Пос: различия между версиями

Материал из Wiki FU-Lab
Перейти к навигации Перейти к поиску
Нет описания правки
(Полностью удалено содержимое страницы)
Строка 1: Строка 1:
ЖУГЫԈ.
Олыштан ԁа муса лоӧ.
3 торја ворсантор.
(Пожмвешь — полюбишь,
в 3 действиях).
1923 во.
Комі ԋіга леԇан ін.
Сыктывԁін кар.
189.
Ворсыԍјас:
Марпа — олӧма-коԃ креԍԏанка
Анна — ічіԋвоԇ ныв Марпалӧн.
Ваԋа, ар 17
Марпалӧн чеԉаԃ.
Міша, ар 10
Ӧгрӧ — Марпалӧн суԍеԁка.
Савӧ — зон, раԃејтӧ Аннаӧс.
Кораԍыԍ — вежаԋ Савӧлӧн.
Ԍтепан — креԍԏаԋін.
Марја — сылӧн гӧтыр.
Гріша — налӧн пі.
Јевлампіја — сылӧн гӧтыр.
Павел — зон, Грішалӧн јортыс.
Кујім ныв.
Меԁ воԇԇа вӧчӧм.


Креԍԏанскӧј керка. Ӧԏі пеԉбсын пач, вежӧс-гӧгӧрыс лабічјас, пызан.
Меԁ воԇԇа петкӧԁчӧм.
Марпа. (Ӧтнас; печкӧ). Аттӧ тајӧ міјан Ваԋӧ, пыр ылӧԁлӧ, бӧрԁӧԁӧ Мішаӧс. Школаӧ щӧкта нуны ԁа еԉтӧ: „Ԁіԉ-пӧ, Мішӧ, мунан школааԁ. Велӧԁыԍыс-пӧ зев скӧр. Кіас зев куԅ ԉеԋејка. Мыјӧн вӧрԅӧԁчыштан, пырыԍтӧм-пыр јураԁ карскас сіјӧн." Мішук ічӧт вежӧрнаԁ быԁ шуӧм пыԃԃі пуктӧ. Бӧрԁӧ сеԍԍа, бурӧԁны веԍіг он вермы. Ԋекыԇ оз мун школаӧ, полӧ ԉеԋејканаԁ нӧјтӧмыԍ. Мырԁӧн лоі ыстыны, нӧјтіг-тырјі... Быԁсӧн ачым муԇі... (кост). Меԁ во-мӧԁ ветлыштас, кырымаԍныс кӧԏ велалас. Ԋӧԏі велӧԁчытӧм мортыԁ-ӧԁ ԇік јӧј-коԃ: кырымаԍныԁ он куж-ԋі, ԋім лунтӧ асԍыԁ он тӧԁ-ԋі; веԍіг ԍӧм лыԁтӧ ог тӧԁӧј (кост). Кыԇ бара гіжӧԁсӧ аԁԇӧны. Ме віԇӧԁла-ԁа, сӧмын ԍӧԁ віԅ тӧԁчӧ. Міјан Ваԋа пыр ԋіга вылын зуԋаԍӧ, ԍојігӧн веԍіг оз пуктыв. Јуалан мыј гіжӧма, ԁа скӧрмӧ, шуас: „Меԁ лӧԍыԁ інас-пӧ торкін". Мукӧԁ-ԁырјіыс лыԃԃас-лыԃԃас ԁа шуас: "Јона-жӧ лӧԍыԁ ԋіга!“ Сеԍԍа воԇӧ кыв оз нуӧԁ, јуаԍ кӧԏ ен... Колӧ-жӧ еԍкӧ быԁӧнлы ԋеуна кужны лыԃԃыԍныԁ-ԁа... Абу-тај со сіԇ. Томԁырјіыԁ-ӧԁ ԁыш велӧԁчыныԁ. Гортԍаԋ
школаӧ мунан, ачыԁ кӧнкӧ керкајасын лунтыр пукалан, ворсан чеԉаԃкӧԁ (кост). Мыј-нӧ та ԁыра Анӧыс ез лок? Ӧнӧԇ-ӧԁ мӧскыԁ коԉԉӧԁчіс-жӧ-ԋін. Кӧнкӧ пӧԁругајасыскӧԁ аԁԇыԍіс ԁа венԅӧ паԍкыԁ вомнас. (Сајын кок шы). Локтӧ кылӧ. (Пырӧ Ӧгрӧ).
Мӧԁ петкӧԁчӧм.
Ӧгрӧ ԁа Марпа
Ӧгрӧ. (Пыріг-мозыс). Марпа помала печкӧ, нылыслы пріԁаннеј чӧжӧ. Ме лун-лун керкаыԍ-керкаӧ ԁовјала, ԋінӧм ог кер. Ӧԏі куԅа-на веԍіг ег леԇлы!..
Марпа. Ӧні-на сӧмын пукԍі. Пыр-на чеԉаԃкӧԁ коԍаԍі... Лок талаԋ, шојтчы!
Ӧгрӧ. Регыԃік-кежлӧ-інӧ пукԍыштла... Мыј-нӧ сіԇ коԍаԍан?.. Кӧнкӧ Аннатӧ пыр віԁан?
Марпа. (Ԉока). Сіјӧ-ӧԁ абу менам... Мішукӧс школаӧ ысті. Ԋекыԇ оз мун, ԇік матӧ волі!... Те кӧнкӧ пітӧ карӧ-ԋін мӧԁӧԁін велӧԁчыныс?
Ӧгрӧ. Вешјы сетыԍ, ен скӧрмӧԁ: карӧ кута мӧԁӧԁны. Муртса кырымаԍны-тај кужӧ-а, мыј сеԍԍа колӧ. Јонатӧ велӧԁчасны ԁа щыкӧны сӧмын, јентӧ вунӧԁӧны.
Марпа. Сіԇі бара. Міјан Ваԋа кујім во ветліс караԁ-ԁа, зев јентӧ оз лепты.
Ӧгрӧ. Ӧні-тај кытчӧкӧ ветлывлӧ-жӧ сіјӧ? Кӧн-кӧ гіжӧ аԉі мыј-нӧ?
Марпа. Гіжӧ. Правԉеԋԋеын. Зев јешщӧ ураԃԋік ошкӧ: вежӧра-пӧ, шуӧ.
Ӧгрӧ. Лӧԍыԁ-жӧ-ԋін теныԁ, Марпа, овнытӧ: мужкыԁ нажӧвітӧ, піыԁ нажӧвітӧ, горт-гӧгӧр уҗтӧ нылыԁ вӧчӧ. Сӧмын баруԋӧав.
Марпа. Ен горштӧ кыскав!.. Кыт-нӧ тенӧ аԍтӧ ԇескӧԁӧ? Мужікыԁ міјан-ԁорыԍ кызҗыка-на боԍтӧ.
Ӧгрӧ. Став уҗсӧ ӧтнамлы лоӧ вӧчны.
Марпа. (Бокӧ). Вӧчны-кӧ колӧ ен ԁовјав-ԁај. Лунтыр-тај міјанын прӧста швач-віԇан. Ме тіјанӧ кок помӧн-на ег пыравлы-а.
Ӧгрӧ. (Куԅчышјан пом віԁлалӧ, ез кыв Марпалыԍ кывјассӧ). Мыј?
Марпа. Ԋінӧм... Анӧ-вылӧ ропка. Мӧс коԉԉыны муніс ԁа воші кытчӧкӧ.
Ӧгрӧ. Аннатӧ-пӧ Натаԉ Савӧ сајӧ лӧԍӧԁчӧмыԁ ԍетны. Збыԉ абу-нӧ?
Марпа. Быԁӧнлы быԁтор колӧ тӧԁны... Мыјнӧ лӧԍӧԁчі-кӧ? Ԍета-ԁај ставыс. Јона-жӧ тіјан кынӧмыԁ віԍӧ јӧз-понԁаыԁ. Натаԉ Савӧ-коԃ жӧԋікыԁ-кӧ еԍкӧ ԍурӧ, ԃівја-ԋін, мајбыр, ԍетан-ԁа. Олӧмыс налӧн мыј сулалӧ: ӧԏі пі, кык керка, — ԍіннаԁ он суԇ, сы суԁта; віт мӧс, кујім вӧв віԇӧны. Вотчінаыс ԉібӧ мыј ыжԁа!
Ӧгрӧ. Овмӧсыс бур, ԋінӧм сы-јылыԍ прӧста шуны. Славаыс на-јылыԍ омӧԉ: јереԏԋікіас најӧ. Щыкӧԁасны сӧмын нывтӧ.
Марпа. Мун сеԍ, ен скӧрмӧԁчы. Кущӧмкӧ јереԏԋікјас. Ԋінӧм абусӧ сӧранныԁ!..
Ӧгрӧ. Теԁ, ԏӧткаыԁлы, ԃерт веԍкоԃ, кӧԏ коԁ сајӧ ԍет. Меԁтыкӧ мынӧма-а.
Марпа. (Нора). О, госпоԃӧ помілуј, ԇік-жӧ-ԋін прӧста, Ӧгрӧ, меԁ бӧрја кывтӧ меԁ војԁӧр шуін.
Ӧгрӧ. Ен скӧрмы. Ме-ӧԁ сіԇі шуі, серала. (Четчӧ). Бара-на ылалі, мунны лоӧ. (Ӧԇӧс вугјӧ кутчіԍӧ).
Марпа. Мыјнӧ-на мунан, пукав!
Ӧгрӧ. Шабԁітӧ ен-на курав, ӧтлааԁ-тај коԁӧс воԉсавлім? Ме віԁлӧг-вылӧ талун вајі, ог тӧԁ кущӧм лоӧ.
Марпа. Талун лоӧ-жӧ куравны... Анӧӧс щӧктыны.
Ӧгрӧ. Те быԁтор керны Анӧӧс щӧктан, мем ставсӧ аслым лоӧ вӧчны... (Повԅӧмӧн). Ок-ма, менам-ӧԁ пачӧ руԇӧгԋаԋ ԍујалӧма!.. Ԍорԋінаԁ вуні... Ставыс кӧнкӧ сотчіс. Мунны лоӧ ԁа кыскавны ӧԁјӧнҗык. (Петігас). Волы, Марпа, пукавныԁ! Ԋекор-тај-нӧ он пыравлы. (Петӧ).
Марпа. Вола. Ачыԁ пыравлы!
Ӧгрӧ. (Посвоԇԍаԋ ыҗыԁ шыӧн). Ме быԁ лун ԁасыԍ пырала... Аннатӧ вӧлі гаралан, тонӧ, локтӧ-ԋін.
Марпа. (Гора). Петкӧԁла ме сылы гаж талун!
Ӧгрӧ. (Гора). Мы-ыј?... Ег кыв!..
Марпа. Те мыјкӧ сіԍ пеԉнаԁ кылан!.. (Пырӧ Анна, мунӧ пач ԁорӧ).
3-ԁ петкӧԁчӧм.
Марпа Ԁа Анна.
Марпа. (Скӧра). Кытчӧ-нӧ вошлін? Кӧнкӧ ас-коԃ ԁыш пӧԁругајасыԁкӧԁ вомтӧ паԍкӧԁӧмыԁ ԁа венԅан. Ԍінмӧн аԁԇытӧм тор!.. Баԏыԁ кущӧм, сещӧм і те: ӧткоԃӧԍ. Сіјӧ-тај муніс-ԁа, воші-жӧ кытчӧ-кӧ-а. Шона колӧ пуктыны, важӧн вајміс... Ԁовјалаԁ. Мун пет, карта кӧԏ воԉсав. Сеԍԍа шабԁі курав.
Анна. (Оз мун; пач ԁінас мыјкӧ вӧчӧ).
Марпа. Анӧ, кылан он-нӧ? Аԉі ԇік пеԉтӧммін? Мун, міԍа, картатӧ воԉсав, ԋемуҗтӧм! Боԍта ԁа ојкјӧԁла печканнас!
Анна. (Мунӧ ӧԇӧслаԋ). Ок те, јома!.. Ԁугԁывтӧг уҗала, теԁ пыр ԋе чеԍт! (Петӧ).
Марпа. Ме теныԁ! Он-ӧ кӧсјы піԋаԍны, зык лептыны?
4-ԁ петкӧԁчӧм.
