мужік. Мыј-нӧ? Оз-ӧ ков тіјанӧс јурӧԁныԁ малавны? (Каԏа четчӧ, чотӧм сорӧн ојзіг-тырјі мунӧ. Сы бӧрыԍ мунӧ Піԉа, Піԉа бӧрԍа Пеԁӧԍ). Піԉа. (Пеԁӧԍлы). Те кытчӧ мунан, кока тујіс? Пеԁӧԍ. Ог ԍет нӧјтны асԍым ԃіԏаӧс! Піԉа. Петкӧԁла ме теныԁ ог ԍет! Віԁчыԍ меԍаԋ! (Мытчылӧ кабырсӧ ). 1 мужік. Ԍетышт, Піԉа, ԍылі вужјас! Мыј сен зыԋгӧ. Нывбабајас: 1. Җагӧԁас ӧні сіјӧс, ԍо јеј бог. 2. Коԁӧс? 3. Каԏасӧ. 1. Ок-ок-ок-ок, олӧм нывбабајаслӧн!.. (Јоз ԋӧжјӧԋік разалӧ. Нывјас, муніг-моз, боԍтӧны ԍывны). Пеԁӧр. (Ӧтнас сулалӧ шӧрас, ԉегӧԁӧ јурнас) Аттӧ зонмӧ... песлаԍас-жӧ олӧмыԁ!..

Занавес ԋӧжјӧԋікӧн уԍӧ. Мӧԁ вӧчӧм.

Вӧчԍӧ Пеԁӧԍ орԁын. Прӧстӧј, ԃеревенскеј керка. Арԍа рыт, рӧмыԁ. Јенҗаҗ ԁорын ԍіԍ ломтыԍӧ. Каԏа кујлӧ, ружтӧ нӧјтӧмла. Лабічын Пеԁӧԍ пукалӧ. Ывлаын кӧнкӧ кылӧ гуԁӧк шы. Ӧшіԋувті, кылӧ, ныв-зон мунӧны, ԍылӧны, ԍералӧны, ԍорԋітӧны. Ныв кылӧ шуӧ: „Ен ԁур, Јепім!“. Зонлӧн воча шыаԍӧм: „Ог-ӧԁ тенӧ ԍој! Ворсыштны веԍіг оз поԅ.“ Ныв-зон воԇӧ мунӧны, гӧлӧсјас ылыстчӧны, бырӧны. Коԁкӧ ӧшіԋӧ таркӧԁчӧ. Пеԁӧԍ. (Повԅӧ). Коԁ-нӧ сені, бласлӧ Крістос?.. Каԏа. Нывјас, кӧнкӧ, ԁурӧны. Пеԁӧԍ. Абу-ӧ-ԋін сіјӧ? (Матыԍтчӧ ӧшіԋ ԁорӧ, бӧр пукԍӧ). Ајкаыԁ нӧ мыј?.. ез ԁорјы? Каԏа. Ԁорјас!.. Сіјӧ і вӧчіс ставсӧ... Мыјӧн Піԉа воіс, пыр-на сылы ԁоԉіс. ме-јылыԍ... Пеԁӧԍ. Пӧрыԍ выжыв! Каԏа. Ԃерт-ԋін пӧрыԍ... Віԇӧԁлы сы вылӧ. Пеԁӧԍ. (Поліг-тырјі). Мыј-нӧ?.. (Каԏа ԋемтор оз шу). Гашкӧ вӧтлыԍіс те бӧрԍа-ԁа?.. ( Кост). Каԏа. Ӧзты, мамӧ, ԇузгантӧ!.. Пемԁіс. Пеԁӧԍ. Бітӧгыԍ еԍкӧ, нылӧ, ме чајта, бурҗык-ԁа. Меԁ еԍкӧ бі вылаԁ оз-жӧ лок. (Матыԍтчӧ Каԏалаԋ) Те, нылӧ, віԍтав меным... Мыјла меыԍ суԍԍан?.. Мыј-јылыԍ завоԃітлін віԍтавны віԍтав. Каԏа. Муԇі ме, мамӧ... Пеԁӧԍ. Но-но, каԉкавліс-кӧ вомыԁ віԍтав-ԋін... помӧԇ. (Кост). Мыј-нӧ ԋінӧм он шу? Каԏа. Мыј ме шуа?.. (Ӧшіԋӧ бара таркӧԁӧны). Енлы-на лібӧ біаԍ. Пеԁӧԍ. (Мунӧ ӧшіԋ ԁорӧ ). Кущӧм пемыԁ!.. Ԋекоԁ оз тыԁав. (Ывлаын шы: „Воԍтӧ-ӧј!“) Каԏа. Јуав, мамӧ, коԁі! Пеԁӧԍ. (Поліг-тырјі), Коԁі сен? (Ӧшіԋулын нывбаба шы: „Ме, ме! Воԍты!“) Каԏа. Ԁомна-тај. Воԍты! Пеԁӧԍ. Кущӧма ме повԅылі... (Шујга морӧс бокас кісӧ пуктӧ). Міԍа, гашкӧ, сіјӧ-ԋін-ԁа?.. Уп!.. (Петіг-моз). Ԍӧлӧмӧј сіԇі і четчӧ!.. ( Петӧ). Каԏа. (Ӧтнас). Быԁлун повны кутан... Петны ԋекытчӧ он лыԍт... Кыјӧԁны понԁас... (Нора) А ме-е, коԋӧрӧј, ӧтнам... Ԁорјыԍыԁ ԋекоԁ абу... Боԍтас ԁај коԍыштас мыјӧнкӧ тӧԁлытӧг... Ԁај татчӧ-на локтас... Пеԁӧԍ. (Посвоԇас). Коԁкӧ-тај-нӧ јешщӧ-на текӧԁ ем мӧԁ морт? Ԁомна. (Посвоԇԍаԋ). Ем. Ас морт, ен пов. Пеԁӧԍ. (Посвоԇас). Но, пырӧ, пырӧ; ме ігнаԍа. Куԏԏа војсајас! (Пырӧны Ԁомна ԁа пԉеннӧј Генрік. Ԁомна вӧсԋіԃік ԍера шаԉԉа, Генрік выԉ руԁ ној паԍкӧма, шырԍӧма, брітчӧма). Ԁомна. (Пыріг-мозыс). Ловја-на, Каԏа? Каԏа. Ловја-а. Лок, Ԁомна, матӧҗык, пукԍы!.. (Віԇӧԁӧ Генрік вылӧ). Коԁі-нӧ тајӧ? Ег тај-нӧ тӧԁ. Генрін. (Ԉок кывјӧн, оз лӧԍыԁа коміӧн артмав. Ковтӧм інсӧ чорыԁҗыка шуӧ) Зԁраствујԏе, паԋе... Ԋе тӧԁін? Каԏа. Но-о, Генрік-тај. Пукԍы лабічас. Генрік. Пожалујста... Ԋе ԍорԋітам. (Пукԍӧ). Пеԁӧԍ. (Пырӧ). Аттӧ, јона-жӧ повԅӧԁінныԁ менӧ! Ӧні-на четчӧ ԍӧлӧмӧј... Ԁомна. Ԇікӧԇ-на четчыштас-а! Пеԁӧԍ. Он-жӧ вермы те куԅ кывтӧ кутыштны. ԏтпу! (Ԍӧлыштӧ). Аслыԁ еԍкӧ меԁ інас сіјӧ!.. (Матыԍтчӧ Генрік ԁінӧ, віԇӧԁӧ гӧгӧр). Коԁкӧ-тај тӧԁтӧм-а... (Генрік сувтӧ). Ԁомна. (Ԍераліг-пыр). Тајӧ, Пеԁӧԍ ԏӧт, міјан пісарным, правԉеԋԋӧын гіжыԍыԁ. Пеԁӧԍ. Ен-на ылӧԁлы менӧ! (віԇӧԁӧ Генрік вылӧ). Генрік. Зԁравствуј, бабушка! (Кіаԍӧны). Пеԁӧԍ. Со коԁі вӧлӧма!.. Генрік!.. Пукԍы-нӧ... (Аслыс) Тајӧ, бара абу бур воԇын... Ԍо загрекі Піԉа ԅаԏ-кӧ локтас, он-мын секі. Ԁомна. (Каԏалы). Кущӧма-ԋін овлывлан, Каԏа? Каԏа. Ен-ԋін ԍорԋіт... Пола... Піԉа еԍкӧ меԁ оз-жӧ лок. (Мамыслы) Біаԍ, мамӧ. Пеԁӧԍ. Сіјӧ-жӧ-ԋін-тај еԍкӧ і кӧсја-ԁа... (Нокԍӧ ԇузган ԁорын. Чарскӧԁӧ ізтӧгӧн. Біыс оз шеԁ. Ізтӧг куслаԍӧ). Бара кӧтӧԁӧмаӧԍ оз шеԁ. Генрік. (Локтӧ Пеԁӧԍ ԁінӧ). Ԁавајԏе мі, ԁавајԏе!.. Пеԁӧԍ. Пукав те, пукав... Ачым кыԇкӧ біала (Ӧзтӧ ԇузганӧ). Ԁомна. (Четчӧ). Ӧшіԋјассӧ тупкыны колӧ... Пеԁӧԍ ԏӧт, вај мыјкӧ! Пеԁӧԍ. (Гӧгралӧ керкаӧԁыс). Мыј-нӧ ме теныԁ ԍета? Аттӧ... (Ԍетӧ шаԉ). На кӧԏ тајӧн тупкышт. Ԁомна. (Тупкӧ ӧԏі ӧшіԋ). Олас. Каԏа. Оз ков тупкыԍны. Мыј сыыԍ? Ԁомна. (Пӧртчӧ јурԍыс чышјансӧ, мунӧ мӧԁ ӧшіԋ ԁорӧ). Тајӧс етіјӧн тупкам. (Тупкӧ ӧшіԋсӧ). Ӧні сеԍԍа ԋекоԁ оз аԁԇы... (Мунӧ, пукԍӧ Каԏакӧԁ ортчӧн). Вај ӧні, Каԏа, віԍтавлы кыԇ мыј вӧлі. Каԏа. Мыј ме віԍтала? Ԁӧмна. Віԍтав ставсӧ кыԇ-мыј вӧлі. Мыјыԍ тенӧ сіјӧ нӧјтіс? Наԏа. Коԁ-нӧ тӧԁас... Пыр-тај јуаԍӧ: „Коԁкӧԁ-пӧ те тані гуԉајтін?..“ Ԁӧмна. Гуԉајтаін-ӧмӧј? Каԏа. Гуԉајтлі-кӧ-ӧԁ абу забеԁнӧ... Ԁомна. Ајка-јывԍыԁ мыјкӧ шулін ен? Каԏа. Ԋінӧм ег. Ԁомна. Јӧј!.. Мыј віԁчыԍан? Меԁ ԍыліԇіртӧ бергӧԁасны аԉі мыј?.. Еща-на, тыԁалӧ, тенӧ велӧԁӧмаӧԍ!.. Ок те, јӧјукӧ!.. Мыјыԍ-нӧ полан?.. Боԍтін ԁа віԍталін ставсӧ кыԇі сіјӧ те бӧрԍа вӧтлыԍліс. Меԁ секі мӧԁа мӧԁнысӧ куртчалӧны. Пеԁӧԍ. Вӧтлыԍліс-ӧмӧј? (Пеԁӧԍлы ԋінӧм оз шуны). Каԏа. (Ԁомналы). Кыԇ-нӧ ме віԍтала?.. Пуртӧн-ӧԁ мӧԁа мӧԁнысӧ шуԉаласны. Ԁомна. Теԁ-нӧ мыј? Ме-еԁ! Меԁ шуԉалӧны. Ӧні-нӧ сіԇі-жӧ кӧсјан коԉны? Піԉаыԁ кывлас јӧзԍаԋ, ԁа аԍтӧ-жӧ, Каԏа, мыжԁас. Мыјла-нӧ воԇвыв ен віԍтав сыкӧԁ олӧмсӧ, шуас. Со-ӧԁ, нылӧ! Ме ногӧн-кӧ: вунԁін ӧтпырјӧ ԁај ставыс. Ԏерпітны кутан! Пеԁоԍ. Но, но... Ԏікӧн сват... Гӧгӧрвоі... Повоԁнӧј.... Ԁомна. (Каԏалы). Аԉі ԍӧлӧмвылаԁ јона воӧ аслаԁ олӧмыԁ? Талун верӧсыԁ нӧјтас, аскі нӧјтас, а те пыр сы воԇын тупԉаԍан. Пеԁӧԍ. Ԇікӧԇ, коԋӧрӧс, ԋінӧмӧ воштіс. Јірӧмӧн јірӧ... Ԁорјыны ԋекоԁлы... (Генріклы) Ԇік матајтчімӧ, Генрік... Тіјанкӧԁ щӧщ веԍкыԁ мат. Кытыԍкӧ-тај воінныԁ татчӧ, лӧԋ ва пыщкас, тоԁтӧм јӧз. Аԍнытӧ ԇуганныԁ, ԁа-ј міјанӧс щӧщ сетчӧ кысканныԁ... Ставсӧ гуԁралінныԁ... Ті міјанӧ, мі тіјанӧ... Міјан, Генрік, ԍӧлӧмјасным норӧԍ. Тотара-кӧ воас ԍӧлӧмвылаԁ, сіјо муса лоӧ... Тӧԁа-ӧԁ ме. Со те јӧз, тӧԁтӧм морт, а сылы (інԁӧ Ԁомна вылӧ), гашкӧ, тӧԁса ԁорԍыс мусаҗык... Аԁԇа-ӧԁ ме... Менӧ он пӧрјав. (Пырӧ гӧбӧчӧ). Ԁомна. Мыј сен, Пеԁӧԍ ԏӧт, мурган Генрік вылас? Пеԁӧԍ. (Гӧбӧч ӧԇӧс ԁорԍаԋ). Мун-ԋін сетыԍ. Аԁԇа-ӧԁ, аԁԇа... (Локтӧ җоҗ шӧрас). Сіԇ-ԋін сіјӧ лӧԍӧԁӧма, ԉуба. Ԍӧлӧмным міјан сещӧм нор. Бур кыв вылӧ мі, нывбабајасыԁ, ԇікӧԇ сылам: мужік бӧрԍа біӧ кӧԏ ваӧ пырам... Збыԉ-кӧ шуны, — міјан-ӧмӧј мужікјас? Ԏпу, (ԍӧлыштӧ) прӧԍԏі госпоԃі! Бӧрја вылыԁ быԁ-ногӧн муԏіыԁ чукԉӧԁлас, ԁа-ӧԁ сыыԍ абу-жӧ мі мыжаӧԍ... Ԁомна. Мыј-нӧ те, Пеԁӧԍ ԏӧт, сещӧма јармӧмыԁ талун? Пвӧӧԍ. Јарман-ӧԁ тащӧм олӧмнаԁ!.. Сещӧм-ԋін міјан шуԁтӧм рӧԁ. Менам-тај покоԋԋік мужікӧј еща і ԁӧзмӧԁлас вӧлі... Кымыныԍкӧ ме бӧрԁлі сы помыԍ! Ставсӧ ас ԉок ԍӧлӧм-вӧсна. Нор, міԍа, міјан, нывбабајаслӧн, ԍӧлӧмыԁ... Меԁ јен оз мыжав менӧ, ыҗыԁ грешԋіча ме вӧлі. Комын ԋоԉ во ӧтлаын олім, ԁа пыр быԏԏӧ ԁом јылын пукалі... Мустӧм-жӧ-ԋін меным сіјӧ вӧлі!.. Јен воԇын ог суԍԍы... Куртча вӧлі піԋӧс, ԁа шуј-моз сы ԁінын кујла... О, госпоԃӧј јенмӧј!.. (Пырӧ гӧбӧчӧ). Каԏа. (Ԁомналы). Шуԁа-жӧ те, Ԁомна, морт! Ԁомна. Аԁԇӧмыԁ-тај вежалан тор. Кыԍкӧ-ԋін шуԁ... Каԏа. Мыј-нӧ, олан ас вӧԉаӧн. Ԋекоԁ тенӧ, мајбырӧс, оз ӧтԁорт, оз ӧбӧԃіт... А ме?.. Нӧјтӧм-кыԋԇі ԋінӧм ог тӧԁлы... Ԁомна. Те ме-моз-жӧ вӧч, меԁ ԋекоԁ оз нӧјт. Каԏа. Кыԇі-нӧ вӧчан сіјӧ?.. Ԁомна. Кужан-кӧ зев кокԋі. Каԏа. Сіјӧ-ӧԁ і ем: ог куж. Ԁомна. (Ворсіг-моз). Он-кӧ куж, велӧԁчыны колӧ! Генрік. (Курітчыны вӧчӧ). Паԋе Ԁомна, појԃом ԁавај. Ԁомна. (Генріклы). Огӧ-на појԃот! Каԏа. Нем-чӧж бур кыв ег кывлы... Міԍа, војна вылаԁ уԍӧ... Бара локтіс... Бара мучітӧ... (Кост). Мамӧ-вӧсна тајӧ ставыс... Мырԁӧн ԍетіс. Кущӧма ег мун. Пеԁӧԍ. (Гӧбӧчԍаԋ). Мыјӧн тӧԁан морттӧ? Ԍӧлӧмас-ӧԁ сылы он пырав... Ыҗыԁ рӧԁвуж-вӧснаыс ԁа озырлун-вӧснаыс ԍеті. Чајті: бура овмӧԁчаԁ. Ԁомна. (Каԏалы). Ԁыр-ӧ-кежлӧ локтӧма? Каԏа. Кујім тӧлыԍ-кежлӧ леԇӧмаӧԍ... віԍӧм-вӧсна. Ԁомна. Кущӧм віԍӧм-вӧсна-нӧ? Каԏа. Ме ог тӧԁ... Ԁомна. (Ԋӧжјӧ). Гашкӧ сылӧн салԁат віԍӧм ԁа? Каԏа, віԁ- чыԍ, нылӧ, ԉоквіԍӧм-ӧԁ сылӧн. Кӧвјаԍас-кӧ, ештылан сек ымзыны... Каԏа. (Ԋеԁыр-мыԍԏі). Меным ԇік ӧткоԃ... Ӧԏі сајын олӧмсӧ ештӧԁны... Ԁомна. Чӧ-ӧв, Каԏа! Кымын-пӧв-нӧ те чајтан овны? Ок-ок-ок... Тані-ӧԁ олӧмыԁ ӧтчыԁ овлӧ, ԇік ӧԏі-пӧв. Абу міјан немыԁ зев куԅ... Колӧ талаԁор олӧмнас красујтчыны! Ӧні і овныс, мајбыр, кор вермам-на! Јуртӧ ен ӧшӧԁ, Каԏа, ԍінватӧ ен кіԍт! Колӧ мӧԁ-ногӧн олӧмтӧ лӧԍӧԁны, ез-на-кӧ ԇікӧԇ віны... Тӧԁан мыј? (Вашкӧԁӧ) Велӧԁа колӧ-кӧ. Кылан? Генрік. (Ԁомналы). Паԋе... (інԁӧ ӧшіԋ вылӧ, полӧ) тут локта кто-то... Коԃіт... Ԁомна. Меԁ коԃіт-кӧ... Теԁ-нӧ мыј? Полан? Генрік. (Кісӧ пуктӧ морӧсас). Паԋе, пӧжалујста, абу ԍмејотса... Ја говору, паԋе... Меным жаԉ паԋе Каԏерін... Ԁомна. (Ԋеріг-моз). Жа-аԉ?.. (Віԇӧԁӧ Генрік вылӧ) Ме абу жаԉ? Генрік. (Пеԉпомјаснас вӧрӧԁӧ). Ԋе поԋімај ме... Ԁомна. Нӧјтасны-кӧ — ставнымӧс щӧщ: тенӧ, менӧ, Каԏаӧс... Генрік. Паԋе, ԋе шутка, пӧжалујста! Ԁомна. Смотрі те, јӧз гӧтырјасӧн ен зев ворс! Наԏа. Мыј-нӧ те, Ԁомна, лоін? Ԁомна. Теԁ-нӧ мыј? (ԍералӧ) Но-но, шаԋ сеԍԍа, ен лӧгаԍ... Ме-ӧԁ сіԇ, ԍерала, ԁура... Коԁ-нӧ сен ветлас? (Четчылӧ, бӧр пукԍӧ. Гораа) Генрік, збојҗыка аԍтӧ кут! Каԏа. (Полӧ). Ԋӧжјӧнҗык, ен горзы. Нароԍнӧ-кӧ горзан-а? Пеԁӧԍ. (Петӧ гӧбӧчыԍ). Те ен јӧјтав, Ԁомна!.. Мыј сені, збыԉыԍ, рака-моз кравзан? Генрік. (Шенԅӧ). Ԋе поԋімају ме... Ԁомна. Но-но, ог сеԍԍа... Тырмас. Пукԍа ԁа ԋемӧј-моз кута пукавны. (Пукалӧ вӧрԅӧԁчытӧг. Ӧшіԋӧ коԁкӧ таркӧԁчӧ). Каԏа. Лаԋтлӧј... Коԁкӧ таркӧԁчӧ... Ԁомна, ен ԁур... Мамӧ, коԁкӧ таркӧԁчӧ. Пеԁӧԍ. Ок, тӧԁӧ менам ԍӧлӧм... (Җоҗ шӧрас бергалӧ). Суас, міԍа, Міјанӧс кущӧмкӧ прічча... (Генрік сулалӧ пызан ԁорын, курітчӧ. Пеԁӧԍ Генріклы) Те ԋін кӧԏ ен ԇӧр сені... Пукԍы, Кріста раԃі, пукԍы!.. Мыј сетчӧ сувтін?.. Те-вӧсна міјанӧс щощ татчӧ віасны. (Генрік пукԍӧ.) О, госпоԃӧ!.. Шыбыт, міԍа, чігаркатӧ! (кучкӧ чігаркаас) Мыјла-ԋін сіјӧ пестін?.. Шыбыт!.. (Ԁомналы) Кущӧм грекла бара ті локтіԁ-а?.. Вој улӧ муԏіыԁ кыскас-жӧ тіјанӧс!.. Ԁомна. Мыј нӧ сещӧма, Пеԁӧԍ ԏӧт, шыԅін? Јуав коԁі. Пеԁӧԍ. (Матыԍтчӧ ӧшіԋ ԁорӧ). Шыԅан-ӧԁ... Міјанӧс ԁорјыны ԋекоԁлы... (Бара коԁкӧ ӧшіԋӧ таркӧԁчӧ). Каԏа. Јуав, мамӧ, јуав. Пеԁӧԍ. (ӧшіԋӧԁ). Коԁ крешщӧнӧј-нӧ сені? (Ывлаԍаԋ Ԏікӧнлӧн шы: „Воԍты Ме, ме!..