Пос

Иван Ильич Белых чужис Сыктывдін районса Паль сиктын 1946 воын. Велӧдчис сэтчӧс шӧр школаын. 1969 восянь, Коми пединститут помалӧм бӧрын, сылӧн став олӧмыс йитчис коми печатькӧд. Уна во уджаліс «Югыд туй» («Коми му») газетын. Вӧлі корреспондентӧн, отделӧн веськӧдлысьӧн, редакторӧс вежысьӧн. Сы бӧрын вит во уджаліс Коми небӧг лэдзанінын главнӧй редакторӧн, веськӧдліс «Йӧлӧга» газетын литература да искусство отделӧн. Ӧні бара зільӧ «Коми муын». Сылӧн висьтъясыс петавлісны «Север», «Войвыв кодзув», «Би кинь», «Чушканзі» журналъясын, газетъясын, литературнӧй альманахъясын. 1996 воын Коми книга лэдзанінын петіс И. Белыхлӧн «Ӧзйы, бипурӧй менам» висьтъяса медводдза небӧг. Сы бӧрын сылӧн петалісны «Челядьдырся пароходъяс» да «Важыс уськӧдчывлӧ вӧтӧн» небӧгьяс. Россияысь журналист да гижысь котыръясса член. Коми Республикаысь культураса заслуженнӧй уджалысь.