Марпа. (Ӧтнас). Велалӧма! Пыр піԋаԍны віԇӧԁчӧ. Лоӧ коркӧ велӧԁыштны, вомсӧ тупкыны. Баԏыслы нораԍ кӧԏ ен, ківыԉ оз кер. Менԍым оз кывзы, ԏӧткаыԁлыԍ. Ӧԁјӧнҗык колӧ верӧс сајӧ сетны ԍін вежан іныԍ... Ԁырӧ ԁӧзмӧԁчас... Талун кӧсјӧны Натаԉ Савӧԍаԋ кораԍны локны. Оз-кӧ уна пріԁаннејсӧ коравны, ԍета... Јешщӧ-пӧ-ӧԁ Натаԉ Савӧыслы ԍӧлӧмвылас воӧ-і (шпыԋмунӧ)... Кыт бара кажітчӧма? Олан-ногсӧ-кӧ еԍкӧ тӧԁӧ, пыр еновтас... (кост). Мыјкӧ-тај-нӧ ԁыр-жӧ оз лок кораԍыԍыс?.. Регыԁ-ԋін луншӧркаԁ лоӧ. (Пырӧ Анна).
5- ԁ петкӧԁчӧм.
Марла. Картатӧ воԉсалін?
Анна. Ег-на... (Поліг-тырјі). Ԏӧтка, Натаԉ Савӧԍаԋ кораԍыԍ локтӧ. Енӧ, колӧкӧ, лӧԍӧԁчӧј-а, ме-ӧԁ ог мун сещӧм сајаԁ; кӧԏ мыј керӧј.
Марпа. (Скӧра). Он мун?! Мыј лоі?.. Нылӧн нем-чӧжыԁ он-ӧ кӧсјы овны, ԉібӧ манастырӧ мунны?.. (Ԋерӧ). „Сещӧм сајаԁ“ Кыт-нӧ кущӧм? Вајасны-кӧ еԍкӧ мунан-ԋін-ԁа, оз-на јешщӧ вајны-а... Кыт-нӧ омӧԉ сіјӧ? Меԁ озыр жӧԋік вӧлӧԍтас.
Анна. Сещӧм јереԏԋік сајаԁ бара ме ог мун!
Марпа. (Бура-коԃ). Коԁ сајӧ-нӧ еԍкӧ мунан?.. Он-ӧ віԇ аслыԁ-вылӧ Ларӧ Іван Ԍтепӧ Грішӧтӧ?.. Чӧв, Анӧ, чӧв! Сіјӧ тујын, коԁ тӧԁас кор локтас... Ӧнӧԇ сіјӧ вунӧԁіс-ԋін тенӧ... ԍо-пӧв гӧтраԍіс.
Акна. (Бӧрԁӧ). Ԏӧтка, мем зев мустӧм Натаԉ Савӧыԁ... Ԍінмӧн ме сіјӧс ог вермы віԇӧԁны... Кӧԏ ԍетаԁ сы сајӧ, ԋекущӧм олӧм міјан оз ло.
Марпа. Сыыԍ мајітчыны ԋемтор: олыштаԁ ԁа муса лоӧ. (Скӧра). Лаԋт, тіԋгӧмыԁ! Коԁ сајӧ ԍетасны, сы сајӧ і мунан. Тіјан-вылӧ-кӧ віԇӧԁны, он вермыв ԍетлыны те-коԃтӧ, сіԇ пӧрыԍмаԁ. Мун сеԍ, ԍінвоԇыԍ; тырмас сӧрныԁ. Ԍетам Натаԉ Савӧ сајӧ-ԁај ставыс, абу аслаԁ вӧԉа. Мун ӧԁјӧнҗык воԉсав картатӧ ԁа лок кораԍыԍјаскӧԁ ԍорԋітны. (Пырӧ кораԍыԍ. Анна петӧ).
6-ԁ петкӧԁчӧм.
Марпа ԁа кораԍыԍ.
Коԍаԍыԍ. Олаԁ вылаԁ!
Марпа. Лок, шојтчы! (Четчӧ, пуктӧ печкансӧ лабјчас&). Лок етатчӧ, пукԍы (чышкыштӧ кінас лабічсӧ).
Кораԍыԍ. Лоӧ шојтчыштны. (Пӧртчыԍӧ. Марпа боԍтӧ паԍкӧмсӧ, ӧшӧԁӧ тув јылӧ. Кораԍыԍ пукԍӧ). Те-тај печкан-ԋін. Кущӧм куԃеԉ-нӧ, тавоԍа?
Марпа. Абу!. Коԉан воԍаыс коԉыштліс. Асывјаснас ԁа лун ԍӧмӧснас прӧста оліг-моз печкывла...
Кораԍыԍ. (Кызӧгтӧ). Ме зев ыҗыԁ могӧн те орԁӧ локті... Ог тӧԁ...
Марпа. Но... Кущӧм мог-нӧ суіс?..
Кораԍыԍ. Быԏԏӧкӧ оз тӧԁ!
Марпа. Мыјӧн-нӧ тӧԁа.
Кораԍыԍ. Вежа піӧј ыстіс тіјанӧ... ныв-јывԍыԁ јуаԍны. Тыԁалӧ, ԍӧлӧмыс коԍмӧ...
Марпа. Мыј-ԋін бара? (Ачыс еԍкӧ гӧгӧрвоӧ). Ԋемтор ог гӧгӧрво...
Кораԍыԍ. Нывтӧ коравны ыстіс. Тӧлыԍ-кымын ԁоԉӧ-ԋін: „Ветлы-ԁа ветлы". Ԁӧзмі кывзыныс ԁа со.і локті.
Марпа. Нылӧс коравны?! Но-о-о... (Быԏԏӧ ԋе ԉубӧ).
Кораԍыԍ. Ԁыр ог кутӧј ԍорԋіӧн ԋужӧԁчыны. Вај віԍтав, ԍетаԁ онӧ еԍкӧ міјан Савук сајӧ нывтӧ? Міјан-ӧԁ сіјӧ зев зіԉ, уҗтӧ сіԇі і пурӧ. Бабатӧ кӧкԋіԁа кутас віԇны...
Марпа. (Аслыс еԍкӧ зев ԉубӧ). Міјан нылыс томна-ԁа... кытчӧ-нӧ-на верӧссајӧ ԍетан?.. Сеԍԍа сіјӧ менам веԍкыԁ кі, зев јон отсӧг. Сытӧг мем ԍӧкыԁ лоӧ овныс. (Бокӧ). Кінас і кокнас ԍетам, боԍт!
Кораԍыԍ. Том, шуан. Кымын арӧс-нӧ?
Марпа. Ем-ԋін еԍкӧ ар кыԅ кымын-ԁа. Уртчӧмсӧ ог тӧԁ. Коԉан во коркӧ Рӧштво-гӧгӧр ԁас ӧкмыс
арӧс тырӧмӧн вӧлі шуӧ... Сіԇі і ем. Регыԁ коркӧ тырӧ кыԅ арӧсыс. Со-ӧԁ, велӧԁчытӧм мортыԁ веԍіг арлыԁтӧ чеԉаԃыԁлыԍ он тӧԁ.
Кораԍыԍ. Кыԍнӧ міјанлы, пемыԁ јӧзлы, тӧԁны. Ме выјӧԇ асԍым ог тӧԁ арлыԁӧс, ԋеԁа-пӧштӧ јӧзлыԍ.
Марпа. (Бокӧ). Те мыјкӧ тӧԁан... пу јылыԍ турісӧ. Кутіс сен арлыԁ-јылыԍ вангыны. Оз вермы віԍтавны, унаӧ пріԁаннејсӧ кораласны. (Сылы). Пріԁаннејтӧ-нӧ уна-ӧ коралӧны?
Кораԍыԍ. Менам пӧрыԍыс став ԍемјалыԍ тӧԁӧ ар лыԁтӧ. Сіјӧ-жӧ коркӧ віԍтавлас ԁа тӧԁлам ԋімлуннымӧс-а!
Марпа. (Бокӧ). Кутіс! (Сылы). Міјан ачыс тӧԁӧ-жӧ ставсӧ. Гіжӧԁтӧ аԁԇӧ-ԁа віԇӧԁлывлӧ каԉенԁарыԍ.
Кораԍыԍ. Сіԇтӧ ԃерт!..
Марпа. МӧԀыԍ-ԋін јуала, уна-ӧ-нӧ пріԁаннејтӧ корӧны?
Кораԍыԍ. Мыј? Ме-ӧԁ ԍӧкыԁ-коԃ пеԉа-ԁа...
Марпа. (Бокӧ, скӧра). Выј!.. (Сылы). Уна-ӧ, міԍа, пріԁаннејтӧ коралӧны? Міјан-ӧԁ унатӧ абу ԍетныԁ.
Кораԍыԍ. Пріԁаннејтӧ?!. Оз уна. Шуӧны-тај, ԇік пріԁаннејтӧгыԁ-пӧ быԏԏӧкӧ абу-жӧ лӧԍыԁ; ічӧԏіка-кӧ-пӧ ԍетыштасны-і.
Марпа. (Бокӧ). Ԏпу ты, прӧԍԏі госпоԃі! мӧԁіс... Меԁ кӧԏ еԍкӧ веԍкыԁа-ԋін шуас. Нарошнӧ ԁӧзмӧԁӧ менӧ. (Сылы). Ԃерт-ԋін еԍкӧ ічӧԏіка-ԁа. Кыԍ унасӧ абутӧм інԍыс коралан. Мыјԁа-нӧ шуӧны?
Кораԍыԍ. Пуԁовԋа ԋоԉ ув кымын му щӧктісны коравны. Віԇсӧ...
Марпа. Мыј?!. Ԋоԉ пуԁовԋа ув му!?. Јӧјмӧмаӧԍ-кӧ-а. Міјан ставыс сымԁаыс абу.
Кораԍыԍ. Уна-кӧ сіјӧ кажітчӧ, поԅӧ чінтыштны.
Марпа. Мутӧ кык пуԁовԋа увыԍ ыҗыԁҗыкӧс ог вермӧј ԍетны.
Кораԍыԍ. Кык пуԁовԋа увыԁ еща-жӧ лоӧ.
Марпа. Еща кӧԏ абу. Унҗыксӧ мукӧԁлаыԍ корԍӧј!
Кораԍыԍ. Кујім пуԁовԋа ԁа җынсӧ ԍетаԁ-жӧ?
Марпа. Кык пуԁовԋа ув. Сыыԍ унасӧ ог вермӧ. Сылы-кӧ-нӧ кујім пуԁовԋа ув ԍетам, аслыным мыј коԉӧ?.. Сытӧг на-ӧԁ ԋоԉӧнӧԍ.
Кораԍыԍ. Кӧԏ кујім пуԁ ув?!
Марпа. Ог, ог, ог!.. Шуі, міԍа, ог, ог і ԍет. Кык пуԁовԋа увсӧ-інӧ ԍетам... Мыј керан, ԇік кушнаԁ он мӧԁӧԁ. Кӧԏ ԏӧтка, ԁа жаԉ-жӧ-ӧԁ.
Кораԍыԍ. (Бокӧ). Јона-пӧ жаԉітан, бок пӧлӧныԍ. Кывԍӧ-ӧԁ. (Сылы). Кыԇ-нӧ он жаԉіт, коԁі сеԍԍа, коԋӧрӧс, жаԉітыштас.
Марпа. Ԃерт сіԇ... Кык пуԁовԋа увыс шаԋ абу?
Кораԍыԍ. Ещаҗык-жӧ еԍкӧ-ԁа. Меԁ-інӧ, шаԋ... Прӧԍԏі госпоԃі ԁонјаԍӧм, быԏԏӧ кущӧмкӧ вузӧс ԋӧбам.
Марпа. Віԇсӧ-нӧ уна-ӧ?
Кераԍыԍ. Ог-ԋін віԍтав. Теа-меа ог лаԁмӧј. Аскӧԁыс бӧрсі ԍорԋітӧј. (Четчӧ).
Марпа. Ен-на мун. Самӧвар пукта ԁа щај јуам.