“) Пеԁӧԍ. Коԁі теыс? Ԏікӧн. (Ывлаԍаԋ) Но, ен і тӧԁ. Ме, сваԏԏа, ме. Воԍты! Пеԁӧԍ. (Кокԋіԁҗыка лолыштӧ). Ԏікӧн сват локтӧ... Леԇам огӧ-нӧ? Ԁомна. Мыј морла-нӧ сіјӧ војнас локтӧ? Каԏа. Гашкӧ абу ӧтнас-ԁа? Пеԁӧԍ. (Ӧшіԋӧԁ). Те-нӧ, сват, коԁкӧԁ? Ԏікӧн. (Ывлаԍаԋ) Ӧтнам, ӧтнам. Мыј сещӧма полан, воԍты! Пеԁӧԍ. Воԍта-інӧ. (Мунӧ ӧԇӧслаԋ.) Аԉі оз ков? Каԏа. Те, Ԁомна, мыј шуан? Ԁомна. Ме ногӧн-кӧ колӧ леԇны... Віԇӧԁлам... Пеԁӧԍ. Генріктӧ кытчӧкӧ ԇеб! Ԁомна. Кытчӧ сіјӧс ԇебан? Абу-ӧԁ јем. Пеԁӧԍ. (Ԁӧзмӧмӧн). Со сеԍԍа текӧԁ і ԍорԋіт!.. Меԁ кӧԏ гӧбӧчӧ пырас!.. Мыјкӧ-кӧ лоӧ, ас вылаԁ нораԍ. Ԁомна. Ме-вӧсна ен тӧжԁыԍ! Пеԁӧԍ. (Шеныштӧ кінас). Му пыр мунан тор! Ԋекущӧм кыв теныԁ оз тӧр! Ԏікӧн. (Ывлаԍаԋ) Ԁыр-на, сваԏԏа? Пеԁӧԍ. (Бергалӧ шӧјӧ вошӧм-моз). Воԍта, воԍта!.. О, госпоԃӧ.., (Петалӧ посвоԇас, зев ӧԁјӧ бӧр пырӧ). Тајӧ бур вылӧ оз лок... О, госпоԃӧ... Воԍтыны абу-нӧ?.. Ԁомна. Мун-ԋін, мун!.. Лӧгаԍас-ԁа омӧԉҗык лоӧ. Пеԁӧԍ. (Ԁомналы, скӧрыԍ). Те ме вылын ен ԍмекајтчы! Ме абу теныԁ ічӧԏік нылка. Меным, слабог, квајтымын ԋоԉ арӧс... Віԇӧԃ зонмӧ, петӧма ме вылын ԍмекајтчыны... Ԏікӧн. (Ывлаԍаԋ) Сваԏԏа!.. Но, трустӧ, сваԏԏа. Пеԁӧԍ. Локта-ԋін, локта!.. О, госпоԃӧ... (Петӧ). Ԁомна. (Ԍераліг-пыр Каԏалы). Выжывмыны кутӧма мамыԁ... (Пеԉвоԇас) Тӧԁан мыј? Вај, колӧкӧ, гӧԍԏітӧԁам сіјӧс. Каԏа. Коԁӧс? Ԁомна. Піԉатӧ. Менам ем сещӧм порошкі... Ԍетан-кӧ, регыԁ коксӧ ԋужӧԁас. (Піщӧгас пырӧ). Наԏа. (Полӧ.) Ој, оз ков, оз ков!.. Ен перјы!.. Ԁомна. Ԁа кывзы те! Каԏа. Огӧ, огӧ!.. Кріста раԃі оз ков сіԇі... Ен ԍорԋіт... Оз ков!.. Локтӧны... (Генріклы). Те, Генрік, бокӧҗык вешјышт!.. Ԇебԍы, ӧбӧԃітасны гашкӧ тенӧ... Генрік. Паԋе, ԋе ԁумај. Меԋӧ ԋе ӧбӧԃіт, чужој... Ԁомна. (Генріклы.) Те-ӧԁ он еновт міјанӧс?.. Віԍтав... ме теԁ муса абу? Генрік. Паԋе Ԁомна!.. Ԏікӧн. (Посвоԇын). Кущӧм јона ігнаԍӧмаӧԍ!.. Ԍӧмныԁ, тыԁалӧ, тіјан уна? Пеԁӧԍ. Кытыԍкӧ-ԋін міјанлы ԍӧм!.. Пыр, Ԏікӧн сват, керкаас. Ме кіԉчӧсӧ пӧԁлышта, тӧлыс-тај зев ыргӧ-ԁа. Ԏікӧн (Посвоԇын). Ыргӧ і ем талун... Каԏа. Ԁомна, локтӧны... Ԁомна. (Генріклы). Те, ԋемеч, віԇ аԍтӧ, смотрі!.. (чуԋнас Генріклы грӧԅітӧ, пукԍӧ Каԏа ԁінӧ. Генрік пукԍӧ пызан-ԁорӧ, віԇӧԁӧ ӧԇӧслаԋ. Пырӧ Куԅма Ԏікӧн, гажа). Ԏікӧн. (Віԇӧԁӧ гӧгӧр ). Но-о, тані-тај гӧԍтјас! (Генрік вылӧ вывті јона ԇоргӧ).. Со-тај, і мі-щӧщ веԍкалім татчӧ... (Картузсӧ пӧртчӧ, пернапасаԍӧ). Олаԁ-вылаԁ! (Кост. Ԋекоԁ ԋінӧм оз шу). Пеԁӧԍ. (Пырӧ.) Лок-жӧ, ԁона сватӧј, шојтчы!.. Ԏікӧн. (Ԁыша.) Шојтчӧм вылас і олам... Поԅӧ ԋеуна сулыштны... Абу мі кущӧмкӧ барінјас... (Ԁомналы) Олан-вылан, салԁатка! (Чургӧԁӧ кісӧ). Ԁомна, (Ԉокыԍ-моз.) На зԁоровју!.. Ԏікӧн. Но, вај кітӧ! Ԁомна. Сытӧг лӧԍыԁ! Ԏікӧн. Км... Сіԇ... (Генріклы.) Зԁорово, ԋепріјаԏеԉ! (Генрік полӧ, оз тӧԁ мыј вӧчны. Четчылас, бӧр пукԍас). Ԏікӧн. Те он-жӧ кӧсјы зԁоровајтчыны?.. Сіԇ... Кӧԋешнӧ... Велӧԁчӧм морт!.. Ԁомна. (Ԏікӧнлы.) Кущӧм ԋепріјаԏеԉ-нӧ сіјӧ теԁ лоі? Ԏікӧн. Но, кыԇі-нӧ? Ԃерт-жӧ ԋепріјаԏеԉ. Војујтам мі тајӧјаскӧԁ-ԁа... Коԁі менԍым пԉемјаԋԋікӧс вііс? Гашкӧ тајӧ ԁа?.. Ме-ӧԁ сен ег вӧв, ег аԁԇыв... Сіјӧн ме ј шуа: враг, міԍа, ӧні меным тајӧ... ԋепріјаԏеԉ! Пеԁӧԍ. Чӧв, Ԏікӧн сват! Тані ԋекущӧм враг абу... Ԏікӧн. (Најана). Те, сваԏԏа, лӧгаԍін-ԋін?.. Те-ӧԁ тӧԁан менԍым каракԏерӧс... Аттӧ, зонмӧ!.. Јешщӧ ачыԁ сваԏԏа!.. Мі такӧԁ ԁругјас... Генрікыԁкӧԁ міԍа... (Пукԍӧ Генріккӧԁ ортчӧн, лапкӧԁӧ мышкӧԁыс). Сіԇ-ӧԁ, пан? (Генрік ічӧԏіка вешјыштӧ). Мі текӧԁ, ок, јона гуԉајтлім!.. Збыԉ-ӧԁ?.. Колӧ-кӧ, бара мунам? Кылан, Генрік? А? Мунам, міԍа! Ныр вылаԁ уԍтӧԇ јуктала... Пан? А? Генрік. Спаԍібӧ, спаԍібӧ!.. Ме ԋе пјот воԁка. Ԏікӧн. (Зев ԍуԍа віԇӧԁӧ Генрік вылӧ). Те ԋе пјо-о-от? Км... Мыј-нӧ еԍкӧ, чушкан? Сіԇ... Кӧԋешнӧ... (Пеԁӧԍлы). Но, Пеԁӧԍ сваԏԏа, кущӧма-ԋін олан-вылан? Пеԁӧԍ. Мыјкӧ-тај пыр жӧ лун ԁа вој коԉԉалам... (Аслыс). Чужӧмаԁ еԍкӧ муԏілы ԍӧвԅы!.. Ԏікӧн. Ме те орԁӧ гӧԍԏітны локті, сваԏԏа. Раԁ абу? Пеԁӧԍ. Бур јӧз вылӧ мі пыр раԁӧԍ, сват... (Аслыс). Колантор локтӧма!.. Он-ԋін мын теыԍ!.. Ԏікӧн. Кыԍ еԍкӧ мі бурјасыс-ԁа... кущӧм ем... Мі ԍӧԁ мужікјас... Кылан, сваԏԏа. Ме сіԇсӧ зев бур мортыԁ... Коԁкӧ-кӧ кутас ме вылӧ каԏԏыԍны, — секі віԁчыԍ!.. (Петкӧԁлӧ чабырсӧ). Ен ԃівіт секі!.. (Ічӧԏік кост). Сі-іԇ!.. Вај, сваԏԏа, раԁ-кӧ мем, пукты самӧвартӧ, гӧԍԏітӧԁ щајнаԁ!.. Пукала гортын ԁа ԁумајта, вај-жӧ, міԍа, Пеԁӧԍ сваԏԏа орԁӧ ветла. Віԁліг-моз. Кущӧма-ԋін, міԍа, сіјӧ олӧ-вылӧ... Ачыс оз-жӧ волывлы ме орԁӧ-а... Локта ԁај ԁумајта: „уԅӧ-ԋін-ӧԁ, міԍа, кӧнкӧ“... Віԇӧԁа-кӧ, — біа. Мыј-нӧ, міԍа, тајӧ?..“ Ԁа-ј ӧшіԋјассӧ тупкалӧма... Ԃерт, міԍа, војпукӧны. (Генрік четчӧ. Ԏікӧн Генріклы). Он-ӧ те мунны кӧсјы?.. Погоԃі-на!.. Ԋекытчӧ термаԍны!.. Мі текӧԁ ԍорԋітыштам-на!.. Генрік. (Сувтӧ пызан ԁорӧ). Ме ԋе знају говоріт... Ԏікӧн. Ԋе знајеш-кӧ, мі кужам. Те по-ԋемечкітӧ-ӧԁ кужан? Мі быԁ ногӧн вермам, кывзы (сӧрӧ мыј-ԍурӧ). „Гута-мута, варі-марі, по шеју ԁа гож воԇӧ“... Кывлін?.. Тајӧ тіјан ногӧн?.. Гӧгӧрвоін? Ԁомна. Ԏікӧн-ԃаԃ!.. (Пуӧ) Мыјыԍ Піԉаыԁ тајӧс нӧјтіс, а?.. . (Інԁӧ Каԏа вылӧ), Ԏікӧн. Км... Піԉа?.. Мі ԋінӧм ог тӧԁӧ та-јылыԍ... Асԍыс, Піԉаыслыԍ јуав... Сіјӧ-ӧԁ мужікыс. Ԁомна. Јанԁыԍтӧм бугыԉјас ті!.. Морт јај ԍојыԍјас!.. Ԏікӧн. Км... Те-нӧ мыј сіԇі ералан? Ԁомна. Уԍкӧԁчінныԁ кык пон ӧԏі вылӧ, вермінныԁ... Каԏа (Кевмыԍӧмӧн). Ԁомна, лаԋт! Ен шуаԍ!.. Меԁ... Ԁомна. (Каԏалы). Јешщӧ-на теныԁ меԁ? Тенӧ јірӧмӧн јірӧны, а те ԋінӧм ен і шу?.. Меԁым меԁ бӧрја коԉас віртӧ ԋоԋаласны?.. Ԏікӧн. (Ԁомналы). Те, ԉуба, ен зев јарав... Пыԁӧҗык куԅ кывтӧ асԍыԁ ԍуј... Куртчы піԋ костаԁ, бурҗык лоӧ. Ԁомна. (Најана). Ог-ӧ теыԍ повны кут? Ԏікӧн. Меыԍ мыј полан?!. Ме абу ош... Ме-тај со сӧмын шуа: лаԋт, міԍа, те, бӧжыԁ-кӧ аслаԁ ԋајтчӧма... Ԁомна. (Пуԅӧ, скӧрмӧ). Мыј те кӧсјан вӧчны?.. Мыјӧн ԁумајтан менӧ укӧрајтны?.. Кыԇ кужа сіԇ і ола! Те абу менӧ велӧԁыԍ! Кӧсја-кӧ, таԇі ола, кӧсја-кӧ, етаԇ ола. (Кінас петкӧԁлӧ). Коԁлы меӧԇ мог? Те ачыԁ лаԋт!.. Тенаԁ бӧжыԁ, о-ок, кущӧма ԋајтчӧма!.. Он вермы весавны! Пеԁӧԍ. (Ԏікӧнлы, ԋебыԃіка). Сва-ат!.. Ԏікӧн сват!.. Ԏікӧн. Пыр-на ме сіјӧс жаԉітлі... (віԇӧԁӧ Каԏа вылӧ). Віԇлі асԍым рӧԁнӧј нылӧс-моз... Ԁомна. Ԃерт-ԋін жаԉітлін!.. Жаԉітас кӧјін раміԋік баԉаӧс!.. Пеԁӧԍ. Сват!.. Кывзышт!.. Ԏікӧн. (Оз кывзы, Каԏалы). Коркӧ-нӧ ме тено ӧбӧԃітлі аԉі мыј, а?.. Каԏӧ?.. Ԁомна. (Каԏалы). Ен пов, ен пов. Віԍтав ставсӧ, веԍкыԁа шу! Пеԁӧԍ. Кывзы, Ԏікӧн-сват... Ен ӧбӧԃіт міјанӧс... Спаԍіԏеԉ баԏушкоыԁ ставсӧ аԁԇӧ... Ԏікӧн. (Скӧрыԍ Пеԁӧԍӧс вештӧ). Енлы те сен ԋаргы!.. Мыј менам кок улӧ пыран?.. (Четчӧ, матыԍтчӧ Каԏалаԋ). Кор ме тенӧ ӧбӧԃітлі, Каԏа? Каԏа. (Шогыԍ, кіјассӧ кусԋалӧ, ымзӧ). Ы-ы-ы... Енӧ менԍым ԍӧлӧмӧс јірӧј... Став олӧмӧс менԍым ті помалінныԁ!.. (Уԍкӧԁчӧ јурлӧс вылас, бӧрԁӧ сыркјалӧмӧн). Пеԁӧԍ. Ок те, сватӧ!.. Јен јорас тіјанӧс коԋӧрӧс ӧбӧԃітӧмԍыԁ! (веԍкыԁ воԇ, чуԋнас грӧԅітӧ)... Аԁԇас сіјӧ ыҗыԁ мілӧԍтнас ставсӧ!.. Ԏікӧн. (Повԅіг-моз). Ті-нӧ мыј? Мыј-јылыԍ? Ԁомна. Коԁі сы бӧрыԍ карта сајјасӧԁ вӧтлыԍіс, а? Ен-ӧ те? Сеԍԍа пітӧ уԍӧԁін?.. Жаԉітыԍ ветлӧ!.. Пеԁӧԍ. Он-ӧмӧј, сват, јенԍыс пов?.. Сещӧм грек вылӧ петан... Абу-ӧмӧј теныԁ јанԇім асԍыԁ моԋто тӧрӧпітны. Ԏікӧн. (Скӧрыв), А-а!.. Со кытчӧ ті вӧлӧм кысканныԁ!.. Сіԇ... (Гораа). Сіԇкӧ-нӧ, віԁчыԍӧ-жӧ ті і меыԍ! Ԁомна. Ен зев горзы!.. Ӧԏіӧс помалін, мӧԁӧс кӧсјан! Тырмылас!.. Ԏікӧн. (Скӧра, гораа). Енлы, ме петкӧԁла тіјанлы пом! Лӧж слава ме вылӧ лептыны!.. Ајкаӧс сетчӧ гуԃравны!.. Каща-рака чукӧр!.. Но, сваԏԏа, вӧԉіԍԏі ме тенӧ тӧԁмалі. Гозјӧԁчыԍ! (Бергӧԁчӧ Генріклаԋ, кучкӧ кабырнас пызанӧ). Еталы мыј колӧ татыԍ? А?.. Кущӧм рӧԃԋа тајӧ?.. (Генріклы). Мыј те таԍ корԍан, а? Генрік. (Полӧ). Пан!.. Ԏікӧн. Јӧј улӧ летчыԍін!.. Мыј теԁ татыԍ колӧ? Ԁомна. (Матыԍтчӧ). Ԏікӧн ԃаԃ!.. (Скӧра) Ен лыԍт сіјӧс вӧрԅӧԁны! Ԏікӧн. (Чабралӧ кулаксӧ). Ме сещӧма тајӧс вӧрԅӧԁа, меԁ став јур вемыс лыа-моз кіԍԍас!.. Сещӧма пожнышта... (ырыштчӧ). А-а-а!.. Ԁомна. (Җоҗӧ зымԋітӧ кокнас) Ен лыԍт!.. Кылан!.. (Ԏікӧн шемӧс віԇӧԁӧ Ԁомна вылӧ. Ԁомна сулалӧ повтӧг, ӧзјӧ, јурсӧ лептӧма вывлаԋ. Кылӧ ӧшіԋӧ таркӧԁчӧм. Піԉалӧн шы: "Воԍты!“) Пеԁӧԍ. (Ӧԁјӧ локтӧ ӧшіԋ ԁорӧ). Ој, загрекі!.. Каԏа!.. Ԁомна!.. (Котӧрӧн локтӧ Каԏа ԁінӧ, бӧр мунӧ җоҗ шӧрас). Ԏікӧн. Мыј повԅін... Ԁур поп-моз бергалан?.. (Пукԍӧ лабічӧ). Мі огӧ полӧ... (Віԇӧԁлӧ ӧшіԋӧԁ; четчӧ, наԇӧԋік бӧріԋтчӧ ӧԇӧслаԋ). Міјанлы ԋінӧмыԍ повны... Абу мі кущӧмкӧ гуԍа јӧз... Каԏа. (Лептӧ јурсӧ, ԉоԅ јурԍіа). Бара локтӧны... Бара менӧ нӧјтны!.. (Кӧсјӧ четчыны). Ԁомна. (Кутӧ Каԏаӧс). Пукав, пукав... Ен четчы!.. Ԏікӧн. Міјанлы мыј? (Матыԍтчӧ ӧԇӧс ԁорӧ)... Абу мі кущӧмкӧ тӧԁтӧм јӧз... Піԉа. (Ывлаԍаԋ). Ԇебԍінныԁ?.. (Таркӧԁӧ ӧшіԋ тасјасӧ). Ԁомна. (Ԏікӧнлы). Енлы-на пышјы!.. Сулышт на јещщӧ!.. Ԏікӧн. Мыјыԍ мі пышјам?.. Ԋінӧмыԍ-на мі огӧ полӧ-ԁа... Ачыԁ-тыкӧ ен пышјы-а... Мі мыј... . Пеԁӧԍ. (Јӧј-моз гӧгралӧ). О, госпоԃӧ... Прічістаја маԏі богороԃітса!.. (бӧрԁӧ). Каԏа. Леԇлӧ менӧ!.. Енӧ кутӧј!.. Генрік. (Матыԍтчӧ Каԏа ԁінӧ). Паԋе!.. Раԃі бога, ԋе пугај!.. Ԏікӧн. (Порог ԁорԍаԋ Генріклы) Ԁорјыԍ!.. Гӧлӧс. (Ӧшіԋӧԁ). Пеԁӧԍ ԏӧт, воԍты!.. Старӧста локтӧ... Піԉа. (Ывлаԍаԋ). Ме бара налы регыԁ воԍта!.. Рас! (Кучкӧ ӧшіԋӧ. Кԉаԋіча тор-пырігыс кіԍԍӧ керкаас. Ывлаԍаԋыс ԋещыштӧ ӧшіԋ тупкӧԁсӧ). Гӧлӧс. Мыјла ӧшіԋсӧ жугӧԁін?.. Ӧшіԋыԁ-ӧԁ абу мыжа. Гӧлӧс. Оз ков, Піԉа, сіԇ!.. Колӧ ԉучкіҗык... Піԉа. Воԍтаԁ онӧ ті, а? Каԏа. (Кӧсјӧ четчыштны) Леԇӧ, леԇӧ менӧ! (Генрік Пеԁӧԍкӧԁ Каԏаӧс кутӧны. Ԏікӧн сек-кості петӧ, воԍтӧ кіԉчӧ ӧԇӧссӧ). Генрік, ԇебԍы те... Кріста раԃі!.. Віасны тенӧ... Ој-ја ԁа ој-ја!.. Мыј-нӧ сеԍԍа лоӧ?!. (Уԍкӧԁчӧ кымыԋ, бӧрԁӧ). Генрік. Паԋе, ԋе пугајԍа!.. Ԋе пугајԍа!.. (Пырӧ Піԉа, коԁ. Картузсӧ баԉабӧжас вештӧма. Шыԋеԉыс кіԅавтӧм. Вӧԋтӧм. Кіас зев кыз беԃ. Сы бӧрԍа локтӧны: старӧста Іван Кԉімӧвіч, метаԉа; ԃеԍатскӧј, кык поԋатӧј. Старӧста гажа-жӧ. Ставныс, Піԉа-кынԇі, јурбітӧны јенлы). Піԉа. (Зымӧԁӧ беԃнас җоҗӧ, скӧрыԍ). Ԏӧшща, мыјла те ігнаԍӧмыԁ, а? Коԁыԍ ӧшіԋтӧ тупкалӧмыԁ? Пеԁӧԍ. Мыј-нӧ те лоін? Мыј? Піԉа. (Ерыштчӧ беԃнас). Л-л-лаԋт! Старӧста. (Јурбітӧм бӧрын). Олан-вылан, Пеԁӧԍԍа! Пеԁӧԍ. Лок, шојтчы, Іван Кԉімӧвіч, лок. Ԃеԍатскӧј / Поԋатӧј / (Щӧщ) Оланныԁ-выланныԁ! Пеԁӧԍ. (Старӧсталы) Іван Кԉімӧвіч, ԁорјы міјанӧс, коԋӧрјасӧс!.. Пікӧ-ӧԁ воштыны кутісны!.. (бӧрԁӧ). Піԉа. (Тојыштӧ Пеԁӧԍӧс). Вешјы сетыԍ! (Старӧсталы). Госпоԃін старӧста, јуав тајӧ јомаыслыԍ, кыԇі лыԍтӧ меыԍ ігнаԍны? Сеԍԍа, тајӧ (інԁӧ Генрік вылӧ) мыјԍама морт? Гашкӧ ме-пыԃԃі-ԁа? Генрік. (Повԅӧ) Пан .. Піԉа. (Кокнас зымԋітӧ). Л-л-лаԋт!.. Чужӧм-рожатӧ паԍја!.. (Ерыштчӧ). О-о-ок еԍкӧ!.. Генрік. (Јӧј-моз). Па-ан?! (Ԁомна кӧсјӧ уԍкӧԁчыны Генрік ԁінӧ). Ԃеԍатскӧј. (Лӧԋа) Піԉа, енлы, оз поԅ! Піԉа. (Віԇӧԁлӧ сы вылӧ). Ог вермы ԏерпітны, Міԏіпер ԃаԃ! Ԃеԍатекӧј. Те боԍт ԁа ԏерпітышт, мыј керан? Аслыԁ бур лоӧ. Піԉа. Ог вермы, міԍа, ԏерпітны!.. Старӧста. Енлы, Піԉа... енлы. Колӧ лӧԍыԁа... Пукԍылӧ. Јуаԍам, кыԇ мыј ем... (Пукԍӧны. Піԉа сулалӧ Генріккӧԁ. Старӧԃта јуалӧ Генріклыԍ). Вај-жӧ віԍтав, кыԇ те татчӧ веԍкалін? Мыј могӧн?.. Веԍкыԁа віԍтав, ен пӧрјав; бурҗык лоӧ аслыԁ. Генрік. Пан... Пан... Ја... Ԁомна. (Торкӧ Генрікӧс), Мекӧԁ локтіс... Локта вӧлі татчӧ, аԁԇі ԁа-ј щӧщ нуӧԁі. Сымынԁа і вӧлі! Іван Кԉім. Текӧԁ? Мыјԍама-нӧ тајӧ теныԁ рӧԃԋа? Ԁомна. Тіјанлы сетчӧԇ ічӧт мог... Мужік менам!.. Ԁруг! Піԉа. (Ӧзјӧ веԍкыԁа). Кыланныԁ!? Іван Кԉім. Сулав! Сулав! Піԉа. Јурјаснысӧ колӧ орјӧԁлыны! Җагӧԁны! Ԁомна. Ԉішној јурјас абу-на теныԁ! Піԉа. (Старӧсталы). Кылан? Іван Кԉім. (Ԁӧзмӧма) Ԁугԁылӧј, лаԋтлӧј! 1 поԋатӧј. Веԉмӧмаӧԍ! Ԁомна. Тіјанлы сетчӧԇ ічӧт мог коԁкӧԁ ме ола. Муса мем тајӧ, сіјӧн і ола!.. 2 поԋатӧј. Ԁруг лӧԍӧԁін? Ԁомна. Ԁругӧс ԁа мыі теԁ? Ів. Кԉім. Сіјӧ-нӧ поԅӧ-ӧмӧј? Мужікыԁ-на ловја-ԁа... Ԁомна. Меным-тај поԅӧма! Поԅӧмыс ме сајын. Аслам вӧԉа! Пеԁӧԍ. Іван Кԉімӧвіч... Ів. Кԉім. (Скӧра). Лаԋтлы!.. Тајӧ сіԇ оз поԅ еновтны! Піԉа. Ог ме сеԍԍа вермы ԏерпітны! Скӧрјывԍыԁ, ԁӧзмӧм-јывԍыԁ верма віны коԁӧскӧ! Ас вылӧ наԃеја абу. Колӧ-кӧ кывзӧ, віԁчыԍӧ... Сотчӧ мејам пыщкын ставыс біын-моз! (Морӧссӧ кінас чабралӧ). Лечыԁ пуртӧн-моз кырлӧԁлӧ!.. (Віԇӧԁӧ Генрік вылӧ) Мун татыԍ! Ԁомна. Оз мун! Ен горзы!.. Генрік. Госпоԃін староста, позвоԉԏе мԋе с вамі поговоріԏ. Піԉа. Іван ԃаԃ, ог вермы сеԍԍа!.. Кытчӧкӧ інав менӧ колӧкӧ. Віԇӧԁны ог вермы ме тајӧ мортыс вылӧ! (Генріклы) Мун, бур-кӧ колӧ! Генрік. Ја же зԃеԍ ԋе віноват. Піԉа. Мун, шуӧны! Ԃеԍатскӧј. Мыј-нӧ еԍкӧ, вешјы! Аԁԇан, мортыс ԁӧзмӧма. Поԅӧ еща і вешјыны. (Генрік муныштӧ). Піԉа. Сеԍԍа-но сіјӧс чуԋӧн ен вӧрӧԁ ас верӧсԍыс ӧткажітчӧ-ԁа, а? Те, старӧста, віԍтав ставыс-ԁырјі: ыҗыԁ ме сы-вылын, аԉі абу? Шуан-кӧ „абу“, ме муна, ԍорԋітны ог кут. Меԁ, кыԇі кужӧ, олӧ. Сіјӧ аслыс, ме бара аслым. Но? Ів. Кԉім. Ԃерт еԍкӧ... јӧз костыԍ... вескыԁа-кӧ шуны, бокӧвӧјыԁлы оз тыԁав... пемыԁ... Каԏӧ, кутан он верӧсыԁкӧԁ сӧгласӧн овны? Пеԁӧԍ. Ме ог ԍет асԍым нылӧс вір јуыԍлы! Тырмас! Меԁ менӧ віасны, а ог ԍет! Сылӧн олӧмыс меным аслам јурыԍ ԁонаҗык. (Бӧрԁӧ.) Мыјыԍ сіјӧс нӧјтныс кутіԁ?.. Піԉа. (Горзӧ Пеԁӧԍ вылӧ) Те сіјӧс ен ԁорјы, јома баба! Свӧԁԋіча! Пеԁӧԍ. Куртчалӧма сіјӧс ставсӧ... 