Кораԍыԍ. Паԍібӧ. Мӧԁыԍ. Талун ог ешты. Бура ԁыр-ԋін венԅім, ԁонјаԍім. (Бокӧ). Муԃер руч, локтӧм бӧрын ен пукты, ӧні вӧԉіԍ кӧсјан. Вежӧра аслаԋыԁ. (Петӧ).
Марпа. (Щӧщ петӧ. Сајын). Ен ԃівіт, ԏӧтушка, ԋемторјӧн ег гӧсԏітӧԁ-ԁа... (Пырӧ Анна).
7-ӧԁ петкӧԁчӧм.
Анна. (Ӧтнас, пукԍӧ. Шога). Мыј бара ԍорԋітісны? Ԍетасны, тыԁалӧ, менӧ Натаԉ Савӧ сајаԁ... Ок, ок, ок, мыјла бара міјан ас вӧԉаыс абу! Мырԁӧн вермӧны верӧссајӧ ԍетны! Коԁԍаԋ тајӧ мунӧ-а? Ԍетасны мустӧм сајӧ ԁа немыԁ сыкӧԁ ов. Шуӧны: олыштаԁ-пӧ ԁа лӧԍавны кутаԁ, мусаӧԍ-пӧ лоанныԁ мӧԁа-мӧԁныԁлы. (Шога шпыԋмунӧ). Кыԍ-ԋін бара. Ӧні-кӧ мустӧм, сек јешщӧ мустӧм лоӧ!.. Тані, гортын, ԏӧткавоԇын ԍӧкыԁ вӧлі овны, меԁ кӧԏ еԍкӧ верӧссајаԁ бур інӧ веԍкалан, мусаҗык мужік ԁінӧ... Шуԁа мортыԁ немчӧж шуԁа... Мі-воккоԃыԁ огӧ мынлӧј ԍір курыԁ шогыԍ. (Кост. Скӧра). Меԁ, меԁ менӧ ԍетӧ ԏӧтка Натаԉ Савӧ сајӧ. Ог мун!.. Ԋінӧм вылӧ ог мун! Кӧԏ татчӧ віасны, ог мун сы сајӧ, сещӧм јереԏԋік сајаԁ. Зев-кӧ колӧ Натаԉ Савӧ чукӧрыс ԏӧткалы, меԁ ачыс мунас. Ме ог мун, ог! Мырԁӧн-кӧ ԍетны кутасны, — җагӧԁча, ваӧ пыра, јаԁ јуа! Секі каԅаласны, кущӧм верӧссајаԁ ас вӧԉа-вывтіыԁ ԍетӧмыԁ... (кост). Ԏӧтка кӧнкӧ чајтӧ менӧ муніг. Кӧнкӧ лӧԍӧԁчісны-ԋін. Регыԁ жӧԋік локтас ме ԁінӧ... Меԁ лӧԍӧԁчіс-кӧ, меԁ!.. Муныԍ оз ло!.. Ог мун, ог! (Сыркјалӧмӧн бӧрԁӧ). Ог, Натаԉ Савӧ, ог мун те сајӧ... (бӧрԁӧ. Кост. Лӧԋа). Кӧн бара менам Грішукӧј?.. Кык воыԍ уна ԋекущӧм јуӧр ез мӧԁӧԁлы. Ловја абу-ԋін бара... Перымлаԋ кытчӧкӧ муніс окотасӧ ԏешітны, ԁа оз лок ԋі ԋемтор. (Повԅӧмӧн). Гашкӧ вунӧԁіс-ԋін менӧ-ԁа? Кыԇ ԏӧтка шуас, гӧтраԍіс. Ез, ез вунӧԁ!.. Тӧԁа-ӧԁ... Ԍӧлӧмӧј віԍталӧ... Віԁчыԍа сіјӧԍ кӧԏ ԁас во, ԋекоԁ сајӧ ог мун... Грішук, Гршук!
Кывлан-кӧ еԍкӧ менӧ ԍетӧмӧс верӧссајӧ, локтан-жӧ-ԁа... Боԍтан ас сајаԁ... Ме тенӧ ԋекоԁ-вылӧ ог веж, ԁонаӧс... (Шпыԋјалӧ). Кущӧм ԁолыԁа кутам овны!.. (Ԍылӧ)
„Вԍе пташкі канарејкі
Так жалобно појот.
I нам тобој, мој мілој,
Разлука поԁајот"...
Ԁа, разлука поԁајот!.. (Зев ӧԁјӧ четчӧ). Ок-ма, менам вуні шонатӧ пуктыны. Меԁ кӧԏ ԏӧткԁ оз тӧԁлы, бара кутас сакны, мыј-ԍурӧӧн -віԁны. Ок, ԍӧкыԁ-жӧ овны: пукԍылан ін он аԁԇыв, а пыр віԁӧны. (Кӧсјӧ петны, пырӧ Савӧ).
8-ӧԁ петкӧԁчӧм.
Анна ԁа Савӧ.
Савӧ (Быԏԏӧ мыжа морт). Олан вылан, Анна! Ме еԍкӧ мамыԁ ԁінӧ локті-ԁа. Кӧн-нӧ сіјӧ?
Анна. (Бура). Кытчӧкӧ петӧма. Регыԁ локтас. (Кӧсјӧ петны).
Савӧ. (Мунӧ сы ԁінӧ). Анна, мыјла-нӧ менӧ сещӧма мустӧмтан? (Гӧлӧсыс ԁрӧжжітӧ). Овны ме тетӧг ог вермы, сещӧма раԃејта. Ок, Анна, мунан-кӧ ме сајӧ, кущӧм шуԁаӧԍ лоам! (Анна сулалӧ, јур копыртӧма, Савӧ кӧсјӧ кіӧԁыс боԍтны).
Анна. Ен кутчіԍ! Ачым ог тӧԁ мыјла, Он ԍӧлӧм-вылӧ во мем... Савӧ, еновт менӧ, ен корав! Ог ме мун те сајӧ. Ем-кӧ ԍӧлӧм, еновт, вунӧԁ менӧ! Вајны-кӧ понԁан, — ԏӧтка мырԁӧн ԍетас. Мун міјаныԍ!.. Сеԍԍа ԋӧтчыԁ ен волы!
Савӧ. (Пукԍӧ, кінас шапкасӧ тіԉӧ). Ме пыр-на наԃејтчі те вылӧ... Вӧлӧма со мыј... Ог, Анна, он-кӧ мун, ог кут коравны... Шуӧны, сӧмын-пӧ госпоԁајас, ԋемуҗтӧм јӧз кужӧны раԃејтны; мі-вок-коԃԃӧм, ԍӧԁ уҗ керыԍ — ԍӧлӧмтӧмӧԍ; налы кӧԏ-пӧ кущӧм гӧтыр, веԍкоԃ. Абу-тај сіԇ вӧлӧма. Міјан ем-жӧ ԍӧлӧмыс... кужам-жӧ раԃејтныс... (Четчӧ). Анна, ԉокӧн ен каԅтыв... Нем тенӧ ог вунӧԁ. Баԏ-мам-кӧ мырԁӧн оз гӧтравны, нем ог гӧтраԍ.
Анна. (Терыба). Нем кежлӧ, нем кежлӧ?.. Вунӧԁ менӧ!.. Ԉокӧн ен каԅтыв! (Котӧрӧн петӧ. Савӧ јур леԇӧма, пукԍӧ. Кост. Пырӧны Марпа ԁа Міша).
9-ԁ петкӧԁчӧм.
Савӧ, Марпа ԁа Міша.
Міша. (Ԋумјалӧ, мамкӧԁ ортчӧн пырӧ, јурјас вылын кіын ԋіга; шапка шыбытӧ). Мамӧ, мамӧ, школааԁ-тај вӧлӧм зев лӧԍыԁ! Велӧԁыԍыс бур. Тонӧ ԋіга ԍетіс-і (петкӧԁлӧ).
Марпа. Ме-тај шулі теԁ, міԍа лӧԍыԁ сен, ԋемтор оз керны. Те он мун, бӧрԁан. Јӧј!
Міша. Ваԋӧыԁ повԅӧԁлӧ-ԁа... Мамӧ, ме јона велӧԁча, ущіԏеԉӧԇ.
Марпа. (Шпыԋмунӧ). Попӧԇ-кӧ-ԋін-а,
Міша. Попӧԇыԁ ме ог! Налӧн паԍкӧмыс зев куԅ. Сеԍԍа быԁ лун вічкоӧ ветлы. Попыԁлы вуграԍны-ԋі, мачаԍны оз поԅ... (Нора). Ме ог попӧԇыԁ велӧԁчы, мамӧ.
Марпа. Но ен, ен. Ущіԏеԉӧԇ-інӧ!
Міша. Мамӧ, мамӧ, ме шыпасјассӧ тӧԁа-ԋін, Ваԋӧыԁ велӧԁліс-ԁа... (інԁӧ ԋіга вылыԍ). Со А, со зы, „аз“, бы, у, — „бу“ — „азбу“, кы, а — „ка“. — Аз-бы-у-ка“. Мамӧ, „азбыука“ татчӧ гіжӧма.
Марпа. (Меліа). Но-но... Ајԁа те!
Міша. Мамӧ, „азбыукаыс“-нӧ мыј лоӧ?
Кіарпа. Ме бара ог тӧԁ... Ԋінӧм ме ог тӧԁ, ԃіԏа.
Міша. Рочӧн гіжӧмаӧԍ?
Марпа. Ԃерт рочӧн.
Міща. Мыјла-нӧ абу коміӧн?
Марпа. Ог тӧԁ, ог тӧԁ, ԃіԏа. Ԋінӧм, міԍа, ме ог тӧԁ.
Міша. Аттӧ, лӧԍыԁ-жӧ школааԁ!.. Быԁ лун кута ветлыны. Кымын во, мамӧ, колӧ велӧԁчыны ущіԏеԉӧԇыс?
Марпа. Уна-на. Ӧԏі лун-на-ӧԁ те сӧмын ветлін. Он-на ԁругӧн во велӧԁыԍӧԇыԁ...
Міша. Мамӧ, вај ԍојам, кынӧмӧј ԍумалӧ. Асывԍаԋыс-нін ег ԍојлы. (Шпыԋјалӧмӧн віԍталӧ). Ԋаԋтӧ школаӧ мунігӧн понјаслы верԁі, зев лӧоыԁ! Шыбытан етаԇі понјыԁлы (петкӧԁлӧ), ԁа понјыԁ вылӧ четчыштлас... Мі ԍералам!
Марпа. Мун пет, ԁа мӧԁ керкаын сунлабічын шомјӧв кріԋча ем, ԍој!
Міша. Нӧкнас?
Марпа. Талун школааԁ ветлӧм-куԅа нӧкнас поԅӧ.
Міша. (Бергӧԁчӧ, кӧсјӧ петны). Тајӧ-нӧ, мамӧ, коԁі пукалӧ? Егӧ-тај-нӧ ӧнӧԇ аԁԇылӧј...
Марпа. Но, пӧԉінӧ-тај... Ԅаԏ пу! Мыј-нӧ јуртӧ ӧшӧԁӧмыԁ, он шыаԍ?
Міша. Мамӧ, тајӧ і ем јереԏԋікыԁ, Аннаыԁлӧн жӧԋікыс?
Марпа. Кущӧм јереԏԋік? Те-тај, Мішӧ, вывті ышмін. Ме тенӧ боԍта-кӧ!..
Міша. Мыј-нӧ? Омӧԉсӧ ԋемтор ег вӧч-ԁа. Оз-ӧмӧј поԅ јуавныс?
Марпа. Петан-кӧ пет, ԍој! Скӧрма-ԁа...
Міша. (Зумыштчӧма петігас). Јереԏԋіктӧ аԁԇін ԁа щапмін. Чӧвлы!.. (петӧ).
Марпа. Аттӧ, те злӧԃеј, ԋекытчӧ тујтӧм морт. Енлы ме тенӧ! Петкӧԁла гаж! (вӧтчылӧ сы-бӧрԍа)!
10-ԁ петкӧԁчӧм.
Марпа ԁа Савӧ.
Марпа. Саваԏеј, ен ԃівіт, чеԉаԃыԁ-ӧԁ мыј кывласны, сіјӧ і шуасны. Кӧнкӧ-ӧԁ Анӧ-жӧ велӧԁӧ најӧс... Кӧн бара ачыс ветлӧ-а? Волас менам! Шона ӧнӧԇ-на абу пуктӧма, бі чір веԍіг абу коԉӧма. Со тенаԁ бабаыԁ кущӧм лоӧ, ԉубујтчы!.. Ті-ӧԁ зіԉӧԍ-ԁа, сещӧмјасыԁ еԍкӧ тіјанлы оз тујны ԁа...
Савӧ. (Четчӧ, кӧсјӧ мунны). Прӧшщајтлӧ!..
Марпа. Кытчӧ-нӧ?
Савӧ. Гортӧ.
Марпа. Регыԁ-ӧԁ локтас, пукышт... Пріԁаннеј-јывԍыԁ талун-жӧ колі лӧԍӧԁчыны. Сеԍԍа регыԁҗык сваԃба вӧчам-ԁај...
Савӧ. Ме ог-ԋін гӧтраԍ.
Мзрла. Мы-ыј? Он гӧтраԍ?! Мыј-понԁа?
Савӧ. Сіԇі, ԁумӧј вежԍіс...
Марпа. О, госпоԃі помілуј!.. Мыјнӧ менӧ та ԁырасӧ ылӧԁлін? Ок те, јанԁыԍтӧм оін!.. Ставныԁ ті сещӧмӧԍ, јереԏԋік чукӧр! Мун, весаԍ ӧԁјӧнҗык таԍ, менам ԍінвоԇыԍ!
Савӧ. Муна, муна, ен сак! Марпа, ен пыр віԁ Аннатӧ, жаԉітышт сіјӧс. (Петӧ).
11-ԁ петкӧԁчӧм.
Марпа. (Ӧтнас). Сетчӧ тенӧ оз јуавны. Мыј вӧча, ачым тӧԁа... (броткӧ). Јереԏԋікјас, ывсӧԁлоны менӧ... Ог-пӧ гӧтраԍ... Гӧтраԍ кӧԏ ен, оз зев теыԍ гажтӧмчыны... (Кост). Бара-на ег мын Анӧыԍ. Аттӧ-жӧ ԁа ԃівӧ. Бара лун-лун піԋ ԁа зык лоӧ... (Сіјӧ броткігӧн пырӧ Ваԋа).
12-ԁ петкӧԁчӧм.
Марпа ԁа Ваԋа.
Ваԋа. Ме чајті кыкӧнӧԍ коԁкӧԁкӧ. Ӧтнаԁ-тај... Мыј-нӧ-ԋін бара броткан? (Пукԍӧ пызан сајӧ).
Енлы, ме теԁ ԍӧмтор сетышта, гашкӧ бураԍан (кыскӧ ԅептыԍ). На, боԍт, сӧмын ԁугԁы увгӧмԍыԁ.
Марпа. Но, ԍӧм ԍетан. Кыԍ-нӧ? (боԍтӧ).
Ваԋа. Талун ԁватсатеј ԁа ԍетісны.
Марпа. Міԍа-жӧ усјас луԁӧны вӧлі. (Ԋіртӧ уссӧ). Ускӧј, ускӧј, ен пӧрјаԍ! (Віԇӧԁӧ ԍӧм вылӧ). Уна-ӧ-нӧ тані?
Ваԋа. Тајӧ кујіма, тајӧ віта.
Марпа. Віта ԁа кујіма... Уна-ӧ-нӧ сіјӧ лоӧ? (Чуԋӧн лыԃԃӧ). Віт, квајт, ԍіԅім, кӧкјамыс... Кӧкјамыс шајт?
Ваԋа. Вітсӧ аслыԁ, кујімсӧ Анналы ԍет.
Марпа. (Скӧра). Анӧлы ог-жӧ ԍет, вешјы сеԍ. Ачыс меԁ нажӧвітас.
Ваԋа. Мамӧ, јона-жӧ те кеԇовтан Аннаӧс! Јен грек сыыԍ суас тенӧ. Кыԍ-нӧ сіјӧ нажӧвітас пыр гортса уҗ керӧ-ԁа? Јӧзӧ уҗавны петавны оз і слӧјмыв.
Марпа. Меԁ кӧԏ кыԍ... (Пырӧ Анна).
13-ԁ петкӧԁчӧм.
Најӧ-жӧ ԁа Анна.
Ваԋа. Со і Анна локтіс. Мамӧ, ԍет кујімасӧ сылы.
Марпа. Ог ԍет. Меԁ ачыс корԍӧ колӧ-кӧ ԍӧм.
Анна. Меным ԋекущӧм ԍӧм оз ков. (Бокӧ). Кыԍ-ԋін ԏӧтка ԍетас, асԍым віԇӧԁӧ боԍтны.
Марпа. Колӧ еԍкӧ-ԁа, ог-на ԍет-а.
Ваԋа. Мамӧ, ԍет! Ԉібӧ бӧр аслым вај.
Марпа. Мем-кӧ ԍурі, еща-ԋін боԍтан. Теныԁ аслыԁ грӧш ог ԍет.
Анна. Ваԋа, важӧн-ԋін Натаԉ Савӧыс муніс?
Ваԋа. Ме ег аԁԇыв. Локті-тај ԁа ез-ԋін вӧв-а.
Марпа. Мыј теԁ сыыԍ? Воԇҗыксӧ вӧлі оз ков, ӧні јуаԍан сеԍԍа. Ԍормін, нылӧ: оз-ԋін тенӧ вај Савӧыԁ, оз гӧтраԍ. (Піԋ јірыштӧ). Бара ег мын теыԍ! Ԍінвоԇын кутан туԉајтчыны. Нем, тыԁалӧ, он мынлы теыԍ!
Ваԋа. Мамӧ, ӧні мынтӧԁчан, мунас-кӧ, — кајітчан. Став уҗтӧ-ӧԁ Анна керӧ. Те сӧмын лун-лун гӧбӧч вылын кујлан, ӧкмысӧԁ керјӧ коктӧ лептӧмыԁ-ԁа. Мунас-кӧ, ԍӧкыԁ теԁ лоӧ овны.
Марпа. Те еԍкӧ ен-ԋін ԁорјы чојтӧ! (броткіг-тырјі петӧ).
14-ӧԁ петкӧԁчӧм.
Анна. (Аслыс). Оз-ԋін гӧтраԍ... оз корав менӧ... Ме чајті сіјӧ оз кывзы менԍым, мырԁӧн кутас вајны. Вӧлӧм Савӧыԁ прамӧј бур морт: кывзӧма. Паԍібӧ-жӧ теныԁ, Савӧӧј, зев ыҗыԁа, нем ог вунӧԁ тенԍыԁ тајӧ буртӧ!
Ваԋа. Ԍӧкыԁ теԁ, Анна, мамӧкӧԁ овны, пыр віԁӧ тенӧ... Мыј керан, лоӧ ԏерпітны.
Анна. Меԁ віԁас. Сылӧн ԍещӧм-ԋін моԁаыс. Он-тај веж, буракӧ.
Ваԋа. Анна, кывлін-ен-на, Ларӧ Іван Ԍтепӧ Гріша-пӧ воӧма. Те, буракӧ, сыкӧԁ ветлывлін мунтӧԇыс?
Анна (Ԁолыԁа). Чӧв? Воӧма? Кор-нӧ?
Ваԋа. Ме ог тӧԁ. Талун меным Ԍімӧ Саԋӧыԁ віԍталіс.
Акна. (Аслыс). Вунӧԁіс ез бара менӧ?.. Важ-коԃыс абу-ԋін бара? Гашкӧ оз-ԋін і тӧԁ менӧ-ԁа? Ӧԁ ԇоԋ віт во ветліс... (Ваԋалы). Ваԋа, збыԉыԍ? Он ылӧԁлы?
Ваԋа. Ог-жӧ ылӧԁлы. Збыԉ.
Анна. Ме ветла сы ԁінӧ. Бурещ аскі вӧскреԍеԋԋа... Аскі-жӧ ветла.
Ваԋа. Ветлы, ветлы. Ԍӧлӧмыԁ ԏіпіктыны кутіс!
Анма. (Аслыс). Грішук, кор-ԋін ме тенӧ аԁԇа... Боԍт, боԍт ас сајаԁ ӧԁјӧ, мезԁы ԏӧткаыԍ! Муса Грішаӧј, ԇоԋ віт во-ӧԁ ме тенӧ віԁчыԍі јенмӧс-моз! Воін-жӧ!.. Ӧні сеԍԍа ог-ԋін торјӧԁчылӧј .. Муна сы орԁӧ, ԍывјас ӧшӧԁча ԁа јона і чорыԁа окала. Сеԍԍа шуа: „Лок ӧԁјӧн кораԍны, Грішук, ԁонаӧј менам!.."
Ваԋа. (Аслыс). Кущӧм ԁолыԁ лоі віԍталі-ԁа. Тыԁалӧ, јона муса Ларӧ Іван Ԍтепӧ Грішаыс, јона ԍӧлӧмыс коԍмӧ сы-понԁа... (Ԍераліг-тырјі). Мем бара кӧԏ коԁі, ԇік веԍкоԃ: кӧԏ Анӧ, кӧԏ Машӧ, кӧԏ Сашӧ, кӧԏ Клашӧ. Коԁі кӧсјас табак кӧшӧԉ вурны, сыкӧԁ і ветла, сіјӧ і мусук менам! (Ԍералӧ, терыба петӧ).
Занавес.
Мӧԁ вӧчӧм.
Керка Ларӧ Іван Ԍтепанлӧн.
Меԁ воԇԇа петкӧԁчӧм.
Ԍтепан ԁа Марја.
Марја. Аттӧ тајӧ міјан Грішук! Віт во ветліс, ыҗыԁа ԋекущӧм јуӧр ез мӧԁӧԁлы, сеԍԍа ԁруг ачыс пыріс. Ԁа-ӧԁ јешщӧ бабаӧн локтӧма!
Ԍтепан. Раԁлы, раԁлы (ԋерӧ): „воіс, ԁа-ӧԁ јешщӧ бабаӧн“. Локтісны-тај уҗјас ештӧм бӧрын ԁаԍ ԋаԋсӧ ԍојны. Ԋебоԍ тулысын уҗ кежлӧ ез локны.
Марја. Мыј-нӧ те віԁан пітӧ? Абу-ӧмӧј ԉубӧ сылӧн локтӧмыс?
Ԍтепан. Ԉубӧ, мыј-понԁа-нӧ ԉубӧыс лоі? Кык вом ԁаԍ ԋаԋ ԍојны локтісны ԁа сіјӧ? Роч баба вајӧма... Рочјас-помԍыԁ міјан ԍӧԁ уҗтӧ уҗавԍӧма-ԋін... Кутас лун-лун ԁувквіԇны, а те уҗав пӧрыԍӧ-немӧн... Кыкнаннысӧ вӧтла! Кыԍ локтісны, меԁ бӧр сетчӧ мунасны!
Марја. (Скӧра). Лаԋтан он, пӧрыԍ выжыв! Уҗавтӧг-ӧԁ оз ов. Мыј вермас пыр уҗалас.
Ԍтепан. Җоҗтӧ, гашкӧ, муртса кутас-жӧ чышкыны, сеԍԍа еԍкӧ оз-ԁа. Меԁ, міјанлы мыј, міјанлы
сыкӧԁ ԋе овны. Грішӧлы аслыс ԍӧкыԁ лоӧ роч бабаыԁкӧԁ.
Марја. Кыԇ-нӧ, Ԍтепӧ, мі кутам моԋыԁкӧԁ ԍорԋітны? Сіјӧ коміӧн оз куж, мі рочӧн.
Ԍтепан. Кыԇі?.. Ԋекыԇ!.. Ме ас-пајыԍ кыв ог шулы-а.
Марја. Ԍорԋіттӧгыс-нӧ кыԇ?.. Абу-ӧԁ лӧԍыԁ. Но ԁа кыԇкӧ кіјасӧн ԁа чуԋјасӧн кутам віԍтавлыны-ԁај.
Ԍтепан. (Кыскӧ табак мешӧк, гартӧ чігарка). Те-ӧмӧј рочнас он куж?.. Ачыԁ пыр ышԋаԍан — Јаткајасӧ-пӧ волывлі.
Марја. Јаткааԁ еԍкӧ ԇоԋ во олі-ԁа, ег велавлы рочнас-а. Госпоԁајас орԁын ԍојан пулі ԁа пӧжавлі. Пуԍас вӧлі јајыԁ ԁа віԍтала налы: „ӧбӧԁ, міԍа, гӧтов“. Буракӧ оз прамеја артмы шуӧмыс менам, кӧԅајіныс пыр вӧлі ԍералӧ: „ӧбӧԁ гӧтов". Сымԁа со і велавлі рочнаԁ.
Ԍтепан. „Ӧбӧԁ гӧтов“ моԋыԁлы віԍтавлы-ԁај. Сеԍԍа меԁ колӧкӧ гӧгӧрвоас.
Марја. Аттӧ, зонмӧ! Быԁԍама пӧлӧс ԍорԋіыԁ-жӧ ем. Мыјла і абу ӧԏі кыв ставныслӧн? Мыјла јенмыс абу сіԇ лӧԍӧԁӧма?
Ԍтепан. Ме ӧԏі кыв кужа-жӧ рочнаԁ. Сыԉнӧјыԁ-тај тан вӧлі, сылыԍ велавлі. Пыр вӧлі сіјӧ менӧ аԁԇас ԁа корӧ: „іԃі курім“.
Марја (Ԍералӧ). Мі-тај, гозја, рочнаԁ кужам-на. Ог матӧ воӧ. Те кутан ԁоԉны сылы „іԃі курім“, ме — „ӧбӧԁ гӧтов"...
Ԍтепан. (Ԍералӧ). Но-інӧ, моԋӧ, (гора) „іԃі курім". (Пырӧ Павел).
Мӧԁ петкӧԁчӧм.
Ԍтепан, Марја ԁа Павел.
Павел. Іԃі, іԃі, іԃіта-ԋін... курімны... Вај курім.
Ԍтепан. Вешјы сеԍ! Ме ог тенӧ кор.
Павел. Вај курітӧԁ, Ԍтепан ԃаԃ. Асывбыԁ-на ег курітчыв.
Ԍтепан. Шемела пес ԁај ԍета.
Павел. (Пукԍӧ җоҗӧ, кӧсјӧ шемела песны).
Марја. Ԁугԁы, Павел!.. Саԃмӧԁан Грішукӧс...
Павел. (Четчӧ җоҗыԍ, пукԍӧ Ԍтепан ԁінӧ ) Кущӧм Грішаӧс? Воіс-ӧмӧј?
Марја. Воіс ԃерт. Ен-на кывлы?
Павел. Но, зонмӧ!.. Ег ԃерт... Ԍтепан ԃаԃ, піыԁ воӧма-ԁа, сы-понԁа кӧԏ ӧтчыԁ курітӧԁан-жӧ.
Ԍтепан. На, на, на. Он-жӧ-ԋін мын теыԍ-а.
Павел. (Ԍерӧгтӧ). Он бара. (Гартӧ).
Марја. Те мыј, Павел, Грішукыԁ міјан тујӧ ветліс ԁа кущӧм міча паԍкӧмјас нажӧвітӧма: пінҗакыс роч нојыԍ, чуԋас зарԋіа чуԋкыщјас.
Павел. Ен ошјыс. Аслам, со кымын чуԋкыщыс! (петкӧԁлӧ чуԋјассӧ).
Ԍтепан. Нывјасыԁ-жӧ-ӧԁ кӧнкӧ ԍеталісны?
Павел. Најӧ. (Кыскӧ ԅептыԍ зев міча кӧшӧԉ). То-ӧԁ јешщӧ мыј ԍетісны! Ак!.. Табакыс сӧмын абу-а.
Ԍтепан. Лок талун вартны, ԍетышта.
Павел. Мем ԁыш. Табакыԁ сіԇ ԍурӧ.
Марја. Ԍтепан, огӧ-жӧ јӧзӧс вартныԁ корӧј. Пітӧ ԁа моԋтӧ петкӧԁам.
Ԍтепан. Најӧ вартӧм вылаԁ-кӧ уԍам, щыг кулам... Кыԍкӧ роч-помыԍ вартны-ԁај.
Павел. Сіԇ, сіԇ, Ԍтепан ԃаԃ, роч-помԍыԁ уҗавԍӧма-ԋін. Налы сӧмын ԋаԋ ԍојны ԁа ӧшіԋ ԁорын пукавны. Ме...
Марја. (Торкӧ). Те еԍкӧ лаԋт, ԋемуҗтӧм!
Павел. Ԋемуҗтӧм ԁа унҗык бурсӧ вӧча.
Марја. Лаԋт-ԋін... Мун, Ԍтепӧ, шонатӧ соԁтышт, меԁ аскі асыв-кежӧ коԍмас.
Ԍтепан. Уԃіта-на. Колӧ вот іԇас лептавны. Лок, Павел, отсалышт мем, табакнаԁ курітӧԁа! (четчӧ).
Павел. Вешјы сеԍ! Мем ԁыш. Ветла Јогор Мікулај ԁінӧ, сеԍԍа бӧрсі Гріша ԁінаԁ бара вола (петӧ).
Марја. Іԇасыԁ мӧԁ лун лептавԍас. Оз-на талун ков, вӧскреԍеԋԋа-куԅа. (Ԍтепан шапкааԍӧ, петӧ).
8-ԁ петкӧԁчӧм.
Марја. (Ӧтнас; пач ԁорын). Мыј і пуны ԁона гӧԍтјаслы?.. Ог тӧԁ. Јај пуі, черіԋаԋјас пӧжалі, — тӧрыт рытывбыԁ черісӧ корԍі, ԋекоԁ оз вузав. Віԍталі сеԍԍа, міԍа Грішук воіс ԁа вӧԉіԍ ԍетісны. Пувја пірӧг, рыԍка шаԋга пӧжалі. Мыјнӧ сеԍԍа, тырмас. Меԁ ічмоԋ ачыс чӧскыԁасӧ пӧжавны кутас... Кыԇ бара ме сыкӧԁ кута ԍорԋітнысӧ-а? Аттӧ ԃівӧ! Вот ԍмекыԁ лоӧ ог кутӧј мӧԁа мӧԁтӧ гӧгӧрвоны-ԁа. Быԁԍама ԍорԋіыԁ-жӧ ем му вылаԁ, јенмӧј госпоԃӧј!.. Тотарајас емӧԍ, кітајјас, — ставныслӧн аслыныс пӧлӧс ԍорԋі. Татчӧ ӧԏі вузаԍыс кітајеч воліс, јона-жӧ ԏешкоԃ: ас-ногыс ԍорԋітны кутас, ԁа сӧмын ԍаргӧ ԍарган-моз. (Пырӧ Ӧгрӧ).
4-ԁ петкӧԁчӧм.
Марја ԁа Ӧгрӧ.
Ӧгрӧ. Олаԁ вылаԁ!.. Марја-тај со ӧтнас. Кӧнӧԍ-нӧ мукӧԁыс?
Марја. Кӧԅаіныс кытчӧкӧ петіс.
Ӧгрӧ. Грішукыԁ-пӧ-тај воӧма. Віԁлыны локті.
Марја. Воіс, воіс, Ӧгрӧпена. Гӧтраԍӧма рочаԁ, бабаыскӧԁ воіс.
Ӧгрӧ. Збыԉ-жӧ гӧтыра? Ме јешщӧ, віԍталӧны-ԁа, ог ескы. Кущӧмҗык-нӧ гӧтырыс? Міча абу?
Марја. Ԉока міча. Сӧмын косіԋік-а, абу јон. Міјанлыԍ уҗтӧ, ӧԁвакӧ, вермас уҗавны.
Ӧгрӧ. Озырлӧн абу?
Марја. Ог і тӧԁ. Паԍкӧмјасыс-тај міча-коԃӧԍ-а. Зев ԏешкоԃӧс кущӧмӧскӧ новлӧ, ԍібыранка Сашӧыԁлӧн-коԃ. Кыԇ шуԍӧ?.. Јуквалаԋ-тај ԋімыс мунӧ-а: уква-ԉі, убка-ԉі... оз менам артмы.
Ӧгрӧ. Роч абу?
Марја. Роч, ԃерт. Сіјӧ і матыс. Кыԇ кутам ԍорԋітныс-а... Со-ӧԁ Ӧгрӧпена, Грішукӧј менам роч баба нажӧвітӧма. Кущӧм мем ԋімкоԃ!
Ӧгрӧ. Тенӧ-нӧ кыԇ шуӧ, еԋкаӧн?
Марја. Ԋекыԇ-на ез шулы. Егӧ-на сорԋітлӧј. Тӧрыт рыт ԍорӧн-ԋін воісны, щај јуыштісны ԁа воԁісны... ӧні уԅӧны...
Ӧгрӧ. Ԃерт уԅасны. Куԅатӧ локтісны ԁа муԇісны... (Кылӧ сајын кызӧгтӧм).
Марја. Ој, кылӧ локтӧ. Четчӧма-ԋін. Ме чышјантӧм (корԍӧ чышјансӧ). Кӧн-нӧ чышјаныс? (Ԍурӧ лабічыԍ, чышјанаԍӧ).
Ӧгрӧ. (Пукалӧ вӧлі пызан-ԁорын, вешјӧ-порог ԁорӧ). Віԇӧԁлам, кущӧм сещӧм тіјан моԋ... (Пырӧ Јевлампіја, міча паԍкӧма: јубкаа ԁа ковтаа).
5-ԁ петкӧԁчӧм.
Најӧ-жӧ ԁа Јевлампіја.
Јеевлампіја. Злравствуйте! С добрым утром, мама!..
Марја. Зрасуј, зрасуј! (бокӧ) Мама!.. Кущӧм-нӧ ме талы „мама“. (Јевлампіја ԍетӧ кі, Ӧгрӧлы щӧщ). Мыјла-нӧ кіаԍӧ? Быԏԏӧ бокӧвӧј.
Ӧгрӧ. (Бокӧ). Утром... Повоԁнӧј утро. Луншӧр бӧр регыԁ лоӧ!
Јевлампіја. (Пукоӧ).
Марја. Грішук ез-на четчы?
Јевлампіја. (Ез гӧгӧрво). Что Гриша?
Марја. (Кіјаснас і быԁ-ногыс јуалӧ, быԏԏӧ ԋемеј). Міԍа, ез-на четчы, уԅӧ?.. Уԅӧ-на?..
Јевлампіја. (Јурнас копыртӧ). Встал, встал. Сейчас придет сюда.
Марја. (Ӧгрӧлы). Уԅӧ-на-пӧ, јурнас-тај со копыртліс.
Ӧгрӧ. Рытӧԇыс уԅас-ԋін сіјӧ. (Јевлампіја віԇӧԁлӧ Ӧгрӧ вылӧ).
Марја (Інԁӧ чуԋнас Ӧгрӧ-вылӧ). Тајӧ міјан суԍеԁка.. (Петкӧԁлӧ віт чуԋ). Віт керка сајыԍ... Ӧгрӧ ԋіма.
Јевлампіја. Соседка?! А-а! Поняла, поняла.
Марја. Ӧгрӧпена, мыј-нӧ шуіс?.. Паԋала-пӧ? Кынӧмыс, буракӧ, ԍумалӧма.
Ӧгрӧ. Ме бара-іј ог тӧԁ. Рочнаԁ ԇік ԋінӧм ог гӧгӧрво.
Марја. (Кіјаснас). Мыј-нӧ ԍојан? Паԋалан?
Јевлампіја. (Шпыԋмунӧ). Ничего не поннмаю.
Ӧгрӧ. Буракӧ шуӧ, ԋінӧм-пӧ ог паԋав.
Марја. Мыј Грішукыс сыԁыра оз лок. Кӧԏ еԍкӧ віԍталіс талыԍ сорԋісӧ.
Јевлампіја. (Каԅалӧ җоҗыԍ јог). Пол мести, мама?
Марја. Ӧгрӧпена, мыј-нӧ шуӧ?
Ӧгрӧ. Ме ег гӧгӧрво.
Марја. Буракӧ, паԉто корӧ.
Ӧгрӧ. Сіԇі-іј ем. "Паԉто-пӧ мытчы“.
Марја. Кӧн бара паԉтоыс? (Віԇӧԁлӧ гӧгӧр). Кӧн-нӧ паԉтоыԁ?.. (Петалӧ, вајӧ сылыԍ паԉтосӧ).