1 поԋатӧј. Сулавлӧ!.. Іван ԃаԃ!.. Піԉа!.. Енлӧ! (Четчӧ лабічыԍ) Ме шуа: мыјла тајӧ ԍібӧԁӧ, мыјла ԇебӧ? (інԁӧ Пеԁӧԍԍа вылӧ). Талы оз ков ԍібӧԁны ԁа ԇебны, колӧ вӧтлыны. Каԏеріна ӧні абу сылӧн, ԍетӧма верӧссајӧ. Ыҗыԁ-жӧ ԃівӧ лоӧма — верӧс нӧјтыштӧма. Сы-вылӧ і верӧс. Мамлы оз ков пӧтачітны. Вӧԉа оз поԅ налы ԍетны. Збыԉ ме шуа? 2 поԋатӧј. (Сіԇжӧ). Ԃерт-жӧ! Тајӧ абу ворсӧм. 1 поԋатӧј. Кыԍ-нӧ кывлінныԁ: гӧтыр-пӧ пышјалӧ верӧсыԍ. Овлывлӧ, ԃерт, мукӧԁ-ԁырјі: лун ветлӧԁлас ԁузјалас, сеԍԍа бӧр важ-коԃыс. Мыјыс оз овлы гозја костын?.. Боԍт, Піԉа, боԍт! Мыј віԁчыԍан? Војбыԁ, буракӧ, огӧ кутӧ тані кевмыԍны. Пеԁӧԍ. Ог ԍет ме асԍым нылӧс!.. Ог, міԍа, ԍет! 2 поԋатӧј. Аԁԇанныԁ кущӧм! Те сылы кыв, сіјӧ теԁ ԁасӧс. Ів. Кԉім. (Скӧрыԍ). Ԋінӧмӧс ԍорԋітан, Пеԁӧԍ. "Ог ԍет, ог ԍет!..“ Војԁӧр меԁ сіԇ шуін, ӧні кыԍ-ԋін. Закон, буракӧ, ем. Он законтӧ вуштышт. ԁомна. Коԁ гіжіс тіјанлы законсӧ? Піԉа. (Четчыштӧ местаыԍ) Ме гіжі! Ме! (Кучкалӧ кулакнас морӧсас). ԁомна. Те гіжін, ӧні мі гіжам!.. Піԉа. (ԁомна вылӧ) Те лаԋт! Ԁомна. Ачыԁ лаԋт! Ме јона-ԋін чӧв олі. Каԁ і меным ԍорԋітны! Іван Кԉім. Ԁугԁӧј, ԁугԁӧј! Ԋінӧмӧс сӧранныԁ. Мі могӧн татчӧ локтімӧј. Ԁомна. (Ԋерӧ старӧстаӧс) Закон-пӧ! Сіԍ віԍӧмнаԍ-нӧ гортаныс локны закон-жӧ? А? Закон абу? Коԁ понԁа міјан нырјасным гылалӧ? Оз на понԁа? Налы поԅӧ сіԍтыны аԍнысӧ ԁа міјанӧс щӧщ?.. Најӧ-пӧ мужікјас!.. Мужікјас-кӧ мыјла міјан-вӧсна оз тӧжԁыԍны? Ас ногӧн олӧны! Сіԇ-кӧ меԁ і міјанӧс оз јуавны. Мі абу путорјас. Налӧн-кӧ вӧԉа, меԁ і міјан вӧԉаі Ӧтмынԁа пајным! 1 поԋатӧј. Кужан, кужан! Он ԋебоԍ лаԋтӧԁ тенӧ. 2 поԋатӧј. Јӧзсӧ муԏітӧ. Ԁомна. Ӧг тіјанлы ԍӧлӧмвыланыԁ во? Тіјанлы еԍкӧ меԁ пыр чӧв олӧма: нӧјтоны, — чӧв оз, сіԍтӧны, — чӧв ов. Іван Кԉім. (Лептӧ јурсӧ) Прӧстӧј најанствујтӧм тенаԁ! Оз-жӧ-ԋін тіјан ногӧн ло-а. Ԁомна. Ԁај тіјан-ногӧн буреща ԉоас! Чінныԁ уԍӧма-ԋін! Іван Кԉім. (Матыԍтчӧ Каԏеріна ԁінӧ) Ӧтлааԍан он бӧр верӧсыԁкӧԁ? Каԏеріна. (Пукалӧ крӧваԏ вылын. Кост) Ог ӧтлааԍ... 1 поԋатӧј. Кущӧм-нӧ тајӧ олӧм сеԍԍа лоӧ?! Гӧтыр верӧскӧԁ оз кӧсјы овны! 2 поԋатӧј. Боԍт, Піԉа! Ԋінӧм на вылӧ віԇӧԁны. 1 поԋатӧј. Тајӧс чіжовкаӧ јӧртны колӧ! (інԁӧ Ԁомна вылӧ) &ывті најан! 2 поԋатӧј. Ԁа-ј еталы колӧ шошаас ԍетавны! (інԁӧ Генрік вылӧ). Старӧста, боԍт! Верӧсјас мунӧмаӧԍ, војујтоны, вірнысӧ кіԍтӧны асԍыныс, а тајӧјас со мыј тані вӧчӧны! Рамӧԍ мі вывті, сіјӧн і лыԍтӧны таԇ овны. 1 поԋатӧј. Міјан салԁатјаснаԁ сені гӧрӧны, кыскаԍӧны, а најӧ тані щӧгӧԁчӧны ԁа гуԉајтӧны... Со-тај гоԉаыс, порԍлӧн-коԃ, ӧтпомыԍ (інԁӧ Генрік вылӧ). Іван Кԉім. Сулавлӧ, сулавлӧ! Ԉучкі-лаԁнӧ колӧ јуаԍны. (Каԏеріналы). Он-інӧ кӧсјы ӧтлааԍны? Суԁӧԇ мунан? КаԏерІна. Госпоԃӧ! Ог вермы ӧтлааԍны, ог... Ебӧсӧј-ԋін абу. (Наԇӧԋікӧн) Ԍінмӧн ог вермы віԇӧԁны, сещӧм мустӧм. Піԉа. (Уԍкӧԁчӧ крӧваԏлаԋ). М-м-у-устӧм? А? Ԍіннаԁ он вермы віԇӧԁны?.. Каԏеріна. Мамӧ!.. Піԉа. Те ӧвԍы мамтӧ чуксалӧмыԍ!.. Ме-нӧ зев мустӧм? Ԁомна. (Сувтӧ на костӧ, горӧԁӧ Піԉа вылӧ.) Вешјы сеԍ! Ен лыԍт матыԍтчыны! 1 поԋатӧј. Со колӧкӧ і аԋ! Піԉа, ԍетышт баԉабӧжас! Ԃеԍатскӧј. Сулав, Піԉа! Ԋінӧмыԍ! 1 поԋатӧј. Ԋінӧмыԍ-пӧ! Ем-ԋін мыјјасыԍкӧ! Піԉа. (Ԇоргӧ веԍкыԁа Каԏеріна вылӧ) Абу муса? Пеԁӧԍ. Со, Ԁомнушка! Ок, ок, ок! Бур јӧзӧј! Мыј-нӧ ті віԇӧԁанныԁ? (Ставныс чукӧртчӧны крӧваԏ гӧгӧр). Ԃеԍатскӧј. (Куто Піԉаӧс кіӧԁыс) Ԁугԁы, Піԉа! Ԁугԁы, міԍа! Піԉа. Нолтӧԍ, шу меԁ бӧрјаыԍ: мустӧм аԉі абу? Каԏеріна. (Сулалӧ крӧваԏ вылас, ԉаскыԍӧма ԍтен берԁӧ.) Мамӧ! Пеԁӧԍ. (Бӧрԁӧ.) Генрік, ԍо шајт, те-ԋін кӧԏ ԁорјы коԋӧрӧс! Генрік. (Четчыштӧ местаыԍ.) Госпоԃін старӧста, так-жӧ ԋеԉԅа!.. Госпоԃін старӧста, что вы ԃелајеԏе?! Поԋатӧј. Те... лаԋт!.. Піԉа. Шу, міԍа, меԁ бӧрјаыс: „Мустӧм?..“ Пеԁӧԍ. Чепԉалӧма ԁа куртчалӧма... Ԇоԋ ін, лӧзтӧм ін абу. Госпоԃӧј, госпоԃӧј!.. Піԉа. (Зев ԉокыԍ) Мыј корԍіс, сіјӧ і ԍурі!.. Ен чурјав, ен шӧчав! Пеԁӧԍ. Шӧчав?! Коԁкӧԁ? Піԉа. Мужік војна вылын мучітчӧ, а сіјӧ мыј вӧлӧм керӧ? Сарајјасӧԁ, гіԃԋајасӧԁ шӧчалӧ, каԋјалӧ. Ԁомна. Вај віԍтав мортсӧ коԁі уԁтіс теныԁ! Кык ԍін воча ӧтлаавлы! Іван Кԉім. (Віԇӧԁӧ Піԉа вылӧ) Піԉа, віԍтавны колӧ мортсӧ. Ԍвіԃеԏеԉтӧг оз поԅ ԃелӧ панны. Піԉа. Віԍтала... Баԏӧ аԁԇылӧма. Ԁомна. (Ӧԁјӧ.) Ба-ԏыԁ? А те баԏ-јывԍыԁ ԋінӧм ен кывлы? Јуав гӧтырыԁлыԍ: коԁі сы бӧрԍа вӧтлыԍіс тетӧг? Ез-ӧ ачыс баԏушкоыԁ тенаԁ? Воԍковтны вӧлі оз леԇ, — вӧтлыԍӧ. Ӧні сеԍԍа гӧтырыԁ-жӧ, коԋӧр, мыжміс. Быԁӧн воԇын мыжа лоі. (Піԉа сулалӧ шемӧс. Ів. Кԉім. віԇӧԁӧ улӧ. Поԋатӧјјас мӧԁа-мӧԁ вылӧ віԇӧԁлӧны. Ԁомна воԇӧ шуӧ:) Ез сіјӧ ԍетчы ајкаыслы, сы-вӧсна ӧні мыжа лоі? Піԉа. (Ԁомналы) Сӧран те!.. Ԁӧмна. Те ен сӧр! Вір јуыԍјас!.. Кӧні сіјӧ? Ӧні-на тані вӧлі... (Гӧгӧр віԇӧԁӧ, корԍӧ Ԏікӧн Куԅмаӧс). Каԅаліс, буракӧ... Пышјіс!.. Пеԁӧԍ. Јанԁыԍтӧм ԍін сіјӧ! Јешщӧ баԏ!.. Ԁомна. Гоԉаыс ӧшлӧн-коԃ ем-жӧ!.. (Піԉа сулалӧ крӧваԏ воԇын, јурсӧ кінас топӧԁӧ), Ів. Кԉім. (Сувтӧ.) Лаԋтӧј! Ԋінӧм прӧстӧ ызгыны. (Ԁомналы ԁа Пеԁӧԍлы) Ем тіјан ԍвіԃеԏеԉјас?.. Тӧԁлісны віԍталан торнытӧ? Віԁчыԍӧ, бур-кӧ колӧ! Ԁомна. (Інԁӧ Каԏа вылӧ) Со ԍвіԃеԏеԉыс!.. Ас воԇаныԁ-тај. 1 поԋатӧј. Сылы оз поԅ ескыны... Колӧ бокӧвӧјӧс, јӧз морт меԁ вӧлі. Ԃеԍатскӧј. (Кіјаснас шенаԍӧ) Со мыј выјӧԇ ԍорԋітісны!.. Бокӧвӧјӧс!.. Јӧзӧс тащӧм уҗӧ!.. Ів. Кԉім. Ԁ-ԁа-а! (Баԉабӧжсӧ гыжјалӧ, шуӧ Піԉалы) Но, мыј-нӧ, Піԉа, коԁарӧ бергӧԁчам? Пікӧ-ӧԁ воім. Піԉа. (Ԁовјаліг-пыр пукԍӧ лабічӧ) Ставныс ме вылӧ воӧны!.. Ів. Кԉім. (Каԏалы) Збыԉ тајӧјас віԍталӧны? Вӧтлыԍіс те бӧрԍа ајкаыԁ? Каԏа. (Оз ԋінӧм віԍтав, сулалӧ важ-мозыс, кіјассӧ морӧс берԁас топӧԁӧма). Ів. Кԉім. Гашкӧ сіјӧ ез збыԉыԍ? Шуткаӧн? Віԍтав! Тајӧ ыҗыԁ ԍорԋі... Пӧрјалан-кӧ, ачыԁ мыжа лоан. Каԏа. Пікӧ воі ме накӧԁ... Со баԏыс сылӧн... Уԅны аскӧԁыс мырԁӧн щӧктӧ... гӧтыр-пыԃԃі... Піԉа. (Четчыштӧ лабічыԍ, ӧԏі зԁук сулалӧ крӧваԏ воԇас, кулакјас ԉокыԍ вӧчалӧ, шогысла ԉокыԍ горӧԁӧ) Ла-а-аԋт! Каԏа. Мунны ԁінтіыс ез леԇлы... Піԉа. (Ԁруг воԍковтӧ воԇӧ Каԏалаԋ. Јӧј-моз горзӧ) А-а-а!.. Мунны!.. Ԁомна. (Сувтӧ Каԏаӧс ԁорјыны.) Енлы, коԍаԍныԁ нӧрӧвіт-на! Каԏа. Ог сеԍԍа ме вермы таԇі овны. Шог меным... Ԍӧлӧм потӧ... Віӧ колӧ-кӧ менӧ... Ԍојӧ горшаныԁ ловја вылыԍ!.. (Ставныс лаԋтӧмаӧԍ. Піԉа сулалӧ крӧваԏ воԇын, кулак чабыртӧма. Сеԍԍа наԇӧԋік кіјассӧ леԇӧ, ӧԏі зԁук сулалӧ вӧрԅӧԁчытӧг, јурсӧ леԇӧмӧн. Сеԍԍа лаԋтӧмӧн наԇӧԋікӧн керкаԍыс петӧ. Порог вомӧныс воԍковтігас сувтӧ бок-ногӧн віԇӧԁыԍјаслаԋ, пԉешсӧ зыралӧ кінас, ԋужӧԁӧмӧн, ԁумајтӧмӧн шуӧ:) Ба-а-аԏ!..

Занавес. Којмӧԁ ворсӧм.

Вӧчԍӧ Куԅма Ԏікӧн орԁын. Ыҗыԁ, кујім ӧшіԋа керка. Ӧԏі ԍтенын чуланӧ пыран ӧԇӧс. Пач берԁын ԍој мыԍԍанԁоз ԁа лӧкаԋ. Лӧкаԋ берԁын лӧп, пес-пыԃԃіыс. Ӧԏі ԍтенын ӧшалӧ ӧԏі гіраа часі, важ, міԍтӧм рӧмпӧштан ԁа каԉенԁар. Крӧваԏ вылын ешкын улын кујлӧ Матрена, — віԍӧ. Ԏікӧн пукалӧ пызан ԁорын, јур ӧшӧԁӧма. Јурԍі ԇугԍӧма... Јенув лабічын јур ӧшӧԁӧмӧн нукалӧ Габӧ Пеԁӧр. Керка чышкытӧм, ԁурк: кӧлуј руз-раз шыблалӧма. Пызан вылын тупԉаԍӧны галан кор, ԋаԋ, шапка, ԍој таԍті. Мӧԁ ворсӧмԍаԋ којмӧԁ ворсӧмӧԇ коԉӧма сӧмын кымынкӧ лун. Габӧ Пеԁӧр. (Муртса лептыштӧ јурсӧ) Ме ӧні ԁумајта: став олӧмсӧ сіјо міјанлыԍ путкыԉтас, војнаыԁ; ставсӧ ӧтарӧ-мӧԁарӧ бергӧԁас. Енлы, аԁԇылан. (Віԇӧԁӧ Ԏікӧн вылӧ. Пукалӧны регыԃік шы ԋі тӧв). Вӧлі бабајас вылаԁ горӧԁан, најӧ пырыԍтӧм пыр лаԋтасны повԅӧмысла. Ӧні мӧԁ ԍікас олӧм лоі; најӧ те вылӧ горзӧны ԁа тенӧ чіршӧԁлӧны. Бӧра олӧм!.. (Кост. ) Мекӧԁ со кыкӧн коԉтчісны, ԋемтор оз кывзыны, быԏԏӧ он налы шу. Щӧкта воԁны керкаӧ, воԁасны сарајӧ. Ас вӧԉа-пӧ. Керка тырыԁ-пӧ гут, тӧрӧканјас куртчаԍӧны... Со кущӧмӧԍ. Сен ԍін сајаԁ... Сарајаԁ..: ас вӧԉа. Мыј колӧ, сіјӧ і вӧчӧны. Ԋекоԁ оз мешајт... Ме мыј, менам абу ԁас ԍін, ставсӧ он вермы аԁԇыны. (Кыскӧ табак кӧшӧԉ, пуктӧ ԁінас лабічӧ. Віԇӧԁӧ каԉенԁар выло јур чукыԉтӧмӧн. Јуалӧ) Тајӧ-нӧ тенаԁ абу тӧрытја чіслӧыс? (Ԏікӧн ԋемтор оз шу) Матајчі тајӧ кабалаӧн. Ԋекыԍ оз ԍур. Став шпаԉерӧс-ԋін соті. (Ԋещыштӧ каԉенԁар ԉіст, чукралӧ кі костас, кызӧ). Сетчӧ-жӧ јешщӧ кызӧм ԍіԉітчіс. Вој-вој ог уԅ. (Кызӧ.) Ӧԏі ԁоктор веԍіг абу. Мыјкӧ-кӧ лоас, коԁкӧ-кӧ віԍмас... (кызӧ.) Віԍӧмыԁ (кызӧ) кос пӧгіб! Ԋужӧԁ кӧԏ кокјастӧ сеԍԍа. (Кызӧ.) Сетчӧ-жӧ табакыԁ ԋекытчӧ тујтӧм. Кујӧԁ-коԃ ԇік. Куԅма Ԏікӧн. (Віԇоԁӧ Матрена вылӧ) Те регыԁ четчан? Матрен. Кыԇ-нӧ четчан? Ставыс пыщкӧј сотчӧ... Куԅма Ԏікӧн. Ӧзјіс... Щын петӧ быԁӧн. Габӧ Пеԁӧр. (Ачыс ӧтнас.) Міјанӧн быԏԏӧ ворсӧны. Збыԉыԍ. Ез і јуавны міјанлыԍ ԋемтор. Ез і јуавны: ԍетан он-пӧ, Пеԁӧр, ассыԁ чеԉаԃтӧ міјанлы ворсыштны? Ԃівӧјас!.. (Скӧрмӧ). Ԋінӧм вылӧ еԍкӧ ег ԍет. Кӧԏ міԉԉон ԍетісны, ег еԍкӧ ԍет. Ԍо Крістос ег ԍет. Шуісны кӧԏ еԍкӧ таԇ: „На, боԍт зарԋі чукорсӧ, уна тані (інԁӧ). Тонӧ, гоԉаӧԇ“. Ег еԍкӧ боԍт. Мыј ме сіјӧн вӧча? Мыј ԍӧмнаԁ керан? (Курітчӧ, кызӧ, јурсӧ пыркӧԁӧ). Меԁ начаԉствоыс, чіна-влаԍта јӧзыс аԍныс коԍаԍӧны мӧԁа мӧԁыскӧԁ. Петісны еԍкӧ і ԁавај швачӧԁчыны. Ԁа-ӧԁ со оз сіԇ вӧчны. Міјанкоԃсӧ ыстӧны, аԍныс бокыԍаԋ віԇӧԁӧны. Мыјла мі мунам? Мыј боԍтам? Кущӧм нажӧтка вајам? Кык кокӧн мунам, ӧԏіӧн локтам. Овлӧ, — јуртӧ-на јешщӧ коԁ-ԍурӧлыԍ керыштасны. Куԅма Ԏікӧн. (Оз кывзы Габӧ Пеԁӧрлыԍ, віԇӧԁӧ Матрена вылӧ). Кыті тенаԁ віԍӧ? Матрен. Пыщкӧј ставыс ԁојмӧ. Куԅма Ԏікӧн. Мыјӧн верӧссајӧ муніс, ԋемтор ез понԁы талы тујны! (Лаԋтыштлӧны) Коԁі-нӧ ӧні понԁас іԁраԍны? Ме-ԉі мыј-ԉі? (Шыбытӧ пызан вылыԍ галан корјас). Ме тіјанлы абу іԁраԍыԍ, іԁраԍны ог понԁы! Габӧ Пеԁӧр. (Гораа). Мыј-нӧ, Каԏерінаыԁ ԇікӧԇ пышјіԍ? Куԅма Ԏікӧн. (Матренлы) Смотрі, четчы! Аԁԇӧма кор віԍны. Матрен. Раԁ еԍкӧ четча-ԁа. Ог-жӧ-ӧԁ нарошнӧ кујлы. Куԅма Ԏікӧн. Бесыс тіјанӧс тӧԁас нарошнӧ-абу. Габӧ Пеԁӧр. Каԏаыԁ сеԍԍа оз лок? Куԅма Ԏікӧн. (Пызан вылыԍ боԍтӧ шапкасӧ, мӧԁӧ петны. Петіг-мозыс шуӧ). Кӧԏ меԁ еԍкӧ регыԁҗык пропаԃітін-ԉі мыј-ԉі!.. Сӧмын ојзӧ кујлӧ. Чӧртјас! Габӧ Пеԁӧр. (Вӧрӧԁо јурсӧ.) Кыԇ омӧԉ олӧмыԁ мӧԁӧԁчас, кутны он-ԋін вермы сіјӧс, гӧгыԉ-моз понԁас бергавны. (Віԇӧԁӧ Матрен вылӧ). Каԏаыԁ оз лок? Матрен. Јірісны најӧ сіјӧс... Габӧ Пеԁӧр. Мыј? (Мунӧ Матрен ԁінӧ, пукԍӧ сы ԁінӧ лабічӧ). Мыј те шуін? Матрен. (Ԋӧжјоԋік). Ог вермы... Габӧ Пеԁӧр. (Пукалӧ бокӧн, пеԉ чургӧԁӧма) Те гораҗыка мекӧԁ ԍорԋіт, ог кыв. (Лаԋтыштӧ) Каԏаыԁ муніс аԉі мыј-нӧ? Матрен. (Куԅа) Муніс... (Кінас щӧщ віԍталӧ). Габӧ Пеԁӧр. Ԇікӧԇ? Матрен. (Куԅа) Ԇікӧԇ... Габӧ Пеԁӧр. (Аслыс) Со теԁ і Каԏӧ! Олан вылан!.. Сеԍԍа мӧԁӧс вај... Ӧні сіԇ: ԃумыштін, — пышјін... Туј воԍса... Олӧмыԁ мыј?.. Ԍӧлыштін і ставыс. (Гораа шуӧ Матренлы) Војԁӧр тащӧм ԃівӧыԁ ез вӧвлы.. Чірыштан і ставыс... Кывзывліԍны... Ӧні? Чуԋӧн-кӧ інмӧԁыштан (ԋерӧ): "Баԏӧ, мамӧ, віісны!.." Уԉіч тырнас понԁас горзыны (шпыԋмунӧ, ԉегӧԁӧ јурнас). Госпоԃӧј, кущӧм оланԁыр воіс, а? Чуԋӧн тувкԋітны оз поԅ!.. (Лаԋтыштлӧ). Кԉім ԃеԁӧс-кӧ еԍкӧ гуыԍ кыскывны... Меԁ віԇӧԁлас ӧніја олӧм-вылас. Ок, скӧр і морт вӧвлі... Кыв сы паныԁ он вӧлі лыԍт шуны. Віас!.. Бабајас сы-ԁырјі кок чуԋјылас ветлӧԁлывлісны... Но і олӧм! (шпынгмунӧ). Кущӧма сіјӧ вежлаԍӧ! (лаԋтыштлӧ). Ԁумыштан: важӧн-ӧ ме вӧлі том?.. Зев-на-ӧԁ ԋеважӧн... (Матренлы) Те віԍан-на? Матрен. Зев јона. Регыԁ кула. Боԉԋічаӧ еԍкӧ колӧ мунны-ԁа, оз нуны. Со кущӧмӧԍ... Ловјӧн... гуӧ ԍујӧны... Габӧ Пеԁӧр. (Оз кыв сылыԍ ) Ставныс ԇугԍісны. Ԋекущӧм тӧлк абу. (Кост) Мыј-нӧ кӧԏ і