Јевлампіја. (Јона ԍерӧгтӧ). Нет, не пальто. (Кінас петкӧԁлӧ.) Пол, пол мести.
Марја. (Пуктӧ паԉтосӧ, јур пыркӧԁӧ). Ог гӧгӧрво. Мыј бара, коԋӧр, шуӧ-а. (Пырӧ Гріша).
6-ԁ петкӧԁчӧм.
Најӧ-жӧ ԁа Гріша.
Гріша. Ԁыр-жӧ уԅԍіс, мамӧ.
Марја. Тујаԁ бурасӧ кӧнкӧ ез ԍурлы уԅныԁ ԁа, уԅԍытӧг оз ов. Мі Ӧгрӧпенакӧԁ гӧтырыԁкӧԁ бура јона сорԋітім, сӧмын ԋемтор ег гӧгӧрвоӧј.
Гріша. (Мунӧ Ӧгрӧпена ԁінӧ). Олан вылан, Ӧгрӧпена ԏӧтка! (Кі ԍетӧ).
Ӧгрӧ. Олан вылан, олан вылан, Гріша! Ветлін-мунін, уна јӧзӧс аԁԇылін, аԍтӧ петкӧԁлін. Мунігаԁ кущӧм том вӧлін, ӧні тошка ԃаԃӧ воӧмыԁ.
Гріша. Віт во-ӧԁ, ԏӧтушка, ег волы гортӧ, ԃерт сеԍԍа вежсан. (Мамлы). Мыј те, мам, шуін? Он гӧгӧрвоӧј мӧԁа-мӧԁыԁлыԍ аԉі мыј?
Марја. Ԇік ԋемтор ог гӧгӧрвоӧј. Шуіс мыјкӧ, ме велалі „паԉто мытчы“. Вајі паԉтосӧ ԁа ез боԍт. Оз-пӧ ков. Ачыс ԍералӧ.
Јевлампіја. (Вашкӧԁӧ Грішалы пеԉас).
Гріша. Ка, ка, ка!.. (Јона ԍералӧ) Аттӧ мамӧ! (Ставныс ԍералӧны).
Марја. Мыј-нӧ, мыј, Грішук?..
Гріша. Ӧԏіыс јуалӧма: „җоҗ-пӧ колӧ оз чышкыны?" мӧԁыс паԉто мытчӧма! Ка, ка, ка!
Марја. (Јона сералӧ). Чӧв!.. Җоҗ чышкӧм-јылыԍ вӧлӧм јуаԍӧ! Ка-ка-ка!.. Ме ԇік мӧԁ тор велалі.
Ӧгрӧ. Со і ԍорԋіт рочјасыԁкӧԁ. Сымԁа і гӧгӧрвоан.
Марја. Мі ӧԏі тор віԍталам, најӧ мӧԁ тор. Сіԇ-тај... Мыјнӧ, Грішук, гӧтырыԁлӧн ԋімыс?
Гріша. Јевлампіја.
Марја. Кыԇі?.. Јелапеја?
Гріша. (Ԍералӧ). Јев-лам-пі-ја!
Марја. (Ԍерӧгтӧ; ставныс ԍералӧны). Сеԍԍа со і шу! Быԁԍама ԋімыԁ му вылаԁ ем: кывјыԁ оз бертовтчы мукӧԁсӧ шуны!
Ӧгрӧ. Рочјасыԁлӧн і ԋімыс аслыс ԍама. Пон кыв!
Јевлампіја. Ничего не понимаю, что говорит. Собачий язык!
Марја. Грішук, щај јуаԁ аԉі ԍојаԁ војԁӧр?
Гріша. Щајсӧ јуам. Зев горшӧј коԍмӧ. Пукты мун, мамӧ, самӧвартӧ.
Марја. Пыр, пыр, ԁона пі. Талун тіјан-понԁа пӧжалі рыԍка шаԋга, пувја пірӧг... јај пуі; кӧсја вӧлі...
Гріша. (Торкӧ). Но, но... паԍібӧ. Мун самӧвартӧ пукты. (Марја петӧ).
Ӧгрӧ. (Четчӧ). Лоӧ мунны. Гріша, аԉі ӧні-ӧԁ те Грігореј Ԍтепанӧвіч-ԋін, волывлы пукавныԁ.
Гріша. Вола.
Ӧгрӧ. Волы, волы. Гӧтырыԁксԁ. (Петӧ).
Гріша. Ступай поможь маме самовар кипятить.
Јевламліја. Хорошо. (Петӧ).
7-ԁ петкӧԁчӧм.
Гріша. (Ӧтнас). Ԁырӧннаԁ-тај бӧр-на-жӧ ас муӧ, комі јӧз пыщкӧ воі. Јона-жӧ гажтӧм вӧлі мем рочаԁ. Ԋекоԁкӧԁ ԍӧлӧмыԍ ԍорԋітны-ԋі, ԋемтор-ԋі. Віт во-чӧж коміӧн кыв ег шулы. Јона-жӧ гажтӧм комі јӧзыԍ ԁа комі кывјыԍ. Ӧні пӧттӧԇ ԍорԋіта ас муса кывјӧн!.. Мукӧԁ ветласны рочаԁ тӧлыԍ-мӧԁ-кежлӧ ԁа вунӧԁасны комі кывтӧ. Воасны гортаԁ, сіԇі-іј чегјалӧны рочнаԁ; ӧԏі кыв рочӧн, ԁас кыв коміӧн. Ӧтчыԁ ме сещӧм кыԁја рочтӧ ас ԍіктын тујӧ мунтӧԇ аԁԇылі, ԁа кувтӧԇ вермі ԍеравны. Рочалӧ ӧԏі нывлы: „Буракӧ, очеԋ-жӧ ты
устал", ԁа сещӧм збыԉ чужӧмӧн. Ме ег вермы кутчіԍны, ԁа кыԇ прыԍԋіта ԍерӧгта. Кыԁја рочыԁ шуӧ меным: „Ты ԇік сумашеԁшеј!“ Нылыс чілӧстіс: (вӧсԋіԁ гӧлӧсӧн) „ја бара бегу; бојуԍ таыԍ!" Ка-ка-ка! (Ԍералӧ. Пырӧ Анна).
8тԁ петкӧԁчӧм.
Гріша ԁа Анна.
Анна. (Пырӧ руԍӧԋікӧн, міча плаԏԏӧа). Гріша!.. Віԇа олан!.. Те ӧтнаԁ?..
Гріша. (Чужӧмыс кеԉԁӧԁӧ, повԅӧ). Анна, те!..
Анна. (Уԍкӧԁчӧ ԍывјас). Грішук!.. Ԁонаӧј!.. Мусаӧј!.. воін... воін... Ӧԁва вермі віԁчыԍны тенӧ... віт вонаԁ мыјԁа ԍінва кіԍті те-понԁа. (Віԇӧԁӧ ԍінмас). Кущӧма тујаԁ шаԋмӧмыԁ!.. (Окалӧ).
Гріша. (Мезԁыԍӧ). Анна... те ен-на вунӧԁ менӧ?
Анна. Мыј-нӧ те лоін, тащӧм кывјас шуан?Те-ӧмӧј вунӧԁін менӧ?..
Гріша. (Оз тӧԁ мыј шуны). Ме?. Ԁа-ӧԁ... Ме ог тӧԁ... (Пукԍӧ). Пукԍы!.. (Анна ортчӧн пукԍӧ). Ег, ег, Анна, вунӧԁ. Пыр те менам тӧԁвылын... Ӧні... ӧні аԁԇі ԁа јешщӧ те мусаҗык лоін... Ок, Анна, јона ме тенӧ раԃејта! Ԁа... (Горшас кывјыс мыщаԍӧ),
Акна. (Терыба). Мыј лаԋтін, віԍтав. Мыј „ԁа"? Грішук, ӧԁјӧнҗык вај менӧ, мезԁы ԏӧткаыԍ, ԍојӧмӧн
сіјӧ менӧ ԍојӧ... ловјӧн гуӧ ԍујӧ... Текӧԁ зев шуԁаӧԍ лоам! Ԁырҗык-кӧ ен лок, Грішук, менӧ еԍкӧ Натаԉ Савӧ сајӧ ԍетісны... (Ԍералӧ). Сек еԍкӧ тенаԁ Аннаыԁ ез ло теныԁ, ісковтіс чуԋјас-костіыԁ.
Гріша. (Јур леԇӧма). Анна, муса те меным... сӧмын вајны ас сајӧ ог вермы... (Четчӧ, јурӧ кутчіԍӧ. Анна повԅӧмӧн віԇӧԁӧ сы вылӧ. Кост). Анна, ԁонаӧј менам!.. (Мунӧ Анналаԋ. Сајын Јевлампејалӧн шы:) „Чай готов, Гриша!“).
Гріша. (Бӧрӧԋітчӧ; жугыԉа). Сейчас.
Анна. Коԁі-нӧ тајӧ чуксалӧ тенӧ?
Гріша. Тајӧ.. Ок, Анна, ме-ӧԁ... (Гӧлӧсыс ԁрӧжжітӧ). Ме... гӧтыра... Тајӧ менам гӧтырӧј...
Анна. (Ԁрӧгмунӧ). Гӧтыра?.. Гріша, мыј шу-ін?.. Гӧтыра?.. Те, те гӧтыра?.. (Четчӧ сы-ԁіныԍ). Сіԇкӧ те менӧ ылӧԁлін?.. Абу-іј јанԇім теныԁ?.. Ме віԁчыԍі тенӧ, чајті... Міԍа те сајӧ муна ԁа шуԁа лоа. (Скӧра, бӧрԁӧ). Те ылӧԁін менӧ... Паԍібӧ, паԍібӧ, Грігореј Ԍтепанӧвіч!
Гріша. (Јур ӧшӧԁӧма, матыԍтчӧ Анна ԁінӧ). Анна!..
Анна. Ен, ен лок ме ԁінӧ!.. Те менӧ ылӧԁны кӧсјін!.. Ԋінӧм-пыԃԃі менӧ пуктан!..
Гріша. (Бӧр пукԍӧ. Гӧлӧсыс ԁрӧжжітӧ). Анна, кывзы, ме теныԁ ставсӧ віԍтала... Пукԍыв... (Анна пукԍӧ мӧԁ лабічӧ, гуԍӧн бӧрԁӧ). Кывзы, Анна... ме гӧтыра... ԋевеԉаыԍ лоі гӧтраԍны, щыглы кулӧмыԍ мезԁыԍӧм-куԅа... Кујім восӧ мунӧм бӧрын завоԁын уҗалі. Јона ԍӧкыԁ вӧлі мем сек овны: квајт часԍаԋ ԁа мӧԁ квајт часӧԇ вӧлі уҗалан, јур он лептыв... Сыыԍ ԍетасны теԁ ԁасԍіԅімур. Ов кыԇ куж-
ан... ԋӧб мыј колӧ. Сӧмын-ӧԁ кык пунт ԋаԋ сы вылӧ ԍурӧ. Ԁумышт ачыԁ, со кущӧм вӧвлі менам олӧмыс. Сеԍԍа щыгјавны куті. Секі тӧԁмаԍі ӧԏі ԋаԋ вузалыԍ ԏӧткакӧԁ. Сылӧн нылыс менӧ раԃејтны кутіс. Ме ышті пріԁаннеј-вылас, вајі сіјӧс. Кык во-ԋін гӧтраԍӧмӧјлы.
Анна. Ен ылӧԁлы. Щыг-кӧ кутін кувны, — гортаԁ поԅіс локны.
Гріша. Оз поԅ вӧлі, Анна. Ме завоԁӧ віт во-кежлӧ меԁаԍлі. Мыјӧн-тај срокыс тырі, ӧԏі лун сен ег ов, пырыԍтӧм-пыр гортӧ локті.
Анна. (Четчӧ). Мыј керан. Кыԍ-ԋін мем, шуԁтӧм мортлы. Бара лоӧ гортӧ мунны (ышлолалӧ) ԉок ԏӧтка ԁінӧ, віԁчӧмсӧ сылыԍ кывзыны. Грішӧ, Грішӧ, мыјла-нӧ ме сещӧм шуԁтӧм?! (Бӧрԁӧ). Ег-ӧмӧј ме тенӧ раԃејт: лун і вој ԁум вылыԍ ег воштыв, пыр віԁчыԍі. Со-тај воін...