бабајасыԁ? Мыј керан?.. Томӧԍ-на... Кыскӧ најӧс сы вылӧ... Сіԇ, буракӧ, і олӧмыс му вылас лӧԍӧԁӧма. Ме пӧрыԍ-ԋін, ӧԏі кокӧн гу ԁорын сулала, а пыр-на-жӧ ӧтнамӧјлы гажтӧм. Збыԉыԍ... Ок, мӧвпыштан важсӧ-ԁа... (кызӧктӧ). Ӧні і паччӧрыԁ оз шонты. Ок-ко-ко-ко!.. Кајан паччӧр вылӧ шонтыԍны, кујлан сен быԏԏӧ јі вылын (ԍералӧ). Аттӧ. Кыԇі і вӧчӧма морттӧ, а?.. Км... Мыј еԍкӧ ԁумыштан: Морт, а со... (шенԅӧ). Уҗ сувтіс, мыјкӧ быԏԏӧ оз тырмы. (Кост). Боԍтам ԋемечјастӧ... Сен мужікјас коԍаԍӧны, тан бабајас ԋемечјаскӧԁ мусукаԍӧны. Мун ԁај суԃіт најӧс. Мыј еԍкӧ накӧԁ керан? Матрен. Мі-ӧԁ сеԍ абу-жӧ мыжаӧԍ? Габӧ Пеԁӧр Мыј? Матрен. Муԇі... Јурој віԍӧ... (Пырӧ Ԁарја, јурбітӧ јенлы). Ԁарја. Олаԁ вылаԁ! (Матренлы) Баԏӧ-нӧ кӧні? Матрен. Петіс кытчӧкӧ. Ԁарја. Ме кӧсјі сылыԍ корны... Матрен. Ен кор лущӧ... Талун зев скӧр. Ԁарја. Быԁлун скӧр. Мыј і керԍаԁ? Кыԇі олаԁ? Матрен. Іԁраԍны ԋекоԁлы. Ԁарја. Мыј-нӧ збыԉыс керԍіԁ? Мыј лоіԁ? Уԉіч куԅа он лыԍт мунны, тіјан-јылыԍ і ԍорԋі. Матрен. Кыԇ і віԍтавны... мыј міјан костын... лоі. Баԏыԁ... јӧј-коԃ... Піԉа... ԍојӧмӧн ԍојӧ... гӧтырсӧ. Сіјӧ сеԍԍа... пышјіс. Ԁарја. Збыԉыԍ-ӧмӧј пышјіс? Матрен. Збыԉ, Ԁарја. О, госпоԃӧ, олӧм! (Боԍтӧ корӧԍ). Чышкыштны кӧԏ җоҗ шӧрсӧ. Коԁі-нӧ ӧні пачтӧ понԁас ломтыны? Матрен. Кӧԏ коԁі... ме пајыԍ... Ԁарја. (Чышкыԍӧ ) Но зонмӧ Каԏӧ! Аттӧ аԋ! Мыј вӧчыштіс! Матрен. Ԋебоԍ... вӧчыштан накӧԁ... абу-ӧԁ ізјыԍ... Ԁарја. Те-нӧ он-на четчывлы? Матрен. Ог... Кӧԏ еԍкӧ кувны... Ԁарја. (Сувтӧ). Мамӧ, тан кущӧмкӧ страԋԋік ветлӧԁлӧ. Кывлін? Матрен. Кывлі? Кыԍ-нӧ кывла? Кымынӧԁ лун-ԋін кујла ԁа. Ԁарја. Ӧнтај ме ветлі Мішка ԃаԃјасӧ. Сені ԍорԋітӧны: кущӧмкӧ страԋԋік-пӧ зев бура вјԍӧмјасԍыԁ бурԁӧԁалӧ. Јуан тор ԍеталӧ. Ӧкԍіԋ ԏӧткалы кынӧм віԍӧмыԍ чӧлӧј суԉаԏыр јуан-торсӧ ԍетӧма. Матрен. Кущӧмҗык-нӧ сіјӧ... страԋԋікыс? Кытыԍ? Ԁарја. (Мунӧ чуланӧ) Коԁ тӧԁӧ кыԍ... Апон гӧра-јылыԍ-кӧ-пӧ-а... (Сулалӧ чулан ӧԇӧс ԁорын, мӧвпалӧ) Јерусаԉімыԍ-ԉі. Віԍталісны еԍкӧ-ԁа, вуні. (Пыралӧ чуланӧ, бӧр петӧ). Енлы, ԁум вылӧ уԍі: сіјӧ ветлыԍ-муныԍ мортыԁ-пӧ Кіјовыԍ. Сіԇі і ӧнтај шуісны: „Кіјовыԍ-пӧ“... Кылан, мамӧ? Кіјовыԍ. Быԁ віԍӧмыԍ-пӧ вермӧ бурԁӧԁны. (Бӧр пырӧ чуланӧ, сеԍаԋ шуалӧ). Госпоԃӧ, мыјыс абу чулананыԁ. Ставыс рӧзвал. Габӧ Пеԁӧр. (Гораа) Ԁарја! Ԁарја. (Чуланԍаԋ) Мыј? Габӧ Пеԁӧр. (Гораа) Мыј-ԋін Ԍтепаныԁ гіжӧ? Ԁарја. Ԋінӧм оз гіж... Вошіс... (Петӧ чуланыԍ, локтӧ Пеԁӧр ԁінӧ, шуӧ) Пԉенӧ боԍтӧмаӧԍ. Габӧ Пеӧӧр. (Шенԅӧ) Чӧв?.. Збыԉыԍ?.. Но, зонјас, вошім!.. Ԁарја. (Мамыслы) Мамӧ, ме страԋԋіктӧ татчӧ корла. Гашкӧ кущӧмкӧ отсӧг теԁ лоӧ. Матрен. Корлы. Сӧмын еԍкӧ меԁ баԏыԁ ԋемтор-жӧ оз вӧч. Ԁарја. Мыј сіԇ? Оз-жӧ пырыԍ пыр карапуԅітчыны завоԃіт. Габӧ Пеԁӧр. (Аслыс-моз) Аттӧ... Кущӧм мужікыԁ вӧлі... а? (Ԁарја віԇӧԁӧ Пеԁӧр вылӧ) Ԍтепан-јывԍыԁ ме шуа. Кущӧм, міԍа, шаԋ ԁа бур мужікыԁ вӧлі. Уҗавныԁ ош-коԃ, сіԇі і уҗтӧ пурӧ. Збыԉыԍ. Ӧтчыԁ мі арԏеԉӧн ыщкім. Сіјӧ воԇвылас ветлӧԁліс, ставнымӧс жујӧԁіс. Верст сајӧ кылӧ кыԇ сылӧн косаыс жуԋгӧ: „ж-ж-ж ԁа ж-ж-ж“. Со-ӧԁ кущӧм вӧлі Ԍтепаныԁ. Ӧні пԉенӧ боԍтӧмаӧԍ... Быԏԏӧ мӧԁӧс ез вермыны боԍтныс... Конјыштісны і уԍі щак-моз. (Вӧрӧԁӧ јурсӧ.) Ӧні сеԍ оз-ԋін лок... шабаш!.. (Пырӧ Куԅма, ԇор, ԍінтӧм-коԃ, вајӧ веԁра ва). Куԅма. (Пыріг-мозыс ԍорԋітӧ пӧрыԍ гӧлӧсӧн) Ԇік пон-кӧԃӧԍ... Ԇік пон-кӧԃӧԍ... (Веԁрасӧ сувтӧԁӧ локаԋ берԁӧ. Ставныс віԇӧԁӧны сы вылӧ). Ӧні завоԃітіс асԍыс вӧвсӧ швачӧԁны ныр вомас, ԁа ме шуі ӧԏі кыв, — ԍӧлӧм вылас ԋебоԍ ез во, ԋеуна менӧ ачымӧс ез швачӧԁ. Кыԇ-тај ӧвкԋітас кінас ԁа шуас: „Віа, шуӧ, тенӧ, пӧрыԍ чӧртӧс!..“ Ԁарја. Ԃеԁӧ, коԁӧс-нӧ? Куԅма. (Аслыс) Ԇугԍіс ставыс... Ԇугԍіс... Габӧ Пеԁӧр. Куԅма Мӧԍејӧвіч, тенӧ-нӧ бара-ԋін ԁоԃԃалісны? Ва кыскалан? Куԅма. (Сулалӧ лӧкаԋ ԁорын) Муна. Муна... Јен накӧԁ... Лущӧ ӧшіԋ улӧ муна... Меԁ... Матрен. Госпоԃӧј олӧм!.. Кувны еԍкӧ регыԁҗык!.. Куԅма. (Пукԍӧ лабічӧ) Мем оз-ԋін уна ков... Кыԇкӧ ола... (Пырӧ Куԅма Ԏікӧн, кіас чер). Ԏікӧн. (Баԏыслы) Пыр мыјкӧ ԏавзан, пӧрыԍ чӧрт!.. Шыаԍан быԁлаӧ, јуалӧны кӧԏ оз! Куԅма. Сіԇ, сіԇ баԏтӧ, сіԇ. Паԍібӧ, піӧј!.. Верԁі, быԁті... Ԁарја. Баԏ, мыј-нӧ те быԁ лун... Матрен. Ԏікон, кывзы менԍым јӧј бабалыԍ... гашкӧ регыԁ кула-ԁа... кывзы. Ԏікӧн. Чӧртыс тіјанӧс боԍтас!.. Куԅма. (Сувтӧ) Ԏікӧн! (інԁӧ чуԋнас ікона вылӧ) віԇӧԁ, јорас тенӧ јен! Ԏікӧн. Тенӧ јешщӧ сетчӧ јуалісны! Лаԋт! (Ерыштчӧ чернас) Етіјӧн швачкӧпта!.. Ԁарја. (Шыбытчӧ баԏыс ԁінӧ ) Баԏӧ! Пеԁӧр. (Боԍтӧ Ԏікӧнӧс кіӧԁыс) Мыј-нӧ лоін?.. Мыј?.. Ԏікӧн... Ԁугԁы!.. Лаԋт!.. Ԏікӧн. (Горзӧ) Менӧ моԋнас укӧрајтӧ, мыјла-пӧ вӧтлі... Сылы сетчӧԇ кущӧм мог? Завоԃіта-кӧ ставсӧ керкаыԍ вӧтла, ставсӧ пуԍ-паԍ вӧча! Ԋекоԁ ԋемтор оз лыԍт шуны. Ачым кӧԅаін? Матрен. Ԏікӧн!.. Ԏікӧн. (Горзӧ Матрена вылӧ) Те јешщӧ сетчӧ шыаԍ! Кывтӧ еԍкӧ ԋещыштны! Ставнытӧ колӧ керавны чагјӧс-моз! Чӧ-ӧрт-јас! (Чернас керыштӧ кӧԍакаас&) У-ук!.. Ԏпу! (Ԍӧлӧмԍыс ԍӧлыштӧ җоҗас, петӧ. Ӧԇӧс швачкӧптӧ). Матрен. (Бӧрԁӧ). О, госпоԃӧј, госпоԃӧј!.. Ԁарја. (Пукԍӧ мамыс ԁінӧ), Ԁугԁы, мамӧ!.. Мыј керан... (Чышкӧ асԍыс ԍінвасӧ). Куԅма. (Матренлы) Мыј бӧрԁныс? Бӧрԁны ԋемторјыԍ. Кувны колӧ теԁ ԁа мем. Ԋекытчӧ тујтӧмӧԍ-ԋін теа-меа талаԁор југыԁын. Матрен. Нем-чӧж таԇі... Ԋекущӧм гаж ԋі ԁолыԁ ег аԁԇыв.. , Пеԁӧр. (Сувтӧ лабіч берԁӧ) Јевангеԉԉӧаԁ сіԇі і гіжӧма: піыс-пӧ баԏыслы паныԁ понԁас мунны. Сіԇі і лоі, сіԇі і ем. (Ԋекоԁ ԋемтор воча сылы оз шу. Ԋеԁыр сіјӧ сулалӧ, мыјкӧ мӧвпалӧ). Челаԃјас быԁтігӧн мат: мыјсӧ он аԁԇыв налыԍ, мыјсӧ он тӧԁлы на-понԁа, мыјԁа шог шогалан. Быԁмасны, паԍібӧ-пыԃԃі гортԍыԁ тенӧ вӧтласны. Олӧм, олӧм! Ԁарја. (Мамыслы). Кӧн-нӧ Піԉаыԁ? Матрен. Коԁ тӧԁӧ... Којмӧԁ лун-ԋін ез волы, вошіс. Пеԁӧр. Лущӧ муна... грекыԍ војԁӧр... Мыјӧнкӧ јешщӧ скӧрјывԍыԁ швачкӧптас-ԁај, сымԁа і боԍтан. Бӧрвылас шуас: «Тӧԁлытӧг-пӧ артміс“. А теԁ нем-чӧж-кежлӧ ԍурас (Мунӧ ӧԇӧслаԋ). Матрен. Пеԁӧр ԃаԃ, кӧԏ меԁ те міјанкӧԁ пукалыштін. Пеԁӧр. (Оз кыв). Мышкуӧј мыјкӧ віԍӧ (ԋіртӧ коссӧ), јукалӧ. Абу-на зев пӧрыԍ, а ԋекытчӧ-ԋін ог туј. Ԁарја. (Гораа) Ԃаԃӧ! Пеԁӧр. (Порогԁорԍаԋ) Паччӧр вылӧ кајла, шонтыԍа. (Мунӧ). Ԁарја. Мун ԁа такӧԁ ԍорԋіт, пыр асԍыс віԍталӧ. Матрен. Те ԁыр-кежлӧ локтін? Ԁарја. Ԇік пыр муна. Ԁырсӧ овны ог ешты. Страԋԋік-јывԍыԁ пыралі віԍтавны. Куԅма. О-о-ко-ко-ко-ко! Ԁарја. Мамӧ, страԋԋіксӧ корлам. Матрен. Корлы. Ԁарја. Гашкӧ отсалас. (Куԅмалы) Ԃеԁӧ, јӧлыԁ шоммӧма. Іԁрав. Куԅма. Ставыс шоммӧма... Ставныс шуԅӧны... јӧлыԁ мыјна сіјӧ? Овныс-тај ԋекущӧм ԍам ез кут лоны. Ԁарја, ԍӧлӧмӧј менам віԍӧ... потны кӧсјӧ!.. Аԁԇылін? Ԁарја (Матренлы). Те ԋемтор-ԋін ен шу. Бара скӧрмас. Матрен. Ме ԋӧтчыԁ ог шыаԍлы... Нем ԏерпіті. Куԅма. Горзыны колӧ, а ԋе лаԋтӧмӧн овны. Лаԋтӧмнаԁ бур оз ло. Ԁарја. Но, ме муна (Порогԁорӧ сувтӧ). Коԉтајас му вылын коԉісны, кӧԏ меԁ оз зермы. Ԏеԉега гӧгыԉӧј-ӧԁ жугалі... Кагаӧј віԍміс. Туша куԅаыс кіԍтӧма; гӧрԁ, кумач-коԃ кујлӧ. Зев біа. Буракӧ, піԍкі. Матрен. Мун-но, мун. (Ԁарја мунӧ. Куԅма јур ӧшӧԁӧма пукалӧ лабічын. Шы ԋі тӧв. Ывлавылын коԁкӧ ԍылӧ: „Асја шу каԁӧ ма-а-туш-ка менӧ рӧ-ԃі-тін...“) Пеԁӧр. (Јіркӧԁӧ ывлаԍаԋ ӧшіԋӧ). Куԅма, кылан? Віԇӧԁлы ӧшіԋӧԁыԁ: кущӧмкӧ ԁојмӧм салԁатӧс вајӧны. Куԅма. (Аслыс) Кыла. Важӧн ставсӧ кыла... Буракӧ, оз-ԋін... Ештіс ставыс.. он вур... он ӧтувт (лаԋтыштлӧ). Тырмас... (лаԋтыштлӧ). Кымын во ӧтлаын олім... Матрен. Ајка... пачтӧ кӧԏ еԍкӧ меԁ ломтін. Куԅма. Черӧн уԍкӧԁчіс, а? Ме, јӧјук, тӧжԁыԍі... чукӧрті налы. Паԍібӧ-пыԃԃі черӧн... (лаԋтыштлӧ). Ставыс пуԍ-паԍ муні... Матрен. Ајка! Куԅма. (Скӧра-коԃ) Кыла-ӧԁ. Абу пеԉтӧм. Матрен. Пачтӧ ломтышт! Куԅма. (Ԋебыԁа) Ломта. Пеԉтӧмӧн менӧ чајтан? (Четчӧ). Пыр ломта. (Віԇӧԁӧ Матрен вылӧ) Боԉԋічааԁ-нӧ тенӧ оз нуны? Матрен. Ԋекор налы ме-јыԉыԍ тӧжԁыԍныс... Куԅма. (Чӧв олыштас, сеԍԍа норіԋіка, бӧрԁӧмӧн-моз, шуас) Ок, Матрен, Матрен!.. Кулан те татчӧ, кулан... Ԍӧлӧмӧј менам віԍталӧ сы-јылыԍ. Он бурԁ... (Гораа). Текоԃыс сылы оз ков, аԁԇа-ӧԁ ме. Те віԍан, а сіјӧ ԇоԋвіԇа. Быԃтор ме аԁԇа, гӧгӧрвоа. (Мунӧ чуланӧ) Тенԍыԁ кулӧмтӧ сіјӧ вітчыԍӧ. (Петӧ чуланыԍ). Јӧз бабајас бӧрԍа вӧтлыԍӧ... Том морт коммӧма. Аԁԇа, ставсӧ тӧԁа (боԍтӧ лӧкаԋ берԁыԍ пес, нуӧ чуланӧ), сӧмын ԋемтор ԋекоԁлы ог шу... Матрен. Меԁ кыԇ колӧ олас. Міјанлы, бабајаслы, сіԇ-ԋін јенԍаԋ шуӧма... Куԅма. (Чуланԍаԋ) Те кывлін-ԋін? Матрен. Мыј? Куԅма. Сіјӧ і ем. (Кост. Сулалӧ чулан порог вылын) Каԏӧ-јывԍыԁ кывлін? Матрен. Кывлі. Куԅма. Ез-жӧ-ӧԁ ӧԏі восков леԇлы тувчыны. Піԉасӧ ачыс-жӧ уԍӧԁіс... Быԁтор ме аԁԇа, сӧмын ԋемтор ԋекоԁлы ог шу. Шуныс оз поԅ: ас морт-ӧԁ. Пеж!.. (Кост) Мыј вӧчыштіс!.. (Ԍујалӧ пачӧ пес) Јӧј Піԉаыс сетчӧ-жӧ... Кӧн бара ӧні сіјӧ-а?.. Шогтӧ он-на ԁруг вуштышт... Он-на ӧԁјӧн вунӧԁ. (Пырӧ страԋԋік). Страԋԋік (Порогԁорын). Господи Ісусе Христос, сыне божий, помилуй нас! Матрен. Аміԋ! (Куԅма віԇӧԁӧ чуланԍаԋ). Страԋԋік. (јурбітӧ, сеԍԍа) Мир дому сему!.. Господи, помилуй! Матрен. Лок, лок, ԃеԁӧ... Пукԍы, шојтчы... Четчыныс со ог-ԋін вермы. Страԋԋік. (Сувтӧԁӧ беԃсӧ пеԉӧсӧ). Болеешь? Матрен. Боԉнӧј, баԏушко... Пыщкӧсӧј віԍӧ. (Морӧссӧ зыралӧ). Страԋԋік. Простудилась? (Локтӧ Матрен ԁінӧ, віԇӧԁӧ сы вылӧ). Матрен. Ог тӧԁ мыј. Гашкӧ і прӧстуԁа-ԁа... Морӧс паԋ-улӧј ԁојмӧ... Коԁкӧ быԏԏӧ ԋещкӧ... Куԅма. (Чуланԍаԋ) Ԋемтор он гӧгӧрво. Быԁлаті ӧні ԋещкӧны. Страԋԋік. (Матренлы.) Говори правду. Не бойся, не стыдись. От людей скроешь, от бога не скроешь: он все видит... Не ушиблась ли, матушка? Матрен. Ог тӧԁ мыј лоі мекӧԁ... Страԋԋік. Ну ка, закрой глаза. Вот так (петкӧԁлӧ. Матрен куԋӧ.) Страшно? Матрен. Страшнӧ, баԏушко. Страԋԋік. По ночам кажется что-нибудь? Матрен. Кажітчывлӧ. Страԋԋік. Открой теперь. (Пукԍӧ лабічӧ.) Сердце у тебя болит, сердце... Не годится оно. Матрен. Ԃерт-ԋін ԋекытчӧ оз згӧԃітчы... (Куԅма чуланԍаԋ јур мытчӧмӧн кывзӧ налыԍ ԍорԋісӧ), Страԋԋік. (Матренлы.) Кровь плохо работает. Матрен. Плоко, ԃерт. Боԉԋічаӧ еԍкӧ вӧзјыԍа-ԁа, оз нуны. Страԋԋік. В больницу уже поздно. Не вылечат там. Глубоко болезнь твоя зашла... О, господи помилуй! Куԇма. (Пето чуланыԍ. Страԋԋіклы.) Те верман бурԁӧԁны? Страԋԋік. Кто верует во имя бога, помогаю страждущим. Куԅма. Мі верујтам, јона страԁајтам. Отсав міјанлы. (Кост.) Піӧј менам... Гашкӧ кывлін-ԁа?.. Уԍлаԍны міјан выло понԁіс. Менӧ гортыԍ вӧтлӧ, тајӧс гуӧ ԍујӧ. Кылан, бур мортӧј... Матрен. Ԃеԁӧ, верман-кӧ... раԃі Кріста... бурԁӧԁ менӧ! Куԅма. Меԁ-пӧ ԁукныԁ ез вӧв тані!.. Кытчӧ гажныԁ-пӧ мунӧј!.. Со кыԇі сіјӧ міјанӧс віԇӧ. Матрен. Мунӧм бӧрын меԁ воԇԇа војасас јона менӧ Ԏікӧныԁ нӧјтлывліс... мустӧмтіс... Ӧні еԍкӧ оз-ԁа... Куԅма. Ԋевеска, віԍтав талы ставсӧ мыј вӧвлывлі... Ен јанԁыԍ... Ԋеважӧн-на-тај-нӧ нӧјтіс. Аԁԇылі-ӧԁ ме... Ставсӧ віԍтав, ставсӧ. Гашкӧ кокԋӧԁас теныԁ... Ог тӧԁ гӧгӧрвоас оз-а, роч-тај, тыԁалӧ, ачыс. Ԃеԁӧ, комінас те поԋімајтан он? Страԋԋік. Плохо, плохо... Мало малость только... Матрен. Нывԁырјі менам омӧԉа овԍыԍіс, баԏушко... Ӧԏі том морт ылӧԁіс... Сы-вӧсна со сеԍԍа нем-чӧж бӧрԁі (бӧрԁӧ)... Јен јоріс... Чајті: олыштам ԁа справітчас... Мывкыԁԍалас, міԍа, ԁа оз кут нӧјтны. Ӧні... пӧԁруга кутіс віԇны... ԋевескаӧс... Страԋԋік. Невестку? Матрен. Ԁа... моԋным... салԁатка. Вӧтлыԍны понԁіс... сы бӧрԍа... Овны щӧктӧ аскӧԁыс... Со-ӧԁ кущӧм менам олӧмӧј!.. Страԋԋік. О, господи, помилуй нас! Матрен. Грекыс, грекыс мыјԁа... Госпоԃӧј! Куԅма. Ас морт выло каԏԏыԍӧ Ԏікӧныԁ.. Ме вылӧ черӧн уԍкӧԁчыліс бур кыв шуӧмыԍ. „Віја-пӧ, шуӧ, пӧрыԍ чӧртӧс. Ен-пӧ колӧкӧ шыаԍ-а." Ԇік мат, кыԇі і овны? Ԋекущӧм лаԁ абу олӧмлы, путкыԉтчыны понԁіс ставыс. (Ӧвкԋітӧ кінас, пето керкаыԍ)... Страԋԋік. (Матренԉы). Тебе я дам питье. Матрен. Вај, вај! Кріста раԃі вај!.. Нем ог вунӧԁ. Страԋԋік. (Пӧртчӧ мышку вывԍыс кучік ноп.) У меня есть зелье, только дорогое. Матрен. Ԁорогој ԃерт. Меԁ, мыјнӧ керан... Колӧ-ԁа. Боԍт ԁонсӧ мыј сулалӧ, сӧмын бурԁӧԁ менӧ. Страԋԋік. (Корԍыԍӧ нопјыԍ.) Частичка от кипарисного гроба господня, святая вода Иорданская, где крестился спаситель наш Сус Христос да дух божий в виде голубине с небеси спустился на него. Матрен. (Ԁолыԁа пернапасаԍӧ ) Слава ԏебе госпоԃӧј! Страԋԋік. (Кыскӧ стружкі). На, прими! Это дерево от гроба господня (ԍетӧ путор), это Иорданская вода (суԉаын ва). С верою в бога принимай... Вседержитель господь все устроит; видимое и невидимое. Куԅма. (Пырӧ!) Піԉаыԁ локтӧ. Страԋԋік. (Повԅіс-коԃ). А-а, Филипп?! Матрен. Піӧј менам... Ен пов, ԃеԁӧ, оз-ӧԁ тенӧ ԋемтор Страԋԋік. (Термаԍӧмӧн кіԅалӧ нопсӧ). О, господи помилуй!.. (Аслыс.) Не дай бог, опять поколотит меня... Куԅма. (Страԋԋіклы.) Те, зонмӧ, бур морт, мун лущщӧ! Коԁ тӧԁас, быԁтор вермас лоны. Мун, мун! (петкӧԁлӧ кінас ӧԇӧслаԋ). Матрен. Чӧв, ајка, коԁ-нӧ тајӧс вӧрӧшітас? Куԅма. Мем мыј. Пукав колӧкӧ, Ме-тај со воԇвыв віԍталі-а. Мыјкӧ-кӧ лоас, енӧ нораԍӧј. (Пырӧ чуланӧ). Матрен. Ен пов, ԃеԁӧ.. Гашкӧ те сылы щӧщ отсалан? Јӧјмыны понԁӧма... Пырӧ Піԉа. Пінҗакыс кіԅавтӧм. Баԉабӧжјылас салԁатскеј картуз. Ԁӧрӧм воԇыс коԍаԍԍӧма, ԋајт. Веԍкыԁ рожа баныс ранаа, гӧгӧрыс коԍмӧма вір. Коԁ, шатлалӧ. Мунӧ пызан ԁінӧ, пукԍӧ лабічӧ, сеԍԍа пызан вылас воԁӧ. Страԋԋікӧс оз каԅав. Страԋԋік ӧԏі местаын крӧваԏ ԁінын жӧԇӧ, вітчыԍӧ ԍӧм. Гуԍӧԋікӧн Матренлы шуӧ: „Дай десять рублей!", сеԍԍа: „господи, помилуй!" Матрен. (Корԍӧ ԍӧм піщӧгыԍ). Піԉа. (Јур лептӧ, віԇӧԁӧ страԋԋік вылӧј. Те коԁі? а? Страԋԋік. Странник я, убогий... Милостинку собираю. Піԉа. Но, но. (Віԇӧԁӧ.) А-а!.. Те бара-ԋіԋ менам ԍінвоԇын? Марш татыԍ! (Страԋԋік вӧрӧ, ӧԏі местнын.) Весаԍ ӧԁјӧнҗык скӧрмытӧԇ војԁӧр! Пызја! Матрен. Піԉук, мыј лоін? Піԉа. Пӧԁтӧ менӧ! (јур пуктӧ пызан выло...) Ԉамӧԁісны! (Страԋԋік ԍуԍа боԍтӧ Матрен кіыԍ ԍӧм, петӧ керкаыԍ. Куԅма чулан порог ԁорын јурнас ԁовкјӧԁлӧ). Боԍтісны ԁа нырыштісны тӧрӧканӧс-моз... А ме абу-ӧмӧј морт? а? Лолыс-ӧԁ мејам ем-жӧ! (Јур лептӧ, кучкӧ аслыс морӧсас.) Тан ԋемтор абу аԉі мыј? Куԅма. Ок, Піԉа, Піԉа! (пырӧ чуланӧ). Піԉа. (Кулакнас швачкӧптӧ пызанӧ.) Сволочјас! Куԅма. (петӧ чуланыԍ.) Мыј пызанас камӧԁан? Пызаныԁ-ӧԁ абу мыжа. Піԉа. (Нора.) Мыјла-нӧ, ԃеԁӧ, најӧ менӧ ԍералӧны, ӧбӧԃітӧны, а? Лущщӧ еԍкӧ меԁ менӧ віісны пырыԍ пыр воӧм-мыԍԏі. Ԋемтор еԍкӧ ег кывлы ме, ԋемтор ег тӧԁлы... Матрен. Піԉа, ԁона пі, тӧкӧԁ асԍыԁ ԍӧлӧмтӧ! Піԉа. (Ԍӧлӧмԍыс.) Кыԇ-нӧ, мамӧ, тӧкӧԁан, кыԇ?.. Ӧні ме абу морт-коԃ! Кытчо мем мунны, кытчӧ воштыԍны? (Кост...) Ԃеԁо... (Скӧрмӧ.) О-о-ок, сволочјас!.. (Боԍтӧ пызан пӧнсӧ пеԉӧсӧԁыс, кыскӧ ас вылас, кӧсјӧ пӧрӧԁны.) Мыј најӧ мекӧԁ вӧчісны?!. (Ыҗыԁ кост .) Кӧн-нӧ баԏӧыс? Куԅма. Коԍаԍігаԁ кокԋіԁҗык аԉі мыј теԁ? Піԉа. Ԁа, ԃеԁӧ, кокԋіԁҗык! Җагӧԁны коԁӧскӧ гаж петӧ! Ԉібӧ став олӧмсӧ шыбытны, к чорту! (Сосјассӧ пуҗӧ, кіыс кабырын.) Сіԇ еԍкӧ і куртчі коԁӧскӧ, орӧԁі шӧрі!.. вір-ԍер меԁ муніс! Ӧткоԃ!.. Кыԇ мекӧԁ најӧ вӧчӧны, ме накӧԁ сіԇ-жӧ. Ӧԏі пом!.. Куԅма. Војԁӧр мыжа мортсӧ корԍ, вӧԉјԍ і скӧрав. Піԉа. Корԍі-ԋін... Аԁԇі... Ԍурі... Матрен. Тӧкӧԁчышт, Піԉа тӧкӧԁчышт. Воԁыштлы. Уԅышт ӧԏі зԁук. Кымын вој-ԋін-ӧԁ ен уԅлы, пыр мыјкӧ ветлӧԁлан. Чужӧм-рожаыԁ ԁа ԍінјасыԁ уԅтӧмыԁла быԁӧн пыктӧмаӧԍ. Піԉа. (Ԋеԁыр-мыԍԏі.) Но лаԁнӧ, мамӧ, воԁыштла. Воԁыштла... Сӧмын... (бара кучкӧ кулакнас пызанӧ.) Лаԁнӧ... Тӧкӧԁча... Уп, кущӧма муԇԍома, быԏԏӧ җуҗыԁ гора јылӧ ыҗыԁ ноп кыскі. (Мунӧ ӧԇӧслаԋ). Матрен. Кытчӧ-нӧ те, Піԉа? Піԉа. Муна паԉӧԁчышта. Ен бӧрԁ, мамӧ! Ставсӧ ме аԁԇа, быԁтор тӧԁа. Жаԉ мем те!.. Пыр бӧрԁан. Мејам ічӧтԁырјі те бӧрԁлін, салԁатӧ мунігӧн бӧрԁлін. Ӧні, ыҗыԁ-ԋін ме, те бара бӧрԁан. Кор помаԍас бӧрԁӧмыс ԁа шогԍӧмыс тенаԁ? (Кост.) Јона-на теа-меа понԁам бӧрԁны!.. (ԍін тупкӧ, пукԍӧ крӧваԏ ԁорӧ.) Ічӧт кагаӧ еԍкӧ пӧртчыны, воԁны теԁ піԇӧс вылаԁ шонтыԍыштны... Кынма ме.... Кӧԇыԁ мем... Мамӧ!.. Ок кущӧм мем ԍӧкыԁ овны!.. Војна вылын, гујасын пукавны вӧлі кӧԇыԁ; гортӧ, локті, - сыыԍ кӧԇыԁ. Кыԇ мем овны? Мыј керны?.. Кыԇ шогӧс асԍым паԉӧԁны? Куԅма. (Пето чуланыԍ.) Те, Піԉа, мун воԁ, ԁа кујліг-мозыԁ і мӧвпав кыԇ овны воԇӧ вылӧ. Піԉа. Јона-ԋін ме мӧвпалі, ԃеԁӧ. (Кінас овтӧ.) Овны мем ԋекыԇ оз поԅ: коԁкӧ ме выло ԍӧлалӧ. Чышкышта, — сіјӧ бара, ԍӧлыштас. Пежалісны менӧ! (Кӧсјӧ мунны.) Кӧн-нӧ баԏӧыс? Куԅма. Коԁ сіјӧс тӧԁас. Вывті бурӧ пукԍӧ, ԍорԋітныс веԍіг ԁышӧԁчӧ міјанкӧԁ. Піԉа. Ԃеԁӧ, те менԍым меԁбӧрја вемсӧ ԋоԋалан! Куԅма. Ӧнтај ме выло черӧн уԍкӧԁчіс... „Вја-пӧ, шуӧ, тенӧ, пӧрыԍ чӧртӧс!" Мамтӧ со боԉԋічаӧ колӧ нуны; ԁа оз ну... Баԏ!.. Піԉа. (Віԇӧԁӧ мамыс вылӧ.) Мамӧ! (сеԍԍа повоԁнӧј ԁыр ԋемтор оз шу...) Ме ог вермы ачымӧс кутны!.. Пуӧ быԁӧн пыщкын!.. Ме вылӧ те ен лӧгаԍ... Олӧм торкԍӧм бӧраԁ ачым ог тӧԁ мыј вӧча, шӧјта јӧј-моз. (Мунӧ). Куԅма. (Мунӧ чуланӧ.) Ӧні сеԍԍа мӧԁӧԁчас!.. Мыј-выјӧԇ олім. Матрен. (Бӧрԁӧ.) Госпоԃӧј, госпоԃӧј!.. Ыҗыԁ грешԋічаӧј ԁа меӧј... Нем-чӧж ԁолыԁлун ег аԁԇыв... Јӧзлы кувтӧԇыс гажа, міча шонԁі југјалӧ зарԋіа југӧрнас... Ме пыр пемыԁ кымӧрын-моз олі. Сіԇі і кувны лоӧ, ԁолыԁлунсӧ аԁԇывтӧг. Пыр ԏерпіті... ԋекоԁлы ԋемтор ег шулы, ег нораԍлы. Став ԍӧкыԁ олӧмӧј менам, чӧва шог пыкӧмӧј веԍ воші... (Чуланын мыјкӧ уԍӧ). Куԅма. (Петӧ чуланыԍ). Ԋевеска, шыԁ гырԋічыԁ менам жугалі. (Матрен ԋемтор оз шу.) Пескыԁ оз ломтыԍ. Мыј і керны? Шыбыта став уҗсӧ, сіԇ понԁа пукавны. (Пукԍӧ лабічӧ.) Бабаӧн менӧ чајтӧны: гырԋічјас, кашԋікјас ԁінӧ сувтӧԁісны... Пуԍыны ԁа пӧжаԍны... Нем олі, пач гӧгӧрын ег уҗавлы... (Кост). Пета керкаыԍ ӧшіԋулӧ овны. Ем-кӧ ԍӧлӧмныс, вајасны ԍојантӧ, верԁасны менӧ. Мем уна оз ков. Ӧԏі кіпыԁӧс паԍта ԋаԋтор-кӧ лун кежлӧ ԍетасны, ԍіјӧ зев шаԋ, ола. (Кост.) Ԁарја орԁӧ ԉібӧ муна. Воԁа паччӧр вылас ԁај шуа: „Јенмыԍ-кӧ полан, верԁ менӧ; он-кӧ, — вӧтлы.“ Еновта таԍ ставсӧ, меԁ меԁбӧрја коԉасыс пузувтчас. Піԉа. (Муԇӧма-коԃ пырӧ керкаӧ, пукԍӧ пызан сајӧ, ӧтнас ԍорԋітӧ). Ог вермы!.. Ԍӧлӧмӧј пуӧ!.. (Піԋсӧ јірӧ.) Пурттӧг сущкалісны менӧ! Кытчӧ ог інмӧԁчы, сеті і віԍӧ... Ԍӧлӧмӧј веԍкыԁа потны кӧсјӧ. Ԋекытчӧ ог інаԍ, ԋекущӧм уҗ кіӧ оз пыр. (Јурас кутчіԍӧ.) Госпоԃӧј!.. (Јӧј-моз віԇӧԁлас ікона вылӧ, сеԍԍа ԉокыԍ-моз шпыԋмунас.) Он, он... мун сеԍ!.. Он вермы те мем отсавны... Мун лущщӧ!.. (ӧвтчӧ кіјасӧн.) Ті ԍералаԁ ме вылын!.. Матрен! Піԉа, ԁона пі! Паԉӧԁчы! Мыј-нӧ лоін? Куԅма. Піԉа! Піԉа. Ԋекоԁ мем оз ков! Мунӧ сеԍ ставныԁ! Матрен. Піԉук, коԋӧрӧј! Піԉа. (Сувто крӧваԏ берԁӧ.) Мамӧ, ԍӧкыԁ мем овны!.. Те кӧԏ жаԉітышт менӧ! (Пукԍӧ крӧваԏ вылас, ԋіртӧ јурсӧ мам морӧсас). Ок, кущӧм мем ԍӧкыԁ!.. (Шы ԋі тӧв. Мам малалӧ Піԉалыԍ јурсӧ). Мыјла менӧ ез віны?.. Ӧнтај муна туј куԅа, јӧзыс зев уна. Быԁӧн інԁӧны ме вылӧ чуԋјаснас ԁа ԍералӧны: „Талыԍ-пӧ баԏыс гӧтырсӧ мырԃԃӧма!" Матрен. Ен, ԃіԏа, ԍы-јылыԍ ԍорԋіт... вунӧԁ. Піԉа. Тупкы менԍым вомӧс... мамӧ!.. Ог вермы ԏерпітны!.. (Піԋјассӧ чорыԁа куртчӧма, лӧвтӧ.) О-о-о!.. (Четчӧ.) Муна... Бӧрԁ ӧтнаԁ, мамӧ... Те кужан... (Ԍералӧ.) Кыкнанным-пыԃԃі бӧрԁ: ас-пыԃԃіыԁ ԁај ме-пыԃԃі щӧщ. (Мунӧ). Матрен. (Пернапасаԍӧ.) Госпоԃӧј јенмӧј, віԇ міјанӧс быԁ грекыԍ!.. Кущӧмкӧ ыҗыԁ шог лоӧ тыԁалӧ міјан. Војбыԁ ԍӧлӧмӧј ԁојмӧ, ԋукыртӧԁӧ ачымӧс... Ајка, петав ывлаӧ. Абу-ӧ сіјӧ сен? (Пырӧ Ԏікӧн Сы бӧрԍа ураԃԋік; шашкаа, јеҗыԁ чуԋа кепыԍа). Ԏікӧн. Татчӧ лок, татчӧ (пӧԉыштӧ буссӧ лабічыԍ), пукԍы со етатчӧ! Ураԃԋік. (Куԅмалы ԁолыԁ пырыԍ.) Олан вылан, ԃеԁӧ! (Локтӧ рӧмпӧштан ԁінӧ, лӧԍӧԁлӧ усјассӧ.) Кущӧма-ԋін овлан? Гӧтраԍны он-на кӧсјы, а? (Куԅма ԋемтор оз шу). Он-на-тај, тыԁалӧ, ԋемтор-тај он шу-а. (Пукԍӧ пызан ԁорӧ, пӧртчӧ кепыԍсӧ, Ԏікӧнлы.) Мун ветлы ԃеԍатскејла, терыбҗыка! Ӧԏі кокыԁ меԁ тані вӧлі, мӧԁыс сені. (Ԏікӧн мунӧ. Ураԃԋік курітчӧ.) Н-ԁа! (Куԅмалы.) Гӧтыртӧг кӧсјан нем помтӧ коԉԉыны? (Ветлӧԁлӧ җоҗ куԅа.) Сіԇ... Сіԇі і гіжам. Аслаԁ гаж, (Ԍылӧ.) Ах зачем эта ночь так была хороша? Тра-та-та тра-та-та. (Матренлы.) Віԍан? Матрен. Віԍа... Ураԃԋік. (Ԍылӧ.) Не видала она-а... Тра-та-та тра-та-та. (Матренлы). Кыт-нӧ віԍӧ? Матрен. Пыщкӧј, тыԁалӧ, сіԍмӧ. Ураԃԋік. (Сувтӧ ) Сіԍмӧ?! Збыԉыԍ? Кущӧм сещӧм віԍӧм-нӧ тенаԁ? Матрен. Сетчӧ щӧщ грекыԁ таԉаліс... Каԏасӧ. Ураԃԋік. (Ветлӧԁлӧ.) Но-ӧ... Регыԁ аԁԇам ставсӧ, кыԇі мыј, ӧԏі-пыԃԃі кыкӧс вајам. (Ԍылӧ.) Звуки вальса неслись... Тра-та-та тра-та-та... Корԍам ставсӧ! Міјан кіпоԁ улӧ-кӧ ԍурас мыјкӧ, — он четчав, (Ԍылӧ.) Тра-ԉа-ԉа-ԉа-ԉа-ԉа... Аԁԇам... (туј куԅа кылӧ мунӧ кӧлӧкӧԉчіка вола. Ураԃԋік воԍтӧ ӧшіԋсӧ, горзӧ). Ԍемӧн Ԋікіԏіч! (2-ыԍ). Еј ті, чӧртјас! Іван Ԋіколајевіч! (кінас ӧвтӧ). Татчӧ пыралӧј! Бергӧԁчылӧј! Татчӧ, міԍа, пыралӧј! Но-о! Іван Ԋіколајевіч! Ԍемӧн Ԋікіԏіч! ӧԏі зԁук-кежлӧ! (Аслыс). Бергӧԁчісны. Кучер. Тпрууу!!! Ԍем. Ԋік. Мыј-нӧ сен керан, ԋіртчан? Ураԃԋік. Но, но, ен увгы. Пырав керка вылас. Гӧлӧс. (Ӧшіԋувԍаԋ) Керка вылӧ? Сетчӧ-нӧ мыјла кајам? (ԍералӧны). Ураԃԋік. (Ветлӧԁлӧ, ԍылӧ). Трі-та-та-та-ԉа. (Куԅмалы) Но, мыјнӧ, ԃеԁӧ, гӧтраԍан он? а? Ме теԁ зев бур ԋевеста інԁа... Томӧс. Куԅма. (Сувтӧ лабічыԍ) Мем, бур мортӧј, ԋе ԏешӧԇ. Ԍінва банӧн ола. Бӧрԁа ԁа ола. Ураԃԋік. Ԁа-а. Абу зев бур олӧмыԁ тіјан. Кымын арӧс теныԁ? (Пырӧны: старшіна — Ԍемӧн Ԋікіԏіч ԁа пісар — Іван Ԋіколајевіч. Старшіна җеԋыԁ поԁԃовкаа, кіԅтӧм. Ԍіԏеч ԁӧрӧма, жыԉеткаа. Жыԉетка морӧс ԅепјасԍаԋ кыз часі чеп морӧс паԍтаыс ӧшалӧ. Јурԍі шырӧма скӧбкаӧн-моз. Рушку кыз, Іван Ԋік. чотӧ, кракмаԉітӧм ԁӧрӧма, ԍӧԁ банта. Ставыс кусԋаԍӧма. Шујга кыԋа улас кучік сумка ԃелӧјаснас, веԍкыԁ кіас ыҗыԁ щӧткі). Ураԃԋік. (мунӧ налы паныԁ) А-а! Олаԁ-вылаԁ! Важӧн ег аԁԇыԍлӧј. Кущӧма-ԋін овлаԁ? Коԁкӧԁ кутчіԍлаԁ? Іван Ԋіколајевіч! (Кіаԍӧны.) Ԃерԏ-на, ме чајта, гажӧԁчан інԍаԋ? Тӧԁі-ӧԁ? Віԍтав, пӧкмӧԉԉа? Ԁа? Коԁјас вӧліԁ? Старшіна. (пукԍӧ лабічӧ.) Тајӧ менам јӧктыны мӧԁӧԁчіс... Сещӧм ԏеш вӧчіс... Ураԃԋік. Збыԉыԍ? Старшіна. Кутныс, ԁугӧԁныс ԋекыԇ ог вермы. Пісар. Ԍурлі міјанлы, ураԃԋік. Војбыԁ јуім ԁа гажӧԁчім... Старікыԁ менам (інԁӧ старшіна вылӧ) јӧктыны мӧԁӧԁчіс. Ураԃԋік. Коԁјаскӧԁ сещӧмасӧ гажӧԁчіԁ? Пісар. Шаԋӧԍ-жӧ, зон, ныв-бабајасыԁ! (Шлопкӧ кывнас) Гӧгӧрвоан? Јумов кампетјас најӧ! Морӧсјасыс со кущӧмӧԍ! (кінас петкӧԁлӧ)... Ԍінјас ԍӧԁӧԍ!.. Віԇӧԁласны етаԇі (ԍін бӧжнас віԇӧԁлӧ), — места вылаԁ сылан... Ԋімкоԃыԁла сіјӧ каԁнас кӧԏ став оломтӧ налы ԍетан, ԋемтор абу жаԉ. (Ԍералӧны). Ураԃԋік. Чӧртјас! Сіԇі і тӧԁі бур інӧ веԍкалӧмнытӧ тіјанлыԍ! Кыԇ-нӧ сещӧм гажсӧ корԍіԁ? Пісар. (ԍіннас інԁӧ) Есіјӧ... Старшінаыԁ міјан быԁтор-јылыԍ тӧжԁыԍӧ. Старшіна. Грекӧвӧјтыԍјас! (Очсалӧ, вом креставлӧ.) Старшінаыԁ ԁаԍ інас-на ветлывлӧ. Пісар (інԁӧ Матрен вылӧ). Тајӧ ԏӧткаыс... том-на? Ураԃԋік. Ар ԁас ԍіԅіма кымын. Пісар. Но-о?!. Ураԃԋік. Мун малышт! (ԍералӧ). Старшіна. (Ураԃԋіклы) Кыԇ-нӧ те татчӧ веԍкалјн? Мыјла локтін? Ураԃԋік. Бабајасӧс суԃітны. Пісар. Бабајасӧс? Аттӧ чӧрт! Лӧԍыԁ! Менӧ-кӧ еԍкӧ најӧс суԃітныԁ ыстісны, — кужі! Старшіна. Ме чајті јуыштантор ем, сіјӧ і пырі. Пӧкмӧԉԉа... Јурӧј поткӧԁӧ, віԍӧ. Ураԃԋԋік. Нӧрӧвітышт. Быԁтор лоас. (Пісарлы) Енлы, пісар, ошјыԍлы суԃітчӧмнаԁ... Он те куж суԃітныс, омӧԉ суԃԃа (ԍералӧ. Чуланыԍ петӧ Куԅма, мунӧ ӧԇӧслаԋ). Пісар. Тајӧ-нӧ јешщӧ кущӧм ԅвер мытчыԍіс? Куԅма. (Міԍтӧма віԇӧԁлӧ на вылӧ). Јанԁыԍтӧм ԍінјас! Кыԇ пу зорјӧн еԍкӧ ставнытӧ ојкјӧԁлы! Јӧз бӧрԁӧны, а најӧ вом паԍкӧԁӧмаӧԍ ԁа гӧрԁлӧны „гы-гы-гы“... Гаж аԁԇӧмаӧԍ! Ураԃԋік. Те, пӧрыԍ, ен ылав. Віԇӧԁ аԍтӧ! Куԅма. (Муніг-мозыс) Важӧн віԇӧԁа тіјан вылӧ, сӧмын бурсӧ ԋемтор ог аԁԇы. (Петӧ). Пісар. Ԉокыԍ! Ен кӧԏ ԍој. (Пырӧны Ԏікӧн ԁа ԃеԍатскеј. Ԃеԍатскеј јурбітӧ, Ԏікӧн кіаԍӧ гӧԍтјаскӧԁ). Ԏікӧн. Олан вылан Ԍемӧн Ԋікіԏіч! Іван Ԋіколајевіч! Гӧԍтјас воӧмаӧԍ. Кущӧма овлаԁ-вывлаԁ? Ԇоԋвіԇаӧԍӧ? Старшіна. / Пісар. / (ӧтлаын.) Олам... Лун ԁа вој... Ԇоԋвіԇаӧԍ. Ураԃԋік. (Ԃеԍатскејлы.) Тырмас јурбітныԁ! Кывзы, Сопрон. Ԃеԍатскеј (Копраԍӧ.) Олаԁ-вылаԁ! Ураԃԋік. Лок, зԁорово! Мун ветлы зіԉҗыка... (Мовпалӧ, сеԍԍа Ԏікӧнлы.) Кыԇ-ԋін сіјӧс шуӧны?.. Сваԏԏатӧ тенԍыԁ? Ԏікӧн. Мішка Пеԁӧԍԍа. Ураԃԋін. Котӧртлы мун Мішка Пеԁӧԍ орԁӧ, вај татчӧ нывсӧ сылыԍ, Каԏӧсӧ. Шу: ураԃԋік-пӧ коріс. Сеԍԍа пырав Јарӧ Ԁомна орԁӧ ԁа сіјӧс щӧщ вај. Сеԍԍа... есіјӧс... кыԇ-ԋін... міча Генріксӧ. Гӧгӧрвоін? Ԃеԍатскеј. (Баԉабӧжсӧ гыжјало.) Гӧгӧрвоныс еԍкӧ гӧгӧрвоі-ԁа... Ураԃԋік. Гӧгӧрвоін-кӧ і мун. Ԋемтор веԍ кывтӧ бертлӧԁлыны. Но, ӧԁјо! Шагом... арш! Ԃеԍатскӧј. Абуӧԍ-кӧ гортас? Ураԃԋік. Гортас-кӧ абуӧԍ, гортгӧгӧрԍыс корԍ. Ԃеԍатскеј. Му вылӧ-кӧ мунӧмаӧԍ? Ураԃԋік. (Скӧра.) Со-прон! Теԁ шуӧны! (Сопрон мунӧ. Ураԃԋік пукԍӧ лабічӧ.) Выԉ тор тајӧјаслӧн панԍӧма. (Ԏікӧнлы.) Ԏікӧн ԃаԃ... завоԃіттӧԇ војԁӧр вомнымӧс кӧтӧԁышт! Јуантор кущӧмӧскӧ вај. Аԁԇан, старшінаыԁ кущӧм жугыԉ. Уҗавныс оз вермы јур віԍӧмысла. Жаԉітны колӧ мортсӧ, бурԁӧԁны віԍӧмыԍ. Старшіна. (Ԏікӧнлы.) Мыјкӧ-пӧ-тај-нӧ тіјан ԋелаԁнӧ лоӧма? Ԇугԍӧмныԁ? Ԏікӧн. Быԁԍамаыс куԅа олігаԁ уԁајтчылас. Пышјіс-тај со... моԋным. Старшіна. Ԁурмӧмаӧԍ ӧні бабајасыԁ. Пышјалӧны верӧсјасыԍ. (Пырӧ Куԅма.) Ԏікӧн. (Сылы.) Ԃеԁӧ, пукты самӧвартӧ. Куԅма. Ме абу кӧԅајка. (Ставныс шај-пај мунӧны, віԇӧԁӧны сы вылӧ. Шы-ԋі-тӧв. Куԅма пырӧ чуланӧ). Ԏікӧн. Но, но, ен увгы. Гӧԍтјас емӧԍ. Пукты мун, а ме регыԃік петала. Ураԃԋік. Ен скӧрав, старік, міјан вылӧ, гӧтравны тенӧ локтім! (Ԍералӧны). Пісар. Сувтӧԁас. Ыҗыԁалыштас ԁај сувтӧԁас. Пӧрыԍ јӧзыԁ ԏешкоԃӧԍ (Бара ԍералӧны). Старшіна. Тырмас сеԍԍа ԏешітчыныԁ, ԍерам петкӧԁлыԍјас. Куԅма Мӧјԍејӧвіч, ен лӧгаԍ! Том јӧзыԁ аԍныс ԏешкоԃӧԍ. Вірыс налӧн пуӧ. Ԍмекајтчӧны міјан вылын, пӧрыԍ јӧз вылын. (Пырӧ Піԉа, чужӧм баныԍ вірӧԍ. Віԇӧԁӧ баԏыс вылӧ. Баԏ сы вылӧ). Ԏікӧн. (Мајшаԍӧ.) Кӧн-нӧ те пыр шԉајтчан? Піԉа. Ме-е? (Шпыԋмунӧ ). Ԁолыԁ олӧмӧн ԋімкоԃаԍа, гуԉајта! (ураԃԋіклы, старӧсталы, пісарлы.) Олаԁ-вылаԁ, ԅемԉакјас! (Салԁат-моз кісӧ пуктылӧ картуз берԁас). Ԏікӧн. Ԋӧжјӧнҗык! Піԉа. (Ӧԏі ԍінсӧ куԋӧмӧн віԇӧԁӧ баԏыс вылӧ, шуалӧ сувтавлӧмӧн). Баԏӧ... міјанлы.... лаԋтны колӧ... Кыв пыԁын віԇны. Ԏікӧн. (Ԉокыԍ). Лант! Ен сӧр сен! Старшіна. Уҗ берԁӧ, Піԉа, каԁ кутчіԍны! Гуԉајтін-ԋін пӧттӧԇыԁ. Піԉа. Гуԉајтыштны-на јешщӧ кӧсја... Вывті ԁолыԁ ӧні мем овны... Тӧԁаԁ-ӧԁ аԍныԁ: салԁатыԍ локті, ԋімкоԃаԍӧны гортсајас воӧм вылӧ. Аслым бура прімітӧмысла ԁолыԁ-жӧ-ԁај. Верԁісны, јукталісны, табак ныртыр ԍујалісны. Сіјӧ со сеԍԍа і ԋесјала ветлӧԁла. Пісар. Тајӧ, ԃјавӧл, веԍкыԁа ԋекор оз ԍорԋіт. Те-нӧ мыј, Піԉа, коԍаԍін аԉі мыј коԁкӧԁкӧ? Ставыс тај-нӧ вір? Піԉа. (Ԋеԁыр-мыԍԏі.) Кӧсја-на коԍаԍныс. Ԏікӧн. Ԃеԁӧ, сувтӧԁ самӧвартӧ. Піԉа. Ԃеԁӧ, ен сувтӧԁ! Ураԃԋік. Тајӧс ӧні енӧ вӧрӧшітӧј (інԁӧ Піԉа вылӧ) Тајӧ јона ыҗыԁ шогын. Старшіна. / Пісар. / (Ӧтлын) Кущӧмын? Ураԃԋік. Гӧтырсӧ мырԃԃӧмаӧԍ! Пісар. Чӧ-ӧв? Ок, чӧрт! Піԉа, збыԉыс? Ураԃԋік. Піԉаыԁ ӧні ԁӧвеч... Старшіна. Чіпансӧ асԍыс воштӧма! (Ԍералӧны. Ԏікӧн мунӧ ӧԇӧс ԁорӧ). Ураԃԋік. Мыј јуртӧ ӧшӧԁӧмыԁ, Піԉа? Ен шогԍы! Віԍтав ставсӧ кыԇ мыј вӧлі. Піԉа. (Піԋ векыштӧ). Баԏӧ, віԍтав мыј керԍіԁ. Ме ԋемтор ог тӧԁ. Ԏікӧн. Пыр... Сӧмын сущ котӧртла. Піԉа. Војԁӧр віԍтаві Кывзыштам. Гаж петӧ тӧԁны тіјанлыԍ олӧмтӧ. Ԏікӧн. Пыр, пыр. Ԇік пыр. Муртса петала. Пукԍы. Ӧԏі зԁук нӧрӧвітлӧј. (Петӧ). Піԉа. Пуксы-ы! Сулавны-кӧ менам гажӧј петӧ? Со етаԇі!.. (Сувтӧ ӧԏі кок јылас, мӧԁсӧ лептыштӧма, быԏԏӧ кучкыны коԁӧскӧ кӧсјӧ. Морӧс воԍса). Кіјасӧј-кӧ менам луԁӧны! Сек кыԇ? Пукԍыны-жӧ? Пісар. Те, Піԉа, јона-жӧ коԍаԍыԍ! Ураԃԋік. Піԉа, тырмас сен бергавныԁ! Ԁӧзмім! Пукԍы лок татчӧ, віԍтав кыԇ Каԏӧыԁ пышјіс. Піԉа. Пышјіс? Ураԃԋік. Ԁа-а, пышјӧма-пӧ-тај. Куԅма. (Чуланԍаԋ јур мытчӧма) Піԉа, јӧј, ԍералӧны-ӧԁ те вылын. Піԉа. (Сулалӧ, јур ӧшӧԁӧма) Тӧԁа. Куԅма. Те чајтан міјан шогӧн најӧ шогԍӧны? Гӧрԁлӧны, ԋімкоԃ налы міјан шогыԁ. Ураԃԋік. Ԃеԁӧ, мун сеԍ пӧлаԏ серӧгаԁ! Піԉа. (Віԇӧԁӧ ураԃԋік вылӧ, ԋӧжјӧԋікӧн аслыс-моз шуӧ). Мыј-нӧ, ме вылын ставныс ԍералӧны?.. Сещӧм ме ԏешкоԃ? (Пукԍӧ лабічӧ). Важӧн ме тајӧ ԍерамсӧ кыла. Окопын пукалігӧн тојјасӧс щӧгӧԁігӧн јорі мамӧс, лолӧс, јенмӧс, сарӧс... Сен ԍінвоԇын пыр-жӧ тащӧм рожајас, ԇік со етащӧмӧԍ (інԁӧ ураԃԋік вылӧ). Ураԃԋік. (Четчыштӧ) Піԉа, ме тенӧ арестујта! Старшіна. Тырмас, Піԉа, ԁугԁы! Ізԍас-чірсԍас, — бырӧ ставыс; вунӧ, вошӧ. Пісар. Салԁатӧн ошјыԍан! Салԁатыԁ-ӧмӧј ӧшлӧ јурсӧ мыјыԍкӧ? а? Ԍӧлышт ԁа чышкышт, сымԁа і ставыс. Гажӧԁчы кыԇ кужан!.. Кувтӧԇ ԋӧтчыԁ ԋемтор оз ло! Ԍмерт локтас, — кулан. Ураԃԋік. Те, Піԉа, кывтӧ вывті ен ԋужјӧԁлы, мыј оз ков ен сӧр! Коԁ-кӧ — мун уԅ! Піԉа. (Четчӧ лабічыԍ.) Те менӧ јуктавлін? (Мунӧ ӧԇӧслаԋ). Матрен. Піԉа... Бур пі... Пјԉа. (Кінас ӧвтыштӧ) Ме гажӧԁчыны-жӧ понԁа, ԍеравны! Нем-ӧԁ он шогԍы... (Кулакнас кучкалӧ морӧсас). Ог кут сеԍԍа ԏерпітны! Ԏерпеԋԋӧнаԁ і ставнаԁ!.. Мынта налы воԇӧссӧ!.. Мамӧ, ен бӧрԁ! (Мунӧ). Матрен. (Куԅмалы) Ајка, кытчӧ-нӧ муніс? (Куԅма ԋемтор оз шу). Пісар. Морт! Ыжԁалӧ коԁ-вылӧ-кӧ. Полыԍ ԋекоԁ абу-а. Старшіна. Коԁ, вывтіҗык јуӧма. Ураԃԋік. (Ветлӧԁлӧ җоҗ куԅа) Во-чӧж тащӧм уҗӧн нокԍа. Чӧрт тӧԁӧ!.. Быԁлаын, быԁ ԃелӧын бабајас! Војԁӧрлун Мікол грезԁӧ ветлі, ԋемечӧс віӧмаӧԍ. Старшіна. Бабајас кыпӧԁчӧны, мортӧ кӧсјӧны пукԍыны. Пісар. Вывті госԍалісны: Ку пыщкас оз тӧрны. Ураԃԋік. Аслыс ԍама јӧз. Кущӧмкӧ права завоԃітісны корԍны. Нырсӧ быԁлаӧ ԍујӧны. Старшіна. О-о-о! (ԋошмаԍӧ) кущӧма унмӧј локтӧ. (Гажаа) Мыј еԍкӧ, бабајаслы-кӧ вӧԉа ԍетан? Ме чајта ԇік секі матӧ воам најӧн: ԁоԃԃаласны міјанӧс. Збыԉыԍ. Чеԉаԃыԁ еԍкӧ секі кымын вӧлі! Җоҗ паԍталаыԁ ԍавкјалӧны (ԍералӧ). Ураԃԋік. Чеԉаԃтӧ вајавны бара најӧ кужӧны. Пісар. Кӧԏ ті мыј шуӧј, баба абу морт. Кущӧм-нӧ сіјӧ морт? Сӧмын җымјалӧны, коксӧ гыжјалӧны (ԍералӧны). Ԋеважӧн ԋігаыԍ лыԃԃі нывбаба јур вем-јылыԍ. Ӧԏі велӧԁчӧм морт шуӧ... Ураԃԋік. Велӧԁчӧм мортнаԁ і ставнаԁ!... Скӧрмыны понԁі!.. Петісны кытчӧкӧ ставныс ԁај вошісны... Пукав сен, віԁчыԍ најӧс... Лыԃԃы јенежԍыс коԇувсӧ. Еј, пӧрыԍ!.. Ԃеԁӧ! Пісар. Оз-на ӧтчыԁ чукӧстӧм вылаԁ чепӧсјы. Ыжԁалыштас-на војԁӧр. Ен чукӧстчы, ԃеԁӧ! Ураԃԋік. (Скӧрмӧ-коԃ). Куԅма Јевԍејевіч! Старшіна. Абу Јевԍејевіч, Мӧԍејевіч. Ураԃԋік. Ӧткоԃ-ԋін сіјӧ: Јевԍеј-кӧԏ, Мӧԍеј-кӧԏ, Јеԉіԍеј-кӧԏ. Кылан, Куԅма Јеԉіԍејевіч! (Куԅма оз шыаԍ. Посвоԇыс кылӧ зык). Ураԃԋік. Мыјԍама зык лыбі сен? Чӧ-ӧртјас! Пісар. Оз-ӧ-ԋін коԍаԍны? Матрек. Ајка!.. Ԏікӧн. (Посвоԇын ) Леԇ!.. Мыј теԁ колӧ? Піԉа. (Посвоԅын) Ог леԇ!.. Сулав!.. Сорԋітыштам!.. Ԏікӧн. Леԇ!.. Матрен. Ајка!.. Пісар. Збыԉыԍ, тыԁалӧ, коԍӧ воісны. (Четчӧны ставныс лабічыԍ. Матрен ԁа Куԅма-кынԇі мунӧны ӧԇӧслаԋ. Воԇвылас ураԃԋік.) Ураԃԋік. Аттӧ Піԉа! Коԍтӧг ԋӧԏі оз вермы овны. Лоӧ чіжовкаӧ пукԍӧԁны! Ԏікӧн. (Посвоԇын горзӧ ԉок гӧлӧсӧн) О-о-о-ој!!! Матрен. Гӧспоԃӧј... Ајка... (Кӧсјӧ четчыны, оз вермы. Ураԃԋік, старшіна, пісар тојлаԍӧны ӧԇӧс ԁорын, ԋекоԁ воԇын оз пет, посвоԇын зык). Старшіна. Нолтӧ... Леԇлӧ... Ураԃԋік. (Кыскӧ ревоԉвер) Лыја мерзаветсӧс! (Пырӧ Піԉа, кіас вірӧԍ пурт. Ставныс бӧрӧԋітчӧны. Старшіна сувтӧ пач берԁӧ). Піԉа. Вајӧ ӧні гажӧԁчамӧј! Ӧні ме щӧщ верма гажӧԁчыны тіјанкӧԁ, ка-ка-ка! Вӧԉіԍ ԍерамӧј понԁіс петны, ка-ка-ка! Матрен. (Саԃтӧм-коԃ). Пі-і-ԉа-а... (Ԋужӧԁӧ сылаԋ кіјассӧ, четчылӧ-коԃ воԉпаԍ вылыӧ, бӧр уԍӧ). Піԉа. (Пеԉпомјас кыскӧ, гӧрбыԉтчыштӧ, ԇік ураԃԋік воԇӧ сувтӧ, ԉок ԍерам пыр шуӧ). Мыј? Лаԋтіԁ?.. Повԅіԁ?.. Но-о? Ураԃԋік. (Лӧԍӧԁӧ паныԁ ревоԉверсӧ) Вӧрԅан-кӧ места вывԍыԁ пырыԍ пыр віа! Ԋекытчӧ тујтӧм морт! Піԉа. Ка-ка-ка! Ен полӧј! (Леԇӧ кіјассӧ. Посвоԇԍаԋ кысԍӧ Ԏікӧн. Ставныс, Піԉа-кынԇі, шӧрыԍ вешјӧны. Піԉа ԁыр віԇӧԁӧ баԏыс вылӧ, бӧрӧԋітчыштӧ). Ԏікӧн. Вокјас... отсалӧј!.. Кула-а! (јурсӧ ԉетјӧԁлӧ, тошкыс інмалӧ җожас). Куԅма. (Сулалӧ җож шӧрын јӧз сајын. Пернапасаԍӧ, кіыс вӧрӧ. Ԋужјӧԁлӧмӧн нора шуӧ). Пі-ԉі-іпп!.. Занавес. 4 ворсӧм.

Пеԁӧԍ керкаын. Јӧз ԍінвоԇын Каԏеріна ԁа Ԁомна. Каԏеріна зев омӧԉ, быгыԁ, пукалӧ лабічын пызан ԁорын. Мӧԁар пызан помас пукалӧ Ԁомна. Којмӧԁ ворсӧмԍаԋ ԋоԉӧԁ ворсӧмӧԇ мунӧ кык лун. Ԁомна. Таԇі-нӧ-і кутам пукавны?

Каԏеріна. (Ачыс јуалӧ) Мыј-нӧ кутам сеԍԍа керны, Ԁомна? Ԁомна. Мыј керны? Овны кутам!.. Каԏеріна. Овнысӧ-нӧ еԍкӧ кыԇі? Ԁомна. Кыԇі? Кыԇ міјанлы колӧ! Каԏеріна. (Шог пырыԍ ԋуммунӧ). Теныԁ лӧԍыԁ сіԇ сорԋітныԁ. Ме ԋінӧм ог тӧԁ... кос ԋінӧм... Ԁомна. Мыј-нӧ тӧԁныс колӧ? Кыԇкӧ олан-ԁај... Каԏеріна. Ԍӧлӧмӧј шогысла потӧ... Сотчӧ, біын-моз, лолавны ог вермы... Ԇік пӧԁа... (Кост). Піԉаӧс жаԉ... Веԍіг војнас ԍінвоԇын сулалӧ... Ԁомна. Ӧні каԅалін... Каԏеріна. Абу сіјӧ мыжа... Ԁомна. Ԁорјы јонҗыка... Коԁі-нӧ еԍкӧ мыжа? Те? Каԏеріна. I ме абу мыжа. Ԁомна. (Скӧрмыштӧ). Со текӧԁ і ԍорԋіт! Піԉа абу мыжа, ачыс абу мыжа. Коԁ-нӧ еԍкӧ мыжа? Ме? Каԏеріна. Ԋекоԁ абу мыжа. Сіԇ-ԋін јенԍаԋыс шуӧма. (Кост. Ԁомна ԍуԍа віԇӧԁӧ Каԏа вылӧ. Каԏеріна воԇӧ нуӧԁӧ). Шуԁтӧм аԋ ме!.. Кӧсјі ас ногӧн олӧмсӧ бергӧԁны, ԁа со мыј лоі... Аԁԇі-ӧ ме ԁолыԁлунсӧ? Ԁолыԁ-ӧ ӧні меным? Ԁомна. (Ԍераліг-тырјі). Он-ӧ-ԋін манастырӧ мӧԁ? (Каԏеріна ԋінӧм оз шу, јурсӧ ӧшӧԁӧмӧн пукалӧ. Ԁомна пукԍӧ ортчӧн, ԍӧлӧмԍыс шуалӧ). Мыј-нӧ те, Каԏӧ, поԅӧ-ӧмӧј таԇі шогԍыны? Мыјыс оз овлы? Ен-ӧԁ те ві... Ԋінӧм-на... Каԏеріна. Гашкӧ ме ԁа? Ԁокша. Меԁ те-кӧ! Мыј сы-понԁа шогԍан? Тенӧ-тај ез жаԉітлыны, мыј вермісны сӧмын нарԏітісны. Ԋінӧм теныԁ на-вӧсна шогԍыны! (Ӧԁԇӧ). Ԍӧлӧмыԁ тенаԁ јӧј кӧчлӧн-коԃ. Кыв ен лыԍтлы мужікыԁлы воча шуны... „Меԁ нӧјтӧ, мі-ӧԁ сы-вылӧ і емӧԍ“, Нем-чож сіԇі олам ічӧтыԍаԋ. Ныв-ԁырјі баԏыԁ морт-пыԃԃі оз пукты; верӧссајӧ мунан, — бокӧвӧј морт ԁіԅӧԁан-іныԍ оз ԁугԁыв. Кіӧԁыԁ, кокӧԁыԁ кӧрталӧмаӧԍ ԁа пукалам, вӧрӧшітчыны веԍіг ог лыԍтӧј. Бабаалігаԁ муса коԏ абу верӧсыԁ, — ԏерпіт. Ов сыногӧн, віԇӧԁ сіјӧ ԍін вылӧ. Нӧјтныкӧ кутас, — "ԋумјав, шпыԋјав. Те-ӧԁ гӧтыр! Тенаԁ аслаԁ абу вӧԉаыԁ! Ен ов асногӧн, ов кыԇі верӧсыԁ щӧктас! Тајӧ став-понԁаыс-і велалӧмаӧԍ чӧва овны. Сӧмын вермам ԋаргыны, нораԍны, ԍінва кіԍтны-бӧрԁны, јурбітны јенлы, моԉітвајас вашкӧԁны. Віԇӧԁлы те прамејҗыка ас гӧгӧрыԁ: кущӧм-нӧ тајӧ міјан олӧм? Мі-нӧ мортјас? Абу-абу! (Јурнас пыркӧԁӧ) Вӧвјас! Вӧвјасӧс-моз міјанӧс віԇӧны. Кытчӧԇ томӧԍ, вынаӧԍ, ԇоԋвіԇаӧԍ, — кыскаԍӧны міјанӧн, уҗӧԁӧны нырвылаԁ уԍтӧԇ... Мыјӧн став бурсӧ боԍтасны, — мун кытчӧ гажыԁ, ов кыԇ кужан. Оз ков ылыԍ боԍтны: ԍінвоԇаԁ еԋкаыԁлӧн олӧмыс. Міјанлы-на-ӧԁ мӧԁ пӧлӧс олӧм ԋінӧм віԁчысны, кытчӧԇ огӧ аԍным боԍтчӧ ԁа петкӧԁлӧ налы аԍнымӧс: міԍа мі сещӧм-жӧ мортјас — ԍӧлӧмаӧԍ і лолаӧԍ; мі егӧ тіјанлы ԏеш вылӧ чужӧј, абу чачајас быԁ ԉок мужікыслы. Кута-тај быԁӧнлыԍ ԏерпітны! (Җымԋітӧ кокнас) Ме бара ог! Меԁ кӧԏ мыј мекӧԁ вӧчасны, ог ԍетчы омӧԉтны ачымӧс, нарԏітчыны ас вылын! (Копраԍӧ.) Тырмас, важԍыс меԁ ыҗыԁ паԍібӧ шуасны. Каԏеріна. Ок-ок-ок, Ԁомнаӧј, Ԁомнаӧј, он-тај те менӧ гӧгӧрво! Кыԇі-нӧ еԍкӧ овнысӧ? Ԁомна. Бара сы-јылыԍ? Каԏеріна. Меԁ-нӧ те-ногӧн лоӧ. Шуам: ӧтнам кута овны, ԋекоԁ оз кут нарԏітны. Сӧмын верман-ӧмӧј ӧтнаԁ овны?.. Муна мӧԁ сајӧ верӧссајӧ, бур морт сајӧ... Ԁырӧ-кежлӧ сіјӧ бурыс лоӧ? Бара-жӧ-ӧԁ кутас нӧјтны. Со-ӧԁ міјан шогыс кӧні!.. Ԋекоԁлы ԁорјыны міјанӧс... Законјастӧ мужікјас лӧԍӧԁӧны, законыԁ на-ԁор. Суԃԃајасыԁ мужікјас-жӧ, суԃітігас сеԍԍа бабајастӧ-жӧ быԁторјыԍ мыжԁӧны. Став шогтӧ і лоӧ ӧтнаԃлы шогны. Еԍкӧ законјастӧ лӧԍӧԁыԍјасыԁ-кӧ вӧліны нывбаба-ԁор олыԍјас, гашкӧ секі і ԁорјыԍјас міјанӧс вӧліны. Ԁомна. (Четчӧ лабічыԍ.) Ок еԍкӧ, вӧчышті-жӧ ме ӧԏі тор, енӧ-кӧ вӧлӧ ті сещӧм јӧјӧԍ! Каԏеріна. (Віԇӧԁӧ, јуалӧ ԍіннас). Ԁомна. Важӧн-ԋін сы-јылыԍ ме мӧвпала. (пырӧ Пеԁӧԍ). Пеԁӧԍ. (Локто, ӧтнас ԍорԋітӧ) Вӧчінныԁ-тај уҗ, вӧчінныԁ... (Пукԍӧ лабічӧ) Он лыԍт ԁумыштныԁ... Госпоԃӧј! (віԇӧԁӧ јен вылӧ) мыј сеԍԍа кутан керны? (Кост). Петалі сватјасӧ. Сваԏԏа кулан уҗ: кывтӧм кујлӧ... Кывјыс бырӧма... Сватсӧ-пӧ вунԁавны кутасны... Станӧвӧј-пӧ локтӧ... Каԏеріна. (Кезјалӧ) Мамӧ, ен віԍтавлы сы-јылыԍ. Пеԁӧԍ. Кыԇі-нӧ-ог? Госпоԃӧј! Тајӧ-ӧмӧј чајтлін? Ԁомна. (Скӧрыԍ ) Коԁ-нӧ мыј ԁумајтны верміс. Јенежԍаԋыс-тај быԏԏӧ уԍі. Каԏеріка. Ԁугԁӧј, тырмас... (Гӧгӧр віԇӧԁӧ, кутчіԍӧ кыкнан кінас јурас). Пеԁӧԍ. (Віԁӧ Ԁомнаӧс) Быԁӧн тајӧ тенаԁ уҗ. Омӧԉ-моз тојлін бокас... Те-е... теныԁ таԍ став грекыс. Ԁомна. Меԁ, меԁ. Ог пов грекԍыԁ. Быԁсӧн веԍті вочсаса... Сӧмын енӧ ԋаргӧ, ԍӧлӧмӧс ԋещканныԁ... Пеԁӧԍ. Текӧԁ он уна ԍорԋіт. (Петӧ посвоԇӧ). Каԏеріна. Ԁомна!.. (Повԅӧмӧн віԇӧԁӧ сы вылӧ). Ԁомна. (Сіԇ-жо ) Мыј-нӧ? Каԏеріна. Пола ме... пола.. енӧ ԍорԋітӧ сы-јылыԍ. Ԁомна. (Јона віԇӧԁӧ Каԏеріна вылӧ) Јурыԁ оз віԍ тенаԁ? Каԏеріна. Гӧгӧр... гӧгӧр віԍӧ... Горшӧј віԍо... со таті, (Петкӧԁлӧ). Јурӧј путкыԉтчӧ... Пеԉын жунгӧ, быԏԏӧ ыҗыԁ кӧлӧкӧлӧн звӧԋітӧны. Ԍінвоԇӧј пемыԁ... Со-со (чужӧмсӧ ԍінтӧм-моз бергӧԁлӧ...) ԋінӧм ог аԁԇы... Горш ԁінӧј гӧрԁԇаԍӧма. Бӧрԁны еԍкӧ лунтыр коԁкӧ воԇын... Ԁомна. Ез-ӧ, ԉубаӧј, тенӧ ԋінӧмӧ вӧч нӧјтігаԁ? Меԁ еԍкӧ он-жӧ ԋемортӧ пӧр. Каԏеріна. (Ӧԏі ԁук-мыԍԏі) Вывті шог меным... ԋінӧм оз ков... (Кост). Генрікыԁ-нӧ кӧні?.. Ез-ӧ віны?.. Ԁомна. Мыј-нӧ те лоін? Мыјыԍ? Каԏеріна. Ԁомна, ен мортсӧ ԋінӧмӧ вошты. Сіјӧ-ӧԁ пԉенној... Колӧкӧ, гортас ԍемја. Ԁомна (Скӧрыԍ.) Ԁугԁы ԋаргӧмԍыԁ. Меным мыј мукӧԁӧԇ? Ӧні сіјӧ менам! Ԋекоԁлы ог ԍет кытчӧԇ ачыс оз мун!.. Мунас-кӧ, ог кут бӧрԁны, ԋаргыны... Каԏеріна. Он кут?.. Кущӧма јешщӧ бӧрԁан! Ԁомна. Лаԋт ԍорԋінаԁ. Бӧрԁа! Колантор! Аԁԇылан, ԍінвајас петасны оз. (Ԁӧзмӧма) Воԇвыв ԋінӧм тунјавны. Ӧнӧԇ ԋекоԁ ез мырԃԃы, воԇӧ мыј лоӧ, кыԍ верман тӧԁны. Воԇыԍыԁ-тај оз ԋінӧм тыԁав: пемыԁ арԍа вој-коԃ. (Віԇӧԁӧ ԍінсӧ чіткыртӧмӧн). Енлы, ме гортӧ котӧртла... Каԏеріна. Пукышт-на мекӧԁ... Гажтӧм ӧтнамлы... пола... Ԁомна. Локта бӧр. Могӧн котӧртла. (Мунӧ, порог ԁорас сувт- ыштлӧ.) Те бара ԋекоԁлы-жӧ ен вістав Генрік-јывԍыԃ јуаԍны-кӧ кутасны, шу: „ме, шу ԋінӧм ог тӧԁ“. Менӧ шуӧны сіјӧс ԇебӧмӧн. Каԏеріна. Ԇебӧмӧн? Мыјла-нӧ ԇебін? (Пырӧ Пеԁӧԍ). Пеԁӧԍ. (Сувтӧ ӧԇӧсӧ, Ԁомналы). Мыј-нӧ сувтін ӧԇӧс шӧрас?.. Вешјы коԁарӧкӧ. Ԁомна. Мыј горзан ме вылӧ, јӧјмін аԉі мыј? Пеԁӧԍ. Јӧјман-ӧԁ тащӧм олӧмнаԁ... Леԇышт, міԍа! Ԁомна. (Леԇӧ Пеԁӧԍӧс). Ме муні, Каԏӧ! Каԏеріна. Ԁомна, ен мун!.. Ԁомна. (Посвоԇԍаԋ). Ԇік пыр бӧр локта! Пеԁӧԍ. Ок-ок-ок-ок! Мыјла бара те ԍібӧԁін тајӧс-а? Тӧԁӧ-ӧԁ вӧлі менам ԍӧлӧмӧј, тӧԁӧ... јӧј выжыв ме. Мыјла-нӧ воԇын ег віԍтав теныԁ та-јылыԍ?.. Мыј сеԍԍа керан?.. Бӧрвылаԁ кӧԏ пыр мајшаԍ... Тајӧ аԋыԁ шогмытӧм... најан. Ԋінӧмыԍ оз пов ( кост )... Мамыс тащӧм-жӧ вӧлі: ԁугԁывтӧг верӧсыскӧԁ піԋаԍліс; кыв вӧлі оз леԇ шуны сылы. (Кост.) Те, коԋӧрӧј, шогыԁла сылан ԇікӧԇ (ԍінјассӧ чышкалӧ)... пӧчыԁлӧн-коԃ тенаԁ ԍамыԁ... Ԋебыԁ ԍінваӧн сіјӧ, коԋӧр, посјыԍліс. Пӧԉыԁ вӧлі зев скӧр ԁа ԍамтӧм: пыр віԁчӧ ԁа увгӧ, коԍаԍӧ, ыжԁалӧ сы вылын. Пӧчыԁ ԍінмас сылы віԇӧԁӧ, Ваԍіԉеј Ԍтепанӧвічӧн ыҗԁӧԁлӧ. Каԏеріна. Мамӧ, те-ԋін кӧԏ ен мучіт менӧ! Аԉі-нӧ пекԉаӧ кӧсјан ԍујны? (Катлаԍіг-тырјі мунӧ пызан ԁорԍаԋ крӧваԏӧԇ, пукԍӧ сетчӧ, јурсӧ пуктӧ јурлӧс вылӧ). Кущӧм ԍӧкыԁ, госпоԁӧј! (кујлӧ, оз вӧрӧшітчы). Пеԁӧԍ. Менам кывјасӧн он-на ԁојмы. Вывті-жӧ-ԋін сені... Мыј-нӧ сорԋіта-кӧ... Җаԉ-ӧԁ со мамыԁлы... Абу те менам бокӧвӧј. (Ветлӧԁлӧ, інас оз ӧшјы. Боԍтӧ корӧԍ, чышкыԍӧ.) Мыјԁа-кӧ шогыԁ вӧлі-жӧ-ԋін те-вӧсна (сувтӧ веԍкыԁа). Чукӧртны-кӧ ӧԏі ԁозјӧ менԍым кіԍԍӧм ԍінваӧс... (чышкыԍӧ, бӧрԁо) Ԋекоԁ оз тӧԁ менԍым олӧмӧс ԁа ԏерпітӧмӧс... Сӧмын быԁ морт суԃітӧ-раԃітӧ ас ногыс... Вермасны-кӧ еԍкӧ реԉӧ лептасны-жӧ менӧ пон чукӧрыԁ-ԁа!.. Каԏеріна. (Чепӧсјӧ) О-о-о!.. Віԍӧ.. (інԁӧ-морӧссӧ). Мам!.. Віԍӧ!.. Пеԁӧԍ. Кыті-нӧ віԍӧ? Каԏеріна. Таті... (інԁӧ морӧс вылас). Пеԁӧԍ. (Шыбытӧ корӧԍсӧ, матыԍтчӧ Каԏеріна ԁінӧ). Зарԋіӧј менам... те ен ԁумајт на-јылыԍ... ен ԁумајт. Каԏеріна. Ԍінвоԇынӧоԍ најӧ... Пеԁӧԍ. Коԁјас? Каԏеріна. Піԉа ајкакӧԁ... Віԇӧԁӧны... Ԍінмӧс-ԋін куԋа, а најӧ пыр віԇӧԁӧны... Пеԁӧԍ. Ен куԋ ԍінтӧ, ен! Каԏеріна. (Куԋо). Со, со, најӧ... Со..., ој-ој-ој! (Кајӧ крӧваԏас вылӧжык, ԉаскыԍӧ ԍтен берԁӧ). Пеԁӧԍ. (Повԅӧма). Пернапасаԍ, пернапасаԍ, ԃіԏа! Каԏеріна. Ог вермы... Кіӧј оз кыпав... Пеԁӧԍ. Госпоԃӧј, муса нылӧј менам! Мыј-нӧ текӧԁ лоі? Каԏеріна. Ог тӧԁ... Ог тӧԁ... Пола ме... Пола... Ој! (Чужӧмсӧ вевԏԏӧ кіјаснас, веԉ ԁыр пукалӧ сіԇі). Пеԁӧԍ, (Гуԍӧԋікӧн пернапасалӧ нывсӧ). Во імја отса і сына... Аміԋ... Аміԋ. Каԏеріна. (Воԍтӧ чужӧмсӧ). У-у-у! у-у!.. Мамӧ, јурӧј путкыԉтчӧ... Пеԁӧԍ. Енлы, ме теԁ јуан ԍета... Ем менам сещӧм турун (пырӧ чуланӧ)... Гашкӧ кокԋӧԁас. Каԏеріна. Војбыԁ ԍін ег куԋлы... Кутӧмаӧԍ гоԉаӧԁ, — җагӧԁӧны, пӧԁтӧны. Горза мыј выныԍ, а гӧлӧсӧј віш оз кыв... Овԍіс, міԍа, буракӧ, менам!.. Пеԁӧԍ. (Петӧ чуланыԍ) Теныԁ меԁ ԋінӧм оз ло-а, најӧ кыԇ кужасны. Аԍныс мыжаӧԍ. Мыј корԍісны, сіјӧ і ԍурі. (Віԇӧԁӧ суԉаас, соԉкјӧԁлӧ, перјӧ пробкасӧ, ісалӧ). Ԋінӧм-тај-нӧ оз кыв. (Пырӧны Анна ԁа Параԍ. Пеԁӧԍ лаԋтӧ. Параԍ пукԍӧ лабічӧ. Анна сувтӧ крӧваԏ бокӧ, віԇӧԁӧ Каԏеріна вылӧ). Анна. Кущӧма омӧԉтчӧма... Параԍ. Абу ԃівӧ... Шогыԁ мӧртчас і теныԁ... Кокԋі-ӧԁ шуныԁ, олӧмыԁ пыԇыртас. Пеԁӧԍ. Вывті јона шогԍӧ... Мӧԁ лун ԋінӧм оз ԍој... Параԍ. Јен меԁ віԇас быԁӧнӧс... Пеԁӧԍ. Лоі-тај, лоі. Параԍ. Шуӧны, станӧвӧј-пӧ локтас... Анна. Мыј-нӧ? Меԁ локтӧ... Каԏаӧс-ӧԁ оз-на мыжԁыны... Сылы ԋінӧм оз ло... Параԍ. Озтӧ ен-на унаыԍ шу. Мыжԁасны ԁа сымԁа і боԍтан. Анна. Пернатӧмӧԍ-ӧмӧј? Каԏаӧс ӧбӧԃітісны быԁ-ногыс, сіјӧс-жӧ і суԃітасны? Сіԇ-ӧԁ оз-жӧ овлы? Параԍ. Сіԇ бара і лоӧ... Кывліԁ Опоԋ ԍіктԍыԁ? Мыј лолі? Кущӧмкӧ баба-тај вӧлі асԍыс ԋекытчӧ тујтӧм јуыԍ, коԍаԍыԍ ве- рӧссӧ ԅеԉԉаӧн јуктӧԁӧма. Ԏерпітӧма, ԏерпітӧма, коԋӧр, нӧјтӧмтӧ, абу вермӧма помӧԇ кыскыны, лоӧма кісӧ лептыны. Ӧні-на, буракӧ, сыыԍ ԏурмаын пукалӧ. Пеԁӧԍ. Каԏа ез-на віны кӧсјы. Параԍ. Ԏешкоԃ-жӧ те, ԏӧтка! Ԃерт еԍкӧ ез кӧсјы-ԁа, шуасны віӧмӧн. (Каԏа воԁӧ кымыԋӧн, чужӧмсӧ ԍујӧ јурлӧсас, лӧвтӧ). У-у-у! (Ставныс сы вылӧ віԇӧԁӧны). Пеԁӧԍ. (Матыԍтчӧ Параԍ ԁінӧ, мыјкӧ вашкӧԁӧ пеԉас). Ен ԍорԋіт сы-јылыԍ. Он-ӧмӧј аԁԇы кущӧм сылы ԍӧкыԁ... (Ставныс лаԋтӧны). Анна. (Мунӧ Пеԁӧԍ ԁінӧ, ԋӧжјӧ). Абу-ӧ тенаԁ ԅеԉԉаыԁ? Пеԁӧԍ (Сіԇ-жӧ). Абу... Мыјла-нӧ теԁ? Анна. (Ԍіԇ-жӧ). Ԍетін, еԍкӧ, јуыштны сіјӧс... Кокԋӧԁӧ-пӧ сыыԍ... Параԍ. (Матыԍтчӧ на ԁінӧ. Кујімнаныс сулалӧны ӧтлаын җоҗ шӧрас, вашкӧԁчӧны. Пырӧ Палаԃ. Локтіг мозыс зев терыба кыӧ чувкі. Бабајас торјӧԁчӧны. Анна Параԍкӧԁ пукԍӧны лабічас. Пеԁӧԍ пыралӧ чуланас. Регыԁ бӧр петӧ ԁа ветлӧԁлӧ керкаӧԁыс, мыјкӧ быԏԏӧ корԍӧ). Пеԁӧԍ. Кытчӧ і воштыԍӧма? Пеж памеԏ!.. Ԋӧԏі јур саԃӧј абу. Палаԃ. Страԍт татчӧ локтігӧн аԁԇылі!.. Анна. (Чуԋнас грӧԅітӧ, лаԋтӧԁӧ Палаԃӧс, інԁӧ крӧваԏ вылӧ) Ш-ш-ш!.. Параԍ. Ен гора!.. Палаԃ. (Віԇӧԁӧ Каԏа вылӧ.Каԏа кујлӧ важ-мозыс). Аміԋӧј. Аміԋӧј! (шуалӧ наԇмӧԁӧм шыӧн. Кок чуԋјылас мунӧ воԇӧ, віԇӧԁлӧ Каԏа вылӧ. Сеԍԍа бӧр бергӧԁчыштӧ, вашкӧԁӧ гоԉасӧ ԋужӧԁӧмӧн). Ӧні пыралі Крутовјасӧ. Сені мыј керԍӧ!.. Загрекі!.. (шенаԍӧ кінас). Пеԁӧԍ. (Вашкӧԁӧ) Ԁугԁы, ԁугԁы! Лаԋт, кылас. Палаԃ. (Гуԍӧнҗык) Матренсӧ мавтны кӧсјӧны. Коԋӧр бӧрԁӧ. Кывјыс бырӧма. Ԍінваыс рожа паԍталаыс кіԍԍӧ, візывтӧ шор-моз. Пеԁӧԍ. (Чужӧмсӧ вӧчалӧ, кінас шеналӧ Палаԃ выло). Мыј-нӧ те, он ԋінӧм гӧгӧрво аԉі мыј? (Каԏеріна лептӧ јурсӧ, пукԍӧ ԍтен берԁӧ јурсӧ пуктӧмӧн. Ставныс шенԅӧмӧн віԇӧԁӧны сы вылӧ). Анна. (Каԏеріналы) Мыјла-ԋін четчан вермытӧгыԁ? Воԁ, воԁ, бурҗык лоӧ. Каԏеріна. Пукавны ԋі кујлыны ог вермы... Шог... ԍӧлӧм потӧ. Пеԁӧԍ. Каԏеріна. Каԏеріна. Еԋка ловја-на? (Ставныс чӧв лаԋтӧны, мӧԁа мӧԁ вылас віԇӧԁӧны). Мыј чӧв лаԋтінныԁ? Ловја абу, міԍа, еԋка? Палаԃ. (Віԇӧԁлӧ Пеԁӧԍ вылӧ). Ловја. Попӧс вајлісны, ԁарјавны. Каԏеріна. Куԅма пӧԉӧ? Палаԃ. (Бара віԇӧԁӧ Пеԁӧԍ вылӧ). Пӧԉыԁ ловја-жӧ. Сӧмын выжыв боԍтӧма: асывԍаԋ лабічын пукалӧ, ԋекоԁкӧԁ оз ԍорԋіт. Јуаласны — „Пӧԉӧ-пӧ?“ Сіјӧ сӧмын шуас: „А?“ Воԇӧ кыв оз ԍет ԋекоԁлы. Јурсӧ сӧмын пыркԋітлас чӧв лаԋтӧмӧн... Анна. (Кӧсјӧ бур вӧчны Каԏеріналы, Палаԃлы оз ԍет помавны). Чӧв, ме ачым аԁԇылі: ԋекущӧм јур пыркӧԁӧм абу, Каԏеріна. Піԉасӧ-нӧ кытчӧ воштісны? (ԋекоԁ ԋінӧм оз шу). Параԍ. Јӧзыԁ еԍкӧ мыј оз віԍтавны-ԁа, кывзан-кӧ. Каԏеріна. Віԍталӧ, кытчӧ Піԉасӧ воштісны? Тӧԁаԁ-жӧ-ӧԁ коԁкӧ. Палаԃ. Карӧ нуӧмаӧԍ... Пыр і нуӧмаӧԍ. Каԏеріна. (Аслыс) Сіԇкӧ і мела регыԁ локтасны... Палаԃ. (Мыјкӧ кӧсјӧ-на віԍтавны, ԁа оз тыԁалӧ лыԍт, віԇӧԁӧ бабајас вылӧ). Мыјӧн петкӧԁӧмаӧԍ, пукԍӧԁӧмаӧԍ ԏеԉегаас, — јурсӧ ӧшӧԁӧмӧн пыр пукалӧма, ԋекоԁ вылӧ веԍіг абу віԇӧԁлӧма. Сӧмын кор Куԅма пӧԉыс матыстчӧма, — шуӧма сылы: „Прӧшщај-пӧ, пӧԉӧ... Сеԍԍа-пӧ огӧ-ԋін аԁԇыԍлӧј!..“ Анна. Тӧԁасны бара быԁтор. Коԁікӧ і ԏеԉеграмтӧ-ԋін ԍетӧма!.. Палаԃ. Кывлінныԁ, мужікјасыԁ ԇікӧԇ јӧјмӧмаӧԍ. Тӧрыт Ԁомнаӧс корԍӧмаӧԍ арестујтны, ас суԁӧн суԃітны. Сіјӧс-пӧ таыԍ меԁԍа јона мыжалӧны. (Каԏеріна бара воԁӧ кымыԋӧн, ружтӧ). Анна. (Вашкӧԁӧ Палаԃлы) Мыј-нӧ те лоӧмыԁ? Он-ӧмӧј аԁԇы кущӧм ԍӧкыԁ бабаыслы кывзыныс? Палаԃ. (Лӧгаԍӧмӧн) Ме мыжа лоі? Ачыԁ-тај он-жӧ чӧв ов! Параԍ. (Вашкӧԁӧ) Піԋасӧј, піԋаԍӧј јонҗыка!.. Аԁԇӧмныԁ-тај ін... јанԁыԍӧј! Ԉоктӧ мунамӧ... Меԁ уԅыштас. Гашкӧ кокԋӧԁас. Пеԁӧԍ. (Чышкалӧ ԍінјассӧ) Кокԋӧԁԍӧма-ԋін талы. Став шогыс ӧтарӧ... Анна. Ок, ок, ок, олӧм ԁа вылӧм!.. (Бабајас мӧԁа-мӧԁ бӧрԍаыс кок чуԋјыланыс петӧны). Пеԁӧԍ. (ӧтнас) Менам грекјас-куԅа тајӧ лоі... Менам грекјас-куԅа... Вунӧԁлі асԍым нем пом коԉԉалӧмӧс мустӧм мужіккӧԁ. Сещӧм-жӧ олӧм вылӧ нылӧс мырԁӧн ԍеті (Боԍтӧ тыртӧм веԁра, мунӧ ӧԇӧс ԁорӧ). Каԏеріна, кујлышт ӧтнаԁ, ме петала щај вала. Пӧԍва пуԅӧԁа ԁа коԉк кӧԏ теԁ пуышта: нур-на-ӧԁ ен леԇыштлы вомаԁ. Таԇтӧ ԇікӧԇ ебӧстӧмман... ( Кост). Мыј-нӧ сеԍԍа керан? Кытчӧ воштыԍан?.. Сещӧм-ԋін теа-меа шуԁтӧмӧԍ коԋӧрјас... (Каԏеріна оз шыаԍ. Пеԁӧԍ ԍінвасӧ чышкалӧ воԇԁӧраас). Коԁлы нем-чӧж луншӧр лун, міјанлы пыр арԍа пемыԁ вој. (Петӧ. Керкаын коԉӧ ӧтнас Каԏеріна. Ӧԏі ԁук кујлӧ чӧв, јурсӧ кіјаснас кутӧмӧн. Сеԍԍа пукԍӧ, кӧсајассӧ раԅӧ. Чужӧм зев омӧԉ. Віԇӧԁӧ ӧԏілаӧ воԇӧ). Каԏеріна. Јенмӧј Крістосӧј! (кіјас руԇ мунӧны піԇӧс вылас, віԇӧԁӧ јенув пеԉӧсӧ ӧбраз вылӧ). Јенмӧј ԁа Крістосӧј! (Пернапасаԍӧ. Ԁыр кісӧ кутӧ плешас. Сеԍԍа ырзӧмӧн бӧрԁԇӧ-лыԃԃӧԁлӧ). Кытчӧ-нӧ воштыԍа-а? Кытчӧ-нӧ ме муна?. Ој-ја ԁа ој-ја! Ԋекоԁ-ӧԁ менӧ оз віԁчыԍ... Ԋекоԁ-ӧԁ менӧ оз ԁорјы... Ԍӧлӧмӧј-ӧԁ менам потӧ шогӧјла!.. Коԋӧрӧј ԁа меӧј!.. (Пырӧ Куԅма, беԃԃа. Гӧгӧр віԇӧԁӧ. Аԁԇӧ Каԏерінаӧс. Мунӧ воԇӧ, сувтӧ җоҗ шӧрас Каԏеріна веԍтӧ. Чӧв сулалӧ јурсӧ ӧшӧԁӧмӧн. Каԏеріна повԅӧ Куԅмаыԍ, ԁугԁӧ бӧрԁӧмыԍ, віԇӧԁӧ сы вылӧ. Термаԍіг-тырјі завоԃітӧ кӧсасӧ кыны). Куԅма. Бӧрԁан? Каԏеріна. Пӧԉӧ, те? Куԅма. Бӧрԁ, бӧрԁ!.. Кујімӧс-ӧԁ віін ӧтпырјӧ... Каԏеріна. (Чујмӧма, віԇӧԁӧ Куԅма вылӧ. Ӧԏі кӧсаыс җын-выјӧԇыс кыӧма-ԋін). Куԅма. Бӧрԁ!.. Ӧні ме ас кокјылын-на, омӧԉік кокјылын... Регыԁ і меным пом воас... Регыԁ! (Каԏеріна, чӧв лаԋтӧма. Куԅма шуалӧ). Те менӧ щӧщ ԁојԁін... ԍӧлӧмӧԇ јіҗіс... Крепыԁ ԍӧлӧма ме, немӧн ег бӧрԁлы, а те бӧрԁԇӧԁін... Бӧрԁі тӧрыт, бӧрԁі кага-моз.:. Жаԉӧԍ ті меным. Ԇугԍінныԁ ставныԁ... Туј вывԍыныԁ вошінныԁ. Кытчӧ ӧні те мунан? Кущӧм тујӧԁ? Коԁарӧ? (Пукԍӧ лабічӧ). Каԏеріна. (ԋебԅӧма). Пӧԉӧ, кытчӧ-нӧ ме воштыԍа?.. (Борԁӧ.) Куԅма. Ԁугԁы сеԍԍа. Ен бӧрԁ... Ԍінванаԁ он вермы отсавны. Колӧ туј корԍны, выԉ туј. Каԏеріна. Кущӧм туј? Куԅма. Овнытӧ. Олан тујтӧ, ӧні те ӧтнаԁ; прӧст... Ԁумыштлін ен-на сы-јылыԍ? (Каԏӧ ԋіном оз шу). Куԅма. (Пукалӧ јур ӧшӧԁӧмӧн. Веԉ куԅ кост. Бара). Вошан те ԇікӧԇ... Ԍојасны тенӧ, ԍојасны... аԁԇылан... Ԏікон-тај ԍојіс Матренӧс... Те со кујімӧс ӧтпырјӧ ԍојін. Тенӧ аԍтӧ сіԇі-жӧ ԍојасны... Ԋекоԁлы тенӧ ԁорјыны. Турунӧс-моз, коԁі мунас ԁінтіыԁ, таԉыштас тенӧ. (Ышловԅӧ). Ок-ок-ок, Каԏерінаӧј! Каԏеріна. (Борԁӧ). Куԅма. Воші тенаԁ олӧмыԁ, воші. Каԏеріна. Пӧԉӧ... Куԅма. Ме ӧні текоԃ-жӧ... ӧтнам... Віԇӧԁа, гӧгӧр бокӧвӧј, јӧз, ԋекоԁ ԁінӧ шыаԍны... Матрен кујлӧ кывтӧм... Ԁарја бӧрԁӧ... Ӧшіԋ улын вӧвным гӧрԁлӧ. Пета ме на ԃінӧ. Мӧсјас віԇӧԁӧны ме вылӧ, ме на вылӧ... Најӧ быԏԏӧ јуаԍӧны менԍым; „Мыј-нӧ-тіјан лоӧма, ԋекоԁ-ӧмӧј абу?