Гріша. (Пукалӧ; поліг-тырјі). Анна, кор те ен вӧв менам ԍінвоԇын, мем кажітчылін веԍкоԃ, ог вӧлі ԁумајт, а ӧні?.. Ӧні аԁԇі ԁа ԍӧлӧмӧј мајыш муні: бара те важ-коԃ муса лоін!.. Ок!..
Анна. Муса кӧԏ абу, ӧні он-ԋін бергӧԁ. Кулӧм мӧстӧ еща верԁан.
Гріша. Бергӧԁам, Анна!.. Ме гӧтырӧс вӧтла, гортас ыста. Текӧԁ кутам овны! Шуԁа те сек лоан! Ԃерт веԋічајԏчыны міјанлы оз поԅ, оз менӧ веԋічајтны, гӧтырӧј ловја-на-ԁа. Веԋечтӧг кутам овны. Ԋінӧм сыыԍ, Анна. Сіԇ абу?... (Матыԍтчӧ сы-ԁінӧ).
Анна. (Віԍталігас букыша віԇӧԁӧ, Грішаӧс тојыштӧ ԁінԍыс). Ен матыстчы ме ԁінӧ, кыԇ-ԍурӧ олыԍ морт!.. Те таԇ лыԍтан ԍорԋітны мекӧԁ, бур оласа нывкӧԁ... Вунӧԁін кущӧм ме. „Ве-
ԋечтӧг", ԁруга пӧԁруга-моз овны кӧсјан! Ԋекыԍ! Комі јӧзыԁ абу-на сещӧмӧԍ... Јона-на веԍкыԁӧԍ најӧ... Те-моз оз віԇӧԁчыны кык ԁа кујім гӧтырӧн овны... Та бӧрын те абу морт вӧлӧмыԁ. Ԍорԋітныс веԍіг текӧԁ зывӧк. Кущӧм муса вӧлін војԁӧр, сещӧм-жӧ мустӧм лоін тајӧ ԍорԋіјаснаԁ!.. Лущщӧ Натаԉ Савӧ сајӧ муна, теыԍ сіјӧ бурҗык (ӧԁјӧ мунӧ).
9-ԁ петкӧԁчӧм.
Гріша. (Ӧтнас). Анна!!! (Сајын шы Марјалӧн: "Грішук, лок-ԋін щајто јуны!").
Гріша. (Зев шога пукԍӧ пызан-ԁорӧ, јурсӧ ӧшӧԁӧ кіјас вылас. Ышлолалӧ. Кост. Ԋеԁыр-мыԍԏі пырӧ Павел, гуԁӧка).
10-ԁ петкӧԁчӧм.
Гріша ԁа Павел.
Павел. Грігореј ԁруг! Олан вылан, колӧ-кӧ!
Гріша. Зԁорово. (Кіаԍӧны).
Павел. Те, зон, Грігореј ԁруг, веԉ јона ԋужалӧмыԁ. Абу-ԋін ічӧтԁырԍа-коԃыԁ, кор вӧлі лыанаԁ ԁа бабкінаԁ ворсам.
Гріша. Те-ӧԁ сеԍаԋ быԁмӧмыԁ-жӧ.
Павел. Ме бара ег. Кущӧм сек вӧлі, ӧні сыыжԁа-жӧ... Лӧԍыԁ, Грігореј ԁруг, ічӧтԁырјіыԁ вӧлі: коԍаԍ-
ам, коԍаԍам, пыр бӧр бурасам, окаԍам. Мі Ԏіма Аннакӧԁ унаыԍ воча јурԍі кутчіԍлывлім.
Гріша. (Аслыс) Ԏіма Анна.. Ԁа... Воліс ԁа віԁіс сӧмын. „Кущӧм-пӧ војԁӧр муса вӧлін, ӧні сещӧм-жӧ мустӧм лоін." Мыј-вӧсна?.. Ок-ма!.. Щыг кулігаԁ гӧтраԍны лоі... Ӧні еԍкӧ раԁ мынтӧԁча ԁа. — ԋекыԍ. Анна веԍкыԁ морт, вывті прамеј, авја...
Павел. Мыј-нӧ те, Грігореј ԁруг, вомгорулаԁ, кысӧ-моз, мургыны кутін, Ԏіма Аннаӧс каԅтылан?
Гріша Лӧԍыԁ теԁ овны, Павел Міԏіперӧвіч!
Павел. (Ԋімкоԃа). Павел, ԁај Міԏіперӧвіч!.. Ԋекоԁ-на менӧ ԋекор таԇтӧ ез веԉічајтлы. Ӧнӧԇ пыр-на вӧлі Пашӧ, ԉібӧ бобыԉ, ԉібӧ корыԍ. Он-кӧ шу бобыԉ Пашӧӧн, ԋекоԁ оз і тӧԁ... Ӧні?.. Павел Міԏіперӧвіч!.. Паԍібӧ теныԁ, Грігореј ԁруг, паԍібӧ! (шпыԋјалӧ).
Гріша. Ме быԁӧнӧс вічала, ӧткоԃ мем ставыс. Мыј еԍкӧ, те-коԃ ԁолыԁа-кӧ овԍӧ мем, Павел Міԏіперӧвіч!..
Павел. Ԋекыԍ!.. Ме-коԃ ԁолыԁа ковмӧма. Ок, Павел Міԏіперӧвічыԁ-ӧԁ, Грігореј ԁруг, јона ԁолыԁа олӧ. Сещӧм ԁолыԁа, веԍкыԁ траԍіча! Мыјыԍ мем шогԍыныс? Бӧжӧј җеԋыԁ; кытчӧ колӧ, сетчӧ муна. Кынӧмӧј-кӧ ԍумалӧ, — корышта, ԉібӧ час-мӧԁ уҗалышта. Віна јуыштны-кӧ колӧ, сӧмын ӧԏі ӧбӧԃԋа вічко пос помын сулав, нажӧвітан парта вылаԁ. Табак кӧшӧԉыԁ кіԍԍас, — ветлыны нывјас ԁінӧ, выԉӧс вурасны. (Перјӧ ԅептыԍ кӧшӧԉ): со кущӧм міча! Віԇӧԁлы, Грігореј ԁруг!.. Тӧрыт-на нывјас ԍетісны. (Гріша оз віԇӧԁ).
Гріша. Ԁолыԁ теныԁ, ԁолыԁ...
Павел. Мыјыԍ-нӧ те, Грігореј ԁруг, сещӧмасӧ шогԍан? Ме со локті гуԁӧкӧн, гажӧԁчыны, а те ныртӧ ԋужӧԁӧмыԁ. Вај гажӧԁчыштам!
Гріша. (Шога). Гажӧԁчыштам і ем. Вај ворсышт мыјкӧ.
Павел. (Боԍтӧ гуԁӧк). Јӧкты, Грігореј ԁруг!.. (Ворсӧ гажа тор). Мыј-нӧ сеԍԍа он јӧкты?
Гріша. Ворс нораҗыкӧс, Павел Міԏіперӧвіч.
Павел. Павел Міԏіперӧвічыԁ кужӧ ворсны і нора. (Ворсӧ шог ԍыланкыв, вомгорулас ԍылӧ).
Гріша. Гортӧ локтігӧн мӧвпала, міԍа ԁолыԁа ԁа бура овмӧԁча. Ез-тај ло сіԇ. (Кост). Мыјла бара ме гӧтраԍі тујас-а?... Окма!.. Аслам ӧні ԋекущӧм олӧм оз ло, ԁај Анналы оз зев ԁолыԁ ло... Но ԁа сіјӧ мунас Натаԉ Савӧ сајӧ, овмӧԁчасны. (Леԇӧ јурсӧ пызан вылӧ. Павел ворсӧ. Пырӧ Марја).
11-ԁ петкӧԁчӧм.
Најӧ-жӧ ԁа Марја.
Марја. Мыј-нӧ сеԍԍа, Грішук, он лок щајтӧ јуны? Кымыныԍ чукӧстлісны. Лебулын јуам, зев гажа луныс-ԁа. Лок, Пашӧыԁкӧԁ ештан-на ԍорԋітныԁ.
Павел. (Ԁугԁӧ ворсны). Ме, ԏӧтушка, абу-ԋін Пашӧ, Павел Міԏіперӧвіч-ԋін. Јуав кӧԏ Грігореј ԁруглыԍ.
Марја. (Шпыԋмунӧ). Пашӧыс-на те-ԍерԏі ԉішнӧј... (Ԋерӧ) „Павел Міԏіперӧвіч... Бобыԉ Пашӧыс
шаԋ... Ӧԁјӧнҗык, Грішук, лок, кусӧ самӧварыс. Мыј-нӧ текӧԁ лоі, јуртӧ ӧшӧԁӧмыԁ? Павел, мыјыԍ-нӧ сещӧма Грішасӧ шогӧԁіс?
Павел. Вічалан-кӧ віԍтала.
Марја. Павел Міԏіперӧвіч, віԍтав.
Павел. (Ԍерӧгтӧ). Е-е! Вічалін-жӧ, ԁіԉ! Ог віԍтав!
Марја. Віԍтав, Міԏіперӧвіч.
Павел. Тујаԁ ветлӧма-ԁа вывті ԋежнӧј лоӧма... (Ԍералӧ).
Марја. Павел мортыс оз шогԍы, пыр жерјалӧ. (Петіг-моз). Лок, Грішук, Кӧԇалас самӧварыс. (Петӧ).
Гріша. Павел Міԏіперӧвіч, мунам щај јуны!
Павел. Марја ԏӧткаыԁ менӧ ез кор-ԁа.
Гріша. Мунам! Гажӧԁыштан кӧԏ ԋеуна.
Павел. Мунам. (Петіг-мозыс). Павел гажӧԁны кужас, ка-ка-ка! (Петӧны).
Занавес.
Којмӧԁ ворсӧм.
Марпа орԁын.
Меԁ воԇԇа петкӧԁчӧм.
Марпа. (Чышкыԍӧ). Ԋекор ег чышкыԍлы, ԁа талун — праԅԋік-куԅа лоӧ чышкыԍны. Анӧ кытчӧкӧ асја звӧԋітігӧн муніс ԁа ез-на волы. Ӧбӧԃԋа-ԋін важӧн оывԍіс-а. Пӧԉінӧ, Ларӧ Іван Ԍтепӧ Гріша ԁінаԁ ез-ӧ мун, воӧма-пӧ шуӧны-ԁа. Тајӧ бара ԇік сетчӧ муніс. Вӧԉіԍ мына сыыԍ; ԃерт-ԋін, ме чајта, ӧні гӧтраԍасны. (Кост). Мыј еԍкӧ мем сещӧмасӧ сыыԍ мынтӧԁчыныс? Кыԇ Ваԋӧ шуас, сы-ԁырјі мем овны кокԋіԁҗык... Кыԇкӧ со абу аслам ныв-ԁа, мустӧм. Ог вермы раԃејтны. (Чышкыԍӧ. Пырӧ Іван ԍераліг-тырјі).
Мӧԁ петкӧԁчӧм.
Марпа ԁа Іван.
Марпа. Мыј бара те, Ваԋӧ, вӧв-моз, пыр гӧрԁлан-а? Ԁолыԁ-жӧ, зонмӧ, теԁ овныԁ!
Іван. Мамӧ, мамӧ, Мішӧыԁ шаԏінјасӧн вӧлі вуграԍны мунӧ ԁа ме сылыԍ ӧԏіӧс ԋещышті ԁа чегі. Сіјӧ бӧрԁны кутіс. Вомыс кущӧм міԍтӧм! (Ԍералӧ).
Марпа. Пыр те сіјӧс, коԋӧрӧс, Ваԋӧ, ӧбӧԃітан. Оз-жӧ еԍкӧ коз ас-ԁорыԍ посԋіјастӧ вӧрԅӧԁны-ԁа.
Іван. Зев ԏешкоԃа бӧрԁӧ-ԁа сіјӧн і віԉшала. Мыј-воԇын-нӧ, мамӧ, те талун ачыԁ чышкыԍан? Лым уԍӧм воԇын?