“ Шог, вывті шог... Керкаӧ ог лыԍт пырны: гажтӧм, пемыԁ, гу-коԃ... Пыр кажітчӧ Ԏікӧнлӧн порог вомӧн кысԍӧмыс... Веԍіг гӧрзӧмсӧ сылыԍ кыла: „Баԏӧј, кула!" (Каԏеріна повԅӧ, ԉаскыԍӧ ԍтен берԁӧ, гӧгӧр віԇӧԁӧ). Ӧні ӧшіԋулын кујлӧ... Вунԃавны-пӧ кӧсјӧны. (Каԏеріна повԅӧма, јурсӧ бергӧԁлӧ). Локті те ԁінӧ. Ме чајтј теныԁ ԋімкоԃ, ԍералан олан... Те вӧлӧм бӧрԁан... шогԍан. Каԏеріна. (Ӧԁја) Ме ог мун тіјанӧ. Ог!.. Ог!.. Кӧԏ менӧ мыј керӧ, ог мун... Куԅма. Ме мырԁӧн ог кор тенӧ... Мырԁӧннаԁ меным оз ков... Ме тенӧ жаԉітӧм-куԅа кӧсјылі... Јен текӧԁ! Ов ӧтнаԁ... Тенаԁ куԅ-на нем помыԁ. Ме ог тенӧ мыжав. Ов кыԇ аслыԁ лӧԍыԁҗык... Ен бӧрԁ, Каԏеріна. Шогтӧ, ԍінвааԁ он вӧјт. Сіјӧ чаг-моз пыр кыптас вылӧ... Менам нем помӧј матын-ԋін. Ӧԏі кокӧн гуын-ԋін сулала... Те оз!.. (Лептӧ јурсӧ, тунјаліг-моз шуалӧ). Шуԁа-ӧ лоӧ тенаԁ олӧмыԁ-а? Ме чајта: шуԁ теныԁ оз ло!.. Оз ло... (Каԏеріна зев повԅӧма; віԇӧԁӧ Куԅма чуԋ вылӧ). Ԋекытчӧ он кут інаԍны... Ԋекоԁ оз кут тенӧ жаԉітны... Ԍеравны сӧмын кутасны... Каԏеріна. (Кіјассӧ морӧс берԁас топӧԁӧ) Пӧԉӧ... Ԁугԁы... ԍӧлӧмӧј потӧ... Куԅма. Збыԉ, збыԉ ԍіԅі лоӧ! (Пырӧ Пеԁӧԍ веԁра ваӧн. Куԅма віԇӧԁӧ сы вылӧ, тӧԁмалӧ). Пеԁӧԍ. Ме тајӧ, ме, Куԅма сват. Вала петалі. Куԅма. Ог-ӧԁ аԁԇы; ԍінмӧј омӧԉтчіс. Пеԁӧԍ. Кӧсја самӧвар пуктыны. (Пыралӧ чуланӧ, сеԍԍа бӧр петӧ). Гашкӧ міјанкӧԁ щајсӧ щӧщ јуыштан? Куԅма. Јуԍӧма-ԋін, пӧтԍӧма... Шогнас пӧт....(пукԍӧ лабічӧ. . Пырӧ Габӧ Пеԁӧр). Габӧ Пеԁӧр. (Сувто порӧг вылӧ) Јурбітны абу-ԋін-а? (јурбітӧ). Ԁасыԍ, гашкӧ, талун јурбіті-ԋін... Оланныԁ выланныԁ! Пеԁӧԍ. (Бокӧ). Мыј бара чукӧртчӧны-а? (Меліа). Лок, лок. Шојтчы ԁа міјанлыԍ шогнымӧс щӧщ шог. Габӧ Пеԁӧр. (Оз кыв). Куԅма Мӧԍејӧвіч-тај тані-жӧ. (Віԇӧԁӧ Каԏеріна вылӧ. Сіјӧ пыр-на ԍтен берԁӧ ԉаскыԍӧмӧн пукалӧ.) Пукалан? Пеԁӧԍ. (Бокӧ.) Ԍӧлӧмӧј тӧԁӧ... кылӧ... Габӧ Пеԁӧр. (Пукԍӧ лабічӧ.) Шенԅыны ог вермы... Ԍо ԃівӧ... Тіјан ӧшіԋ увԍаԋ локта, Куԅма Мӧԍејӧвіч, кылан? Тіјан ӧшіԋулӧ, міԍа, волі... Ԏікӧнтӧ віԇӧԁлі... Рӧгӧза улын кујлӧ.. Шом-коԃ ԍӧԁ... Каԏеріна. (Чепӧсјыны кӧсјӧ, чургӧԁӧ кіјассӧ, быԏԏӧ коԁӧскӧ вештӧ.) Ој!.. Пеԁӧԍ. (котӧртӧ сы ԁінӧ) Мыј-нӧ, зарԋі, мыј? Каԏеріна. (Кінас аԍсӧ віԁлалӧ.) Енлы, мамӧ, енлы... (Кіпыԁӧснас тупкӧ шујга ԍінсӧ.) Бара најӧ ԏанӧԍ. Со!.. со!.. Габӧ Пеԁӧр. Віԇӧԁлі ме сы вылӧ ԁа сещӧм зывӧк лоі: ԍојны ог вермы, ԍӧлӧм оз лепты. Пеԁӧԍ. (Котӧртӧ Габӧ Пеԁӧр ԁінӧ ԁа вашкӧԁӧ пеԉвоԇас). Јен могыԍӧн ԁугԁы тајӧ ԍорԋіыԍ, тырмас!.. Габӧ Пеԁӧр. Ме ог кыв вашкӧԁчӧмтӧ. Гораа ԍорԋіт мекӧԁ. Пеԁӧԍ. (Кык , кісӧ шлапкӧ). Мыј сеԍԍа керан? (гораа) Тенӧ корӧны!.. гортаԁ! Габӧ Пеԁӧр. (Бергӧԁчӧ ӧшіԋлаԋ) Ԇік пыр. (Віԇӧԁӧ Каԏеріна вылӧ). Мыј-ԋін, Каԏеріна, пукалан? (Куԅмалы). Ԍо ԃівӧ, ԍо ԃівӧ, Куԅма Мӧԍејӧвіч! Віԇӧԁа ставныԁ вылӧ, — оз ескыԍԍы. Вӧт-коԃ тајӧ, ԉок вӧт-коԃ. Олӧны-ӧԁ быԁӧн кущӧматӧкӧ: коԁі бура, коԁі омӧԉа, а тащӧм ԃівӧыԁ ез-на кывԍывлы менам немӧн. (Віԇӧԁӧ Каԏеріна вылӧ). Суԃітны кӧнкӧ кутасны тенӧ?.. Каԏеріна. (Оз ԍорԋіт. Зев муԇӧма, руԇ мунӧма быԁӧн. Пукалӧ ічӧԏіка јур копыртӧмӧн, кор-ԍурӧ кывнас ԋулыштлӧ кос вомԁорјассӧ. Зев біа. Вом ічӧԏіка каԉк, лолалӧ зев ԍӧкыԁа. Став морӧснас наԇӧԋік шуӧ) Мамӧ... јуны вај!.. Пеԁӧԍ. Ԇік пыр!.. (Пыралӧ чуланӧ, сеԍԍа бӧр петӧ) Самӧвар еԍкӧ пуктыны кӧсјі-ԁа... Енлы... Каԏеріна. Кӧԇыԁӧс вај. Габӧ Пеԁӧр. Станӧвӧј-пӧ локтас... Вітчыԍӧны. Пеԁӧԍ. (Скӧра) Суԃітӧј, суԃітӧј!.. Віӧј!.. Із гоԉаас кӧрталӧј ԁа ваӧ ԍујӧј!.. (Пыралӧ чуланӧ, петкӧԁӧ стӧканӧн кӧԇыԁ ва). Куԅма. (Гӧрбыԉтчӧма, јурсӧ ӧшӧԁӧма, пукалӧ лабічын, ԇік коԋӧр-коԃ), Ме ог суԃіт... Ме абу суԃԃа. Пеԁӧԍ. Ԍојӧј ставныԁ... јірӧј... Каԏеріна. (Кіас кутӧ стӧкан, ӧтчыԁ ԋылыштӧ, сеԍԍа јона віԇӧԁӧ ва вылас. Стӧкан пуктӧ лабічӧ. Ԍін куԋӧ, ӧтнас ԍорԋітӧ). Кущӧм-нӧ тајӧ олӧм! (Кутчіԍӧ морӧсас). Зор тувјалӧмаӧԍ татчӧ, лолавны ог вермы. (Пырӧ Ԁомна, сувтӧ крӧваԏ ԁорӧ). Пеԁӧԍ. Ем абу-нӧ мувылас правԁаыс? Аԁԇыла ог ме сіјӧс коркӧ? Куԅма. (четчӧ лабічыԍ) Ем еԍкӧ, ԁа вылын. Правԁаыԁ со кӧні!.. (чуԋнас інԁӧ вылӧ). Ԁомна. Ылыԍ-тај петкӧԁлан... Матыԍҗык колӧ корԍны... Куԅма. (Віԇӧԁӧ Ԁомна вылӧ, чујмӧма). Матыԍҗык?!. Ԁомна. Ԁа, матыԍҗык!.. Сы вылаԍыԁ правԁаыԁ оз-ԋін ԍур. Куԅма. Кыԍ-нӧ еԍкӧ ԍурӧ? Ԁомна. Со кыԍ! (петкӧԁлӧ кабырсӧ). Правԁаыԁ кабырын!.. Ті міјанӧс ловным петтӧԇ кабыраныԁ топӧԁӧмныԁ, онӧ ԉіч леԇлӧ, нарԏітанныԁ... Мі, јӧјјас, огӧ лыԍтӧ шыаԍны, ԏерпітам, ԍетчам тіјанлы. Тырмас сеԍԍа! Тіјанкӧԁ мӧԁ-ногӧн колӧ овны: рамлуннымӧс лӧӧ еновтны. Рамнаԁ ԁа кывзӧмнаԁ омӧԉік олӧм. Тіјанкӧԁ со кыԇі колӧ (кокнас чорыԁа зымјӧԁлӧ җоҗӧ), со... со... Тіјанӧс аԍнытӧ чорыԁҗыка колӧ топӧԁны, секі гашкӧ гӧгӧрвоанныԁ (пукԍӧ крӧваԏ вылӧ), каԅалаԁ кущӧм міјанлы овны тіјан кабырын. Каԏеріна. Ԁугԁы, Ԁомна, ԁугԁы!.. Тырмас! Ԁӧмна. Ԁугԁа? Тырмас? Каԏеріна. Пукышт мекӧԁ. , Пеԁӧԍ. (Сулалӧ чулан ӧԇӧсас). Суԃітны бара кутасны... (Габӧ Пеԁӧр гоԉасӧ ԋужӧԁӧмӧн віԇӧԁӧ Ԁомна вылӧ. Куԅма ӧԏі ԁук сулалӧ лабіч бокын, сеԍԍа наԇӧԋікӧн пукԍӧ). Ԁомна. (Петкӧԁлӧ Куԅма вылӧ, јуалӧ). Тајӧ-нӧ мыјла ԉоктӧма. Гашкӧ суԃітны тенӧ-ԁа? Каԏеріна. (Наԇӧԋік) Жаԉітӧ менӧ. Ԁомна. Жаԉітӧ?!. Теныԁ колӧ жаԉітӧмыс? Меԁ еԍкӧ жаԉітӧны?.. Нӧјтӧны, таԉалӧны, віӧны, ставыс ԋіном! Сӧмын меԁ бӧрынас жаԉітыштасны... Ок-ок-ок-ок! Јӧј те јӧј! Мыј-нӧ жаԉітӧмԍыс теныԁ? Каԏеріна. Ԁомна, ԁугԁы, тырмас! Ԁомна. Тӧԁам-ԋін мужікјастӧ. Жаԉітыԍјас! Велалӧмаӧԍ... Војԁӧр јанӧԁасны, страмітасны, сеԍԍа жаԉітны кутасны: „со-пӧ мі кущӧмӧԍ бурӧԍ!" Мі, јӧјјас, налыԍ-жӧ кінысӧ ԋулам. Каԏеріна. Мыј менӧ мучітан? Пӧԁтӧј-ԉі мыј-ԉі ӧԏісајын!.. Шог!.. Пеԁӧԍ. (Ԁомналы) Те бара кутін јӧјтӧԁлыны? Бунтовщіча! Ԁомна. (Шенԅӧ, віԇӧԁӧ Пеԁӧԍ вылӧ) Мыј-нӧ те лоін? Пеԁӧԍ. Те-вӧсна тајӧ ставыс лоі!.. Мун татыԍ, вешјы ԍін-воԇыԍ! Каԏеріна. Мамӧ-ӧ!.. Пеԁӧԍ. (Скӧра, Ԁомналы) Тӧԁа ме тенӧ, тенԍыԁ аԋ-тујтӧ, Каԏеріна. (Лӧгаԍӧ) Мамӧј!.. Пеԁӧԍ. Локтас ԁа ӧтарӧ ԍылӧ... ас кок-тујас кӧсјӧ ԍувтӧԁны... Бӧрвылас коԁӧс кутасны тӧԁны? Сіјӧс ԋебоԍ, оз тенӧ. Ԁомна. (Четчӧ ) Ок-ок-ок, ԏӧткаӧј!... Каԏеріна. (Кіјассӧ чургӧԁӧ Ԁомналаԋ) Ԁомна!.. Ԁомна. (Пеԁӧԍлы.) Коԋӧрӧј ԁа мортӧј те! Сещӧма-ԋін повԅӧмыԁ, аԍтӧ ачыԁ регыԁ кутан нӧјтны. Пеԁӧԍ. Сыв, ԍыв. Кужан бара те ԍорԋітныԁ, он јӧрмы. Куԅма. (Четчӧ лабічыԍ, Ԁомналы.) Вітчыԍ, ен вывтіаԍ! Ен вылӧ кыпӧԁчы. Уԍан, ԁојман! Ԁомна. Лаԋт те, пӧԉӧ. Куԅма. Ме, бур аԋӧј, важӧн-ԋін лаԋтӧма. Ԁомна. Те бабајаслыԍ олӧмсӧ он тӧԁ! Віԁлан-кӧ кӧрсӧ, он кут таԇі ԍорԋітны. Куԅма. Јенмӧс вунӧԁӧмыԁ ԇікӧԇ! Ԁомна. (Вомсӧ вежԋӧԁлӧ ) Ті јенкӧԁ ветлӧԁланныԁ? Кӧні-нӧ јенмыԁ тіјан? Ԅептаныԁ? Габӧ Пеԁӧр. (Матыԍтчӧ Ԁомна ԁінӧ) Кывзы, ԉуба, тенӧ арестујтны колӧ! Важӧн-ԋін каԁ. Јӧзӧс ылӧԁлан. Ԁомна. (Оз кывзы) Ок, еԍкӧ!.. Став олӧмсӧ еԍкӧ путкыԉті вермікӧ! Ԍурајас ті!.. Со етаԇі еԍкӧ ставсӧ жуԉԉі!.. (петкӧԁлӧ). Ті міјан гоԉаӧ гез шыркԋітӧмныԁ, җагӧԁанныԁ міјанӧс! Лолыштны онӧ ԍетӧ... Пӧԁтанныԁ... (Котӧрӧн пырӧ Натаԉ). Натаԉ. (Лолыс тырӧма.) Станӧвӧј локтіс!.. Збыԉ, збыԉ!.. Каԏеріна. (Повԅӧ) Воіс?.. (Ԇік јӧј-моз віԇӧԁӧ Ԁомна вылӧ). Пеԁӧԍ. (Ԁомналы) Те мун татыԍ! Мун! Каԏеріна. Віасны менӧ, віасны... Ԍујасны ԏурмаӧ. Госпоԃӧј! Ԁомна. Ԁугԁы лӧвтӧмԍыԁ, мыј лоін? Каԏеріна. Ԁомна... Кріста раԃі... ен еновт менӧ. Пукԍы татчӧ... ме ԁінӧ... Пӧԉӧ! Пеԁӧԍ. (Ԁомна вылӧ кінас шеналӧ) Мун, мун! Јен могыԍӧн мун! (Оз тӧԁ мыј керны, повԅӧма, шӧјтӧ җоҗшӧрас) Ԍват! Ԍват! (Пырӧ баба, термаԍӧмысла кашкӧ). Баба. Мужікјас локтӧны старӧстакӧԁ!.. (Аԁԇӧ Ԁомнаӧс) Тенӧ корԍӧны арестујтны!.. Пеԁӧԍ. (Горзӧ Ԁомна вылӧ) Мун, міԍа! Ԁомна. (Ԋеԁыр сулалӧ лаԋтӧмӧн. Ԍінјас паԍкӧԁӧ, гӧгӧр віԇӧԁӧ). Ар-ес-туј-тны! (ӧшіԋулын кылӧ јӧз ԍорԋі). Пеԁӧԍ. (Ебӧсыс бырӧма, уԍкӧԁчӧ лабічӧ, бӧрԁӧ ыҗыԁ гӧлӧсӧн). Жаԉітӧј-жӧ бара міјанӧс, бур јӧзӧј!.. Габӧ Пеԁӧр. (Куԅмалы) ԇугԍасны, тыԁалӧ. Лок ӧԁјӧнҗык мунам татыԍ. Лок! Куԅма. Кытчӧ? Меным ԋекытчӧ мунныс... (Матыԍтчӧ Пеԁӧԍ ԁінӧ). Сваԏԏа!.. Пеԁӧԍ. (Уԍкӧԁчӧ сылы кок вылас) Бур сватӧј менам, мезԁы міјанӧс!.. Каԏеріна. (Четчыштӧ крӧваԏ вылыԍ, кӧсјӧ пышјыны. Кіӧԁыс кутӧны Натаԉԉа ԁа Ԁомна. Каԏӧ ԋещкыԍӧ, горзӧ) Леԇӧј јенмогыԍӧн, леԇӧј! Ој-ој-ој! Ԁомна. (горзӧ Пеԁоԍ вылӧ) Ԁугԁы, ԏӧтӧ, ен бӧрԁ! Каԏеріна. (Саԃтӧм). Ԁомна (ԉаскыԍӧ сы берԁӧ)... віасны... најӧ... Ԁомна. (Ԉокыԍ ) Жаԉітӧны! Пеԁӧԍ. (Четчӧ җоҗыԍ, уԍкӧԁчӧ Ԁомна вылӧ) Те, те, те мыжа!!! Те вылӧ і віԍтала... Те віін најӧс, те!.. (Пырӧны старӧстакӧԁ кымынкӧ мужік. На бӧрԍа вӧтчӧны бабајас), Ів. Кԉімӧвіч. (Порогвывԍаԋ). Со-тај најӧ, равзӧны-авзӧны, быԏԏӧ базар. Каԏеріна. (Ԉаскыԍӧ Ԁомна берԁӧ, кыкнаныс порог ԁорԍаԋыс пыԁӧ пырӧны ). Віасны... віасны. Пеԁӧԍ. Іван Кԉімӧвіч, бур мортӧј!.. кывзы... Со... со (інԁӧ Ԁомна вылӧ)... Со коԁі мыжа. Ставыс лоі сы понԁа! Іван Кԉім. Аԁԇам, коԁі мыжа! Корԍам! Локтӧ ветламӧ ставным! Те, Пеԁӧԍ, щӧщ. Каԏеріна. Ԁомна!.. Ԁомна!.. (сулалӧ, ԇебӧ аснас Ԁамнаӧс). Іван Кԉім. (мужікјаслы). Боԍтӧј најӧс кыкнанысӧ! ( Мужікјас костын зык). 1 мужік. Есіјӧ јомасӧ колӧ воԇынас! 2 мужік. Зев-ԋін ԍуԍ кылӧ! Пеԁӧԍ. Іван Кԉім... Іван Кԉім. Мыј-нӧ те? Меным ԋім ԍетан аԉі мыј? Ме ԋеԉамын во-ԋін Іван Кԉімӧвіч. (Мужікјас поліг-тырјі мунӧны воԇӧ). 1 мужік. (Матыԍтчӧ Каԏеріна ԁінӧ) Мунам лок!.. Сені аԁԇасны коԁі мыжа... Каԏеріна. (Ачыс оз тӧԁ мыј вӧчӧ, копыртӧ јурсӧ, лӧԍӧԁӧ гоԉасӧ). Налӧ, налӧ... керыштӧ!.. (улӧ копыртчӧ, саԃыс бырӧ, уԍӧ). Пеԁӧԍ. (Горӧԁӧ). Зарԋіӧј ԍӧлӧмшӧрӧј менам!.. (уԍкӧԁчӧ Каԏеріналы гоԉа вылас). Менам олан гажӧј!.. (Зык, шум.) Ԁомна. (Зев ӧԁјӧ копыртчӧ, ԍуԍа віԇӧԁлӧ Каԏеріна вылӧ. Лептӧ јурсӧ, зев скӧрыԍ віԇӧԁӧ мужікјас вылӧ). Віінныԁ?.. Ԋімкоԃаԍӧј! Раԁлӧј!.. Бара соԁтӧԁ! 1 мужік. Бара-на ылӧԁлӧ! 2 мужік. Боԍт, боԍт, ен пов! 3 мужік. Кӧртавны колӧ! (Зык, шум.) Ԁомна. (Увтыртіг-моз). Локтӧмаӧԍ менӧ велӧԁыԍјас! Ԍӧлышта кракӧԏінаӧн тіјан вылӧ! Со, со тіјанлы! (ԍӧлыштӧ җоҗӧ, кокнас чышкӧ). Закоԋԋікјас! Суԃітны локтӧмаӧԍ! Суԃітӧ! Тіјанлыԍ законнытӧ ме со кыԇі, со, со! (Зев чорыԁа кабырјассӧ чабыртӧ, кык кабыр воча топӧԁӧ, сеԍԍа мыј выныс раԅӧ торјӧԁӧ. Шум). Мужікјас. (Шӧщ). А-а! Боԍт сіјӧс! (Воԇвывԍаԋыс кӧсјӧны кутны Ԁомнаӧс). Ԁомна. (Вывті скӧрыԍ зымԋітӧ кокнас) Вешјӧ сеԍ (Сулалӧ Каԏеріна ԁінын ԋӧԏі повтӧм пырыԍ, быԁӧн ӧзјӧма, веԍкыԁ кі лептӧма вылӧ, коԁыԍкӧ быԏԏӧ вітчыԍӧ. Каԏеріна морӧс вылын кујлӧ Пеԁӧԍ, зев нора бӧрԁӧ). Пеԁӧс. Ԍӧлӧмшӧрӧј ԁа нылӧј менам!.. (Мужікјаслы ӧԏі ԁук јанԇім лолӧ).

Занавес.