Марпа. Анӧыԁ асывнас муніс ԁа ез-на волы; быԏ сеԍԍа чышкыԍ. Буракӧ, Грішукыс ԁінӧ муніс.
Іван. Кущӧм Грішук ԁінӧ?.. Ларӧ Іван Ԍтепӧ Грішӧ ԁінӧ?.. Мыј сен сіјӧ керас, гӧтыра морт ԁінас?
Марпа. Гӧтыра?! Тујас гӧтраԍӧма?.. Анӧ сіјӧс верӧс вылас вітіс. Бара ез веԍкав... Коԁ сајӧ ӧні ԍетан?
Іван. Ен пов, вајыԍыԁ лоӧ!
Марпа. Лоӧ еԍкӧ-ԁа. Оз-ӧԁ јешщӧ Анӧыԁ коԁ-ԍурӧ сајаԁ мун.
Іван. Оз-кӧ мун, гортын олас. (Боԍт ӧ пызан вылыԍ ԋіга, лыԃԃӧ).
Марпа. Теныԁ лӧԍыԁ сіԇтӧ шуны, мем кущӧм? Јона-ԋін сіјӧ менԍым ԍінмӧс вежіс!.. Коравлісны Натаԉ Савӧ сајӧ ԁа ез мун, шуӧ: „мустӧм-пӧ сіјӧ“. Ог тӧԁ, кыт мустӧм: озыр, ӧтка пі; мыј јешщӧ колӧ?.. Мустӧм... Ӧні мустӧм, мунас ԁа олыштасны, — мусмас. Быԁӧн-ӧԁ мунтӧԇыс верӧспутӧ мустӧмтӧны. Ме мустӧм сајӧ-жӧ мунлі; ӧні кущӧм муса лоі... Ӧні кӧԏ еԍкӧ Анӧыс мунас-ԁа, Натаԉ Савӧыс ачыс оз вај.
Іван. (Ԁугԁӧ лыԃԃыԍны). Лаԋт-ԋін, лаԋт! Тенаԁ ԍорԋілы, завоԃітан-ԁа, пом оз волы, ізан тыртӧм меԉԋіча-моз. Лыԃԃыԍны он леԇ. (Лыԃԃыԍӧ).
Марја. (Быԏԏӧ мыжа). Но-о-о-о! Ог-но, ог. Лыԃԃыԍ. Ԁугԁа сеԍԍа.
Іван. Кутіс! (Пырӧны кујім ныв).
3-ԁ петкӧԁчӧм.
Најӧ-жӧ ԁа кујім ныв.
І-ныв. Марпа ԏӧтушка, Аннаыԁ гортаԁ?
Марпа. Абу
I-ныв. Кӧн-нӧ?
ІІІ-ныв. (Бокӧ). Ваԋӧыс-тај ем-а, сеԍԍа ԋекоԁ оз ков.
Марпа. Ме-нӧ мыјӧн тӧԁа кӧн ті ветланныԁ?
II-ныв. Мыј талун сещӧм ԉок?
Марпа. Ԉокман-ӧԁ. Праԅԋік-куԅа аслым лоі чышкыԍны (лӧԁӧ корӧԍ вылӧ јог ԁа петӧ).
4-ԁ петкӧԁчӧм,
Іван ԁа кујім ныв.
IIІ ныв. (Мунӧ Iван ԁінӧ). Ваԋӧ, мунам ворсны!
Івак. Ворсны?! Мыјӧн? Чачаӧн?
ІІІ-ныв. Шуас-жӧ зонмӧ „чачаӧн". Абу-ӧԁ кагајас. Каԁреԉаԍны Бобыԉ Пашӧ гуԁӧкалас.
Іван. Ме ог. Мунӧ четчалӧ зев-кӧ колӧ.
ІІ-НЫВ. Те щӧщ!
Іван. Ме ог. Мунӧ аԍныԁ.
Ставныс. Петам, Іван (кыскӧны).
Іван. (Мезԁыԍӧ). Вешјӧ сетыԍ колӧкӧ-а!.. Скӧрмӧԁанныԁ-кӧ-ӧԁ...(I ԁа II-ныв мӧԁӧԁчӧны петны).
ІІІ-ныв. Ваԋӧ, он-ӧмӧј-ԋін менӧ раԃејт?
Іван. Ԋекыт тенӧ раԃејтныс!
І-ныв. Лок, Саԋӧ, мунам! Оз-кӧ мун, меԁ, абу зев колантор. Кевмыԍан сен сувтӧмыԁ-ԁа. Мунамӧ!.. Колантор!..
III-ныв. Меԁ ышԋаԍӧ... Регыԁ ачыс кутас ԍујԍыны.
Іван. Зев-тај, коланторјас... Ԍујԍыны. Аԍныԁ-тај пыр коԉԉӧԁчыны нуӧԁчанныԁ-а. (Нывјас петӧны. Ваԋӧ лыԃԃыԍыштӧ ԁа петӧ ԋігаӧн. Ԋеԁыр-мыԍԏі пырӧ Анна, пӧртчӧ чышјансӧ, пукԍӧ пызан ԁорӧ. Кост).
5-ԁ петкӧԁчӧм.
Анна. (Ӧтнас). Грішаӧс еԍкӧ аԁԇылі... Кущӧма гажӧј вӧлі сыыԍ бырӧ. Кӧԏ еԍкӧ, міԍа, ԍін пӧлӧн віԇӧԁлыны. Ӧні ԇік веԍкоԃ. Веԍіг віԇӧԁлывлыныс сы вылӧ ог кут, сещӧм мустӧм... „Гӧтырӧс-пӧ вӧтла, текӧԁ кута овны, веԋечтӧг"... Јанԁыԍтӧм ԍін!.. Тујаԁ ԇікӧԇ щыкԍӧма. Мунтӧԇыс кущӧм прамӧј, веԍкыԁ ԍорԋіа, мелі морт вӧлі. Кыԍ-ԋін тујӧ ветлӧм мортлы прамејӧн лоны. Коԁі ветліс, сіјӧ і щыкліс, ԋекытчӧ тујтӧмӧн воліс. (Кост). Лоӧ Натаԉ Савӧ сајӧ мунны. Ԍіјӧ ӧні Грішаԁорыԍ кажітчӧҗык. Кыԇ ԏӧтка шуас: „мунан ԁа муса лоӧ“. Ӧԁва-кӧ... Савӧыԁ еԍкӧ сіԇнас зев
авја морт, гашкӧ і мусмас... (Кост). Кущӧм ԋімкоԃ лоӧ ԏӧткалы Натаԉ Савӧ сајӧ мунӧмԍыԁ. Важӧн-ԋін сіјӧ меыԍ мынтӧԁчӧ... Лоӧ ԏӧткаӧс щӧктыны корны Натаԉ Савӧӧс ԁа лӧԍӧԁчыны. (Пырӧ Марпа).
6-ԁ петкӧԁчӧм.
Анна ԁа Марпа
Марпа. (Сераліг-тыр). Анӧ-тај воӧма-ԋін Грішук ԁінԍыс... Кор-нӧ сваԃбаныԁ?.. Пірујтыштам!.. Віԇӧԁыштам кыԇі міјан Анӧ кутас пукавны Парӧ Іван Ԍтепӧ Грішуккӧԁ.
Анна. (Шога віԇӧԁлӧ ԏӧтка вылӧ). Ԏӧтка, мун колӧ-кӧ кор Натаԉ Савӧтӧ. Муна сы сајӧ.
Марпа. Мунан!? Ӧні сіјӧ ачыс оз вај тенӧ... Меԁ војԁӧр кужін овныԁ.
Анна. Вајас. Сӧмын ветлы, кор... Лӧԍӧԁчам.
Марпа. Вајас-кӧ еԍкӧ лӧԍыԁ... Таыԍ ме тенӧ, Анӧ, раԃејта. Мыј еԍкӧ пыр-кӧ таԇ олан. Мустӧмӧн шулывлін, јӧј!.. Олыштан ԁа муса лоӧ, јешщӧ кущӧм муса! (Кост). Оз-кӧ вај... (скӧра) овны ен кӧсјы!..
Анна. (Ԁӧзмыштӧмӧн). Ветлан-он-нӧ, ԏӧтка!" Он-кӧ ме Іванӧс ыстыла.
Марпа. Пыр котӧртла. Міԍа Анна зев ӧԁјӧ коріс тенӧ, Савӧ. (Петӧ).
Анна. (Веԉԁыр шытӧг бӧрԁӧ, сеԍса јурсӧ лептӧ). Мыјла-нӧ ме тащӧм шуԁтӧм?.. Муна Натаԉ Савӧ сајӧ, мустӧм морт сајӧ .. Јӧз орԁын кута овны... Мыј бара лӧӧ?.. Кущӧм олӧм воԍԍас?..
Но ԁа-ӧԁ оз меԁ воԇԇаӧс мустӧм сајаԁ ԍетны... Унҗык нылыс мунлӧ ас вӧԉа вывтіыс ԁа пыр-жӧ кыԇкӧ немсӧ коԉԉӧны... (Пырӧ Іван).
7-ԁ петкӧԁчӧм.
Анна ԁа Іван.
Іван. Мамӧыс-нӧ кӧні? (Анна ԋінӧм оз ш у. Іван матыԍтчӧ сы ԁінӧ). Мыј-нӧ лоін, Анна? Бӧрԁӧм чужӧма-тај-нӧ?
Акна. Ԋінӧм.
Іван. Мыјкӧ те пыр бӧрԁан! Ԁугԁы, ԁугԁы! (Пырӧ Марпа).
8-ԁ петкӧԁчӧм.
Најӧ-жӧ ԁа Марпа.
Марпа. (Ԋімкоԃа). Пыр локтас Саваԏејыԁ... Баԏ-мамыс сеԍԍа воасны. Кі кутам талун... Но, слабог, јен отсаліс кувтӧԇ војԁӧр нылӧс інавны. Ме-ӧԁ тенӧ, Анна, раԃејтӧм-куԅа ԍета верӧссајаԁ. (Iванлы). Сеԍԍа регыԁ Іванлы гӧтраԍан каԁ. Те сајӧ, Іван, озырӧс-жӧ вајам; чојыԁ ԍо озыр сајӧ-жӧ мунӧ.
Іван. Каԁ воас гӧтраԍны, огӧ тенԍыԁ јуалӧј озырӧс-ӧ, гӧԉӧс-ӧ вајны. Корԍа аслым пӧлӧс ԁај шуа: „тајӧ, мамӧ, моԋпу тенаԁ... “ (Ԍералӧ).
Марпа. Ог-кӧ ԍібӧԁ ме сіјӧс?
Іван. Ԍібӧԁан.
Марпа. Мун сетыԍ! Ізан пыр мыј-ԍурӧ. Анна, пет мыԍԍы. Бӧрԁӧм чужӧмнаԁ кі кутігаԁ сулавны абу лӧԍыԁ. Чуԋкыщаԍӧм бӧраԁ ештан бӧрԁныԁ.
Анна. Прӧшщај, шуԁтӧм ныв олӧм!
Марпа. Лоӧ петны самӧвар сувтӧԁны. Жӧԋікыԁ пыр локтас... (Петӧ).
Іван. Тенаԁ тыԁалӧ, Анна, оз гажыԁ пет мунны Натаԉ Савӧ сајаԁ?
Анна. Мыј-нӧ керан сеԍԍа?.. Он-тај ас колӧм-ԍерԏіыԁ лӧԍӧԁ. Муна-кӧ гашкӧ бурҗык олӧм пукԍас. Ічіԋ-тај шуӧ: олыштаԁ-пӧ ԁа мусаӧԍ лоаԁ. Гашкӧ збыԉ сіԇ-ԁа. Савӧ чӧв оласа, авја морт; менӧ раԃејтӧ. Олыштам-ԁа гашкӧ і мем сіјӧ мусмас.
Іван. Мун, мун, Анна, он нораԍ. Савӧыԁ міјан зонјас пыщкын меԁ шаԋ морт. Јона і пірујтам! Вај кітӧ, Анна! (Кутчіԍӧны, окаԍӧны. Кыкнаныс јона ԍералӧны).
Занавес ԋӧжјӧԋікӧн тупкыԍӧ.

Версия от 13:17, 11 июля 2016

Источник — http://wiki.fu-lab.ru/index.php?title=Пос&oldid=39302